-
កាសែតដ៏ល្បីរបស់បារាំងសរសេរថា កងទ័ពថៃកំពុងកែប្រែស្ថានភាពភូមិសាស្រ្ត ដើម្បីកាន់កាប់ទឹកដីកម្ពុជាជាអចិន្ត្រៃយ៍
ក្នុងអត្ថបទស៊ើបអង្កេតមួយ កាសែតដ៏ល្បីរបស់បារាំង Le Figaro បញ្ជាក់ចំៗថា ថៃបានឈ្លានពានប្រទេសកម្ពុជាដោយរំលោភលើគោលការណ៍ច្បាប់អន្តរជាតិ ហើយកំពុងកែប្រែស្ថានភាពភូមិសាស្រ្ត ដើម្បីព្យាយាម “កាន់កាប់ជាអចិន្ត្រៃយ៍” នូវផ្នែកខ្លះនៃទឹកដីកម្ពុជា ដែលបច្ចុប្បន្នស្ថិតក្រោមការគ្រប់គ្រងរបស់យោធាថៃ។ កាសែតដ៏ល្បីបំផុតមួយរបស់បារាំងឈ្មោះ Le Figaro (ឡឺ ហ្វីហ្ការ៉ូ) បានលើកជាសំណួរថា តើកម្ពុជាកំពុងប្រឈមនឹងការកាន់កាប់ទឹកដីជាបណ្តោះអាសន្នដោយយោធាថៃ ឬក៏ជាការបញ្ចូលជាអចិន្ត្រៃយ៍នូវផ្នែកខ្លះនៃទឹកដីកម្ពុជាទៅក្នុងការគ្រប់គ្រងរបស់ថៃ។ ក្នុងអត្ថបទបោះពុម្ភផ្សាយនៅថ្ងៃទី២៨ ខែសីហា ឆ្នាំ២០២៦ Le Figaro បានអះអាងថា សកម្មភាពមួយចំនួនដែលកំពុងកើតមាននៅតាមតំបន់ព្រំដែន បង្ហាញពីការរៀបចំសម្រាប់គ្រប់គ្រងយូរអង្វែង ជាជាងការកាន់កាប់យោធាបណ្តោះអាសន្ន។ កាសែតនេះបានលើកឡើងពីការកែប្រែស្ថានភាពភូមិសាស្ត្រ និងការសាងសង់ហេដ្ឋារចនាសម្ព័ន្ធនៅលើទឹកដីកម្ពុជា ដែលបច្ចុប្បន្នស្ថិតក្រោមការគ្រប់គ្រងរបស់យោធាថៃ។ សម្រាប់កាសែតបារាំង នេះគឺជាការភ្ជាប់ទឹកដីកម្ពុជាជាមួយទឹកដីថៃយ៉ាងស្ងៀមស្ងាត់។ កាសែតបានប្រៀបធៀបស្ថានភាពនៅកម្ពុជាជាមួយបញ្ហា ដែលកំពុងកើតឡើងនៅប្រទេសសាយប្រឺស ដែលជាសមាជិកមួយរបស់សហភាពអឺរ៉ុប។ ប្រមាណ៣៨%នៃទឹកដីរបស់សាធារណរដ្ឋសាយប្រឺស ត្រូវបានកងទ័ពតួកគីគ្រប់គ្រងតាំងពីឆ្នាំ១៩៧៤រហូតបច្ចុប្បន្ន បើទោះបីមានការថ្កោលទោសពីសហគមន៍អន្តរជាតិក៏ដោយ។ កាសែតបារាំងសង្កេតឃើញថា ទាំងអង្គការសហប្រជាជាតិ និងសហភាពអឺរ៉ុបមិនអាចធ្វើអ្វីតួគីបានឡើយ គឺបានត្រឹមតែថ្លែងការណ៍លើក្រដាសប៉ុណ្ណោះ។ ក្នុងវិវាទព្រំដែនកម្ពុជា-ថៃ អត្ថបទរបស់ Le Figaro បានរំលឹកថា នៅសតវត្សទី១៩ ព្រះរាជាណាចក្រកម្ពុជាបានស្ថិតក្នុងស្ថានភាពទន់ខ្សោយ ដោយរងសម្ពាធពីសៀម និងអណ្ណាម។ នៅឆ្នាំ១៨៦៣ ព្រះបាទនរោត្តមទី១ បានចុះសន្ធិសញ្ញាបង្កើតអាណាព្យាបាលជាមួយបារាំង ហើយនៅឆ្នាំ១៩០៤ និង១៩០៧ កិច្ចព្រមព្រៀងបារាំង-សៀម…
