វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បាននិយាយកាលពីថ្ងៃ សុក្រ ថា សហរដ្ឋអាមេរិកនៅមិនទាន់បានយល់ព្រមឱ្យអ៊ុយក្រែនផលិតមីស៊ីលសម្រាប់សំណាញ់មេឃ Patriot នៅឡើយទេ ។ ប៉ុន្តែមេដឹកនាំអាមេរិករូបនេះ អះអាងថា ការចរចាកំពុងដំណើរការ ខណៈដែលសហរដ្ឋអាមេរិកត្រូវតែប្រុងប្រយ័ត្នខ្ពស់ នៅក្នុងការអនុញ្ញាតឱ្យប្រទេសណាមួយផលិតមីស៊ីលស្ទាក់ចាប់សម្រាប់ប្រព័ន្ធខែលការពារដែនអាកាស Patriot ។ លោកប្រធានាធិបតី ត្រាំ បាននិយាយក្នុងបទសម្ភាសន៍មួយ អំឡុងកិច្ចប្រជុំគណៈរដ្ឋមន្រ្តីនៅឯជំរុំ Camp David ថា មីស៊ីលស្ទាក់ចាប់របស់សំណាញ់មេឃ Patriot គឺជាអាវុធដ៏អស្ចារ្យ និងមានឥទ្ធិពលខ្លាំង ។ លោកថា ដូច្នេះ អាមេរិកត្រូវតែមានការប្រុងប្រយ័ត្នខ្ពស់ ក្នុងការចែករំលែកបច្ចេកវិទ្យាសម្ងាត់នេះ ពីព្រោះថ្ងៃណាមួយ បច្ចេកវិទ្យានេះអាចនឹងត្រូវគេយកមកប្រឆាំងនឹងសហរដ្ឋអាមេរិកវិញក៏ថាបាន ។ បើតាម Straits Times, អ៊ុយក្រែនបានចាត់ទុកប្រព័ន្ធខែលការពារដែនអាកាស Patriot គឺជាតួឯករបស់ខ្លួន ដោយសារតែវាជួយឲ្យទីក្រុងកៀវ ដណ្ដើមបានទឹកមួយចំនួនពីរុស្ស៊ីមកវិញ ក្នុងអំឡុងការប្រយុទ្ធកាលពីរដូវរងា ។ ប៉ុន្តែដោយសារតែសហរដ្ឋអាមេរិកដែលជាអ្នកផ្គត់ផ្គង់ប្រព័ន្ធខែលការពារដែនអាកាស Patriot ដ៏ធំរបស់អ៊ុយក្រែន កំពុងជាប់ដៃធ្វើសង្គ្រាមនៅតំបន់មជ្ឈិមបូព៌ា ទើបធ្វើឲ្យអ៊ុយក្រែនខ្វះខាតគ្រាប់មីស៊ីលស្ទាក់ចាប់ សម្រាប់បំពាក់លើសំណាញ់មេឃមួយនេះ…

ប៉េកាំង ៖ ប្រទេសចិន កាលពីថ្ងៃ សុក្រ បានជំរុញឱ្យសហរដ្ឋអាមេរិកបញ្ឈប់ការគំរាមកំហែង ក្នុងការប្រើប្រាស់កម្លាំងយោធាប្រឆាំងប្រទេសគុយបា និងបញ្ឈប់ការដាក់ទណ្ឌកម្មឯកតោភាគី ព្រមទាំងការបិទខ្ទប់ប្រទេសជាបន្ទាន់ ។ នៅពេលត្រូវបានសួរនាំអំពីរបាយការណ៍ដែលថា សហរដ្ឋអាមេរិកកំពុងរៀបចំផែនការប្រតិបត្តិការយោធាប្រឆាំងនឹងគុយបា, អ្នកនាំពាក្យក្រសួងការបរទេសចិន លោកស្រី Mao Ning និយាយថា ប្រទេសចិននឹងបន្តគាំទ្រយ៉ាងរឹងមាំដល់ប្រទេសគុយបា