ខេត្តកំពង់ធំ៖ ដើមឈើហ៊ុបតូចធំគ្រប់ប្រភេទមានរាប់សិបកំណាត់ និងឈើអាររាប់ពាន់ចម្រៀក ត្រូវបានកម្លាំងសមត្ថកិច្ចបរិស្ថានខេត្តកំពង់ធំ បើកប្រតិបត្តិការបង្ក្រាបនាច្រើនថ្ងៃនៅក្នុងសប្តាហ៍នេះ នៅក្រោយពីឈ្មួញបានធ្វើសកម្មភាពកាប់ផ្តួល អារពុះ និងច្រៀកនៅក្នុងព្រៃឡង់ ដើម្បីដឹកជញ្ជូនយកទៅលក់យ៉ាងគឃ្លើន ផ្គើនទៅនឹងបទបញ្ជារបស់រាជរដ្ឋាភិបាល។   ប្រតិបត្តិការចុះបង្ក្រាប និងរឹបអូសឈើនៅក្នុងព្រៃឡង់នោះ ត្រូវបានធ្វើឡើងចាប់ពីថ្ងៃទី១៦មិនថុនា រហូតដល់ថ្ងៃទី១៩មិថុនា២០១៨ ហើយនៅថ្ងៃទី២០ និង២១មិថុនាម្សិលមិញ កម្លាំងបរិស្ថានខេត្តកំពង់ធំ បាននិងកំពុងរកមធ្យោបាយ ដើម្បីដឹកឈើទាំងនោះយកមករក្សាទុក។ ដើមឈើធំៗដែលរងការកាប់ផ្តួល ដើម្បីអារពុះ និងច្រៀកដឹកធ្វើជំនួញនោះ គឺនៅក្នុងព្រៃឡង់ ស្ថិតក្នុងភូមិសាស្ត្រ ស្រុកសណ្តាន់ ខេត្តកំពង់ធំ។   សមត្ថកិច្ចនៅក្នុងការបង្ក្រាបឈើនោះ បានបង្ហើបឲ្យឲ្យដឹងថា នៅពេលដែលក្រុមមន្ត្រីបរិស្ថានខេត្ត បានចុះដល់កន្លែងឈ្មួញប្រព្រឹត្តបទល្មើសនោះ ពួកគេបានឃើញក្រុមឈ្មួញធ្វើសកម្មភាពសង់ជាជំរុំសំរាប់ធ្វើជម្រក ដោយមានការបោះតង់ជាជួរ ធ្វើកន្លែងដេក និងចំណិនអាហារនោះផងដែរ។ សមត្ថកិច្ចបន្តថា ក្រោយពីរកឃើញកន្លែងបោះតង់ស្នាក់នៅកាប់ឈើនោះហើយ កម្លាំងសមត្ថកិច្ចបរិស្ថាន បានបន្តរុករកក្នុងព្រៃ ហើយបានប្រទះឃើញដើមឈើតូចធំជាច្រើនប្រភេទ ត្រូវបានជនល្មើសកាប់ផ្តួលថ្មីៗ អារពុះ និងច្រៀក ដើម្បីដឹកជញ្ជូនយកទៅលក់ នៅខាងក្រៅរង្វង់ដែនដីខេត្តកំពង់ធំ។ លោកថា នៅក្នុងប្រតិបត្តិការចុះបង្ក្រាបបទល្មើសធនធានធម្មជាតិ នៅក្នុងព្រៃឡង់នាច្រើនថ្ងៃក្នុងសប្តាហ៍នេះ សមត្ថកិច្ចបានរុះរោងស្នាក់នៅ ដែលជនល្មើសសង់ដេកកាប់ឈើបានជាច្រើនរោង ហើយបានធ្វើការរឹបអូសឈើអាររួចបានប្រមាណ៥ម៉ែត្រគូប និងឈើមូលជាច្រើនប្រភេទ…

