មន្ត្រីបច្ចេកទេសក្រសួងធនធានទឹក និងឧតុនិយម កំពុងអន្តរាគមន៍ទប់ទល់នឹងជំនន់ស្ទឹងព្រែកត្នោត នៅចំណុចសង្កាត់ព្រៃវែង ខណ្ឌដង្កោ ដើម្បីការពារកុំឱ្យទឹកជំនន់ស្ទឹងព្រែកត្នោត ហូរចូលរាជធានីភ្នំពេញ៕  

រដ្ឋមន្ត្រីក្រសួងសាធារណការ បានចុះពិនិត្យស្ថានភាពផ្លូវជាតិលេខ៤ ដើម្បីចាត់វិធានការទប់ស្កាត់ និងស្តាឡើងវិញឲ្យបានទាន់ពេលវេលា ដែលផ្លូវនេះ រងផលប៉ះពាល់ដោយជំនន់ទឹកភ្លៀង មកពីឥទ្ធិពលសម្ពាធទាប និងឥទ្ធិពលខ្យល់ព្យុះទី៩ ឈ្មោះសុន ទីញ។

តាកែវ៖ អាជ្ញាធរខេត្តតាកែវ នៅព្រឹកថ្ងៃសុក្រនេះ នៅតែបន្តបិទផ្លូវជាតិលេខ២ ដោយផ្អាកចរចរាណ៍ជាបណ្តោះអាសន្ន ធ្វើការហាមឃាត់ទៅលើរថយន្តប្រភេទធំៗបើកឆ្លងកាត់ផ្លូវជាតិលេខ២នេះ ដោយតម្រូវឲ្យបើរឆ្លងកាត់ផ្លូវជាតិលេខ៣នេះវិញ ដោយសារតែជំនន់ទឹកភ្លៀង ធ្វើឲ្យស្ថានភាពផ្លូវជាតិលេខ២មានការលិច និងហូរឆ្លងកាត់ ។

នៅពេលនេះនៅស្ពានស្ទឹងសំរោង ស្រុកកំពង់សិលា ខេត្តព្រះសីហុន ដែលកាលពីម្សិលមិញកម្ពស់ទឹកបានស្រកហើយនោះ  ស្រាប់តែពេលនេះកម្ពស់ទឹកកំពុងមានសភាពហក់ឡើងវិញ​ តែការធ្វើដំណើរទៅមករបស់បងប្អូនប្រជាជនគឺនៅធ្វើដំណើបានជាធម្មតាទេ  ចំពោះរថយន្តធុនធំ មិនត្រូវបានអនុញ្ញាតអោយធ្វើដំណើរ។ នេះបើយោយតាមប្រភពពី លោកខៀវ សាវ៉ុន ភ្ញាក់ងារប្រចំានៅខេត្តព្រះសីហនុ៕  

បរិមាណទឹកភ្លៀងដែលបានធ្លាក់ក្នុងកម្រិត ១០០ មម នៅក្នុងភូមិសាស្ត្រស្រុកភ្នំស្រួច ខេត្តកំពង់ស្ពឺ បានបង្កឱ្យមានជំនន់ទឹកភ្លៀង ហូរកាត់ពីលើកំណាត់ផ្លូវជាតិលេខ ៤ ត្រង់ចំណុចគីឡូម៉ែត្រលេខ ៩០ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ នាព្រឹកថ្ងៃទី ២០ ខែកក្កដា ឆ្នាំ ២០១៨នេះ។ ជំនន់ដែលបង្កឡើងដោយទឹកភ្លៀងនេះ នឹងស្រកចុះវិញក្នុងពេលឆាប់ៗ៕ ម.ន 

ឯកឧត្តម ប៉ុល សារឿន ប្រធានក្រុមការងារថ្នាក់ជាតិចុះជួយខេត្តព្រះសីហនុ បានចុះពិនិត្យផ្ទាល់ស្ថានភាពទឹកលិច ផ្លូវជាតិលេខ៤ ត្រង់ចំណុចស្ពានសំរោង (គម១១៦) ភូមិស្ទឹងសំរោង ឃុំអូរបាក់ទេះ ស្រុកកំពង់សិលា ខេត្តព្រះសីហនុ។ ការចុះពិនិត្យផ្ទាល់ទីតាំងខាងលើនេះ មានការអមដំណើរដោយ ឯកឧត្តម យន្ត មីន អភិបាលខេត្តព្រះសីហនុ ព្រមទាំងមន្ត្រីពាក់ព័ន្ធជាច្រើនរូបទៀត។ ក្រោយពីបានពិនិត្យទឹកជាក់ស្តែងនៅព្រឹកនោះរួចមក សង្កេតឃើញថា ទឹកមានសភាពស្រកចុះ វិញហើយ ប៉ុន្ដែភ្លៀងនៅតែបន្ដធ្លាក់បន្ដិចបន្តួច។ ដោយសារតែស្ថានទឹកស្រកបែបនេះ ការធ្វើចរាចរត្រូវ បានអនុញ្ញាតឲ្យដំណើរការធម្មតាសម្រាប់រថយន្ដតូចៗ ចំណែករថយន្ដធុនធំ មិនទាន់បានអនុញ្ញាតឲ្យធ្វើចរាចរនៅឡើយទេ។ ឯកឧត្តម ប៉ុល សារឿន បានមានប្រសាន៍នាំយកនូវបណ្តាំផ្ញើសាកសួរសុខទុក្ខនឹករលឹកពីសំណាក់សម្តេច អគ្គមហាសេនាបតីតេជា ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដោយសម្តេចទាំងទ្វេតែងតែរួមសុខរួមទុក្ខជាមួយបងប្អូនប្រជាពលរដ្ឋគ្រប់កាលៈទេសៈ។ ជាមួយគ្នានោះដែរ ឯកឧត្តម ប៉ុល សារឿន បាននាំយកអំណោយរបស់សាខាកាកបាទក្រហម កម្ពុជា ខេត្តព្រះសីហនុ ចែកជូនប្រជាពលរដ្ឋដែលរងគ្រោះដោយទឹកជំនន់នៅតំបន់នោះ ប្រហែលជា៥០…

កំពង់ធំ៖ ផ្លែសាវម៉ាវ មង្ឃុត និងធុរេន កន្លងមក ធ្លាប់តែនាំចូលពីប្រទេសជាតិខាង ដូចជាប្រទេសវៀតណាម និងប្រទេសថៃ ដើម្បបម្រើសេចក្តីត្រូវការរបស់បងប្អូនប្រជាពលរដ្ឋនៅក្នុងខេត្ត ក៏ដូចជានៅក្នុងប្រទេសផងដែរ តែដោយបងប្អូនប្រជាពលរដ្ឋខ្មែរ មានការយកចិត្តទុកដាក់មកលើសុខភាព ជីវិតប្រចាំថ្ងៃ ទើបបែរមកប្រើប្រាស់ផលិតផលក្នុងស្រុកវិញ។