ក្នុងការការពារអធិបតេយ្យភាពជាតិរបស់ខ្លួន ហើយប្រឆាំងនឹងការជ្រៀតជ្រែកពីខាងក្រៅ ។ លោកស្រី Mao បានសង្កត់ធ្ងន់ថា ប្រទេសចិននឹងធ្វើការជាមួយគ្រប់ភាគីទាំងអស់ ដើម្បីការពារ “ភាពយុត្តិធម៌ និងសច្ចៈធម៌អន្តរជាតិ” ។ បើតាម Anadolu, ទំនាក់ទំនងរវាងគុយបា និងសហរដ្ឋអាមេរិកបានឈានចូលដល់ដំណាក់កាលប្រឈមមុខដាក់គ្នា ស្ថិតក្រោមការដឹកនាំរបស់លោកប្រធានាធិបតី ដូណាល់ ត្រាំ ដែលមានគោលបំណងផ្លាស់ប្តូររបបដឹកនាំគុយបា ។ ជាមួយគ្នានេះ សហរដ្ឋអាមេរិកបានប្រើប្រាស់វិធានការបិទខ្ទប់ផ្លូវដឹកជញ្ជូនប្រេង និងដាក់ទណ្ឌកម្មយ៉ាងទូលំទូលាយ ដើម្បីបង្កើនសម្ពាធលើទីក្រុងឡាហាឡាវ៉ាន ដែលនាំឱ្យមានការដាច់ចរន្តអគ្គិសនីអស់រយៈពេលជាច្រើនខែ និងអស្ថិរភាពបណ្តាញផ្គត់ផ្គង់អគ្គិសនី ៕ ប្រភព ៖ Anadolu ប្រែសម្រួល ៖ ឈឹម ទីណា

ប៉េកាំង ៖ ប្រទេសចិនបានចាប់បំពាក់មីស៊ីល YJ-20 ដែលអាចរត់ទម្លុះមេឃក្នុងល្បឿនលឿនជាងសំឡេង ៦ ដង ទៅដល់នាវាចម្បាំង Type 052D ដែលមានទម្ងន់ ៧,៥០០ តោន ។ បើតាម Interesting engineering, មីស៊ីល YJ-20 អាចហោះក្នុងចម្ងាយពី ១,៥០០ ទៅ ២,០០០ គីឡូម៉ែត្រ ។ វាត្រូវបានគេជឿថា អាចរត់ក្នុងល្បឿនលឿនជាងសំឡេង ៦ដង ហើយអាចបង្កើនល្បឿនលឿនជាងសំឡេងរហូតដល់ ១០ ដង បន្ទាប់ពីការធ្វើទំនើបកម្មរួច ដែលធ្វើឱ្យវាក្លាយជាមីស៊ីលប្រឆាំងនាវាដែលបាញ់ចេញពីនាវាលឿនបំផុតមួយក្នុងពិភពលោក ។ មីស៊ីល YJ-20 ពីមុនមក ត្រូវបានគេឃើញបំពាក់តែនៅលើនាវាចម្បាំងធុនធ្ងន់ Type 055 មានទម្ងន់ ១៣,០០០ តោនប៉ុណ្ណោះ ប៉ុន្តែការបង្ហាញចុងក្រោយនេះបញ្ជាក់ថា វាក៏អាចបំពាក់ និងបាញ់ចេញពីនាវាពិឃាតធុនស្រាល Type 052D មានទម្ងន់ត្រឹមតែ ៧,៥០០ តោនផងដែរ ៕ ប្រទេសមហាយក្សនៅអាស៊ីមួយនេះ បានដាក់ដំណើរការនាវាពិឃាតធុនស្រាល Type…