-
ហ្វាំងឡង់ ថា រុស្ស៊ី នឹងមិនប្រើអាវុធនុយក្លេអ៊ែរវាយ អ៊ុយក្រែន ឬ NATO ឡើយ
ហែលស៊ីនគី ៖ ប្រធានាធិបតីហ្វាំងឡង់ លោក Alexander Stubb បានថ្លែងថា លោកមិនរំពឹងថា ប្រទេសរុស្ស៊ីនឹងប្រើប្រាស់អាវុធនុយក្លេអ៊ែរប្រឆាំងនឹងអ៊ុយក្រែន ឬបើកការវាយប្រហារលើប្រទេសសមាជិកអង្គការ NATO នោះទេ។ ក្នុងបទសម្ភាសន៍ជាមួយសារព័ត៌មាន Blid ចាក់ផ្សាយកាលពីសប្តាហ៍មុន មេដឹកនាំហ្វាំងឡាំងរូបនេះ អះអាងថា សមត្ថភាពរារាំងរបស់អង្គការណាតូមានកម្លាំងខ្លាំង ហើយរុស្ស៊ីគ្មានហេតុផលណាមួយ ក្នុងការសាកល្បងការប្តេជ្ញាចិត្តរបស់សម្ព័ន្ធភាពយោធាដ៏មានឥទ្ធិពលនេះឡើយ ។ ម្យ៉ាងវិញទៀត លោក Stubb បានសង្កត់ធ្ងន់ថា ប្រទេសចិនក៏អាចជាកម្លាំងរារាំងដ៏សំខាន់មួយ ចំពោះការសម្រេចចិត្តរបស់រុស្ស៊ី ក្នុងការប្រើប្រាស់អាវុធនុយក្លេអ៊ែរផងដែរ ។ យ៉ាងណា ប្រធានាធិបតីហ្វាំងឡង់មានវ័យ៥៨ឆ្នាំរូបនេះ បានអំពាវនាវឱ្យអឺរ៉ុប ត្រៀមខ្លួន សម្រាប់ស្ថានភាពអាក្រក់បំផុត ទោះបីជាលោកវាយតម្លៃថា លទ្ធភាពនៃការពង្រីកសង្គ្រាមរបស់រុស្ស៊ីជាមួយអង្គការណាតូ ឬការប្រើប្រាស់អាវុធនុយក្លេអ៊ែរមានកម្រិតទាបក៏ដោយ ៕ ប្រភព ៖ Kyiv independent ប្រែសម្រួល ៖ ឈឹម ទីណា
-
UN និង នេប៉ាល់ព្រមានពីការឡើងកម្ដៅផែនដីបន្ទាន់ ក្រោយបាក់ផ្ទាំងទឹកកកស្លាប់មនុស្សរាប់រយនាក់
កដ្ឋមណ្ឌូ ៖ រដ្ឋមន្ត្រីការបរទេសនេប៉ាល់ និង ប្រធានផ្នែកអាកាសធាតុរបស់អង្គការសហប្រជាជាតិ កាលពីថ្ងៃអាទិត្យ បានព្រមានរួមគ្នា អំពីគ្រោះថ្នាក់អាកាសធាតុ ក្រោយពេលមានហេតុការណ៍បាក់ផ្ទាំងទឹកកក សម្លាប់មនុស្សរាប់រយនាក់។ រដ្ឋមន្ត្រីការបរទេសនេប៉ាល់ លោក Shisir Khanal បានលើកឡើងថា បញ្ហាការប្រែប្រួលអាកាសធាតុទាមទារឱ្យមានកិច្ចសហប្រតិបត្តិការជាលក្ខណៈអន្តរជាតិ។ លោកបានបន្ថែមថា «យើងតែងតែលើកឡើងថា ប្រទេសនេប៉ាល់រួមចំណែកបញ្ចេញឧស្ម័នផ្ទះកញ្ចក់ក្នុងកម្រិតតិចជាង ឬប្រហែល ០,០១ ភាគរយប៉ុណ្ណោះ ប៉ុន្តែ ប្រជាជននេប៉ាល់គឺជាក្រុមមួយដែលរងផលប៉ះពាល់យ៉ាងធ្ងន់ធ្ងរពីការប្រែប្រួលអាកាសធាតុ និងផលវិបាកនានាដែលកើតចេញពីបញ្ហានេះ ដូច្នេះ យើងសូមអំពាវនាវដល់សហគមន៍អន្តរជាតិឱ្យរួមគ្នាថែរក្សាប្រព័ន្ធអេកូឡូស៊ីនៃតំបន់ជួរភ្នំហិម៉ាឡៃយ៉ា»។ ទន្ទឹមនឹងនេះ លោក Simon Steill ប្រធានផ្នែកអាកាសធាតុរបស់អង្គការសហប្រជាជាតិ បានថ្លែងនៅក្នុងសេចក្តីថ្លែងការណ៍មួយថា «ការដួលរលំនៃផ្ទាំងទឹកកក និងទឹកជំនន់ភ្លាមៗដែលកើតឡើងដោយមិនបានគ្រោងទុកនេះ គឺជាការរំលឹកដ៏គួរឱ្យរន្ធត់មួយអំពីភាពផុយស្រួយនៃប្រព័ន្ធអេកូឡូស៊ីនៅតំបន់ភ្នំទាំងនេះ»។ លោកបានបន្ថែមថា «យើងក៏ដឹងដែរថា ការឡើងកម្ដៅនៃអាកាសធាតុ ដែលបណ្តាលមកពីសកម្មភាពរបស់មនុស្សក្នុងការដុតធ្យូងថ្ម ប្រេង និងឧស្ម័នក្នុងបរិមាណដ៏ច្រើនមហាសាលនោះ កំពុងធ្វើឱ្យគ្រោះមហន្តរាយបែបនេះ និងគ្រោះមហន្តរាយជាច្រើនទៀតនៅជុំវិញពិភពលោក កាន់តែមានលទ្ធភាពកើតឡើងញឹកញាប់ និងមានកម្រិតធ្ងន់ធ្ងរជាងមុន ខណៈដែលសហគមន៍ងាយរងគ្រោះ តែងតែជាអ្នករងផលប៉ះពាល់ធ្ងន់ធ្ងរបំផុត»។ យោងតាមទីភ្នាក់ងារស្ទង់មតិភូមិសាស្ត្រសហរដ្ឋអាមេរិក ហៅកាត់ USGS, គ្រោះមហន្តរាយដែលបានកើតឡើង កាលពីថ្ងៃពុធ សប្តាហ៍មុន បណ្តាលមកពីការបាក់ធ្លាក់ផ្ទាំងទឹកកក…
-
អាមេរិកវាយប្រហារអ៊ីរ៉ង់ជាថ្មី ក្រោមហេតុផលរារាំងការដាក់មីនក្នុងច្រក Hormuz
វ៉ាស៊ីនតោន ៖ កងកម្លាំងយោធាសហរដ្ឋអាមេរិក កាលពីថ្ងៃអាទិត្យ ទី៣០ ខែសីហា ពួកគេបានបើកការវាយប្រហារលើទៅកោះ Larak ក្រោមហេតុផលរារាំងការដាក់មីន ក្នុងច្រក Hormuz។ នេះជាប្រតិបត្តិការយោធាលើកដំបូងបង្អស់របស់អាមេរិក ប្រឆាំងនឹងអ៊ីរ៉ង់ ដែលត្រូវបានទម្លាយជាសាធារណៈ គិតចាប់តាំងពីចុងខែកក្កដាមក។ មន្ត្រីជាន់ខ្ពស់អាមេរិកមួយរូបបានបញ្ជាក់ថា ការវាយប្រហារនេះធ្វើឡើងបន្ទាប់ពីកងកម្លាំងស៊ើបការណ៍បានសង្កេតឃើញ កងឆ្មាំបដិវត្តន៍អ៊ីស្លាមអ៊ីរ៉ង់ ហៅកាត់ IRGC កំពុងរៀបចំបាញ់រ៉ុក្កែតដែលបំពាក់គ្រាប់មីនសមុទ្រ ចូលទៅក្នុងដែនទឹកនៃច្រកសមុទ្រ Hormuz។ ប្រភពពីទីភ្នាក់ងារសារព័ត៌មានរបស់អ៊ីរ៉ង់ Tasnim បានឱ្យដឹងថា អាមេរិកបានប្រើប្រាស់យន្តហោះគ្មានមនុស្សបើក ក្នុងការសម្រេចប្រតិបត្តិការលើកោះ Larak នេះ។ ជាការឆ្លើយតប សម្តីអ្នកនាំពាក្យ IRGC អះអាងថា ការវាយប្រហាររបស់អាមេរិកបានបណ្តាលឱ្យទាហាន និងប្រជាពលរដ្ឋមួយចំនួនបាត់បង់ជីវិត និងរងរបួស។ ទីក្រុងតេហេរ៉ង់បានប្រកាសប្តេជ្ញាថា នឹងធ្វើការ «ឆ្លើយតប និងដាក់ទណ្ឌកម្ម» ទៅលើសហរដ្ឋអាមេរិកវិញជាមិនខាន។ បើតាម CNA, ព្រឹត្តិការណ៍នេះបានកើតឡើង បន្ទាប់ពីប្រធានាធិបតីអាមេរិក លោក ដូណាល់ ត្រាំ បានព្រមានកាលពីសប្តាហ៍មុនថា រាល់កប៉ាល់ ឬទូកណាដែលព្យាយាមដាក់គ្រាប់មីនថ្មីនៅក្នុងដែនទឹកអន្តរជាតិនៃច្រកសមុទ្រ Hormuz នឹងត្រូវបំផ្លាញចោលភ្លាមៗ ខណៈគ្រាប់មីនចាស់ៗត្រូវបានកម្ទេច…
-
មេធំ CIA អាមេរិក ស្នើរៀបចំជំនួបកំពូលរវាងលោក Trump-Putin-Zelensky អំឡុងទៅទស្សនកិច្ច រុស្ស៊ី
វ៉ាស៊ីនតោន ៖ សារព័ត៌មានអាមេរិក Axios រាយការណ៍ថា លោក John Ratcliffe នាយកទីភ្នាក់ងារស៊ើបការណ៍សម្ងាត់អាមេរិក (CIA) បានស្នើរៀបចំជំនួបកំពូលរវាងលោក Donald Trump, លោក Vladimir Putin និងលោក Volodymyr Zelensky ក្នុងអំឡុងពេលលោកទៅទស្សនកិច្ចដោយសម្ងាត់នៅទីក្រុងមូស្គូ កាលពីសប្តាហ៍មុន ។ គំនិតរៀបចំជំនួបរវាងមេដឹកនាំទាំងបី ក៏ធ្លាប់ត្រូវបានរដ្ឋបាលលោកប្រធានាធិបតី Trump លើកឡើងកាលពីពេលមុន ខណៈលោកប្រធានាធិបតី Zelensky វិញ ក៏បានបង្ហាញការគាំទ្រចំពោះគំនិតនេះផងដែរ លើកលែងតែលោកប្រធានាធិបតី Putin ដែលបានបដិសេធមិនទទួលយកសំណើនេះ ។ បើតាម Anadolu, ទស្សនកិច្ចរបស់មេធំ CIA របស់អាមេរិក ក៏មានគោលបំណងស្វែងយល់ថាតើមេដឹកនាំស្ថាប័នសន្តិសុខ និងស៊ើបការណ៍សម្ងាត់របស់រុស្ស៊ី អាចជួយជំរុញលោកប្រធានាធិបតី Putin ឱ្យត្រឡប់មកកាន់តុចរចាជាមួយអ៊ុយក្រែន ក្រោមការសម្របសម្រួលរបស់សហរដ្ឋអាមេរិកបានឬយ៉ាងណា ។ ប្រភពទម្លាយឱ្យដឹងថា លោក Kyrylo Budanov ប្រធានខុទ្ទកាល័យរបស់លោកប្រធានាធិបតី Zelensky បានអះអាងថ្មីៗនេះថា ការចរចារវាងរុស្ស៊ី-អ៊ុយក្រែន ក្រោមការសម្របសម្រួលពីសហរដ្ឋអាមេរិក…
