-
UN ថ្កោលទោស អាមេរិក ដែលចាត់ថ្នាក់ក្រុមបាតុករ ប៉ាឡេស្ទីន ជាអង្គការភេរវកម្ម
អ.ស.ប ៖ ការិយាល័យសិទ្ធិមនុស្ស របស់អង្គការសហប្រជាជាតិ កាលពីថ្ងៃព្រហស្បតិ៍ បានប្រកាសថ្កោលទោសសហរដ្ឋអាមេរិក ដែលបានប្រកាសចាត់ថ្នាក់ក្រុមបាតុករប៉ាឡេស្ទីន ឬ Palestine Action ថា អង្គការពួកភេរវកម្ម ។ ការថ្កោលទោសនេះធ្វើឡើងនៅមួយថ្ងៃប៉ុណ្ណោះ បន្ទាប់ពីទីក្រុងវ៉ាស៊ីនតោន សម្រេចចាត់ទុកក្រុម Palestine Action ថា ជាអង្គការភេរវកម្ម ដោយលើកឡើងថា វិធានការនេះគឺជាផ្នែកមួយនៃយុទ្ធនាការរបស់ប្រធានាធិបតីអាមេរិក លោក Donald Trump ក្នុងការបង្ក្រាបក្រុមដែលមាននិន្នាការឆ្វេងនិយម នៅក្នុងកិច្ចខិតខំប្រឹងប្រែងប្រឆាំងភេរវកម្ម ។ ជាមួយគ្នានេះ ក្រសួងការបរទេសអ៊ីស្រាអែលក៏បានស្វាគមន៍ ចំពោះការចាត់ថ្នាក់បែបនេះរបស់អាមេរិកផងដែរ ។ យ៉ាងណា លោក Volker Turk ប្រធានការិយាល័យរបស់ប្រធានផ្នែកសិទ្ធិមនុស្សអង្គការសហប្រជាជាតិនិយាយថា ការចាត់ថ្នាក់នេះហាក់ដូចជាការរឹតត្បិតហួសហេតុ និង មិនចាំបាច់ លើសិទ្ធិសេរីភាពនៃការបញ្ចេញមតិ, ការជួបជុំដោយសន្តិវិធី និងការបង្កើតសមាគម ក៏ដូចជា សិទ្ធិក្នុងការចូលរួមក្នុងកិច្ចការសាធារណៈ។ លោកបញ្ជាក់បន្ថែមថា «ការប្រើប្រាស់ពាក្យថា ‘ភេរវកម្ម’ គឺស្ថិតក្នុងន័យទូលំទូលាយពេក ជាពិសេសវាត្រូវបានគេកត់ត្រាថា មានផលប៉ះពាល់ដល់ការរារាំងសេរីភាពរបស់ពលរដ្ឋ នៅក្នុងលំហសង្គមស៊ីវិល»។ បើតាម straitstimes, ក្រុម…
-
ក្រសួងរៀបចំដែនដី និងបណ្តាសាកលវិទ្យាល័យនៅកម្ពុជា បន្តកិច្ចសហប្រតិបត្តិការស្រាវជ្រាវរួមគ្នា បម្រើដល់ការអភិវឌ្ឍសង្គម-សេដ្ឋកិច្ចជាតិ
ភ្នំពេញ ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានគូសរម្លេចពីសារ:សំខាន់នៃលទ្ធផលស្រាវជ្រាវពីសាកលវិទ្យាល័យ ដែលជាមូលដ្ឋានគ្រឹះក្នុងការជួយគាំទ្រដល់ការរៀបចំផែនការប្រើប្រាស់ដីធ្លីនៅកម្ពុជា។ ឯកឧត្តមបានជំរុញដល់បណ្ដាសាកលវិទ្យាល័យ ឱ្យបន្តកសាងបណ្តាញសហប្រតិបត្តិការស្រាវជ្រាវរួមគ្នា ដើម្បីបម្រើដល់ការអភិវឌ្ឍសង្គម-សេដ្ឋកិច្ចជាតិ ប្រកបដោយចីរភាព និងបរិយាបន្ន ។ ក្នុងកិច្ចប្រជុំពិភាក្សាលើគម្រោងស្រាវជ្រាវលើស្ថានភាពសេដ្ឋកិច្ចក្នុងវិស័យរៀបចំដែនដី