វ៉ាស៊ីនតោន ៖ មន្ទីរបញ្ចកោណ នៃក្រសួងសង្គ្រាមអាមេរិក បានប្រកាសកាលពីថ្ងៃ ពុធ ថា កងទ័ពអាមេរិកបានផ្ដល់កុងត្រាមានតម្លៃ ៥៨,៦ ពាន់លានដុល្លារ ទៅឱ្យក្រុមហ៊ុនម៉ៅការការពារជាតិ Lockheed Martin ដើម្បីផលិតគ្រាប់មីស៊ីលស្ទាប់ចាប់ សម្រាប់សំណាញ់មេឃ Patriot ខណៈសង្រ្គាមអ៊ីរ៉ង់ និងអ៊ុយក្រែនបានបង្កើនសម្ពាធដល់ឃ្លាំងស្ដុកអាវុធសហរដ្ឋអាមេរិក ។ យោងតាមប្រភពពីលោកខាងលិច, កងទ័ពអាមេរិកបានបាញ់អស់គ្រាប់មីស៊ីលសម្រាប់ប្រព័ន្ធ Patriot ដល់ទៅជាង ៨០០ គ្រាប់ ក្នុងពេលត្រឹមតែ ៥ ថ្ងៃប៉ុណ្ណោះ អំឡុងការប្រយុទ្ធគ្នាជាមួយកងកម្លាំងអ៊ីរ៉ង់ ។ សំណាញ់មេឃ Patriot គឺជាប្រព័ន្ធខែលប្រឆាំងមីស៊ីល ដែលបាញ់ចេញពីផ្ទៃដីទៅអាកាសដ៏ទំនើបបំផុតរបស់សហរដ្ឋអាមេរិក ។ ប្រព័ន្ធរ៉ាដារបស់ Patriot គ្របដណ្ដប់លើរយៈចម្ងាយ ១៥០ គីឡូម៉ែត្រ និងបំពាក់ដោយមីស៊ីលដ៏មានអនុភាពចំនួន ២ ប្រភេទ ។ ក្នុងនោះមីស៊ីលស្ទាក់ចាប់ PAC-2 របស់ប្រព័ន្ធ Patriot អាចបាញ់បានចម្ងាយលើស ១០០ គីឡូម៉ែត្រ និងមីស៊ីលស្ទាក់ចាប់ PAC-3 បាញ់បានចម្ងាយអតិបរមា ៦៩…

ម៉ានីល ៖ «ប្រទេសបារាំងមានបំណងពង្រឹងកិច្ចសហប្រតិបត្តិការផ្នែកការពារជាតិ និង អាចសហការលើវិស័យ​នុយក្លេអ៊ែរ ជាមួយហ្វីលីពីន»។ នេះគឺជាការគូសបញ្ជាក់របស់ឯកអគ្គរដ្ឋទូតបារាំង ប្រចាំនៅទីក្រុងម៉ានីល កាលពីថ្ងៃព្រហស្បតិ៍។ លោកស្រី Marie Fontanel ឯកអគ្គរដ្ឋទូតដែលនឹងបញ្ចប់អាណត្តិការងារ បានប្រាប់អ្នកសារព័ត៌មានថា បារាំងមានឧស្សាហកម្មការពារជាតិដ៏ទូលំទូលាយ និងអាចពឹងផ្អែកបាន ដើម្បីជួយគាំទ្រដល់ប្រទេសហ្វីលីពីន ប្រសិនបើទីក្រុងម៉ានីលសម្រេចចិត្តទិញសម្ភារៈ ឬ ឧបករណ៍យោធាបន្ថែមទៀត។ លើសពីនេះ ប្រទេសបារាំងក៏ត្រៀមខ្លួនរួចរាល់ ក្នុងការចែករំលែកបទពិសោធន៍ដ៏ទូលំទូលាយរបស់ខ្លួន លើវិស័យ​នុយក្លេអ៊ែរផងដែរ ខណៈដែលប្រទេសហ្វីលីពីនកំពុងសិក្សាស្វែងយល់អំពីវិស័យមួយនេះ ដែលជាផ្នែកមួយនៃយុទ្ធសាស្ត្រថាមពលរយៈពេលវែងរបស់ខ្លួន។ បើតាម abs-cbn, ការលើកឡើងរបស់ ឯកអគ្គរដ្ឋទូតបារាំងប្រចាំហ្វីលីពីន បានធ្វើឡើង នៅប៉ុន្មានថ្ងៃបន្ទាប់ពី លោក Ferdinand Marcos ប្រធានាធិបតីហ្វីលីពីន បានលើកឡើងថា វាដល់ពេលហើយដែលប្រទេសរបស់លោកត្រូវសិក្សាស្វែងយល់អំពីថាមពលនុយក្លេអ៊ែរ ហើយ លោកក៏បានលើកឡើងអំពីការការពារសិទ្ធិ និងទឹកដីរបស់ប្រទេសជាតិផងដែរ។ ហ្វីលីពីន និង បារាំងបានពង្រីកទំនាក់ទំនងផ្នែកការពារជាតិយ៉ាងខ្លាំងរួចទៅហើយ ដោយបានចុះហត្ថលេខាលើកិច្ចព្រមព្រៀងស្តីពី «ស្ថានភាពកងកម្លាំងដែលមកបំពេញទស្សនកិច្ច» ហៅកាត់ SOVFA នៅទីក្រុងប៉ារីស កាលពីខែមីនា ឆ្នាំមុន។ កិច្ចព្រមព្រៀងនេះផ្តល់នូវក្របខ័ណ្ឌសម្រាប់កម្លាំងយោធានៃប្រទេសទាំងពីរ ក្នុងការប្រតិបត្តិការនៅលើទឹកដីរបស់គ្នា ទៅវិញទៅមក ផងដែរ៕…

តូក្យូ ៖ ប្រទេសជប៉ុនកាលពីថ្ងៃព្រហស្បតិ៍បានប្រកាសពីការសាកល្បងបាញ់បង្ហោះមីស៊ីលអាមេរិក Tomahawk ជាលើកដំបូងចេញពីនាវាពិឃាតប្រភេទ Aegis ចូលទៅក្នុងមហាសមុទ្រប៉ាស៊ីហ្វិក ។ បើតាម sbs news, Tomahawk គឺជាមីស៊ីលនាំផ្លូវដែលអាចហោះហើរក្នុងរយៈចម្ងាយពី ១,៦០០ ទៅ ២,៥០០ គីឡូម៉ែត្រ ។ រយៈចម្ងាយនេះ អាចធ្វើឲ្យមីស៊ីល Tomahawk វាយប្រហារដល់គោលដៅក្នុងប្រទេសកូរ៉េខាងជើង ចិន និងរុស្ស៊ី ។ បន្ទាប់ពីការបាញ់មីស៊ីល Tomahawk នៅតំបន់ប៉ាស៊ីហ្វិក បាន១ថ្ងៃ, កូរ៉េខាងជើង បានចេញមុខព្រមានថា សង្គ្រាមឧបទ្វីបកូរ៉េជិតផ្ទុះឡើងហើយ ព្រោះទីក្រុងវ៉ាស៊ីនតោនបានបញ្ជ្រាបកម្លាំងយោធាក្នុងតំបន់កាន់តែរីកធំឡើង ។ បើតាមអត្ថបទវិចារណកថាមួយ ដែលចុះផ្សាយដោយទីភ្នាក់ងារសារព័ត៌មានរដ្ឋកូរ៉េខាងជើង KCNA នៅថ្ងៃសុក្រនេះ បានរិះគន់ការបង្កើនសមត្ថភាពរបស់បញ្ជាការដ្ឋានកងទ័ពអាមេរិក ប្រចាំនៅជប៉ុន ដោយព្រមានថា ការប៉ះទង្គិចគ្នានៅលើឧបទ្វីបកូរ៉េ គឺជារឿងដែលនឹងត្រូវកើតឡើងជាក់ជាមិនខាន ដោយគ្រាន់តែជាបញ្ហានៃពេលវេលាប៉ុណ្ណោះ មិនមែនគ្រាន់តែជាលទ្ធភាពដែលអាចកើតមាននោះទេ ។ អត្ថបទនោះលើកឡើងថា ការបង្កើនចំនួនកងទ័ពនៅទីបញ្ជាការកងទ័ពអាមេរិកប្រចាំនៅជប៉ុន បង្ហាញថា បញ្ជាការដ្ឋាននេះកំពុងប្រែខ្លួនទៅជា «បញ្ជាការដ្ឋានសម្រាប់ធ្វើសង្គ្រាម» ពេញលេញមួយ ហើយបានចោទប្រកាន់ទីក្រុងវ៉ាស៊ីនតោនថា កំពុងរៀបចំកងកម្លាំងស្វ័យការពារជប៉ុន សម្រាប់ការប៉ះទង្គិចគ្នា…