ក្នុងឱកាសនៃការប្រារព្ធទិវាគ្រូបង្រៀនឆ្នាំនេះ ក្រសួងអប់រំ យុវជន និងកីឡា និងអង្គការយូណេស្កូប្រចាំនៅកម្ពុជា បន្តរួមគ្នាលើកកម្ពស់តួនាទីដ៏សំខាន់របស់គ្រូបង្រៀន ក្នុងការសម្រួចអ្នកសិក្សាសតវត្សទី២១។ ទិវាគ្រូបង្រៀនត្រូវបានប្រារព្វឡើងនៅថ្ងៃទី៥ ខែតុលា ឆ្នាំ២០២៦នេះ នៅវិទ្យាស្ថានជាតិអប់រំ ក្រោមប្រធានបទ «គ្រូបង្រៀនជាសសរស្ដម្ភនៃគរុកោសល្យទំនើប ដើម្បីកសាងធនធានមនុស្សសតវត្សរ៍ទី២១»។ ឯកឧត្តម ហង់ ជួនណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានពន្យល់ថា ប្រធានបទ នេះឆ្លុះបញ្ចាំងអំពីតួនាទីស្នូលរបស់គ្រូបង្រៀន ក្នុងការបណ្តុះសម្បទាគ្រប់ជ្រុងជ្រោយដល់យុវជន ដើម្បីអាចឆ្លើយតបទៅនឹងបរិបទពិភពលោក ដែលកំពុងប្រែប្រួលឥតឈប់ឈរ។ ឯកឧត្តមលើកឡើងថា យើងទាំងអស់គ្នាកំពុងរស់នៅក្នុងយុគសម័យនៃបដិវត្តន៍ឧស្សាហកម្មជំនាន់ទី៤ ដែលមានបច្ចេកវិទ្យាឌីជីថល អ៊ុនធឺណិត បញ្ញាសិប្បនិម្មិត AI និង Big Data ព្រមទាំងការប្រឈមមុខនឹងការប្រែប្រួលអាកាសធាតុ ការបំពុលបរិស្ថាន សន្តិសុខស្បៀង និងបញ្ហាសង្គមជាច្រើនទៀត។ ក្នុងបរិបទនេះ ចំណេះដឹងមិនមានភាពថេរដូចកាលពីមុនទៀតទេ។ ការងារមួយចំនួនកំពុងត្រូវបានបច្ចេកវិទ្យា និងម៉ាស៊ីនជំនួស ខណៈការងារថ្មីៗក៏កំពុងកើតឡើង។ ដូច្នេះ សាលារៀនមិនអាចផ្តោតត្រឹមតែដំណើរការផ្ទេរចំណេះដឹងពីគ្រូទៅសិស្ស ឬការរៀនសូត្រ ដើម្បីតែប្រឡងនោះទេ។ រដ្ឋមន្រ្តីក្រសួងអប់រំបានសង្កត់ធ្ងន់លើសារសំខាន់នៃការរៀបចំសិស្សឱ្យមានសមត្ថភាពគិតវិភាគ ដោះស្រាយបញ្ហា ចេះសហការជាមួយអ្នកដទៃ ធ្វើទំនាក់ទំនងប្រកបដោយប្រសិទ្ធភាព មានភាពច្នៃប្រឌិត មានទំនួលខុសត្រូវ…

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងជាអនុប្រធានទី១ សមាគមអតីតយុទ្ធជន និងនិវត្តជនកម្ពុជា បានអញ្ជើញបើកមហាសន្និបាតសហព័ន្ធអតីតយុទ្ធជនបណ្តាប្រទេសអាស៊ាន (VECONAC) លើកទី២៥ នៅវិមានសន្តិភាព នៅព្រឹកថ្ងៃទី៥ ខែតុលា ឆ្នាំ២០២៦។ កម្ពុជាទទួលបានកិត្តិយសធ្វើជាម្ចាស់ផ្ទះលើកទី២រៀបចំព្រឹត្តិការណ៍មហាសន្និបាតសហព័ន្ធអតីតយុទ្ធជនបណ្តាប្រទេសអាស៊ាន (VECONAC) បន្ទាប់ពីលើកទី១ បានធ្វើឡើងនៅឆ្នាំ២០១៩។ មហាសន្និបាត VECONAC លើកទី២៥នេះ គឺជាវេទិកាយ៉ាងសំខាន់សម្រាប់អតីតយុទ្ធជនក្នុងតំបន់ ក្នុងការរឹតចំណងសាមគ្គីភាព មិត្តភាព និងកិច្ចសហប្រតិបត្តិការ ព្រមទាំងផ្លាស់ប្តូរបទពិសោធន៍ដើម្បីលើកកម្ពស់សុខុមាលភាពអតីតយុទ្ធជន និងជំរុញការចូលរួមថែរក្សាសន្តិភាព ស្ថិរភាព និងការអភិវឌ្ឍប្រកបដោយចីរភាពក្នុងសហគមន៍អាស៊ាន។ ព្រឹត្តិការណ៍លើកនេះត្រូវបានកត់សម្គាល់ដោយការទទួលស្គាល់ និងបញ្ចូល «ក្រុមប្រឹក្សាអ្នកតស៊ូរំដោះជាតិ» នៃប្រទេសទីម័រឡេស្តេ ឱ្យក្លាយជាសមាជិកថ្មីទី១១ របស់សហព័ន្ធ។ ការពង្រីកសមាជិកភាពនេះបង្ហាញយ៉ាងច្បាស់ពីការរីកចម្រើន និងស្មារតីរួបរួមគ្នាក្នុងការថែរក្សាសន្តិភាព និងការលើកកម្ពស់គុណភាពជីវិតរបស់អតីតយុទ្ធជននៅទូទាំងតំបន់។​សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានលើកឡើងថា មហាសន្និបាតលើកទី២៥នេះ នឹងក្លាយជាបង្គោលចរក្នុងការពង្រឹងសាមគ្គីភាព មិត្តភាព និងកិច្ចសហប្រតិបត្តិការនៃអតីយុទ្ធជនបណ្តាប្រទេសអាស៊ាន និងបន្តលើកកម្ពស់តួនាទីរបស់មហាសន្និបាតឲ្យកាន់តែសកម្ម និងមានប្រសិទ្ធភាព។ បង្កើតឡើងនៅឆ្នាំ១៩៨០ សហព័ន្ធអតីតយុទ្ធជនអាស៊ាន បានដើរតួនាទីយ៉ាងសកម្មអស់រយៈពេលជាង ៤ទសវត្សរ៍ ក្នុងការផ្ដល់ជំនួយមនុស្សធម៌ ការអភិវឌ្ឍជំនាញ និងការគាំទ្រគ្នាទៅវិញទៅមក។ ដោយឡែក សមាគមអតីតយុទ្ធជន និងនិវត្តជនកម្ពុជា…

រដ្ឋមន្ត្រីសុខាភិបាលបានចុះពិនិត្យការបម្រើសេវាសុខាភិបាលនៅទីទួលសុវត្ថិភាពមួយនៅខេត្តបន្ទាយមានជ័យ ដែលបានរងគ្រោះដោយសារទឹកជំនន់។ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងថ្នាក់ដឹកនាំ ព្រមទាំងមន្ត្រីបច្ចេកទេស កាលពីរសៀលថ្ងៃទី៣ ខែតុលា ឆ្នាំ២០២៦បានចុះសួរសុខទុក្ខក្រុមគ្រូពេទ្យប្រចាំការនៅទីទួលសុវត្ថិភាព ចំការតាដោក ខេត្តបន្ទាយមានជ័យ និងពិនិត្យការបម្រើសេវាសុខាភិបាល ជូនដល់ប្រជាពលរដ្ឋរងគ្រោះដោយសារទឹកជំនន់ ដែលកំពុងស្នាក់នៅទីនោះ។ ក្នុងការចុះពិនិត្យ និងសួរសុខទុក្ខបុគ្គលិកសុខាភិបាល ឯកឧត្តមសាស្រ្តាចារ្យរដ្ឋមន្រ្តីក៏បានជួបសំណេះសំណាលផ្ទាល់ជាមួយប្រជាពលរដ្ឋ ស្វែងយល់ពីទឹកចិត្ត អារម្មណ៍ ពិសេសលទ្ធផលនៃការបម្រើសេវាសុខាភិបាលនៅសហគមន៍ផងដែរ។ យោងតាមក្រសួងសុខាភិបាល ប្រជាពលរដ្ឋបានបង្ហាញការពេញចិត្ត កក់ក្តៅ ពីការបម្រើសេវាសុខភាពរបស់មន្ត្រី-បុគ្គលិកសុខាភិបាលសហគមន៍។ ជាព័ត៌មានត្រឡប់ បងប្អូនប្រជាពលរដ្ឋ បានបញ្ជាក់ជូនឯកឧត្តមរដ្ឋមន្ត្រី ពីការយកចិត្តទុកដាក់ ការផ្តល់ក្តីសង្ឃឹម ការផ្តល់ភាពញញឹម និងការបម្រើដ៏ស្មោះស្ម័គ្រកក់ក្តៅពីក្រុមគ្រូពេទ្យដែលនៅជាប់ជាមួយលោក។ ឯកឧត្តមសាស្ត្រាចារ្យ ឈាង រ៉ា បានសម្តែងការពេញចិត្ត ចំពោះស្មារតីវិជ្ជាជីវៈ និងការតាំងចិត្តខ្ពស់របស់មន្ត្រីសុខាភិបាល ចំពោះកាត្វកិច្ចរបស់ខ្លួន លើការបម្រើសេវា ដោយធានាថា មិនទុកឱ្យប្រជាពលរដ្ឋណាម្នាក់មិនទទួលបានការថែទាំសុខភាពឡើយ។ ជាមួយគ្នានេះ ឯកឧត្តមសាស្ត្រាចារ្យ បានណែនាំដល់ការបង្កើនការអប់រំផ្សព្វផ្សាយពីវិធានការថែរក្សាសុខភាពជាប្រចាំ ការយកចិត្តទុកដាក់លើអនាម័យ ការបរិភោគទឹកស្អាត និងការការពារជំងឺឆ្លងនានា ដែលអាចកើតមានក្នុងរដូវវស្សានេះ និងព្រមទាំងត្រៀមបម្រុងឱសថចាំបាច់កុំឱ្យមានការខាតខ្វះ ចន្លោះដោយប្រការណាមួយ។ ម៉្យាងទៀត ឯកឧត្តមរដ្ឋមន្ត្រីក្រសួងសុខាភិបាលបានណែនាំឱ្យត្រូវត្រៀមលក្ខណៈជាមុនក្នុងការទុកដាក់សម្ភារបរិក្ខារវេជ្ជសាស្ត្រ វ៉ាក់សាំង…

ក្នុងពេលដែលវត្តអារាមនានាកំពុងមានពុទ្ធបរិស័ទ និងពលរដ្ឋច្រើនកុះករ វត្តដំបូកខ្មៅលើខ្នងភ្នំត្បែងដាច់ស្រយាល ក្នុងខេត្តព្រះវិហារ បែរជាកំពុងស្ងាត់ជ្រងំ ក្នុងរដូវភ្ជុំបិណ្ឌនេះ។ ស្ថិតនៅលើខ្នងភ្នំខ្ពស់ដាច់ស្រយាលនៃខេត្តព្រះវិហារ វត្តដំបូកខ្មៅ កំពុងមានភាពស្ងប់ស្ងាត់ ក្នុងរដូវភ្ជុំបិណ្ឌនេះ ដោយសារពុំសូវមានពុទ្ធបរិស័ទធ្វើដំណើរឡើងទៅដល់។​ព្រះតេជគុណ សេង កំពូល ចៅអធិការវត្តដំបូកខ្មៅ មានថេរដីកាថា ចាប់តាំងពីថ្ងៃកាន់បិណ្ឌមក ស្ទើរតែគ្មានពុទ្ធបរិស័ទឡើងប្រគេនចង្ហាន់ដល់វត្តលើភ្នំនេះឡើយ ដោយសារការធ្វើដំណើរឡើងចុះមានការលំបាក ហើយបញ្ហានេះបានកើតឡើងជារៀងរាល់ឆ្នាំ។ បើតាមព្រះអង្គ វត្តលើភ្នំនេះមានជណ្តើរ ១ ៣៤៥កាំ ដែលត្រូវចំណាយពេលឡើងពី ៣០ ទៅ ៤០នាទី ធ្វើឱ្យប្រជាពលរដ្ឋ ជាពិសេសមនុស្សចាស់ពិបាកធ្វើដំណើរឡើងចុះ ខណៈបច្ចុប្បន្នមានព្រះសង្ឃគង់នៅចំនួន ៣ អង្គ។ ដោយសារភ្នំត្បែងជាទីសក្ការៈបុរាណ និងជាតំបន់បេតិកភណ្ឌធម្មជាតិពោរពេញដោយសត្វកម្រ និងជីវៈចម្រុះ ទាក់ទាញភ្ញៀវទេសចរជាច្រើន ព្រះចៅអធិការវត្តដំបូកខ្មៅមានថេរដីកាថា ទោះបីជាមានការខ្វះខាតខ្លះ ប៉ុន្តែវត្តនៅមានចង្ហាន់គ្រប់គ្រាន់នៅឡើយ ដោយសារបានបច្ច័យ និងស្បៀងអាហារទ្រទ្រង់ពីភ្ញៀវទេសចរដែលមកកម្សាន្ត។ ព្រះតេជគុណ សេង កំពូល បានអំពាវនាវដល់ពុទ្ធបរិស័ទឱ្យចូលរួមធ្វើបុណ្យនៅវត្តដំបូកខ្មៅ ដើម្បីរួមចំណែកកសាងវត្ត និងធ្វើបុណ្យតាមប្រពៃណីខ្មែរ។ ព្រះអង្គបន្ថែមថា ក្រៅពីបានធ្វើបុណ្យ ពលរដ្ឋដែលឡើងមកកាន់ទីនេះ ក៏អាចទស្សនាកម្សាន្តជាមួយធម្មជាតិ និងសត្វព្រៃជាច្រើនទៀតផង។ មន្ទីរទេសចរណ៍ខេត្តព្រះវិហារ បានឱ្យដឹងថា ភ្នំត្បែងជាគោលដៅដ៏សំខាន់មួយសម្រាប់ភ្ញៀវទេសចរ…

កំពត ៖ ដូចការគ្រោងទុក ភ្ញៀវទេសចរជាតិ និងអន្តរជាតិជាង ២ពាន់នាក់ មកពី ២៦ប្រទេស បានជួបជុំគ្នារត់ក្នុងព្រឹត្តិការណ៍ «រត់ដើម្បី​ទេសចរ​ណ៍បៃតង លើភ្នំបូកគោ» នាព្រឹកថ្ងៃទី៤ ខែតុលា ឆ្នាំ២០២៦ លើខ្នងភ្នំបូកគោ ខេត្តកំពត ដែលរៀបចំដោយក្រសួងទេសចរណ៍ និងរដ្ឋបាលខេត្ត ក្នុងគោលបំណងដើម្បីលើកកម្ពស់ការផ្សព្វផ្សាយទេសចរណ៍បៃតង និងទេសចរណ៍កីឡាកម្ពុជា។ ព្រឹត្តិការណ៍ «រត់ដើម្បី​ទេសចរ​ណ៍បៃតង លើភ្នំបូកគោ» គឺជាសកម្មភាពដ៏លេចធ្លោមួយក្នុង «ព្រឹត្តិការណ៍ទេសចរណ៍រដូវកាល​បៃតង​តំបន់ឆ្នេរ ឆ្នាំ២០២៦» រយៈពេល ៣ថ្ងៃចាប់ពីថ្ងៃទី២ ដល់ទី៤ ខែតុលា នៅខេត្តកំពត ដោយមានការចូលរួមពីរដ្ឋបាលខេត្តកែប ព្រះសីហនុ និងខេត្តកោះកុង ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម ម៉ៅ ធនិន អភិបាលខេត្តកំពតជាម្ចាស់ផ្ទះ។ មានប្រសាសន៍ទៅកាន់អ្នកចូលរួមនាឱកាសនោះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានគូសបញ្ជាក់ថា ព្រឹត្តិការណ៍នេះធ្វើ​ឡើងដើម្បីជំរុញការផ្សព្វផ្សាយ​សក្តានុពលទេសចរណ៍ខេត្តតំបន់ឆ្នេរទាំង៤ ទៅកាន់ពិភពលោក និងបានអំពាវនាវឱ្យប្រជាពលរដ្ឋចូលរួម​ផ្សព្វផ្សាយទេសចរណ៍ ក្រោមទិសស្លោក «ប្រជាពលរដ្ឋម្នាក់ គឺជាអ្នកផ្សព្វផ្សាយទេសចរណ៍ម្នាក់»។…