នគរូបនីយកម្ម និងសំណង់ ជាមួយបណ្ដាសាកលវិទ្យាល័យនៅកម្ពុជា នារសៀលថ្ងៃទី ២៧ ខែសីហា ឆ្នាំ ២០២៦ នៅទីស្ដីការក្រសួង ឯកឧត្តមឧបនាយករដ្ឋមន្ត្រី សាយ សំអាល់ បានថ្លែងថា កិច្ចប្រជុំនាពេលនេះនេះរៀបចំឡើងក្នុងគោលបំណងពង្រឹងកិច្ចសហប្រតិបត្តិការ រវាងស្ថាប័នរដ្ឋ និងគ្រឹះស្ថានឧត្តមសិក្សា ក្នុងការជំរុញការស្រាវជ្រាវបែបវិទ្យាសាស្ត្រ ដើម្បីប្រមូលផ្តុំនូវទិន្នន័យ ព័ត៌មាន និងធាតុចូលសំខាន់ៗ សំដៅវាយតម្លៃស្ថានភាពសេដ្ឋកិច្ច និងទិសដៅអភិវឌ្ឍន៍នៃវិស័យអចលនទ្រព្យ និងសំណង់នៅកម្ពុជាឱ្យកាន់តែមានប្រសិទ្ធភាព និងចីរភាព ។ ឯកឧត្តម ឧបនាយករដ្ឋមន្ត្រី បានលើកឡើងអំពីទិសដៅ និងចំណុចអាទិភាពសំខាន់ៗ ដោយបានគូសបញ្ជាក់ពីសារ:សំខាន់នៃលទ្ធផលស្រាវជ្រាវពីសាកលវិទ្យាល័យ ដែលជាមូលដ្ឋានគ្រឹះមិនអាចខ្វះបាន ក្នុងការជួយគាំទ្រដល់ការរៀបចំគោលនយោបាយ និងលិខិតបទដ្ឋានគតិយុត្តរបស់រាជរដ្ឋាភិបាល ឱ្យឆ្លើយតបត្រូវនឹងស្ថានភាពជាក់ស្តែងនៃទីផ្សារ ជំរុញការវិភាគលើការប្រែប្រួលនៃតម្រូវការទីផ្សារ ធនធានវិនិយោគ និងការរៀបចំផែនការប្រើប្រាស់ដីធ្លី ដើម្បីកសាងស្ថិរភាពសេដ្ឋកិច្ចក្នុងវិស័យរៀបចំដែនដី នគរូបនីយកម្ម និងសំណង់ ។…
-
អ្នកឃ្លាំមើលសង្គមសាទរការដាក់កំហិតមន្រ្តីកុំឲ្យចូលកន្លែងធ្វើការបើជិះម៉ូតូមកមិនពាក់មួកសុវត្ថិភាព
មន្រ្តីជាន់ខ្ពស់ក្រសួងមហាផ្ទៃបានជំរុញដល់អង្គភាពរដ្ឋស្ថិតនៅក្រោមចំណុះក្រសួងមហាផ្ទៃ គួរតែពិចារណាដាក់កំហិ តកុំឲ្យចូលកន្លែងធ្វើការចំពោះមន្រ្តីណាដែលជិះម៉ូតូមកដោយមិនពាក់មួកសុវត្ថិភាព។ អ្នកឃ្លាំមើលសង្គមគាំទ្រចំពោះវិធានការនេះ ដែលជាផ្នែកមួយចូលរួមកាត់បន្ថយគ្រោះថ្នាក់ចរាចរណ៍ផង ចូលរួមគោ រពច្បាប់ផង និងធ្វើជាគំរូដល់ពលរដ្ឋផង។ លោក សាយ វណ្ណៈ អភិបាលស្រុកបាទី ខេត្តតាកែវ បានដាក់កំហិតមន្រ្តីរបស់ខ្លួនមុនគេមិនឲ្យចូលសា លាស្រុក ប្រសិនបើមន្រ្តីណាជិះម៉ូតូពុំពាក់មួកសុវត្ថិភាព។ លោកសង្កត់ធ្ងន់ថា យើងជាមន្រ្តីមាន តួនាទីដឹកនាំ និងណែនាំពលរដ្ឋ តែបើមិនអនុវត្តវិធានការសុវត្ថិភាពចរាចរណ៍ផង តើយើងយកអ្វីទៅធ្វើជាគំរូ និងអប់រំពលរដ្ឋឲ្យគោរពច្បាប់ ។ លោក