 ប្រតិភូក្រុមហ៊ុន China Railway 19th Bureau Group របស់ប្រទេសចិន បានបង្ហាញចំណាប់អារម្មណ៍វិនិយោគ លើវិស័យគមនាមន៍ ជាពិសេសផ្លូវដែក និងហេដ្ឋារចនាសម្ព័ន្ធថ្មីៗ ដើម្បីចូលរួមអភិវឌ្ឍន៍ប្រទេសកម្ពុជា ស្របតាមយុទ្ធសាស្ត្រផ្លូវមួយ ខ្សែក្រវាត់មួយ ដែលផ្តួចផ្តើមដោយរដ្ឋាភិបាលចិន។ គម្រោងខាងលើត្រូវបានបង្ហើបនៅក្នុង ជំនួបពិភាក្សារវាង រដ្ឋមន្ត្រីក្រសួងពាណិជ្ជកម្មលោកប៉ាន សូរស័ក្តិ ជាមួយ នាយកចាត់ចែងក្រុនៅរសៀលថ្ងៃទី២១មិថុនា ឆ្នាំ២០១៨ នៅទីស្តីការក្រសួងពាណិជ្ជកម្ម។ លោក គ័ង ជានកាង បានជម្រាបជូន លោករដ្ឋមន្ត្រី អំពីសាវតាក្រុមហ៊ុន China Railway 19th Bureau Group ដែលមានឯកទេសផ្នែកវិស័យវិស្វកម្ម និងសំណង់ខ្នាតធំ ហើយបច្ចុប្ប ន្នក្រុមហ៊ុន កំពុងធ្វើប្រតិបត្តិការសាងសង់ផ្លូវដែក និងសំណង់ធារាសាស្ត្រ នៅតាមប្រទេស ក្នុងទ្វីបអាហ្វ្រិក និងអាស៊ាន។ លោក គ័ង ជានកាង បានបន្តទៀតថា កម្ពុជាគឺជាទីផ្សារ សំខាន់មួយ ហើយលោកសង្ឃឹមថា នឹងទទួលបានការគាំទ្រពីក្រសួងពាណិជ្ជកម្ម និងរាជរដ្ឋាភិបាលកម្ពុជា លើគម្រោងសាងសង់ផ្លូវដែក និងហេដ្ឋារចនាសម្ព័ន្ធផ្សេងៗ។…

(ខេត្តកណ្តាល) ៖ ឯកឧត្តម ជាប ដាវុធ សមាជិកគណៈកម្មការកណ្តាលគណបក្សប្រជាជនកម្ពុជា និងជា ប្រធានចលនាយុវជន ស្រុកខ្សាច់កណ្តាល ខេត្តកណ្តាលជម្រុញឲ្យប្រជាពលរដ្ឋនៅក្នុងស្រុកខ្សាច់កណ្តាល ជាពិសេស ឃុំតាឯកទាំងអស់ រួមជាមួយសមាជិកសមាជិកាបក្សស្រុក-ឃុំ ចូលរួមការពារសមិទ្ធផលនានា និងត្រូវការពារ គោលនយោបាយរបស់គណបក្សប្រជាជនកម្ពុជា តាមរយៈនៃការបោះឆ្នោត ។ ឯកឧត្តមបានថ្លែងលើកឡើងបែបនេះ នៅក្នុងពិធីជួបសំណេះសំណាលជាមួយក្រុមអាជីវករ កសិករ និងសមាជិកសមាជិការបក្សឃុំ ក្នុងឃុំតាឯក និឃុំស្វាយរមៀតស្រុកខ្សាច់កណ្តាល ខេត្តកណ្តាល កាលពីថ្ងៃទី២១ ខែមិថុនា ឆ្នាំ២០១៨ ។ ឯកឧត្តមបន្តថា ក្រោយថ្ងៃរំដោះ៧មករា គណបក្សប្រជាជនកម្ពុជា តស៊ូអភិវឌ្ឍន៍យ៉ាងលំបាកលំបិន ឆ្លងកាត់គ្រប់ឧបសគ្គ រហូតមក ដល់ពេលនេះ រាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា បានធ្វើឲ្យសង្គមផ្លាស់ប្តូរ និងមានសមិទ្ធផលជាច្រើនបានកើតឡើងក្រោមការអភិវឌ្ឍន៍ឥតឈប់ឈរ ដែលសមិទ្ធផលទាំងអស់នោះ គឺទាមទារឲ្យ ប្រជាពលរដ្ឋ ចូលរួមការពារទាំងអស់គ្នា  ដែលបានកើតចេញពីគណបក្សប្រជាជនកម្ពុជា មិនថានៅតាមខេត្ត-ក្រុង ឬនៅតាមមូលដ្ឋាននោះឡើយ ។     ឯកឧត្តម បានសង្កត់ធ្ងរថា ដើម្បីជម្រុញដល់ការអភិវឌ្ឍន៍ឥតឈប់ឈរនោះ ប្រជាពលរដ្ឋនិងសមាជិកសមា ជិការរបស់បក្សទាំងអស់…

(កំពង់ស្ពឺ)៖ ក្រុមការងារសាខាកាំកុងត្រូលខេត្តកំពង់ស្ពឺ សហការជាមួយមន្ទីរពានិជ្ជកម្មខេត្ត នៅព្រឹកថ្ងៃទី២១ ខែមិថុនា ឆ្នាំ២០១៨  បានចុះទៅដល់សាលាអនុវិទ្យាល័យ និងបឋមសិក្សារម្យុំខាងត្បូង ស្ថិតក្នុងសង្កាត់ស្វាយក្រវ៉ាន់ ក្រុង្បារមន ខេត្តកំពង់ស្ពឺ ដើម្បីអប់រំដល់ប្អូនៗ សិស្សានុសិស្ស ឲ្យបានស្វែងយល់សុខភាពចំណីអាហារ ដើម្បីសុខភាពមុន និងជ្រើសរើសផលិតផលម្ហូបអាហារ ណាមួយយកមកបរិភោគ ។ មន្ត្រីកាំកុងត្រូលដែល បានចុះដល់សាលាបានលើឡើងថា ដើម្បីថែរក្សាបានសុខភាព និងអនា    ម័យ រួមទាំងគុណភាព យើងស្វែងយល់ឲ្យបានត្រឹមត្រូវផលិតផលអំពីសម្ភារមានគុណ ត្រូវមានឈ្មោះអាស្រ័យដ្ឋាន អ្នកទទួលខុសត្រូវលើផលិតផល ប្រភព មានថ្ងៃផុតកំណត់ រួមទាំងសញ្ញាសុវត្តិភាព ឬសញ្ញាស្តង់ដា ។ល។ ចំពោះចំណីអាហារគ្មានអនាម័យ ឬគ្រឿងកំប៉ុងដែលមានបញ្ហាគុណភាព ដូចជា ច្រេះស៊ី ហួសកាលបរិច្ឆេទប្រើប្រាស់ គ្មានស្លាកសញ្ញាត្រឹមត្រូវ ក្លែងបន្លំគុណភាពគ្រោះថ្នាក់ ។ ក្រុមការងារក៏បានណែនាំដល់សិស្សានុសិស្សបន្ថែមទៀតថា ត្រូវប្រុងប្រយ័ត្នចំពោះផលិតផលផ្សំ ដោយសារជាតិគីមីធ្វើឲ្យប៉ះពាល់សុខភាព ដោយក្នុងនោះ ជាតិគីមីហាមឃាត់ធ្វើឲ្យមានពណ៌ស ស្រស់ ជាតិគីមីធ្វើឲ្យស្វិត ស្រស់ឆើត ទាក់ភ្នែក សារជាតិគីមីធ្វើឲ្យសាច់ស្រស់ ទុកបានយូរ អំបិលគ្មានជាតិអ៊ីយ៉ូត។ល។ កត្តាទាំងនេះបានធ្វើឲ្យប៉ះពាល់ដល់សុខភាព ជាទូទៅរបស់ប្រជាពលរដ្ឋយ៉ាងធ្ងន់ធ្ងរ ទាមទាឲ្យមានការអប់រំផ្សាយដើម្បី…