កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បានត្អូញត្អែរថា ក្នុងរយៈពេល ៩០ ថ្ងៃ ឬ ៣ ខែចុងក្រោយនេះ អ៊ុយក្រែនទទួលបានមីស៊ីលស្ទាក់ចាប់របស់សំណាញ់មេឃ Patriot ពីអាមេរិក ត្រឹមតែ ២៤ គ្រាប់ប៉ុណ្ណោះ ។ ក្នុងបទសម្ភាសន៍ជាមួយទូរទស្សន៍ ABC News លោក ហ្សេលេនស្គី បានទម្លាយឲ្យដឹងថា អ៊ុយក្រែនត្រូវការមីស៊ីលរបស់សំណាញ់មេឃ Patriot ជាមធ្យមរហូតដល់ ៣៥០ គ្រាប់ក្នុងមួយខែ ដើម្បីការពារខ្លួនពីការវាយប្រហារដោយមីស៊ីលបាលីស្ទិករបស់រុស្ស៊ី។ លោកថា ចំនួន ២៤ គ្រាប់ក្នុងរយៈពេល ៩០ ថ្ងៃនេះ គឺមិនដល់ ៣% នៃតម្រូវការការពារខ្លួនរបស់អ៊ុយក្រែនឡើយ។ តួយ៉ាង គ្រាន់តែក្នុងយប់ថ្ងៃទី២១ ឈានចូលថ្ងៃទី២២ ខែតុលានេះ រុស្ស៊ីបានបាញ់មីស៊ីលផ្លោងប្រហែល ៣០ គ្រាប់ចូលទីក្រុងកៀវ។ ប្រធានាធិបតីអ៊ុយក្រែនរូបនេះ បានធ្វើការប្រៀបធៀបដោយការខកចិត្តថា នៅក្នុងជម្លោះនៅតំបន់មជ្ឈិមបូព៌ា បណ្តាប្រទេសជាដៃគូបានប្រើប្រាស់មីស៊ីលរហូតដល់ប្រហែល ២,០០០ គ្រាប់ ក្នុងរយៈពេលត្រឹមតែ…

វ៉ាស៊ីនតោន ៖ កងទ័ពអាកាសអាមេរិកកំពុងស្វែងរកបច្ចេកវិទ្យាបញ្ញាសិប្បនិម្មិត (AI) ដើម្បីជួយវិភាគប្រតិបត្តិការចាក់សាំងឱ្យយន្តហោះនៅលើអាកាស និងផ្តល់មតិកែលម្អដល់ក្រុមអាកាសយានិក ក្រោយបញ្ចប់ការហោះហើរ។ បើតាម Defense News, ប្រព័ន្ធ AI ថ្មីនេះ គ្រោងបង្កើតឡើងក្នុងគោលបំណងបង្កើនភាពជាក់លាក់ សុវត្ថិភាព និងកាត់បន្ថយបន្ទុកការងាររបស់ពីឡុត និងបុគ្គលិកបញ្ជាទុយោចាក់ប្រេង ក្នុងអំឡុងពេលផ្ទេរប្រេងពាក់កណ្តាលអាកាស។ ប្រព័ន្ធ AI​ នេះ នឹងប្រើប្រាស់កាមេរ៉ាដែលបំពាក់លើជំនួយការហោះហើរ ដើម្បីតាមដាន និងកំណត់ទីតាំងរបស់យន្តហោះចាក់សាំង និងយន្តហោះដែលត្រូវទទួលប្រេងដោយស្វ័យប្រវត្តិ។ ប្រព័ន្ធ AI​ នេះដែរ នឹងជួយវាស់ស្ទង់ចម្ងាយ ល្បឿន និងមុំតម្រឹមរវាងយន្តហោះទាំងពីរ ដើម្បីធានាថា ការតភ្ជាប់ទុយោចាក់ប្រេងដំណើរការទៅដោយរលូន និងមិនមានគ្រោះថ្នាក់។ ប្រភពដដែលឱ្យដឹងថា ក្រោយពេលចាក់ប្រេងរួច ប្រព័ន្ធ AI នេះទៀតសោត