ទូច សុខៈ អ្នកនាំពាក្យរងក្រសួងមហាផ្ទៃ ពន្យល់ថា ការដាក់កំហិតមន្រ្តីបែបនេះ មិនមែនរំលោភសិទ្ធិមន្រ្តីឬសិទ្ធិឯកជនទេ។ លោកគាំទ្រនិងសាទរចំពោះវិធានការរដ្ឋបាលនេះ ដើម្បីព្រមានដល់មន្រ្តីដទៃទៀតឲ្យចូលរួមគោរពច្បាប់ចរាចរណ៍ ជាពិសេសមន្រ្តីត្រូវធ្វើជាគំរូដល់ប្រជាពលរដ្ឋ និងចូលរួមផ្សព្វផ្សាយណែ នាំអប់រំពួកគាត់ឲ្យគោរពច្បាប់។ ចំណែកលោកបណ្ឌិត ឈត ប៊ុនថង ប្រធានផ្នែកទំនាក់ទំនងវប្បធម៌ អប់រំ និងទេសចរណ៍នៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា ក៏គាំទ្រនូវវិធានការនេះដែរ។ ដូចគ្នានេះដែរ លោក គឹម បញ្ញា នាយក អង្គការ មូលនិធិ បង្ការ របួស អាស៊ី ប្រចាំ នៅ កម្ពុជា គាំទ្រចំពោះវិធានការបន្ថែមនេះ ។ លោកបានកត់សម្គាល់ឃើញថា…
-
កម្ពុជាប្រកាសប្រាប់តំណាងអង្គទូតថា គ្មានទៀតឡើយមជ្ឈមណ្ឌលឆបោកអនឡាញទ្រង់ទ្រាយធំនៅកម្ពុជា
រាជរដ្ឋាភិបាលកម្ពុជា តាមរយៈលេខាធិការដ្ឋាននៃគណៈកម្មាការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) បានប្រកាសជាផ្លូវការចំពោះមុខតំណាងអង្គទូត និងអង្គការអន្តរជាតិជិត ៥០ ប្រចាំកម្ពុជាថា បច្ចុប្បន្ននេះពុំមាន «មជ្ឈមណ្ឌលឆបោកតាមប្រព័ន្ធបច្ចេកវិទ្យាទ្រង់ទ្រាយធំនៅក្នុងប្រទេសកម្ពុជាទៀតឡើយ» បន្ទាប់ពីសមត្ថកិច្ចបានបើកយុទ្ធនាការបោសសម្អាត Online Scams យ៉ាងក្តៅគគុក។ ការប្រកាសនេះ ត្រូវបានធ្វើឡើងនៅក្នុង «កិច្ចប្រជុំផ្តល់បច្ចុប្បន្នភាពស្តីពីយុទ្ធនាការបោសសម្អាតបទល្មើសឆបោកតាមប្រព័ន្ធបច្ចេកវិទ្យា» ជូនដល់តំណាងអង្គទូតបរទេស និងអង្គការអន្តរជាតិ កាលពីរសៀលថ្ងៃទី២៧ ខែសីហា ឆ្នាំ២០២៦ នៅទីស្តីការក្រសួងការបរទេស និងសហប្រតិបត្តិការអន្តរជាតិ។ ឯកឧត្តម ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋានគណៈកម្មាការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា បានលើកឡើងថា ក្នុងរយៈពេលជាង ១ ឆ្នាំ ចាប់ពីខែកក្កដា ឆ្នាំ២០២៥ ដល់ថ្ងៃទី២០ ខែសីហា ឆ្នាំ២០២៦ កងកម្លាំងកម្ពុជាបានបើកប្រតិបត្តិការស្រាវជ្រាវ និងត្រួតពិនិត្យទីតាំងសង្ស័យសរុប ៧៩៣ ទីតាំង ក្នុងនោះបានឈានទៅបង្ក្រាបជាក់ស្តែងចំនួន ៦២៤ ទីតាំង និងឃាត់ខ្លួនមុខសញ្ញាសង្ស័យសរុបជិត ៣ ម៉ឺននាក់ មាន ៣៩ សញ្ជាតិ។ ជាមួយគ្នានេះ សមត្ថកិច្ចបានស្រាវជ្រាវប្រមូលភស្តុតាងនៅ ១៦៩ ទីតាំងបន្ថែមទៀត ដែលជនល្មើសបានបោះបង់ចោល និងគេចខ្លួន។ ទន្ទឹមគ្នានេះ គណៈកម្មការគ្រប់គ្រងល្បែងពាណិជ្ជកម្មបាន…
