អ.ស.ប ៖ រដ្ឋមន្ត្រីការបរទេសនៃប្រទេសរុស្ស៊ី និងអាល្លឺម៉ង់ បានជួបគ្នានៅទីក្រុងញូវយ៉ក ក្នុងអំឡុងពេលនៃកិច្ចប្រជុំមហាសន្និបាតអង្គការសហប្រជាជាតិ ហើយនេះគឺជាកិច្ចពិភាក្សាទ្វេភាគីលើកដំបូង ចាប់តាំងរុស្ស៊ីបើកប្រតិបត្តិការយោធាលុកលុយចូលទឹកដីអ៊ុយក្រែន ក្នុងឆ្នាំ២០២២ ខណៈទីក្រុងមូស្គូហៅថា ជាប្រតិបត្តិការយោធាពិសេស។ បើតាម Straits Times, ទំនាក់ទំនងរវាងទីក្រុងមូស្គូ និងទីក្រុងប៊ែរឡាំងដែលជាសម្ព័ន្ធមិត្តជិតស្និទ្ធរបស់អ៊ុយក្រែន ត្រូវបានកាត់ផ្តាច់ ឬ ជាប់គាំងចាប់តាំងឆ្នាំ២០២២មក ហើយភាពតានតឹងបានកើនឡើងថែមទៀត បន្ទាប់ពីមានហេតុការណ៍ទាក់ទងនឹងយន្តហោះគ្មានមនុស្សបើកនៅឯព្រលានយន្តហោះ Leipzig/Halle ក្នុងភាគខាងកើតប្រទេសអាល្លឺម៉ង់ កាលពីខែសីហា។ ក្នុងសញ្ញាបង្ហាញពីភាពត្រជាក់ត្រជុំនៃទំនាក់ទំនងដែលនៅតែបន្តនោះ, រដ្ឋមន្ត្រីការបរទេសរុស្ស៊ី លោក Sergey Lavrov បានប្រាប់សន្និសីទសារព័ត៌មានថា លោកមិនទទួលបានព័ត៌មានថ្មីអ្វីឡើយពីសមភាគីអាល្លឺម៉ង់របស់លោក នៅក្នុងកិច្ចពិភាក្សានោះ ដែលខុសប្លែកពីអ្វីដែលទីក្រុងប៊ែរឡាំងបាននិយាយជាសាធារណៈរួចហើយ នៅក្នុងសេចក្តីថ្លែងការណ៍ផ្លូវការរបស់ខ្លួន។ លោក Lavrov បាននិយាយថា «ខ្ញុំបានប្រាប់គាត់ដោយត្រង់ថា… អ្នកគ្រាន់តែអាចទូរស័ព្ទមកខ្ញុំ ហើយនិយាយថា សូមអានសេចក្តីថ្លែងការណ៍របស់ខ្ញុំទៅ ក៏បានដែរ»។ យ៉ាងណាក៏ដោយ បើតាមមន្ត្រីមកពីភាគីទាំងពីរ, លោក Johann Wadephul រដ្ឋមន្ត្រីការបរទេសអាល្លឺម៉ង់ និង លោក Sergey Lavrov រដ្ឋមន្ត្រីការបរទេសរុស្ស៊ី បានពិភាក្សាអំពីទំនាក់ទំនងទ្វេភាគី និង…

វ៉ាស៊ីនតោន ៖ ឯកអគ្គរដ្ឋទូតអាមេរិកប្រចាំប្រទេសចិន លោក ដេវីដ ភើយូ បានទម្លាយប្រាប់ Fox News ថា ប្រធានាធិបតីអាមេរិក លោក ដូណាល់ ត្រាំ ធ្លាប់សាកសួរប្រមុខដឹកនាំកំពូលចិន លោក ស៊ី ជីនពីង ថាតើទីក្រុងប៉េកាំងមានចំណាប់អារម្មណ៍ចង់ទិញអាវុធពីទីក្រុងវ៉ាស៊ីនតោនដែរឬទេ។ ការអះអាងនេះកើតឡើង ចំពេលដែលបញ្ហាលក់អាវុធរបស់សហរដ្ឋអាមេរិកទៅឱ្យកោះតៃវ៉ាន់ កំពុងក្លាយជាចំណុចដ៏រសើបមួយ ក្នុងទំនាក់ទំនងទ្វេភាគីរវាងទីក្រុងវ៉ាស៊ីនតោន និងទីក្រុងប៉េកាំង។ មូលហេតុ គឺដោយសារតែមហាយក្សចិនតែងតែចាត់ទុកកោះតៃវ៉ាន់ ជាផ្នែកមួយនៃទឹកដីរបស់ខ្លួន ហើយប្រឆាំងយ៉ាងដាច់អហង្ការជាប្រចាំ ចំពោះការលក់អាវុធណាមួយរបស់សហរដ្ឋអាមេរិកទៅឱ្យកោះមួយនេះ។  ទោះបីមានការជំទាស់តវ៉ារបស់ចិនក៏ដោយ ក៏សហរដ្ឋអាមេរិកបានអនុម័តការលក់អាវុធតម្លៃប្រមាណ ១១,១ ពាន់លានដុល្លារ ទៅឱ្យតៃវ៉ាន់កាលពីខែធ្នូ ឆ្នាំ២០២៥ ខណៈដែលកញ្ចប់អាវុធមួយទៀតមានតម្លៃប្រហែល ១៤ ពាន់លានដុល្លារ នៅតែរង់ចាំការអនុម័តប៉ុណ្ណោះ។ បើតាមឯកអគ្គរដ្ឋទូតអាមេរិកប្រចាំប្រទេសចិន, លោក ត្រាំ តែងតែលើកឡើងថា សហរដ្ឋអាមេរិកបានលក់អាវុធទៅឱ្យប្រទេសជាច្រើនជុំវិញពិភពលោក។ ដូច្នេះហើយ ក្នុងកិច្ចពិភាក្សាជាមួយលោក ស៊ី, លោក Trump ក៏បានសួរថាតើចិនចង់ទិញអាវុធពីសហរដ្ឋអាមេរិកដែរឬទេ។ ភ្លាមៗបន្ទាប់ពីបទសម្ភាសន៍ត្រូវបានចាក់ផ្សាយ សេតវិមានបានប្រាប់កាសែត New York Times ថា សហរដ្ឋអាមេរិកគ្មានផែនការលក់អាវុធឱ្យចិនឡើយ។ ចំណែកឯក្រសួងការបរទេសអាមេរិកក៏បានបញ្ជាក់ដែរថា ច្បាប់របស់សហរដ្ឋអាមេរិក គឺហាមឃាត់ដាច់ខាតការលក់អាវុធទៅឱ្យចិន។ យ៉ាងណា…

អ.ស.ប ៖ ប្រមុខអង្គការសហប្រជាជាតិ លោក Antonio Guterres និង ប្រធានាធិបតីអ៊ីរ៉ង់ លោក Masoud Pezeshkian បានជួបពិភាក្សាគ្នា អំពីសេរីភាពនៃការធ្វើនាវាចរណ៍អន្តរជាតិ ជាពិសេស ការឈានទៅបើកច្រក ហ័រមូស ឡើងវិញ។ នេះបើតាមសេចក្តីថ្លែងការណ៍របស់ UN នៅក្រោយជំនួប។ អំឡុងការជួបប្រជុំ នៅក្រៅមហាសន្និបាត UN នាពេលនោះ, អគ្គលេខាធិការអង្គការសហប្រជាជាតិ និង ភាគីអ៊ីរ៉ង់ បានសង្កត់ធ្ងន់លើភាពចាំបាច់ក្នុងការដោះស្រាយសង្គ្រាមនៅមជ្ឈិមបូព៌ា តាមរយៈកិច្ចសន្ទនា និងការចរចា។ ប្រភពបញ្ជាក់ថា «អគ្គលេខាធិការបានសង្កត់ធ្ងន់លើភាពចាំបាច់ជាបន្ទាន់ ក្នុងការដោះស្រាយជម្លោះនៅមជ្ឈិមបូព៌ា តាមរយៈកិច្ចសន្ទនា និងការចរចា ដោយគោរពយ៉ាងពេញលេញនូវច្បាប់អន្តរជាតិ រួមទាំងសិទ្ធិ និងសេរីភាពនៃការធ្វើនាវាចរណ៍អន្តរជាតិនៅក្នុង និងជុំវិញច្រកសមុទ្រ Hormuz»។ លោក Guterres ក៏បានបញ្ជាក់ជាថ្មីអំពីការប្តេជ្ញាចិត្តរបស់អង្គការសហប្រជាជាតិ ក្នុងការ «គាំទ្ររាល់កិច្ចខិតខំប្រឹងប្រែងផ្នែកការទូត» ផងដែរ។ បើតាម anadolu,ជំនួបដែលគេរៀបចំធ្វើ កាលពីថ្ងៃសុក្រ សប្តាហ៍មុន នាពេលនោះ បានកើតមានឡើង ស្របពេលដែលអ៊ីរ៉ង់បានប្រកាសថា ខ្លួនបានដាក់ចេញនូវសំណើមួយដែលមានរយៈពេល ៧…

ប៉ារីស ៖ ប្រទេសបារាំងបានចោទប្រកាន់រដ្ឋាភិបាលអ៊ីស្រាអែលពេញៗមាត់ ថាបានបើកដៃឱ្យមានអំពើហិង្សាប្រឆាំងជនជាតិប៉ាឡេស្ទីន និងការបន្តរឹបអូសយកទឹកដីរបស់ប៉ាឡេស្ទីននៅក្នុងតំបន់ West Bank។ បើតាម Anadolu, រដ្ឋមន្ត្រីការបរទេសបារាំង លោក Jean-Noel Barrot និយាយថា អំពើហិង្សាកំពុងកើនឡើងមិនធ្លាប់មានពីមុនមក បង្កឡើងដោយជនជាតិអ៊ីស្រាអែល ដែលមានចិត្តគំនិតជ្រុលនិយមប្រឆាំងនឹងជនជាតិប៉ាឡេស្ទីននៅតំបន់ West Bank។ ប្រមុខការទូតកំពូលបារាំងរូបនេះ ថែមទាំងរិះគន់ធ្ងន់ៗថា រដ្ឋាភិបាលអ៊ីស្រាអែលកំពុងបង្ហាញពីការបណ្តែតបណ្តោយ និងការអត់អោនឱ្យអំពើហិង្សា ដែលគួរឱ្យស្តីបន្ទោស និងគួរឱ្យអាម៉ាស់បំផុត ចំពោះអ្វីដែលកំពុងកើតឡើងនៅតំបន់ West Bank។ ការរិះគន់ធ្ងន់ៗរបស់លោក Barrot កើតឡើងក្រោយប្រធានាធិបតីបារាំង លោក Emmanuel Macron បានប្រាប់មហាសន្និបាតអង្គការសហប្រជាជាតិ កាលពីសប្តាហ៍មុនថា ការរំលោភបំពានកំពុងកើតឡើងជារៀងរាល់ថ្ងៃនៅតំបន់ West Bank។ មេដឹកនាំបារាំងរូបនេះ បានចោទសួរបែបឌឺដងអ៊ីស្រាអែលចំៗ ថាតើសកម្មភាពបំពានទាំងនោះ ត្រូវបានធ្វើឡើងក្នុងគោលបំណងអ្វីឱ្យពិតប្រាកដ ហើយលោក Macron ថែមទាំងបាននិយាយផ្លែផ្កាថា ក្រុមហាម៉ាសមិនដែលធ្វើប្រតិបត្តិការនៅ តំបន់ West Bank ទេ។ ឆ្លើយតបការនិយាយផ្លែផ្កាធ្ងន់ៗរបស់បារាំង ភាគីអ៊ីស្រាអែលបានរិះគន់ការលើកឡើងរបស់លោកប្រធានាធិបតី Macron ដោយចាត់ទុកថា…

សេអ៊ូល ៖ ការិយាល័យប្រធានាធិបតីកូរ៉េខាងត្បូង បានទាមទារឲ្យអ៊ុយក្រែនផ្តល់ការពន្យល់ជាផ្លូវការ និងសុំទោស ចំពោះការទម្លាយការសម្ងាត់អំពីការផ្ទេរឈ្លើយសឹកកូរ៉េខាងជើងចំនួន ២ នាក់ទៅកាន់កូរ៉េខាងត្បូង និងការបដិសេធថា ប្រទេសទាំងពីរមិនបានព្រមព្រៀងរក្សាការសម្ងាត់ចំពោះរឿងនេះឡើយ។ បើតាម Straits Times, ជម្លោះរវាងកូរ៉េខាងត្បូង និងអ៊ុយក្រែនបានផ្ទុះឡើង បន្ទាប់ពីលោក Zelensky