-
មេដឹកនាំកំពូលអ៊ីរ៉ង់ អំពាវនាវឱ្យប្រទេសមូស្លីមរួបរួមប្រឆាំងសត្រូវពិតប្រាកដ
តេហេរ៉ង់ ៖ លោក Mojtaba Khamenei មេដឹកនាំកំពូលអ៊ីរ៉ង់ កាលពីថ្ងៃ អាទិត្យ បានអំពាវនាវឱ្យមេដឹកនាំបណ្តាប្រទេសមូស្លីម កំណត់អត្តសញ្ញាណសត្រូវពិតប្រាកដ និងពង្រឹងការរួបរួមក្នុងពិភពឥស្លាម ។ ក្នុងសារអបអរសាទរ “ Islamic Unity Week ” ដែលជាថ្ងៃរំលឹកខួបកំណើតរបស់ព្យាការី Muhammad, លោក Khamenei បានចោទប្រកាន់សហរដ្ឋអាមេរិក និងអ៊ីស្រាអែលថា ជា “សត្រូវសំខាន់” នៃឯកភាព និងមិត្តភាពក្នុងចំណោមប្រជាជនមូស្លីម ។ លោក Khamenei បានសង្កត់ធ្ងន់តាមបណ្តាញសង្គម Telegram ថា សហរដ្ឋអាមេរិក និងអ៊ីស្រាអែល មិនត្រឹមតែជា សត្រូវរបស់អ៊ីរ៉ង់ប៉ុណ្ណោះទេ ប៉ុន្តែក៏ជាសត្រូវរបស់ពិភពលោកអ៊ីស្លាមទាំងមូលផងដែរ ។ ជាមួយគ្នានេះ លោក Khamenei បានអំពាវនាវជាពិសេសដល់មេដឹកនាំប្រទេសនៅតំបន់អាស៊ីខាងលិច និងតំបន់ឈូងសមុទ្រ ឱ្យសិក្សាពីផែនការរបស់សត្រូវ និងរួមគ្នាទប់ស្កាត់អ្វីដែលលោកចាត់ទុកថា ជាកិច្ចខិតខំបង្កើតការបែកបាក់ក្នុងពិភពមូស្លីម ។ បន្ថែមលើនេះ លោក Khamenei ក៏បានអះអាងផងដែរថា ការរួបរួមរបស់ប្រជាជនមូស្លីម គឺជាកត្តាសំខាន់សម្រាប់ការកសាងពិភពឥស្លាមដែលមានឥទ្ធិពល…
-
អង្គការ AHF ជំរុញឱ្យមានកំណែទម្រង់បំណុលសកល ដើម្បីការពារមូលនិធិថែទាំសុខភាពនៅក្នុងប្រទេសកំពុងអភិវឌ្ឍន៍
ភ្នំពេញ ៖ អង្គការមូលនិធិថែទាំសុខភាពអ្នកជំងឺអេដស៍(AHF) បានជំរុញឱ្យមានកំណែទម្រង់បំណុលសកលដើម្បីការពារមូលនិធិថែទាំសុខភាពនៅក្នុងប្រទេសកំពុងអភិវឌ្ឍន៍ព្រោះថាបន្ទុកបំណុលកើនឡើងបង្ខំឱ្យប្រទេសទាំងនោះចំណាយប្រាក់ច្រើនលើការសងប្រាក់កម្ចីជាជាងការថែទាំសុខភាព និងការអប់រំ ដែលធ្វើឱ្យប៉ះពាល់លទ្ធភាពក្នុងការបំពេញតម្រូវការសាធារណៈ។ លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ី AHF មានប្រសាសន៍ថា «ការថែទាំសុខភាពមិនគួរក្លាយជាជនរងគ្រោះនៃការជាប់អន្ទាក់នៃបំណុលឡើយ។ នៅពេលដែលរដ្ឋាភិបាលត្រូវបានបង្ខំឱ្យចំណាយប្រាក់ច្រើនលើការសងប្រាក់កម្ចីជាងការចំណាយ លើមន្ទីរពេទ្យ ការបង្ការជំងឺ និងការអប់រំ វាគឺធ្វើឱ្យប្រជាជនសាមញ្ញត្រូវចំណាយថ្លៃខ្ពស់បំផុត »។ នៅក្នុងសន្និសិទ្ធសារព័ត៌មានស្តីពី “សេរីភាពពីបំណុល” នៅព្រឹកថ្ងៃទី៣១ ខែសីហានេះ លោកវេជ្ជបណ្ឌិត ចន ផាន់ណា ប្រធាន គ្រប់គ្រងកម្មវិធីប្រចាំប្រទេសរបស់ AHF កម្ពុជាបានបញ្ជាក់ថា បេសកកម្មរបស់ AHF លើសពីការព្យាបាលមេរោគអេដស៍។ ប្រព័ន្ធសុខាភិបាលរឹងមាំ និងប្រកបដោយចីរភាព តម្រូវឱ្យមានការវិនិយោគសាធារណៈគ្រប់គ្រាន់ ហើយវាក្លាយជាមិនអាចទៅរួច នៅពេលដែលប្រទេសនានាជាប់គាំងដែលមិនអាចទ្រទ្រង់បានដោយសារជាប់បំណុល។ លោកវេជ្ជបណ្ឌិតបន្តថា តាមរយៈយុទ្ធនាការ «សេរីភាពពីបំណុល»យើងកំពុងអំពាវនាវឱ្យមានកំណែទម្រង់ ដែលនឹងអនុញ្ញាតឱ្យប្រទេសកំពុងអភិវឌ្ឍន៍វិនិយោគលើការថែទាំសុខភាពនិងកសាងសហគមន៍មានសុខភាពល្អជាងមុន។ យើងត្រូវការប្រព័ន្ធហិរញ្ញវត្ថុសកលដ៏យុត្តិធម៌ជាងមុន ដែលត្រូវគិតសុខភាព និងសុខុមាលភាពរបស់ប្រជាជនជាចំបង»។ លោកវេជ្ជបណ្ឌិតបានបន្តទៀតថាយុទ្ធនាការនេះអង្គការ AHF កំពុងជំរុញឱ្យមេដឹកនាំពិភពលោកអនុម័តកំណែទម្រង់សំខាន់ៗចំនួនបីគឺទីមួយគាំទ្រការអនុវត្តវេទិកាអ្នកជាប់បំណុលដែលជាវេទិកាអន្តរជាតិមួយដែលបានស្នើឡើងក្នុងអំឡុងពេលសន្និសីទអន្តរជាតិលើកទីបួនស្តីពីហិរញ្ញប្បទានសម្រាប់ការអភិវឌ្ឍនៅទីក្រុង Seville និងគាំទ្រដោយប្រទេស G20 នៅអាហ្វ្រិកខាងត្បូង។ ទីពីរ គឺ AHF…
-
អាមេរិកផ្តល់ថវិកា១៣២,០០០ដុល្លារ ដើម្បីគាំទ្រគម្រោងការពារបេតិកភណ្ឌកម្ពុជា
ក្រសួងវប្បធម៌ និងវិចិត្រសិល្បៈបានប្រកាសថា នៅរសៀលថ្ងៃទី២៨ ខែសីហា ឆ្នាំ២០២៦ លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានទទួលស្វាគមន៍ លោកជំទាវ Cate Dillon ឧបការីរដ្ឋមន្ត្រីការបរទេស ទទួលបន្ទុកកិច្ចការអប់រំ និងវប្បធម៌ នៃសហរដ្ឋអាមេរិក ក្នុងឱកាសអញ្ជើញទស្សនាសារមន្ទីរជាតិកម្ពុជា ដោយមានការអមដំណើរពីថ្នាក់ដឹកនាំក្រសួង