ភ្នំពេញ៖ នៅថ្ងៃចន្ទ ២កើត ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៣ ខែសីហា ឆ្នាំ២០១៨ លោក ជា ពិសី ប្រធានគណៈកម្មាធិការអនុសាខាកាកបាទក្រហមកម្ពុជាខណ្ឌប្ញស្សីកែវ និងជាអភិបាលខណ្ឌ ជាមួយនឹងមន្ត្រីក្រោមឱវាទ បានទទួលទេយ្យទាន មានជាគ្រឿងឧបភោគបរិភោគ សម្ភារ មួយចំនួនធំ ពីព្រះតេជគុណ ច័ន្ទ សុភាព គង់នៅវត្តទួលសន្តិវ័ន (ហៅវត្តទួលអស់លោក) ដើម្បីយកមករក្សាត្រៀមទុកបង្ការបន្តចែកជូនជួយសង្គ្រោះដល់គ្រួសារក្រីក្រងាយរងគ្រោះ ក្នុងមូលដ្ឋាន។

ភ្នំពេញ៖ គណៈបញ្ជាការឯកភាពខណ្ឌច្បារអំពៅ បានចុះប្រតិបត្តិការដាក់គោលដៅត្រួតពិនិត្យអាវុធជាតិផ្ទុះ និងពង្រឹងច្បាប់ចរាចរណ៍ផ្លូវគោកក្នុងមូលដ្ឋាន នៅវេលាម៉ោង៧យប់ ថ្ងៃទី១៣ ខែសីហា ឆ្នាំ២០១៨ នៅចំណុចផ្លូវជាតិលេខ១ ទល់មុខប៉ុស្ដិ៍នគរបាលរដ្ឋបាល ច្បារអំពៅ២ ស្ថិតនៅក្នុងសង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ដោយប្រើពេលវេលាចំនួន១ម៉ោង ដើម្បីពង្រឹងច្បាប់ចរាចរណ៍ផ្លូវគោកឲ្យកាន់តែល្អប្រសើរឡើង។

យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម នៅថ្ងៃ១៣ ខែសីហានេះ បានឲ្យដឹងថា នៅថ្ងៃនេះ វិសម្ពាធ ដែលកំពុងស្ថិតនៅក្បែរតំបន់ឆ្នេរភាគខាងត្បូងប្រទេសចិន បានវិវត្តខ្លួនទៅជាព្យុះទី១៦ ឈ្មោះ បេប៊ីនកា (BEBINCA)។