-
ធនាគារអភិវឌ្ឍន៍ជនបទ និងកសិកម្ម ចាប់ដៃក្លិបអ្នកកាសែតកម្ពុជា ដើម្បីជំរុញការផ្សព្វផ្សាយ
ធនាគារអភិវឌ្ឍន៍ជនបទ និងកសិកម្ម (ARDB)និងក្លិបអ្នក កាសែតកម្ពុជា (CCJ) បានចាប់ដៃគូជាមួយគ្នាក្នុងគោលបំណង ជំរុញកិច្ចសហប្រតិបត្តិការបង្កើនការផ្សព្វផ្សាយអំពីវិស័យកសិកម្ម ការកែច្នៃកសិផល និងវិស័យបៃតង ពោលជួយបង្កើតបរិយាកាសមួយដែលព័ត៌មានចំណេះដឹងហិរញ្ញវត្ថុ និងទីផ្សារអាចតភ្ជាប់គ្នាកាន់ តែប្រសើរ។ នៅទីស្នាក់ការកណ្ដាលនៃធនាគារអភិវឌ្ឍន៍ជនបទ និងកសិកម្ម និងក្លិបអ្នកកាសែតកម្ពុជាកាលពីព្រឹកថ្ងៃទី២៨ ខែសីហាបាន ចុះអនុស្សរណៈនៃការយោគយល់គ្នា (MoU)ស្តីពីកិច្ចសហប្រតិបត្តិការរវាងស្ថាប័នទាំងពីរ។តាមរយៈអនុស្សរណៈនេះ ស្ថាប័នទាំងពីរនឹងផ្តល់ព័ត៌មានចំណេះដឹង និងការយល់ដឹងអំពីសារៈសំខាន់នៃវិស័យកសិកម្ម និងវិស័យបៃតង ដល់សាធារណជន ដើម្បីចូលរួមជំរុញការអភិវឌ្ឍវិស័យទាំងនេះនៅកម្ពុជា ។ ថ្លែងក្នុងពិធីចុះអនុស្សរណៈឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារ ARDB មានប្រសាសន៍ថា អនុស្សរណៈនៅថ្ងៃនេះ មានគោលបំណងជួយគ្នាផ្សព្វផ្សាយ អំពីព័ត៌មាននានាក្នុងវិស័យកសិកម្ម ជាពិសេសផ្នែកហិរញ្ញវត្ថុ។ ក្នុងនោះដែរ ការផ្សព្វផ្សាយនឹងជួយទៅដល់ការដាំដុះ ការចិញ្ចឹមសត្វ ការធ្វើវារីវប្បកម្ម ការកែច្នៃ ក៏ដូចជាការនាំចេញ និងព័ត៌មានពីបច្ចេកវិទ្យាកសិកម្មថ្មីៗ ក្នុងវិស័យកសិកម្ម (Agri-Technology) ដែលកំពុងអនុវត្តនៅកម្ពុជា ក៏ដូចជានៅក្រៅប្រទេសផងដែរ ។ ព័ត៌មានទាំងអស់នេះ នឹងផ្តល់ប្រជាកសិករ ដើម្បីឱ្យដឹង និងធ្វើជាផែនការ ការអនុវត្តនៃការដាំដុះផ្សេងនៅឯជនបទនឹងតែម្តង ។ឯកឧត្តមបន្តថា ព័ត៌មានកន្លងទៅយើងមានច្រើនហើយ ប៉ុន្តែបងប្អូនខ្លះក៏បានមើល ,បងប្អូនខ្លះទៀតក៏មិនបានមើល…
-
សន្និសីទ ISC-2 អនុម័ត «សេចក្តីប្រកាសទីក្រុងភ្នំពេញ» ដើម្បីពង្រឹងច្បាប់អន្តរជាតិ និងការដោះស្រាយជម្លោះដោយសន្តិវិធី