បានថ្លែងទៅកាន់មហាសន្និបាតអង្គការសហប្រជាជាតិ ដោយទម្លាយថា អ៊ុយក្រែនបានផ្ទេរទាហានកូរ៉េខាងជើង ២ នាក់ ដែលត្រូវបានចាប់ខ្លួននៅតំបន់ Kursk កាលពីខែមករា ឆ្នាំ២០២៥ ពេលកំពុងជួយច្បាំងរុស្ស៊ី ទៅឱ្យកូរ៉េខាងត្បូង។ ក្រោយការប្រកាសនេះ ភាគីអ៊ុយក្រែនក៏បានបដិសេធផងដែរថា មិនមានកិច្ចព្រមព្រៀងរក្សាការសម្ងាត់ណាមួយឡើយ ដោយជំនួយការប្រធានាធិបតីអ៊ុយក្រែនអះអាងថា អ៊ុយក្រែនជាប្រទេសបើកចំហ ដូច្នេះខ្លួននឹងលាក់បាំងចំពោះរឿងនេះទេ។ យ៉ាងណា លេខាធិការជាន់ខ្ពស់ប្រធានាធិបតីកូរ៉េខាងត្បូង ទទួលបន្ទុកកិច្ចការសាធារណៈ លោក Seong Ghi-hong និយាយថា ការអះអាងរបស់អ៊ុយក្រែន ដែលថា គ្មានកិច្ចព្រមព្រៀងសម្ងាត់ គឺជារឿងមិនពិត។ យោងតាមលោក Seong, ការបដិសេធនោះបានធ្វើឱ្យប៉ះពាល់យ៉ាងធ្ងន់ធ្ងរដល់ទំនុកចិត្តរវាងរដ្ឋាភិបាលទាំងពីរ និងអាចបង្កគ្រោះថ្នាក់ដល់ទំនាក់ទំនងទ្វេភាគី ខណៈទីក្រុងសេអ៊ូលកំពុងពិចារណាលើវិធានការបន្ថែម ជុំវិញបញ្ហានេះ ប្រសិនបើចាំបាច់។ យោងតាមការប៉ាន់ស្មានរបស់អ៊ុយក្រែន និងកូរ៉េខាងត្បូង, កូរ៉េខាងជើងបានបញ្ជូនទាហានសរុបចន្លោះពី…

អាប៊ុយ ដាប៊ី ៖ មន្រ្តីអ៊ីស្រាអែលបានប្រាប់កាសែតរ៉យទ័រថា នាយករដ្ឋមន្រ្តីអ៊ីស្រាអែល លោក បេនចាមីន ណេតាន់យ៉ាហ៊ូ បានធ្វើដំណើរដោយសម្ងាត់ តាមយន្តហោះឯកជនមួយទៅកាន់រដ្ឋធានី អាប៊ុយ ដាប៊ី និងជួបប្រធានាធិបតីអេមីរ៉ាត់អារ៉ាប់រួម លោក មហាម៉ាត់ ប៊ីន សាយីដ អាល់ ណាយ៉ាន់ កាលពីថ្ងៃទី២៧ ខែកញ្ញា។ បើតាម Straits Times, មេដឹកនាំអ៊ីស្រាអែលរូបនេះ បានចំណាយពេល ៤ម៉ោងនៅរដ្ឋធានី អាប៊ុយ ដាប៊ី មុនពេលហោះហើរត្រឡប់ទៅកាន់អ៊ីស្រាអែលវិញនៅយប់ថ្ងៃដដែល។ ដំណើរទស្សនកិច្ចភ្លាមៗនេះ ធ្វើឡើងចំពេលមានភាពចម្រូងចម្រាសយ៉ាងខ្លាំងនៅក្នុងប្រទេសអ៊ីស្រាអែល បន្ទាប់ពីមានរបាយការណ៍ស៊ើបអង្កេតមួយរបស់កាសែត Haaretz ដែលបានទម្លាយថា ប្រធានាធិបតីអេមីរ៉ាត់អារ៉ាប់រួមធ្លាប់បានផ្ដល់សញ្ញាព្រមានលោក ណេតាន់យ៉ាហ៊ូ អំពីគម្រោងវាយប្រហារទ្រង់ទ្រាយធំរបស់ក្រុមហាម៉ាស កាលពីមុនព្រឹត្តិការណ៍ថ្ងៃទី៧ ខែតុលា ឆ្នាំ២០២៣ ប៉ុន្តែការិយាល័យរបស់លោក ណេតាន់យ៉ាហ៊ូ បានបដិសេធចំពោះការព្រមាននេះ។ ជាមួយគ្នានេះ លោក ណេតាន់យ៉ាហ៊ូ ក៏កំពុងប្រឈមមុខនឹងការរិះគន់ពីគណបក្សប្រឆាំង ដែលចោទប្រកាន់រដ្ឋាភិបាលរបស់លោកថា បានបរាជ័យផ្នែកសន្តិសុខ មុនការវាយប្រហាររបស់ក្រុមហាម៉ាស។ យ៉ាងណា ទាំងការិយាល័យនាយករដ្ឋមន្ត្រីអ៊ីស្រាអែល និងក្រសួងការបរទេសរបស់អេមីរ៉ាត់អារ៉ាប់រួម មិនទាន់បានចេញមុខអត្ថាធិប្បាយជាផ្លូវការណាមួយ…

អ.ស.ប ៖ រុស្ស៊ីប្រកាសត្រៀមខ្លួនជួយដល់ដំណើរការបើកច្រកសមុទ្រហ័រមូសឡើងវិញ។ នេះគឺជាការថ្លែងបញ្ជាក់របស់លោករដ្ឋមន្ត្រីការបរទេស Sergei Lavrov នៅឯអង្គការសហប្រជាជាតិ។ រដ្ឋមន្ត្រីការបរទេសរុស្ស៊ី លោក Sergei Lavrov បានថ្លែងនៅឯមហាសន្និបាត អង្គការសហប្រជាជាតិថា ទីក្រុងម៉ូស្គូត្រៀមខ្លួនរួចរាល់ក្នុងការជួយធ្វើឱ្យស្ថានភាពនៅច្រកសមុទ្រហ័រមូស និងតំបន់ឈូងសមុទ្រទាំងមូលមានស្ថិរភាព ខណៈដែលជម្លោះរវាងសហរដ្ឋអាមេរិក និងអ៊ីរ៉ង់នៅតែបន្តអូសបន្លាយ។ លោក Lavrov បានប្រាប់មេដឹកនាំនានា នៅក្នុងកិច្ចប្រជុំ UN កាលពីថ្ងៃសៅរ៍ថា «យើងត្រូវការទំនុកចិត្តនៅក្នុងទំនាក់ទំនងរវាងបណ្តាប្រទេសនៅតំបន់ឈូងសមុទ្រ បណ្តាប្រទេសអារ៉ាប់ និងអ៊ីរ៉ង់។ យើងត្រូវការរចនាសម្ព័ន្ធតំបន់ដែលមានស្ថិរភាព»។ លោកបានបន្ថែមថា «រុស្ស៊ី រួមជាមួយបណ្តាប្រទេសដែលមានការទទួលខុសត្រូវផ្សេងទៀតដែរ នោះគឺ ត្រៀមខ្លួនរួចរាល់ក្នុងការចូលរួមចំណែកប្រកបដោយស្ថាបនា ដើម្បីធ្វើឱ្យតំបន់ដែលមានសារៈសំខាន់ជាយុទ្ធសាស្ត្រមួយនេះមានស្ថិរភាព»។ ការប្រកាសពីសំណាក់ទីក្រុងមូស្គូ ចង់ជួយបើកច្រកយុទ្ធសាស្ត្រដឹកថាមពលដ៏សំខាន់របស់ពិភពលោកបែបនេះ បានធ្វើឡើង ខណៈពេលដែលមន្ត្រីអ៊ីរ៉ង់បាននាំយកផែនការមួយ ទៅកាន់មហាសន្និបាតអង្គការសហប្រជាជាតិ នៅទីក្រុងញូវយ៉ក ដែលស្នើឱ្យមានបទឈប់បាញ់ រយៈពេល ៧ ថ្ងៃ ហើយបន្ទាប់មក នឹងបើកផ្លូវដឹកជញ្ជូនតាមសមុទ្រនៅច្រកសមុទ្រ Hormuz ឡើងវិញ។ ភ្លាមៗលោក Donald Trump បានបដិសេធផែនការនេះ ហើយធ្លាប់បានពិចារណាអំពីការបន្តការវាយប្រហារតាមផ្លូវអាកាសទ្រង់ទ្រាយធំទៅលើគោលដៅនានារបស់អ៊ីរ៉ង់។ ប៉ុន្តែ ដោយហាក់បានបន្ទន់ឥរិយាបថបន្តិចវិញ, ប្រធានាធិបតីអាមេរិករូបនេះបានប្រាប់សារព័ត៌មាន…