និងមន្ត្រីស្ថានទូតសហរដ្ឋអាមេរិកប្រចាំកម្ពុជា។ ក្នុងឱកាសនៃដំណើរទស្សនកិច្ចនេះ លោកជំទាវរដ្ឋមន្ត្រីបានជម្រាបជូនអំពីសារសំខាន់នៃសមុច្ច័យ និងតួនាទីរបស់សារមន្ទីរជាតិកម្ពុជាក្នុងការផ្សព្វផ្សាយពីវប្បធម៌និងប្រវត្តិសាស្ត្រខ្មែរ។ លោកជំទាវក៏បានបង្ហាញវត្ថុសិល្បៈសំខាន់ៗមួយចំនួន ដែលកំពុងដាក់តាំងបង្ហាញក្នុងវិចិត្រសាលក្នុងចំណោមវត្ថុជាង៩០០ បានប្រគល់ត្រឡប់មកកម្ពុជាវិញពីសហរដ្ឋអាមេរិក ។ លោកជំទាវ ភឿង សកុណា បានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលអាមេរិក ដែលបានផ្តល់ការគាំទ្រជាបន្តបន្ទាប់ដល់កម្ពុជា ក្នុងការការពារ ថែរក្សា និងអភិរក្សប្រាសាទបុរាណ ព្រមទាំងបានសហការយ៉ាងជិតស្និទ្ធក្នុងការទប់ស្កាត់ការជួញដូរ និងការនាំចេញសម្បត្តិវប្បធម៌ខ្មែរដោយខុសច្បាប់ និងការទាមទារធ្វើមាតុភូមិនិវត្តន៍សម្បត្តិវប្បធម៌ខ្មែរដែលបានបាត់បង់ក្នុងអំឡុងពេលប្រទេសកម្ពុជាឆ្លងកាត់សង្គ្រាម និងវិបត្តិជាច្រើនទសវត្សរ៍កន្លងមក។ ជាមួយគ្នានេះ លោកជំទាវរដ្ឋមន្ត្រីក៏បានថ្លែងអំណរគុណចំពោះរដ្ឋាភិបាលសហរដ្ឋអាមេរិក ដែលបានបន្តគាំទ្រកម្ពុជាលើវិស័យវប្បធម៌។ ក្នុងឆ្នាំ២០២៦ តាមរយៈមូនិធិ Cultural Property Agreement Implementation Grant (CPAIG) សហរដ្ឋអាមេរិកបានផ្តល់ប្រាក់ចំនួន១៣២,០០០ដុល្លារ គាំទ្រដល់គម្រោង «ការការពារបេតិកភណ្ឌវប្បធម៌ចល័ត តាមរយៈប្រព័ន្ធមូលដ្ឋានទិន្នន័យរួម…
-
ដំណើរទស្សនកិច្ចសិក្សាស្តីពី «ការដាំដុះដំណាំស្រូវឆ្លាតវៃស្របតាមការប្រែប្រួលអាកាសធាតុ» នៅសាធារណរដ្ឋសង្គមនិយមវៀតណាម
កាលពីថ្ងៃទី២៨ ខែសីហា ឆ្នាំ២០២៦ ក្រុមហ៊ុនជីសញ្ញាក្បាលក្របី សហការជាមួយក្រុមហ៊ុន យីតាក់ គ្រុប ដែលជាអ្នកចែកចាយផលិតផលជីសញ្ញាក្បាលក្របីប្រចាំព្រះរាជាណាចក្រកម្ពុជា បានរៀបចំទទួលស្វាគមន៍គណៈប្រតិភូកម្ពុជា ក្នុងដំណើរទស្សនកិច្ចសិក្សា និងផ្លាស់ប្តូរបទពិសោធន៍ ស្តីពី «ការដាំដុះដំណាំស្រូវតាមបែបឆ្លាតវៃ» នៅសាធារណរដ្ឋសង្គមនិយមវៀតណាម។ គណៈប្រតិភូដឹកនាំដោយ ឯកឧត្តម សុខ វិសាល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោក ទុយ សុភ័ក្ត្រ អភិបាលរងនៃគណៈអភិបាលខេត្តតាកែវ។ ដំណើរទស្សនកិច្ចនេះក៏មានការចូលរួមពីប្រធាននាយកដ្ឋានដំណាំស្រូវ ប្រធាននាយកដ្ឋានគ្រប់គ្រងធនធានដី និងជីកសិកម្មលោក ញឹប ស្រ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តតាកែវ ព្រមទាំងតំណាងកសិករមកពីខេត្តចំនួន៧ រួមមាន ខេត្តតាកែវ កណ្តាល បាត់ដំបង បន្ទាយមានជ័យ កំពង់ធំ ព្រៃវែង និងកំពង់ចាម។ ក្នុងឱកាសនោះ គណៈប្រតិភូបានចុះទស្សនកិច្ចសិក្សានៅសហគមន៍កសិកម្ម « ដំណើរបៃតង ដីល្អ ដំណាំល្អ » ស្ថិតក្នុងឃុំវិនដៀវ ខេត្តអានយ៉ាង និងវិទ្យាស្ថានផលិតពូជស្រូវនៅតំបន់ដីសណ្តទន្លេមេគង្គ។ គណៈប្រតិភូបានសិក្សាស្វែងយល់យ៉ាងស៊ីជម្រៅអំពីការរៀបចំ និងដឹកនាំសហគមន៍កសិកម្មឱ្យមានប្រសិទ្ធភាព ការគ្រប់គ្រងទឹក…
-
ELT : ៣៤ ឆ្នាំនៃការអប់រំភាសាអង់គ្លេស ដើម្បីកសាងធនធានមនុស្សសម្រាប់អនាគតកម្ពុជា
វិទ្យាស្ថានអប់រំភាសាអង់គ្លេស អ៊ី.អិល.ធី ELT បានប្រារព្ធពិធីប្រគល់វិញ្ញាបនបត្រ ភាសាអង់គ្លេសទូទៅ General English Program (GEP), មធ្យមសិក្សាបត្រភាសាអង់គ្លេស Diploma in English (DEE) , មធ្យមសិក្សាបត្រជាន់ខ្ពស់ភាសាអង់គ្លេស Advanced Diploma in English (ADE) ឆ្នាំ២០២៦ ដើម្បីអបអរសាទរសមិទ្ធផលរបស់សិស្សានុសិស្ស និងបើកទំព័រថ្មីសម្រាប់អនាគតជំនាន់ក្រោយ។ ELT Education Group កាលពីថ្ងៃទី២៩ ខែសីហា ឆ្នាំ២០២៦ បានប្រារព្ធ ពិធីចែកវិញ្ញាបនបត្របញ្ចប់ការសិក្សា ឆ្នាំ២០២៦ ដល់សិស្សនុសិស្សរបស់ខ្លួន នៅវិទ្យាស្ថានអប់រំភាសាអង់គ្លេសអ៊ី.អិល.ធី។ ពិធីនេះមានការអញ្ជើញចូលរួមពីសំណាក់ លោកជំទាវ បណ្ឌិត ជា នាងអេង ស្ថាបនិក និង អគ្គនាយិកា ក្រុមហ៊ុន អ៊ីអិលធី អេឌ្យូខេសិន មាតាបិតា និងអាណាព្យាបាល លោកគ្រូ អ្នកគ្រូ ថ្នាក់ដឹកនាំសាលា និងភ្ញៀវកិត្តិយសជាច្រើនរូប ដើម្បីអបអរសាទរចំពោះសមិទ្ធផល ការខិតខំប្រឹងប្រែង និងដំណើរនៃការរីកចម្រើនរបស់សិស្សានុសិស្ស។…