ៅព្រឹកថ្ងៃទី២ ខែសីហា ឆ្នាំ២០១៨នេះ  ប្រធានកាកបាទក្រហមកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជួបសំណេះសំណាល សួរសុខទុក្ខ និងផ្តល់អំណោយមនុស្សធម៌ដោយផ្ទាល់ ជូនដល់ប្រជាពលរដ្ឋរងគ្រោះដោយទឹកជំនន់ ចំនួន១ពាន់៤៤២គ្រួសារ រស់នៅភូមិចំនួន ១៦ ឃុំចំនួន ៣ នៃស្រុកត្បូងឃ្មុំ ខេត្តត្បូងឃ្មុំ។

មកដល់ម៉ោង១០:១៥នាទី ថ្ងៃទី ០២ ខែសីហា ឆ្នាំ២០១៨ នេះ ទឹកទន្លេមេគង្គខេត្តស្ទឹងត្រែង បានស្រកចុះមកនៅត្រឹមកម្ពស់១០,៧៩ ម (កម្ពស់ប្រកាសឲ្យប្រុងប្រយ័ត្ន ១០,៧០ ម)៕ម.ន

ឧត្តរមានជ័យ៖ កម្លាំងជំនាញអធិការដ្ឋាននគរបាលស្រុកត្រពាំងប្រាសាទ សហការជាមួយកម្លាំងនគរបាលវរៈការពារព្រំដែនគោកលេខ៩០៥ ដឹកនាំដោយលោកព្រះរាជអាជ្ញារងអមសាលាដំបូងខេត្តឧត្តរមានជ័យ និងលោកស្នងការរងទទួលផែនប្រឆាំងបទល្មើស នៃស្នងការដ្ឋាននគរបាលខេត្ត កម្លាំងសរុប២៧នាក់ បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីជួញដូរ និងចែកចាយគ្រឿញៀន នៅភូមិទំនប់ដាច់ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។ ជនសង្ស័យឈ្មោះ នុប សឿន ភេទស្រី អាយុ ៦១ឆ្នាំ រស់នៅភូមិ-ឃុំខាងលើ។

ភ្នំពេញ៖ ក្រោយពីបើកការស្រាវជ្រាវកំលាំងជំនាញខណ្ឌឬស្សីកែវ​និងប៉ុស្តិ៍បានចុះធ្វើការបង្ក្រាបជាក់ស្តែងករណីជួញដូរនូវសារធាតុញៀនដោយខុសច្បាប់ ឃាត់ខ្លួនជនសង្ស័យជនជាតិវៀតណាមម្នាក់​និងថ្នាំញៀន២២កញ្ចប់រួមទាំងវត្ថុតាងមួយចំនួនទៀត។

បន្ទាប់ពីការខកខានចុះជួបកម្មករ កម្មការិនីអស់រយៈពេល ៣សប្តាហ៍កន្លងមក ដោយសារព្រឹត្តិការណ៍នៃយុទ្ធនាការឃោសនារកសំឡេងឆ្នោត និងដំណើរការបោះឆ្នោតជ្រើស តាំងតំណាងរាស្ត្រនីតិកាលទី៦នោះ នៅព្រឹកថ្ងៃព្រហស្បតិ៍ ៦រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០២ ខែសីហា ឆ្នាំ២០១៨នេះ សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបន្តចុះជួបសំណេះសំណាលជាមួយកម្មករ កម្មការិនីមកពីតាមរោងចក្រ សហគ្រាសនានានៅក្នុងសង្កាត់ចោមចៅ ខណ្ឌពោធិ៍សែនជ័យ។

កំពង់ឆ្នាំង៖ការអំពាវនាវយ៉ាងដូច្នេះ របស់លោក ហេង រតនា អគ្គនាយកស៊ីម៉ាក់ បានធ្វើឡើងបន្ទាប់ពីមានករណីមួយនៅក្នុងស្រុកសាមគ្គីមានជ័យ ខេត្តកំពង់ឆ្នាំង ដោយមានក្រុមបូមខ្សាច់មួយក្រុម បានជួបគ្រាប់បែក MK82 របស់អាមេរិក ហើយក៏បាន ជីកដឹកគ្រាប់បែកដោយខ្លួនឯង យកទៅឲ្យប៉ូលីសឃុំ និងប៉ូលីសស្រុក ប៉ុន្ដែពួកគាត់មិនហ៊ានទទួលនោះទេ ព្រោះមិនមែនជំនាញរបស់ពួកគាត់ ហើយក៏បានដឹកទៅរកក្រុមស៊ីម៉ាក់ នៅកំពង់ឆ្នាំង។ លោក ហេង រតនា អគ្គនាយកមជ្ឈមណ្ឌលជាតិកម្ចាត់មីនកម្ពុជា (ស៊ីម៉ាក់) នៅថ្ងៃទី០១ ខែសីហា ឆ្នាំ២០១៨នេះ បានអំពាវនាវឲ្យប្រជាពលរដ្ឋ ទូទាំងប្រទេសកម្ពុជា បើសិនជាជួបប្រទះឃើញគ្រាប់បែក ឬគ្រាប់យុទ្ធភណ្ឌមិនទាន់ផ្ទះ សូមមេត្ដាកុំដឹកវាដោយខ្លួនឯង ទាំងប្រថុយប្រថាន ពីព្រោះវាអាចមានគ្រោះថ្នាក់ ដល់អាយុជីវិតរបស់យើងបាន។ លោក ហេង រតនា បានបញ្ជាក់ថា ការធ្វើបែបនេះ វាបង្កគ្រោះថ្នាក់ខ្លាំងណាស់ សូមអំពាវនាវឲ្យបងប្អូនប្រជាពលរដ្ឋ កុំប្រព្រឹត្តសកម្មភាពបែបនេះ​ ត្រូវទៅសុំទាក់ទងឲ្យជំនាញគេ ទៅធ្វើការដោះប​ន្សាបសិន​ សូមកុំដឹក​បែបនេះ៕