បរទេស ៖ តម្លៃប្រេងបានធ្លាក់ចុះ មកនៅប្រហែល ៨០ដុល្លារ ក្នុង១បារ៉ែល ខណៈដែលមុនផ្ទុះសង្គ្រាមអ៊ីរ៉ង់ តម្លៃប្រហែល ៧០ដុល្លារ ក្នុង១បារ៉ែល។ នេះបើតាមការចេញផ្សាយ របស់ BBC នៅថ្ងៃចន្ទនេះ។ បើតាមប្រភព, ប្រេងឆៅ Brent ដែលជាស្តង់ដារប្រេងពិភពលោក បានធ្លាក់ចុះ ៤.៨% មកនៅក្នុងតម្លៃ ៨៣.១២ដុល្លារ ក្នុងមួយបារ៉ែល ខណៈដែលប្រេងដែលជួញដូរ នៅសហរដ្ឋអាមេរិក ធ្លាក់ចុះ ៥.៦% ពោលគឺមកនៅត្រឹម ៨០.១៣ដុល្លារ។ ប្រភពបន្ថែមថា ប្រេងឆៅ Brent ធ្លាប់ជួញដូរ ក្នុងតម្លៃប្រហែល ៧០ដុល្លារ ក្នុងមួយបារ៉ែល មុនពេលជម្លោះបានចាប់ផ្តើមឡើង ហើយ អំឡុងពេលសង្គ្រាម ធ្លាប់បានហក់ឡើងដល់ចំណុចកំពូល ពោលគឺ ប្រហែល ១២០ដុល្លារ ក្នុងមួយបារ៉ែល។ តម្លៃប្រេងដែលបានធ្លាក់ថ្លៃបែបនេះ កើតមានឡើងភ្លាមៗ បន្ទាប់ពីអាមេរិក និងអ៊ីរ៉ង់ បានប្រកាសពីកិច្ចព្រមព្រៀង ឈានទៅបញ្ចប់ជម្លោះ ដែលត្រៀមចុះហត្ថលេខា នៅថ្ងៃសុក្រ សប្តាហ៍នេះ ជាពិសេស ផ្សារភ្ជាប់ជាមួយនឹងការបើកឡើងវិញ…

កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានបង្ហើបឱ្យដឹងនៅថ្ងៃ អាទិត្យ ថា រូបលោកនឹងពិភាក្សាអំពីការឈ្លានពានរបស់ទីក្រុងមូស្គូ ព្រមទាំងកិច្ចខិតខំប្រឹងប្រែងបញ្ចប់សង្គ្រាមរុស្ស៊ីជាមួយប្រធានាធិបតីសហរដ្ឋអាមេរិក លោក ដូណាល់ ត្រាំ អំឡុងកិច្ចប្រជុំកំពូល G7 នៅប្រទេសបារាំង ។ ការលើកឡើងនេះ កើតឡើងបន្ទាប់ពីលោក ហ្សេលេនស្គី បាននិយាយទូរស័ព្ទជាមួយមេដឹកនាំអាមេរិករូបនេះ កាលពីថ្ងៃ អាទិត្យ ចំថ្ងៃខួបកំណើតគម្រប់ ៨០ ឆ្នាំរបស់លោក ត្រាំ ។ លោក ហ្សេលេនស្គី បានបង្ហោះសារលើបណ្តាញសង្គមថា អំឡុងការសន្ទនាតាមទូរស័ព្ទនោះ លោក និងលោក ត្រាំ បានឯកភាពគ្នាថា នឹងពិភាក្សាបន្ថែមទៀតក្នុងអំឡុងកិច្ចប្រជុំនៅឯកិច្ចប្រជុំកំពូល G7 ។ លោក ហ្សេលេនស្គី បន្ថែមថា ពួកយើងមានគំនិតល្អៗមួយចំនួន ដែលអាចជួយជំរុញសន្តិភាព និងការការពារអាយុជីវិតមនុស្ស ។ បើតាម AFP, លោកប្រធានាធិបតី ត្រាំ នឹងចូលរួមកិច្ចប្រជុំកំពូល G7 ជាមួយលោក ហ្សេលេនស្គី…