នឹងបង្កើតទិន្នន័យក្រាហ្វិក រួមទាំងផែនទីកម្ដៅ ដើម្បីបង្ហាញពីចំណុចខ្វះខាត និងជួយបង្វឹកសមត្ថភាពពីឡុតបន្ថែម។ បច្ចុប្បន្ន កងទ័ពអាកាសអាមេរិកកំពុងមានគោលដៅបញ្ចូលបច្ចេកវិទ្យានេះ ទៅក្នុងកងយន្តហោះចាក់ប្រេងធុនធំ ដូចជា KC-46 Pegasus និង KC-135 Stratotanker ដោយរំពឹងថា នឹងសម្រេចបានសមត្ថភាពប្រតិបត្តិការពេញលេញនៅត្រឹមឆ្នាំ ២០២៧ខាងមុខ៕ ប្រភព ៖ Defense News ប្រែសម្រួល ៖…

អ.ស.ប ៖ មូលនិធិឆ្លើយតបនឹងការខាតបង់ និងការខូចខាតរបស់អង្គការសហប្រជាជាតិ បានអនុម័តជាគោលការណ៍លើការផ្តល់ថវិកាចំនួន២០ លានដុល្លារអាមេរិក ដើម្បីជួយប្រទេសនេប៉ាល់ស្តារឡើងវិញពីគ្រោះទឹកជំនន់ធ្ងន់ធ្ងរ ដែលបានបណ្តាលឱ្យមនុស្សជាង ១.៤០០ នាក់ស្លាប់ និងបង្កការខូចខាតដល់ផ្ទះសម្បែង សាលារៀន និងទំនប់វារីអគ្គិសនី។ រដ្ឋាភិបាលនេប៉ាល់ប៉ាន់ប្រមាណថា ត្រូវការថវិកាចំនួន ៤,៧ ពាន់លានដុល្លារអាមេរិក សម្រាប់ការស្តារ និងសាងសង់ឡើងវិញ។ គិតត្រឹមចុងខែកញ្ញា ប្រទេសនេះទទួលបានជំនួយប្រមាណ ១០២ លានដុល្លារអាមេរិក ហើយកំពុងស្វែងរកថវិកាបន្ថែមពីប្រទេសជិតខាង និងស្ថាប័នហិរញ្ញវត្ថុអន្តរជាតិ។ ការផ្តល់ថវិកានេះជាលើកដំបូងរបស់មូលនិធិ ដែលបង្កើតឡើងក្នុងឆ្នាំ២០២២ ដើម្បីជួយប្រទេសដែលរងផលប៉ះពាល់ពីការប្រែប្រួលអាកាសធាតុ៕ ប្រភព ៖ AP

យេរ៉េវ៉ាន់ ៖ កិច្ចប្រជុំ COP17 ស្តីពីជីវចម្រុះ ដែលរៀបចំនៅទីក្រុងយេរ៉េវ៉ាន់ ប្រទេសអាមេនី កំពុងជំរុញឱ្យប្រទេសនានាពន្លឿនការអនុវត្តគោលដៅការពារធម្មជាតិ និងបញ្ឈប់ការបាត់បង់ជីវចម្រុះត្រឹមឆ្នាំ២០៣០។ ក្នុងឱកាសនេះ អាមេនី និងកូឡុំប៊ីបានប្រកាសបង្កើតសម្ព័ន្ធសកម្មភាពស្តារប្រភេទសត្វជិតផុតពូជ ដើម្បីជួយប្រទេសនានាកំណត់អាទិភាព និងរៀបចំវិធានការអភិរក្សឱ្យមានប្រសិទ្ធភាព។ ប្រទេសចំនួន ១៧ បានចូលរួមក្នុងសម្ព័ន្ធនេះ ខណៈម្ចាស់ជំនួយឯកជន និងអង្គការចំនួន៩ បានសន្យាផ្តល់ថវិកាជាង៥០០ លានដុល្លារអាមេរិក ក្នុងរយៈពេល៥ឆ្នាំខាងមុខ ដើម្បីស្តារប្រភេទសត្វដែលរងការគំរាមកំហែងខ្លាំងបំផុត។ ជាមួយគ្នានេះ ការរកឃើញខ្លារខិនពែរ្សដ៏កម្រមួយក្បាលនៅប្រទេសអាមេនី បានបង្ហាញពីសារៈសំខាន់នៃការការពារជម្រក និងប្រភពចំណីរបស់សត្វព្រៃ៕ ប្រភព ៖ The Guardian

