នៅក្នុងពិធីសំណេះសំណាលជាមួយសមាជិក-សមាជិកាគណបក្សប្រជាជនកម្ពុជាថ្មីចំនួន ១,៦១០ នាក់នៅក្នុងស្រុកខ្សាច់កណ្តាល ខេត្តកណ្តាល នាព្រឹកថ្ងៃសៅរ៍ ១១ កើត ខែបឋមាសាឍ ឆ្នាំច សំរឹទ្ធិស័ក ពស ២៥៦២ ត្រូវនឹងថ្ងៃទី ២៣ ខែមិថុនា ឆ្នាំ ២០១៨ នេះ, លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, ប្រធានក្រុមការងារថ្នាក់ជាតិចុះមូលដ្ឋានខេត្តកណ្ដាល និងជាប្រធានគណៈអចិន្ត្រៃយ៍គណៈពង្រឹងមូលដ្ឋានស្រុកខ្សាច់កណ្ដាល និងស្រុកល្វាឯម, បានអំពាវនាវឱ្យ សមាជិក-សមាជិកាបក្សថ្មីចំនួន ១,៦១០ នាក់ ទៅចូលរួមបោះឆ្នោតនៅថ្ងៃទី ២៩ ខែកក្កដា ខាងមុខនេះ ដើម្បីបន្តចូលរួមថែរក្សាសុខសន្តិភាព, ស្ថិរភាពសង្គម និងការអភិវឌ្ឍលើគ្រប់វិស័យ ។ លោកអគ្គបណ្ឌិតសភាចារ្យ អូន ព័ន្ធមុនីរ័ត្ន បានផ្តាំផ្ញើការសាកសួរសុខទុក្ខ និងពាំនាំនូវក្តីនឹករលឹក ដ៏ជ្រាលជ្រៅពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន…

 ក្នុងនាមរាជរដ្ឋាភិបាលសម្តេចតេជោបានសម្តែងក្តីរីករាយអបអរសារទ ដែលបានអញ្ជើញជាអធិបតីភាព ក្នុងពិធីសម្ពោធសួនសត្វដំបូងគេ ក្នុងរាជធានីភ្នំពេញ តម្លៃជាង ១០លានដុល្លារនេះ។សម្តេចថា ការអភិវឌ្ឍជាតិ ក្នុងដំណាក់កាលនាពេលបច្ចុប្បន្ននេះ មិនអាចកាត់ផ្តាច់ពីវិស័យឯកជនបាននោះឡើយហើយរដ្ឋបានប្រើប្រាស់ពន្ធដែលបានពីការវិនិយោគរបស់វិស័យឯកជនទាំងនោះសម្រាប់បម្រើទៅវិស័យសាធារណៈនិងសម្រាប់ការបើកប្រាក់បៀវត្សរបស់មន្ត្រីរាជការ និងជាដំបូងត្រូវមើលឃើញជាងគេគឺកម្លាំងប្រដាប់អាវុធដែលមានកងទ័ពនិងនគរបាល ដែលកំពុងការពារជាតិនិងសន្តិសុខជូនប្រជាជនរាល់ថ្ងៃ ដូច្នេះបើពុំមានការបង់ពន្ធពីវិស័យឯកជនទេ តើរដ្ឋបានប្រាក់មកពីណាដើម្បីចិញ្ចឹមគ្រូបង្រៀនដែលបង្រៀនកូនប្រជាជន ដើម្បីចិញ្ចឹមគ្រូពេទ្យដែលកំពុងព្យាបាលអ្នកជំងឺ ដើម្បីចិញ្ចឹមកងទ័ពនិងនគរបាលដែលកំពុងការពារជាតិនិងសន្តិសុខជាតិ។ សម្តេចបន្តវាថាមិនខុសទេ ការគាំទ្ររបស់រាជរដ្ឋាភិបាលចំពោះវិស័យឯកជន និងការចូលរួមរបស់ប្រជាជនក្នុងការសប្បាយរីករាយចំពោះសមិទ្ធិផលដែលវិស័យឯកជនកសាងឡើងដែលក្នុងនោះក្រៅពីអ្នកទទួលបានការងារផ្ទាល់ធ្វើរាប់រយនាក់, ប្រជាពលរដ្ឋក៏នឹងទទួលបានប្រយោជន៍ដោយប្រយោលពីការបង់ពន្ធជូនរដ្ឋនោះដែរ ទោះបីជាមិនមែនជាសមិទ្ធិផលរបស់នាយករដ្ឋមន្ត្រីរបស់មន្ត្រីណាក៏ដោយ ប៉ុន្តែជាសម្បត្តិ របស់លោកឧកញ៉ាលីយ៉ុងផាត់និងក្រុមគ្រួសារក៏ប៉ុន្តែសមិទ្ធផលនេះបានបំពេញនិងផ្ដល់ការរីកលូតលាស់របស់ប្រទេសមួយនឹងផ្ដល់ប្រាក់ចំណេញពន្ធសម្រាប់រដ្ឋផងដែរ។   សម្តេចតេជោ បញ្ជាក់ថា វត្តមានសួនសត្វភ្នំពេញសាហ្វារីនេះ មិនត្រឹមតែជាកន្លែងរួមចំណែកទាក់ទាញភ្ញៀវទេសចរនោះទេ តែក៏បានផ្តល់ការងារជាច្រើនដល់ប្រជាពលរដ្ឋខ្មែរដែរ។ សម្តេចតេជោក៏បានអំពាវនាវដល់ប្រជាពលរដ្ឋដែលធ្លាប់ទៅលេងកម្សាន្តនៅកន្លែងផ្សេងៗនោះ សូមនាំគ្នាមកលេងកម្សាន្តនៅសួនសត្វដ៏ធំជាងគេរបស់កម្ពុជាមួយនេះ។  សម្ដេចតេជោក៏បានរំឭកផងដែរថាមុននេះតំបន់ទាំងនេះគឺជាកន្លែងសមរភូមិខ្មែរក្រហមយកធ្វើជាទីតាំងដើម្បីវាយចូលក្រុងភ្នំពេញនិងក្រោយមកជាតំបន់ចំការឪឡឹក។សម្ដេចបានថ្លែងទៀតថាតំបន់នេះនឹងក្លាយទៅជាតំបន់ប្រវត្តិសាស្រ្តក្រៅតែពីសួនសត្វដ៏ធំនេះយើងនៅមានស្តាតដែលកម្ពុជានឹងធ្វើជាម្ចាស់ផ្ទះនៅឆ្នាំ ២០២៣បន្ថែមពីលើនេះនៅតំបន់នេះក៏នៅមានវិមានឈ្នះឈ្នះមួយដ៏ធំដែលនៅថ្ងៃទី២៩ធ្នូខាងមុខនេះយើងនឹងធ្វើបុណ្យដ៏ធំមួយដើម្បីបញ្ជាក់ពីការបញ្ចប់សង្គ្រាមតាមរយៈនយោបាយឈ្នះឈ្នះរបស់កម្ពុជាផ្ទាល់តែម្ដង។ សម្តេចថា សមិទ្ធផលដែលកម្ពុជាកំពុងតែមាននេះ មិនមែនកើតឡើងដោយឥតព្រាងទុកនោះទេ តែបានកើតចេញពីការប្រឹងប្រែងយ៉ាងលំបាកបំផុតក្រោយពីប្រទេសត្រូវបានរំដោះឆ្នាំ១៩៧៩មក។ហើយថាកម្ពុជាទើបបានអភិវឌ្ឍន៍ពេញលេញត្រឹមរយៈពេល២០ឆ្នាំប៉ុណ្ណោះ បន្ទាប់ពីកម្ពុជាបញ្ចប់សង្គ្រាមទាំងស្រុងនៅឆ្នាំ១៩៩៨តាមនយោបាយឈ្នះឈ្នះ។ ជាថ្មីទៀតសម្តេចតេជោ បានបញ្ជាក់ថា ទោះតម្លៃណាក៏ដោយត្រូវរក្សាឲ្យបាននូវសុខសន្តិភាព ការធានាបាននូវសុខសន្តិភាព និងធានាបាននូវការអភិវឌ្ឍ។សម្តេចបញ្ជាក់ថា ដើម្បីធានាបាននូវសុខសន្តិភាពនេះ គឺបោះឆ្នោតជូនគណបក្សប្រជាជនកម្ពុជា ដែលមានលេខរៀងទី២០ ជាការស្រេច៕

លោកជំទាវកិត្តិសង្គហបណ្ឌិត ម៉ែន សំអន សាទរការសម្ភោធអាគារបឋមសិក្សាថ្មីសម្រាប់ជាថ្នាលបណ្ដុះបណ្ដលដល់សិស្សានុសិស្សខេត្តស្វាយរៀងលោកជំទាវកិត្តិសង្គហបណ្ឌិត ម៉ែន សំអន អ្នកតំណាងរាស្រ្តមណ្ឌលស្វាយរៀង បានសម្ដែងនូវការអបអរសាទរចំពោះការសម្ភោធជាផ្លូវការនូវអាគារបឋមសិក្សាសិក្សាថ្មីស្រឡាងដើម្បីបំរើអោយវិស័យអប់រំពិសេសជាថ្នាលបណ្ដុះបណ្តាលដ៍មានសារៈសំខាន់បំផុតសម្រាប់សិស្សានុសិស្សក្រេបយកចំណេះដឹង។លោកជំទាវកិត្តិសង្គហបណ្ឌិតថ្លែងនូវការសាទរនិងគាំទ្របែបនេះខណៈពេលអញ្ជើញជាកិត្តិយសចូលរួមក្នុងពិធីសម្ភោធជាផ្លូវការនូវអាគារបឋមសិក្សាហ៊ុន សែនមុខដារនៅស្ថិតនៅក្នុងភូមិក្រញូងឃុំមុខដារស្រុករមាសហែកខេត្តស្វាយរៀង ដែលជាគំនិតផ្តួចផ្តើមរបស់ លោកនាយឧត្តមសេនីយ៍សៅ សុខានិងសហការីព្រមទាំងសប្បុរសជននៅព្រឹកថ្ងៃសៅរ៍១១កើតខែបឋមាសាឍ ឆ្នាំច សំរិទ្ធិស័ក ព.ស.២៥៦២ ត្រូវនឹងថ្ងៃទី២៣ខែមិថុនា ឆ្នាំ២០១៨។លោកជំទាវកិត្តិសង្គហបណ្ឌិត ក៏ពាំនាំនូវការផ្តាំផ្ញើរសាកសួរសុខទុកពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់អង្គពិធី ទាំងមូលផងដែរ។ លោកជំទាវកិត្តិសង្គហបណ្ឌិតក៏បានបន្តទៀតថា ក្រោមនយោបាយ ឈ្នះ ឈ្នះ របស់សម្តេចតេជោ បានដឹកនាំប្រទេសឲ្យមានការអភិវឌ្ឍន៍ លើគ្រប់វិស័យទាំងអាណាចក្រ និងពុទ្ធចក្រ ។ តួរយ៉ាងដូចជាពេលនេះដែលអនុញ្ញាតឲ្យបងប្អូនប្រជាពលរដ្ឋទាំងអស់នៅស្រុករមាសហែកបញ្ជូនកូនចៅមកក្រេបយកចំណេះវិជ្ជាប្រកបដោយសុខដុមរមនាពិសេសក្រោមម្លប់នៃសុខសន្តិភាព។ ការកសាងសាលាបឋមសិក្សាថ្មីស្រឡាងនេះ ដែលមានមួយខ្នង៥បន្ទប់គឺជាការជួយសម្រួលដល់ការរៀនសូត្ររបស់សិស្សានុសិស្សសម្រាប់ជាថ្នាលបណ្តុះបណ្តាលលើវិស័យអប់រំធនធានមនុស្សដែលជាកូនចៅរបស់ ប្រជាពលរដ្ឋស្រុករមាសហែកតែម្ដង។លោកជំទាវកិត្តិសង្គហបណ្ឌិតក៏បានថ្លែងនូវការអរគុណចំពោះលោកនាយឧត្តមសេនីយ៍សៅរ៍ សុខា និងសហការីដែលបានកសាងសមិទ្ធិផលខាងលើនេះដែលមានសារៈសំខាន់សម្រាប់ការរៀនរបស់សិស្សានុសិស្សគ្រប់ៗជំនាន់ដែលអស់ថវិកាជាង៥មុឺនដុល្លារ។ លោកជំទាវកិត្តិសង្គហបណ្ឌិតក៍បានសំណូមពរចំនុចសំខាន់ៗដូចជា១. ត្រូវរួមគ្នា ថែរក្សាសុខសន្តិភាព និងការអភិវឌ្ឍន៍ ថែរក្សាស្ថេរភាពនយោបាយ ថែរក្សាការពារនូវសមិទ្ធិផលដែលបានពីកា រខិតខំរបស់រាជរដ្ឋភិបាល កម្ពុជា។២. ត្រូវទៅចូលរួមបោះឆ្នោតជ្រើសតាំងតំណាងរាស្ត្រ អាណត្តិទី៦ ដែលនឹងប្រព្រឹត្តទៅនៅថ្ងៃទី…

(ខេត្តសៀមរាប) ៖ ឯកឧត្តមបណ្ឌិត ឈួន ថាវរិន្ទ បង្ហាញក្តីមោទនភាពថា មានតែគណបក្សប្រជាជនកម្ពុជាប៉ុណ្ណោះ  ដែលមានសមត្ថភាពក្នុងការការពារ សន្តិភាព ស្ថេរភាព និងការអភិវឌ្ឍ ប្រទសជាតិឱ្យរីកចម្រើន ដូច្នេះសូមប្រជាពលរដ្ឋយើងត្រៀមខ្លួនទៅចូលរួមបោះឆ្នោតឱ្យបានគ្រប់ៗគ្នា នៅថ្ងៃទី២៣ ខែកក្កដា ខាងមុខនេះឲ្យបានគ្រប់គ្នាដើម្បីឲ្យបានសម្តេចអគ្គមហាសេនាបតីតេជោ ហ៊ុន សែន បានបន្តធ្វើជានាយករដ្ឋមន្ត្រី អាណត្តិទី ៦ និងអាណត្តបន្តបន្ទាប់ទៀត។    ឯកឧត្តមបណ្ឌិត ឈួន ថាវរិន្ទ សមាជិកគណៈកម្មាធិការកណ្តាល គណបក្សប្រជាជនកម្ពុជា អនុប្រធានគណៈពង្រឹងស្រុកសូត្រនិគមន៍  និងជាអនុប្រធានចុះជួយឃុំ និងជាប្រធានក្រុមការងារថ្នាក់កណ្តាលចុះជួយភូមិ សំរោង ខេត្ត សៀមរាប បានមានប្រសាសន៍លើកឡើងយ៉ាងដូច្នេះ ខណៈអញ្ជើញជួបសំណេះសំណាលជាមួយប្រជាពលរដ្ឋជាសមាជីក សមាជិការគណបក្សប្រជាជនកម្ពុជា ចំនួនជាង ៣០០ នាក់ នៅភូមិសំរោង ឃុំខ្នារពោធិ៍ ខេត្តសៀមរាប នាព្រឹកថ្ងៃ សៅរ៍ ទី ២៣ ខែ មិថុនា ឆ្នាំ ២០១៨នេះ ។    ឯកឧត្តមបណ្ឌិត ឈួន ថាវរិន្ទ បានរម្លឹកជូនបងប្អូនប្រជាពលរដ្ឋ…