មូស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានទូរស័ព្ទទៅប្រធានាធិបតីសហរដ្ឋអាមេរិក លោក ដូណាល់ ត្រាំ នៅថ្ងៃ អាទិត្យ ដើម្បីជជែកពីស្ថានភាពសង្គ្រាមនៅអ៊ុយក្រែន និងអ៊ីរ៉ង់ ក៏ដូចជាដំណើរទស្សនកិច្ចនាពេលខាងមុខរបស់បេសកជនអាមេរិកមកកាន់ទឹកដីរុស្ស៊ី ។ បើតាមវិមានក្រឹមឡាំង, ការសន្ទនាតាមទូរស័ព្ទរបស់មេដឹកនាំទាំងពីរ ធ្វើឡើងចំថ្ងៃខួបកំណើតគម្រប់ ៨០ ឆ្នាំរបស់លោកប្រធានាធិបតី ដូណាល់ ត្រាំ កាលពីថ្ងៃទី១៤ ខែមិថុនា ឆ្នាំ២០២៦ ។ លំអិតពីការសន្ទនាតាមទូរស័ព្ទរវាងលោក ពូទីន និងលោក ត្រាំ ជំនួយការរបស់វិមានក្រឹមឡាំង លោក យូរី យូសាកូវ បានប្រាប់អ្នកយកព័ត៌មានថា ការពិភាក្សានេះ ផ្តោតសំខាន់ពាក់ព័ន្ធនឹងការត្រៀមចុះអនុស្សរណៈ នៃការយោគយល់គ្នារវាងសហរដ្ឋអាមេរិក និងអ៊ីរ៉ង់ ។ បើតាម CNA, សហរដ្ឋអាមេរិក និងអ៊ីរ៉ង់ បានឈានដល់កិច្ចព្រមព្រៀងបញ្ចប់សង្គ្រាម ដែលគ្រោងនឹងចុះហត្ថលេខាជាផ្លូវការនៅប្រទេសស្វីស នាថ្ងៃទី១៩ ខែមិថុនា ឆ្នាំ២០២៦ ។ យោងតាមការលើកឡើងរបស់លោក យូសាកូវ, មេដឹកនាំទាំងពីរបានឯកភាពគ្នាថា តំណាងពិសេសរបស់លោកប្រធានាធិបតី…

អ.ស.ប ៖ អគ្គលេខាធិការ អង្គការសហប្រជាជាតិ លោក Antonio Guterres កាលពីថ្ងៃអាទិត្យ បានស្វាគមន៍ការប្រកាសកិច្ចព្រមព្រៀងសន្តិភាព រវាងសហរដ្ឋអាមេរិក និងអ៊ីរ៉ង់ ដោយសាទរថា «វាជាជំហានដ៏សំខាន់មួយ ឆ្ពោះទៅរកការបញ្ចប់ជម្លោះ»។ លោក Guterres បាននិយាយ នៅក្នុងសេចក្តីថ្លែងការណ៍មួយ បញ្ជាក់ថា «ខ្ញុំសូមអបអរសាទរយ៉ាងកក់ក្តៅ ចំពោះសហរដ្ឋអាមេរិក និងអ៊ីរ៉ង់ ដែលបានឈានដល់កិច្ចព្រមព្រៀងសន្តិភាព ផ្តល់នូវបទឈប់បាញ់ជាបន្ទាន់ និងជាអចិន្ត្រៃយ៍, ការបើកច្រកសមុទ្រ Hormuz ឡើងវិញ ក៏ដូចជា ក្របខ័ណ្ឌសម្រាប់ការចរចាបន្ថែមទៀត»។ បើតាម Tass, ការកត់សម្គាល់ របស់លោក Guterres បានធ្វើឡើង បន្ទាប់ពីនាយករដ្ឋមន្ត្រីប៉ាគីស្ថាន លោក Shehbaz Sharif បានប្រកាសថា សហរដ្ឋអាមេរិក និងអ៊ីរ៉ង់បានឈានដល់កិច្ចព្រមព្រៀងសន្តិភាពមួយ បន្ទាប់ពីការចរចារដ៏ខ្លាំងក្លា ដោយភាគីទាំងពីរ បានប្រកាសបញ្ចប់ជាបន្ទាន់ និងជាអចិន្ត្រៃយ៍ ចំពោះប្រតិបត្តិការយោធា នៅគ្រប់មុខទាំងអស់ រួមទាំង នៅក្នុងប្រទេសលីបង់ផងដែរ។ លោក Guterres បាននិយាយថា «នេះតំណាងឱ្យជំហានដ៏សំខាន់មួយ…

តេហេរ៉ង់ ៖ មន្រ្តីជាន់ខ្ពស់អ៊ីរ៉ង់ បានប្រកាសប្រាប់ពិភពលោកថា កិច្ចព្រមព្រៀងដ៏ថ្មីមួយជាមួយសហរដ្ឋអាមេរិក ដែលនឹងត្រូវប្រកាសឆាប់ៗនេះ នឹងក្លាយជាការបិទបញ្ចប់សង្គ្រាមរបស់ប្រទេសទាំងពីរភ្លាមៗ ។ អនុរដ្ឋមន្ត្រីការបរទេសអ៊ីរ៉ង់ លោក Kazem Gharibabadi បានថ្លែងតាមកញ្ចក់ទូរទស្សន៍រដ្ឋ នៅព្រឹកថ្ងៃ ចន្ទ នេះថា ការបញ្ចប់ជាអចិន្ត្រៃយ៍ និងភ្លាមៗចំពោះភ្លើងសង្គ្រាម ដែលឆេះរោលរាលពាសពេញតំបន់មជ្ឈិមបូព៌ា និងឈូងសមុទ្រ រួមទាំងនៅប្រទេសលីបង់ផងដែរ ។ បើតាម CNA, សហរដ្ឋអាមេរិក និងអ៊ីរ៉ង់ បានឈានដល់កិច្ចព្រមព្រៀងបញ្ចប់សង្គ្រាម ដែលគ្រោងនឹងចុះហត្ថលេខាជាផ្លូវការនៅប្រទេសស្វីស នាថ្ងៃ សុក្រ សប្តាហ៍នេះ ។ ទាំងមន្ត្រីអាមេរិក និងអ៊ីរ៉ង់ បាននិយាយកាលពីថ្ងៃ អាទិត្យ ថា ពួកគេបានព្រមព្រៀងលើក្របខណ្ឌមួយ ដើម្បីបញ្ចប់សង្រ្គាម បញ្ឈប់ការបិទផ្លូវរបស់អាមេរិកលើអ៊ីរ៉ង់ និងបើកច្រកសមុទ្រ Hormuz ឡើងវិញ ជាកិច្ចព្រមព្រៀងបឋម ដែលបានធ្វើឱ្យតម្លៃប្រេងធ្លាក់ចុះ ប៉ុន្តែទុកឱ្យជោគវាសនានៃកម្មវិធីនុយក្លេអ៊ែររបស់អ៊ីរ៉ង់ ក្នុងការចរចាបន្ថែមទៀត ។ គួរបញ្ជាក់ថា ភាពតានតឹងក្នុងតំបន់មជ្ឈិមបូព៌ាបានចាប់កក្រើកឡើងវិញ បន្ទាប់ពីសហរដ្ឋអាមេរិក និងអ៊ីស្រាអែល បានព្រួតគ្នាបើកការវាយប្រហារទ្រង់ទ្រាយធំប្រឆាំងនឹងអ៊ីរ៉ង់កាលពីចុងខែកុម្ភៈ ។ អ៊ីរ៉ង់បានសងសឹកភ្លាមៗ…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក Donald Trump បានប្រកាសក្តែងៗថា កិច្ចព្រមព្រៀងដែលលោកសម្រេចបានជាមួយអ៊ីរ៉ង់ ក្នុងពេលឆាប់ៗនេះ នឹងធានាថា ច្រកសមុទ្រ Hormuz នឹងមិនគិតថ្លៃជាអចិន្ត្រៃយ៍ ។ ច្រកសមុទ្រ Hormuz ដែលជាសរសៃឈាមនៃការផ្គត់ផ្គង់ប្រេង និងឧស្ម័នធម្មជាតិរាវប្រមាណ ២០ ភាគរយរបស់ពិភពលោក ត្រូវបានអ៊ីរ៉ង់បិទខ្ទប់ស្ទើរតែទាំងស្រុង ចាប់តាំងពីសហរដ្ឋអាមេរិក និងអ៊ីស្រាអែលព្រួតដៃគ្នាវាយប្រហារមកលើអ៊ីរ៉ង់កាលពីចុងខែកុម្ភៈ ។ ការបិទខ្ទប់នេះ បានបង្កការរំខានដល់ផ្លូវដឹកជញ្ជូនសំខាន់ៗ និងហេដ្ឋារចនាសម្ព័ន្ធថាមពល និងជំរុញឱ្យតម្លៃប្រេង ឧស្ម័ន និងប្រេងឥន្ធនៈកើនឡើង ដែលបង្កើនការព្រួយបារម្ភអំពីការខ្វះខាត អតិផរណា និងវិបត្តិថ្លៃដើមរស់នៅឡើងវិញ ។ បន្ថែមពីលើការប្រកាសមិនគិតថ្លៃជាអចិន្ត្រៃយ៍ ក្នុងការធ្វើចនាចរណ៍នៅច្រកសមុទ្រ Hormuz លោកប្រធានាធិបតី Trump ថែមទាំងបានអះអាងក្នុងបទសម្ភាសន៍មួយ កាលពីរសៀលថ្ងៃ អាទិត្យ ថា ទោះបីជាកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ មានការជំទាស់ពីនាយករដ្ឋមន្ត្រីអ៊ីស្រាអែល លោក Benjamin Netanyahu ក៏ដោយ តែលោកពិតជាបានជួយសង្គ្រោះអ៊ីស្រាអែលពីការបំផ្លាញដោយអាវុធនុយក្លេអ៊ែរ ។ យ៉ាងណា មេដឹកនាំអាមេរិករូបនេះ បានព្រមានទុកមុនថា…