ប៉ារីស ៖ ប្រទេសបារាំងបានបង្កើនវិធានការសន្តិសុខយ៉ាងតឹងរ៉ឹង ដោយត្រៀមដាក់ពង្រាយកងកម្លាំងប៉ូលិសជាង ៧០.០០០ នាក់នៅទូទាំងប្រទេស ដើម្បីទប់ទល់នឹងបាតុកម្មដែលអាចកើតមាននៅថ្ងៃសៅរ៍នេះ បន្ទាប់ពីបាតុកម្មកាលពីចុងសប្តាហ៍មុន បានប្រែក្លាយទៅជាអំពើហិង្សា និងការលួចប្លន់នៅតាមបណ្តាទីក្រុងមួយចំនួន ។ រដ្ឋមន្ត្រីមហាផ្ទៃបារាំង លោក ឡូរ៉ង់ នូណេស និយាយថា កងកម្លាំងប៉ូលិសប្រមាណ ៧០.០០០ នាក់នឹងត្រូវដាក់ពង្រាយ ពោលគឺច្រើនជាងចុងសប្តាហ៍មុនដល់ទៅ ២០ ភាគរយ ។ លោក នូណេស បានប្រាប់អ្នកកាសែតថា ការដាក់ពង្រាយនេះ ក៏នឹងប្រើប្រាស់ឧទ្ធម្ភាគចក្រ យន្តហោះដ្រូន រថពាសដែក កងកម្លាំងសន្តិសុខចល័ត និងឧបករណ៍បាញ់ទឹក ដើម្បីការពារអគារសាធារណៈ និងទប់ស្កាត់អំពើហិង្សា ។ ទន្ទឹមគ្នា ប្រមុខការពារជាតិបារាំងរូបនេះ ក៏បានព្រមានធ្ងន់ៗផងដែរថា អាជ្ញាធរនឹងចាត់វិធានការយ៉ាងម៉ឺងម៉ាត់ចំពោះអ្នកដែលប្រព្រឹត្តអំពើហិង្សា ក៏ដូចជាបំផ្លិចបំផ្លាញទ្រព្យសម្បត្តិ ឬលួចប្លន់ជាដើម ។ បើតាម Aljazeera, ចលនាបាតុកម្មនៅបារាំង បានចាប់ផ្តើមពីការតវ៉ារបស់ក្រុមសិស្សវិទ្យាល័យ ជុំវិញស្ថានភាពសិក្សា និងលក្ខខណ្ឌនៅតាមសាលារៀន ប៉ុន្តែក្រោយមកវាបានរីករាលដាលធំឡើង នៅពេលមានការចូលរួមពីនិស្សិត សហជីព សកម្មជនបរិស្ថាន ក្រុមចលនា «អាវកាក់លឿង» និងប្រជាពលរដ្ឋដែលមិនពេញចិត្ត…

វ៉ាស៊ីនតោន ៖ សហរដ្ឋអាមេរិកអាចនឹងបង្ខំចិត្តបើកការវាយប្រហារជុំថ្មីប្រឆាំងនឹងអ៊ីរ៉ង់ ប្រសិនបើទីក្រុងតេហេរ៉ង់នៅតែរឹងរូសមិនព្រមចូលរួមចរចា ដើម្បីសម្រេចកិច្ចព្រមព្រៀងបញ្ចប់សង្គ្រាមនោះទេ នេះបើតាមការគំរាមរបស់លោកប្រធានាធិបតី ដូណាល់ ត្រាំ កាលពីថ្ងៃសុក្រ ។ ការព្រមានរបស់លោក ត្រាំ ត្រូវបានធ្វើឡើងអំឡុងពិធីជួបជុំឃោសនាបោះឆ្នោតមួយនៅរដ្ឋផ្លរីដា ខណៈដែលសង្រ្គាមរវាងអាមេរិក អ៊ីស្រាអែលជាមួយនឹងអ៊ីរ៉ង់ ដែលបានចាប់ផ្តើមតាំងពីចុងខែកុម្ភៈ ឆ្នាំ២០២៦ បានឈានចូលដល់ខែទី៨ ហើយ ។ ថ្លែងទៅកាន់អ្នកគាំទ្រខ្លួន មេដឹកនាំអាមេរិករូបនេះ បានរំលឹកឡើងវិញនូវប្រតិបត្តិការយោធាមុនៗ ដូចជា «Operation Midnight Hammer» និង «Operation Epic Fury» ដោយលោកអះអាងថា ប្រតិបត្តិការទាំងនោះបានកម្ទេចសមត្ថភាពចម្រាញ់សារធាតុនុយក្លេអ៊ែររបស់អ៊ីរ៉ង់យ៉ាងធ្ងន់ធ្ងរ ។ លោក ត្រាំ បានសង្កត់ធ្ងន់ថា អាមេរិកអាចនឹងបើកប្រតិបត្តិការយោធា « Epic Fury» ដ៏តូចមួយទៀត ប៉ុន្តែលោកនៅតែអំពាវនាវឱ្យអ៊ីរ៉ង់វិលរកតុចរ ដោយនិយាយថា ប្រសិនបើទីក្រុងតេហេរ៉ង់មានភាពឆ្លាតវៃ គួរតែព្រមព្រៀងចាប់ផ្តើមការចរចា ។ បើតាម Anadolu, សង្គ្រាមរវាងអាមេរិក អ៊ីស្រាអែល និងអ៊ីរ៉ង់ ដែលចាប់ផ្តើមនៅចុងខែកុម្ភៈឆ្នាំនេះ នៅតែមិនទាន់មានដំណោះស្រាយចុងក្រោយនៅឡើយ ទោះបីភាគីពាក់ព័ន្ធបានឈានដល់បទឈប់បាញ់…

មូស្គូ ៖ វិមានក្រឹមឡាំង កាលពីថ្ងៃសុក្រ បានសម្តែងការស្វាគមន៍ចំពោះកិច្ចខិតខំប្រឹងប្រែងរបស់លោកជំទាវទី១ Melania Trump ក្នុងការសម្របសម្រួលឱ្យមានបទឈប់បាញ់ ដើម្បីបើកផ្លូវឱ្យមានលំហួរជំនួយមនុស្សធម៌ និងការជម្លៀសជនស៊ីវិលចេញពីទីក្រុង Oleshky ដែលស្ថិតក្រោមការគ្រប់គ្រងរបស់រុស្ស៊ី ក្នុងតំបន់ Kherson ភាគខាងត្បូងប្រទេសអ៊ុយក្រែន ។ នេះរឿងដ៏កម្របំផុត ដែលលោកជំទាវទី១របស់សហរដ្ឋអាមេរិក ចូលខ្លួនដោយផ្ទាល់ក្នុងការសម្របសម្រួលឱ្យមានបទឈប់បាញ់នៅក្រៅប្រទេស ដោយសារជាទូទៅ ភរិយារបស់ប្រធានាធិបតីអាមេរិក ផ្តោតតែលើបញ្ហាក្នុងស្រុក ពិធីការ ឬកិច្ចការសង្គមប៉ុណ្ណោះ ។ ចំណែកទីក្រុង Oleshky ដែលស្ថិតនៅជិតខ្សែត្រៀមជួរមុខក្នុងតំបន់ Kherson ជាតំបន់ដែលបានបោះឆ្នោតចូលរួមជាមួយរុស្ស៊ីនៅក្នុងការធ្វើប្រជាមតិកាលពីឆ្នាំ ២០២២ ត្រូវបានកាត់ផ្តាច់ស្ទើរតែទាំងស្រុងពីការផ្គត់ផ្គង់ចាំបាច់ និងសេវាកម្មមូលដ្ឋានជាច្រើនខែមកហើយ ក្រោមការឡោមព័ទ្ធដោយកងកម្លាំងអ៊ុយក្រែន ។ ហើយការវាយប្រហារដោយយន្តហោះដ្រូន និងការបង្កប់គ្រាប់មីន