សន្និសីទប្រធានសភានៃអន្តរសភាលើកទី២ (ISC-2) ដែលប្រព្រឹត្តទៅនៅរាជធានីភ្នំពេញ ពីថ្ងៃទី២៦ ដល់ថ្ងៃទី២៨ ខែសីហា ឆ្នាំ២០២៦ បានអនុម័ត «សេចក្តីប្រកាសទីក្រុងភ្នំពេញ» ដោយផ្តោតសំខាន់លើការពង្រឹងច្បាប់អន្តរជាតិ ការដោះស្រាយវិវាទដោយសន្តិវិធី ការទូតសភា និងកិច្ចសហប្រតិបត្តិការពហុភាគី ដើម្បីលើកកម្ពស់សន្តិភាព សន្តិសុខ និងវិបុលភាពរួម។ សេចក្តីប្រកាសនេះត្រូវបានអនុម័តដោយប្រធានសភា និងតំណាងសភាមកពីតំបន់ផ្សេងៗជុំវិញពិភពលោក បន្ទាប់ពីបានពិភាក្សាគ្នាអំពីបញ្ហាប្រឈមសំខាន់ៗដែលសហគមន៍អន្តរជាតិកំពុងជួបប្រទះ រួមមាន ជម្លោះ ភាពតានតឹងភូមិសាស្ត្រនយោបាយ ភាពមិនប្រាកដប្រជាផ្នែកសេដ្ឋកិច្ច ការរំខានដល់លំហូរពាណិជ្ជកម្ម ការប្រែប្រួលអាកាសធាតុ អសន្តិសុខស្បៀង និងថាមពល ការគំរាមកំហែងតាមប្រព័ន្ធបច្ចេកវិទ្យា វិបត្តិមនុស្សធម៌ និងវិសមភាពដែលកំពុងកើនឡើង។ ក្នុង «សេចក្តីប្រកាសទីក្រុងភ្នំពេញ» ប្រធានសភា និងតំណាងសភាដែលចូលរួមក្នុងសន្និសីទ បានបញ្ជាក់ជាថ្មីពីការប្តេជ្ញាចិត្តចំពោះការគោរពអធិបតេយ្យ បូរណភាពទឹកដី ឯករាជ្យភាពនយោបាយ និងគោលការណ៍មិនជ្រៀតជ្រែកកិច្ចការផ្ទៃក្នុងរបស់រដ្ឋនីមួយៗ ព្រមទាំងការដោះស្រាយវិវាទដោយសន្តិវិធី ស្របតាមច្បាប់អន្តរជាតិ និងធម្មនុញ្ញអង្គការសហប្រជាជាតិ។ សេចក្តីប្រកាសក៏បានបញ្ជាក់ពីតួនាទីសំខាន់របស់សភា ក្នុងការលើកកម្ពស់កិច្ចសន្ទនា និងការទូតសភា ព្រមទាំងការចូលរួមចំណែកក្នុងការកសាងសន្តិភាព សន្តិសុខ ការអភិវឌ្ឍប្រកបដោយចីរភាព និងការពង្រឹងគោលការណ៍ប្រជាធិបតេយ្យក្នុងទំនាក់ទំនងអន្តរជាតិ។ ជាមួយគ្នានេះ សេចក្តីប្រកាសបានសង្កត់ធ្ងន់លើការពង្រឹង «ការទូតសភា» ក្នុងនាមជាឧបករណ៍សម្រាប់កសាងទំនុកចិត្ត បង្ការជម្លោះ ជំរុញកិច្ចសន្ទនា និងការផ្សះផ្សា ព្រមទាំងការដោះស្រាយភាពតានតឹងមុនពេលបញ្ហាវិវត្តទៅជាជម្លោះ។ នៅក្នុងការប្តេជ្ញាចិត្តចុងក្រោយ ប្រធានសភា និងតំណាងសភា បានបញ្ជាក់ជាថ្មីថា…
-
អាជ្ញាធរខេត្តពោធិ៍សាត់ នឹងរៀបចំទីតាំងសុវត្ថិភាពសម្រាប់ចតរថយន្តដឹកទំនិញ