បានរារាំងដល់ការដឹកជញ្ជូនជំនួយមនុស្សធម៌ និងកិច្ចខិតខំប្រឹងប្រែងជម្លៀសប្រជាជន ដែលបណ្តាលឱ្យជនស៊ីវិលប្រមាណ ១,៥០០ ទៅ ២,០០០ នាក់ជាប់គាំងនៅក្នុងទីក្រុងនេះ ។ អ្នកនាំពាក្យវិមានក្រឹមឡាំង លោក Dmitry Peskov កាលពីថ្ងៃសុក្រ និយាយថា មន្ត្រីយោធារុស្ស៊ី និងអ៊ុយក្រែនកំពុងសម្របសម្រួលពេលវេលា និងលក្ខខណ្ឌនៃបទឈប់បាញ់ ដើម្បីអនុញ្ញាតឱ្យលំហួរជំនួយមនុស្សធម៌អាចប្រព្រឹត្តទៅបាន…

ប៉ារីស ៖ យន្តហោះចម្បាំង Typhoon របស់កងទ័ពអាកាសអង់គ្លេស បានចូលរួមសមយុទ្ធទប់ស្កាត់នុយក្លេអ៊ែររបស់បារាំងជាលើកដំបូង ដែលនេះជាជំហានសំខាន់មួយ ក្នុងការពង្រឹងកិច្ចសហប្រតិបត្តិការការពារជាតិរវាងប្រទេសទាំងពីរ នេះបើតាមការប្រកាសរបស់រដ្ឋមន្ត្រីកងកម្លាំងប្រដាប់អាវុធបារាំង លោកស្រី Catherine Vautrin កាលពីថ្ងៃសុក្រ ។ ល្បែងសង្គ្រាមនេះ ធ្វើឡើងបន្ទាប់ពីបារាំង និងអង់គ្លេសបានចុះកិច្ចព្រមព្រៀង Northwood កាលពីខែកក្កដា ឆ្នាំ២០២៥ ដើម្បីពង្រឹងការសម្របសម្រួលរវាងសមត្ថភាពទប់ស្កាត់នុយក្លេអ៊ែររបស់សម្ព័ន្ធមិត្តអឺរ៉ុបទាំងពីរ ខណៈដែលប្រទេសនីមួយៗនៅតែរក្សាសិទ្ធិសម្រេចចិត្តដោយឯករាជ្យលើការប្រើប្រាស់អាវុធនុយក្លេអ៊ែររបស់ខ្លួន ។ បើតាម Anadolu, លោកស្រី Vautrin បានបញ្ជាក់តាមបណ្តាញសង្គម X ថា យន្តហោះចម្បាំង Typhoon របស់កងទ័ពអាកាសអង់គ្លេស បានហោះហើរអមជាមួយយន្តហោះចម្បាំង Rafale របស់បារាំង ក្នុងអំឡុងពេលបញ្ចេញសាច់ដុំយោធា ដែលរៀបចំឡើងដោយអង្គភាពទ័ពអាកាសទទួលបន្ទុកពង្រឹងសមត្ថភាពទប់ស្កាត់នុយក្លេអ៊ែរតាមផ្លូវអាកាសរបស់បារាំង ។ ទន្ទឹមគ្នា លោកស្រីរដ្ឋមន្ត្រីបានចាត់ទុកការចូលរួមសមយុទ្ធនេះថា ជាជំហានសំខាន់ជាប្រវត្តិសាស្ត្រ ក្នុងកិច្ចសហប្រតិបត្តិការការពារជាតិទ្វេភាគី ហើយក៏បង្ហាញពីការសម្របសម្រួល និងការប្តេជ្ញាចិត្តរបស់មហាអំណាចនុយក្លេអ៊ែរទាំងពីរនៅអឺរ៉ុប ចំពោះសន្តិសុខរបស់ទ្វីប និងការរក្សាសមត្ថភាពទប់ស្កាត់អាវុធប្រល័យលោកដែលអាចជឿទុកចិត្តបាន ៕ ប្រភព ៖ Anadolu ប្រែសម្រួល ៖ ឈឹម ទីណា