អាជ្ញាធរខេត្តពោធិ៍សាត់ នឹងមិនអនុញ្ញាតឱ្យតៃកុងឡានដឹកទំនិញចត ឬឈប់សម្រាកនៅពេលយប់នៅ «សួនច្បារ១៤មករា» តទៅទៀតឡើយ ដោយជំនួសមកវិញនូវការរៀបចំទីតាំងសុវត្ថិភាពថ្មី ដែលមានសមត្ថកិច្ចយាមកាម ២៤ម៉ោង។ ឯកឧត្តម ខូយ រីដា អភិបាលខេត្តពោធិ៍សាត់ បានប្រាប់ AMS ថា ការប្រកាសបំរាមនេះធ្វើឡើងបន្ទាប់ពីកន្លងមក តៃកុងឡានដឹកទំនិញមួយចំនួនបានចតសម្រាកយប់ បណ្តាលឱ្យបាក់បង្គោលភ្លើងត្រូវជួសជុលជាច្រើនលើក បន្សល់ទុកសំរាមយ៉ាងអនាធិបតេយ្យ និងបង្កឱ្យមានការកកស្ទះចរាចរណ៍។ បើតាមឯកឧត្តម ខូយ រីដា អាជ្ញាធរខេត្ត នឹងរៀបចំទីកន្លែងឈប់សម្រាកផ្សេងប្រកបដោយសុវត្ថិភាពនៅតាមដងផ្លូវសម្រាប់អ្នកដំណើរពីចម្ងាយ ដោយមានកងកម្លាំងសមត្ថកិច្ចឈរជើងការពារ និងត្រៀមជួយអន្តរាគមន៍គ្រប់ពេលវេលា។ វិធានការការពារសុវត្ថិភាពអ្នកដំណើរនេះ ត្រូវបានធ្វើឡើង ក្រោយពីឯកឧត្តម ខូយ រីដា បានដឹកនាំកម្លាំងអាជ្ញាធរ ចុះជួបសាកសួរតៃកុងឡានដឹកទំនិញ (ឡានខ្សែ) ដោយផ្ទាល់តាមដងផ្លូវជាតិលេខ៥ ទាំងអធ្រាត្រ នាថ្ងៃទី២៧ ខែសីហា ឆ្នាំ២០២៦ បន្ទាប់ពីមានការផ្សព្វផ្សាយលើបណ្តាញសង្គមចោទថា ឡានដឹកទំនិញធំៗដែលឈប់សម្រាកនៅខេត្តពោធិ៍សាត់ ត្រូវគេលួចបូមប្រេង។ ឯកឧត្តម ខូយ រីដា បានបញ្ជាក់ថា ក្រោយចុះសាកសួរតៃកុងឡានខ្សែជាច្រើនរូប លទ្ធផលបង្ហាញថា មានតៃកុងឡានមួយចំនួនតូចប៉ុណ្ណោះដែលធ្លាប់បាត់ប្រេងក្នុងអំឡុងពេលសាងសង់ផ្លូវជាតិលេខ៥ ប៉ុន្តែភាគច្រើនបំផុតបានអះអាងថា មិនដែលជួបប្រទះបញ្ហាបាត់ប្រេងនោះឡើយ។ ដោយឡែក អ្នកបើកបរនៅឃុំបឹងខ្នារ ស្រុកបាកានផ្ទាល់ បានបញ្ជាក់យ៉ាងច្បាស់ថា ពួកគាត់មិនដែលជួបប្រទះបញ្ហាបាត់ប្រេងសូម្បីតែមួយដង ទោះបីជាទុកឡានចោលក៏ដោយ៕ សៅ…
-
កម្ពុជាបង្កើត App ឈ្មោះ “Kapea Scams” ដើម្បីទប់ស្កាត់ការឆបោកប្រជាពលរដ្ឋតាមអនឡាញ
ដោយអនុវត្តតាមគោលការណ៍ណែនាំពីឯកឧត្តម ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អគ្គស្នងការដ្ឋាននគរបាលជាតិ បានរៀបចំបង្កើតកម្មវិធីឈ្មោះ “Kapea Scams” (ការពារស្កែម) ដើម្បីបង្ការ ទប់ស្កាត់ និងផ្ដល់កិច្ចការពារសាធារណជនពីការឆបោកតាមប្រព័ន្ធបច្ចេកវិទ្យា។ នៅក្នុងសេចក្ដីជូនដំណឹងរបស់អគ្គស្នងការដ្ឋាននគរបាលជាតិ កម្មវិធី “Kapea Scams” ត្រូវបានដាក់ដំណើរការសាកល្បងលើប្រព័ន្ធប្រតិបត្តិការ IOS និង Android រយៈពេល ៣ខែ ដោយតម្រូវឲ្យប្រជាពលរដ្ឋចូលទៅក្នុងកម្មវិធី App Store ឬ Play Store នៅក្នុងទូរស័ព្ទ បន្ទាប់មកវាយអក្សរ Kapea Scams ធ្វើការដោនលោតជាការស្រេច។ កម្មវិធីនេះនឹងឈានទៅដាក់ដំណើរការជាផ្លូវការនាពេលខាងមុខផងដែរ។ លោកវរសេនីយ៍ឯក ហូ សុងរចនា អនុប្រធាននាយកដ្ឋានប្រឆាំងបទល្មើសបច្ចេកវិទ្យា បញ្ជាក់ថា ការទាញយកកម្មវិធី “Kapea Scams” លើទូរស័ព្ទដៃពិតជាមានសំខាន់ណាស់សម្រាប់ប្រជាពលរដ្ឋ ដើម្បីការពារពីការឆបោក។ អគ្គស្នងការដ្ឋាននគរបាលជាតិ គូសបញ្ជាក់ថា កម្មវិធី “Kapea Scams” មានមុខងារសំខាន់ៗ ដូចជាក្រើនរំលឹក ឬភ្ញោចស្មារតី(Alert)ដល់សាធារណជន នូវលេខទូរសព្ទដែលសមត្ថកិច្ចកំណត់ថាពាក់ព័ន្ធទៅនឹងបទល្មើសឆបោកតាមប្រព័ន្ធបច្ចេកវិទ្យា ឬបទល្មើសផ្សេងៗ ។ ជាមួយគ្នា កម្មវិធីនេះនឹងបិទការហៅចូលដោយស្វ័យប្រវត្តិ ចំពោះលេខទូរសព្ទដែលសមត្ថកិច្ចកំណត់ថាពាក់ព័ន្ធទៅនឹងបទល្មើសឆបោកតាមប្រព័ន្ធបច្ចេកវិទ្យា…
-
ថៃពន្លឿនការធ្វើទំនើបកម្មកងទ័ពជើងទឹក ខណៈកម្ពុជាក៏កំពុងពង្រឹងសមត្ថភាពការពារដែនសមុទ្រ
លោក អនុទីន ឆានវីរៈគុល នាយករដ្ឋមន្ត្រីថៃ បានប្រកាសថា រដ្ឋាភិបាលថៃគ្រោងនឹងទិញយុទ្ធោបរណ៍ថ្មីៗមកបំពាក់ឲ្យកងទ័ពជើងទឹក។ យោងតាមការចុះផ្សាយរបស់សារព័ត៌មាន Khaosod លោកប្រកាសបែបនេះនៅពេលចុះត្រួតពិនិត្យសមយុទ្ធកងទ័ពជើងទឹកភូមិន្ទថៃនៅឯឈូងសមុទ្រថៃ ដោយបានឡើងលើនាវាផ្ទុកឧទ្ធម្ភាគចក្រ HTMS Chakri Naruebet កាលពីថ្ងៃទី២៦ ខែសីហា។ លោក អនុទីន បានបញ្ជាក់ថា ប្រព័ន្ធអាវុធ និងគ្រឿងបរិក្ខារយោធាមួយចំនួនរបស់កងទ័ពជើងទឹកថៃនាពេលបច្ចុប្បន្ននេះ គឺជិតដល់ពេលត្រូវចូលនិវត្តន៍ហើយ។ ដូច្នេះការពង្រឹងកម្លាំងយោធា និងការទិញអាវុធជំនួសគ្រឿងចាស់ៗ គឺជាកត្តាចាំបាច់ដើម្បីការពារអធិបតេយ្យភាព។ យោធាថៃក៏មានគម្រោងទិញនាវាប្រយុទ្ធប្រភេទ Fregate បន្ថែមទៀតផងដែរ។ ផែនការទិញសម្ភារៈសឹករបស់ថៃ ធ្វើឡើងស្របពេលដែលកងទ័ពជើងទឹកកម្ពុជាកំពុងធ្វើទំនើបកម្ម ជាពិសេសជាមួយការដាក់ឲ្យដំណើរការថ្មីៗនេះនូវនាវាចម្បាំងឈ្មោះ កោះកុងសែនជ័យ ដើម្បីពង្រឹងសមត្ថភាពការពារជាតិ និងបូរណភាពទឹកដី។ ការពង្រឹងសមត្ថភាពកងទ័ពក៏ធ្វើឡើងតាមរយៈការហ្វឹកហ្វឺនជាមួយកងទ័ពនៃប្រទេសជាមិត្តផងដែរ។ ជាក់ស្តែង កងទ័ពជើងទឹកកម្ពុជា និងអង់គ្លេស ទើបតែបញ្ចប់ការហ្វឹកហ្វឺនរួមគ្នា និងការផ្លាស់ប្តូរជំនាញវិជ្ជាជីវៈ ដើម្បីពង្រឹងសមត្ថភាពបច្ចេកទេស និងការឆ្លើយតបបន្ទាន់។ ការហ្វឹកហ្វឺននេះផ្តោតសំខាន់លើការការឆ្លើយតបផ្នែកវេជ្ជសាស្ត្រ ការថែទាំអ្នករងរបួស ការគ្រប់គ្រងការខូចខាត និងជំនាញជាក់ស្តែងផ្សេងៗទៀតក្នុងវិស័យនាវាចរណ៍។ បន្ថែមលើនេះ កម្ពុជា និងសហរដ្ឋអាមេរិក ក៏កំពុងពង្រឹងកិច្ចសហប្រតិបត្តិការកងទ័ពជើងទឹក ដោយគ្រោងធ្វើលំហាត់ហ្វឹកហ្វឺន «ការ៉ាត់ (CARAT)» ឡើងវិញនៅឆ្នាំ២០២៧ ខាងមុខ ដោយផ្តោតលើកិច្ចសហប្រតិបត្តិការផ្នែកជំនួយមនុស្សធម៌ ការសង្គ្រោះគ្រោះមហន្តរាយ និងការចូលរួមក្នុងលំហាត់សមយុទ្ធយោធាជើងទឹកពហុភាគី SEACAT ដើម្បីរួមចំណែកថែរក្សាសន្តិភាព និងស្ថិរភាពនៅក្នុងតំបន់ផងដែរ៕…
-
លោក ត្រាំ ធានាថា រុស្ស៊ីមិនវាយប្រហារទឹកដីណាតូនោះឡើយ
វ៉ាស៊ីនតោន ៖ ប្រធានាធិបតីអាមេរិក លោក Donald Trump បាននិយាយ កាលពីថ្ងៃព្រហស្បតិ៍ថា រុស្ស៊ីនឹងមិនវាយប្រហារទឹកដីរបស់អង្គការ NATO ឡើយ ដោយលោកបានច្រានចោលសេចក្តីរាយការណ៍ របស់ប្រព័ន្ធផ្សព្វផ្សាយដែលថា ទីក្រុងវ៉ាស៊ីនតោនមានការព្រួយបារម្ភអំពីសកម្មភាព ដែលអាចកើតមាន ពីសំណាក់រុស្ស៊ី មកលើតំបន់អឺរ៉ុប។ ការលើកឡើងរបស់លោក Trump បានធ្វើឡើង នៅពីរថ្ងៃបន្ទាប់ពីនាយកទីភ្នាក់ងារស៊ើបការណ៍សម្ងាត់កណ្តាល ហៅកាត់ CIA លោក John Ratcliffe បានធ្វើដំណើរទៅកាន់ទីក្រុងមូស្គូ ដោយមិនបានគ្រោងទុកជាមុន ហើយ ប្រព័ន្ធផ្សព្វផ្សាយអាមេរិកបានរាយការណ៍ថា ជាការព្រមានដល់ទីក្រុងមូស្គូ កុំឱ្យវាយប្រហារសម្ព័ន្ធភាព NATO។ លោក Trump បានប្រាប់អ្នកសារព័ត៌មាន នៅក្នុងការិយាល័យ Oval Office ថា «ខ្ញុំបានជួបពិភាក្សាដ៏ល្អជាមួយ លោក Putin។ គាត់នឹងមិនវាយប្រហារទឹកដីរបស់ NATO ឡើយ»។ នៅពេលត្រូវបានសួរឱ្យបញ្ជាក់អំពីសេចក្តីរាយការណ៍ដែលថា លោក Ratcliffe បាននាំយកការព្រមាន ទៅប្រាប់ភាគីរុស្ស៊ីនោះ លោក Trump បានឆ្លើយតបថា «ខ្ញុំមិនចង់ធ្វើអត្ថាធិប្បាយ…