កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កាលពីថ្ងៃ សុក្រ បានប្រកាសទទួលស្គាល់ថា អ៊ុយក្រែនបានអស់មីស៊ីលស្ទាក់ចាប់ សម្រាប់សំណាញ់មេឃ Patriot ដែលផលិតដោយសហរដ្ឋអាមេរិកហើយ ។ នេះបើតាម Anadolu ចេញផ្សាយកាលពីថ្ងៃ សុក្រ ។ ពាក់ព័ន្ធកង្វះមីស៊ីលស្ទាក់ចាប់, លោកប្រធានាធិបតី ហ្សេលេនស្គី បានបង្ហោះសារអំពាវនាវលើបណ្តាញសង្គម Telegram ទៅកាន់សម្ព័ន្ធមិត្តលោកខាងលិច ឱ្យពន្លឿនការផ្គត់ផ្គង់មីស៊ីលស្ទាក់ចាប់សម្រាប់សំណាញ់មេឃ Patriots បន្ថែម ដើម្បពង្រឹងការការពារដែនអាកាសរបស់ប្រទេសលោកជាបន្ទាន់ ។ លោក ហ្សេលេនស្គី បានសង្កត់ធ្ងន់ថា កង្វះខាតមីស៊ីលស្ទាក់ចាប់នេះ គឺជារឿងដែលជំរុញចិត្តឱ្យរុស្ស៊ីបន្តបង្កើនការវាយប្រហារសម្លាប់ជីវិតប្រជាជនស្លូតត្រង់ ។   ជាក់ស្តែង ការវាយប្រហារចុងក្រោយនេះ រុស្ស៊ីបានបាញ់យន្តហោះដ្រូនចំនួន ១៨៥គ្រឿង និងមីស៊ីលចំនួន ៣៥គ្រាប់ ក្នុងនោះមានមីស៊ីលបាលីស្ទិកចំនួន ២៧គ្រាប់ ។ ប៉ុន្តែសំណាញ់មេឃរបស់អ៊ុយក្រែន អាចបាញ់ទម្លាក់មីស៊ីលបាលីស្ទិកបានតែ ១គ្រាប់ប៉ុណ្ណោះ ក្នុងចំណោម ២៧គ្រាប់ ដោយសារតែគ្មានគ្រាប់មីស៊ីលស្ទាក់ចាប់សម្រាប់ប្រព័ន្ធខែលការពារដែនអាកាស Patriot ។​ ការទទូចសុំមីស៊ីលស្ទាក់ចាប់របស់លោក ហ្សេលេនស្គី សាជាថ្មី កើតឡើងចំពេលដែលលោកប្រធានាធិបតីសហរដ្ឋអាមេរិក ដូណាល់…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានថ្លែងអះអាងកាលពីថ្ងៃ សៅរ៍ ថា លោកបានលុបចោលការយុទ្ធនាការទម្លាក់គ្រាប់បែកទ្រង់ទ្រាយធំ ដែលត្រៀមធ្វើរួមគ្នាជាមួយអ៊ីស្រាអែល ដើម្បីបំផ្លាញហេដ្ឋារចនាសម្ព័ន្ធថាមពលរបស់អ៊ីរ៉ង់ ។ បើតាម Anadolu, មេដឹកនាំអាមេរិករូបនេះបានប្រាប់មូលហេតុផ្អាកយុទ្ធនាការនេះថា គឺដោយសារតែអ៊ីរ៉ង់ និងប្រទេសមជ្ឈិមបូព៌ាផ្សេងទៀត បានស្នើសុំពេលវេលា ដើម្បីបញ្ចប់ក្របខ័ណ្ឌនៃកិច្ចព្រមព្រៀងសន្តិភាព ។ លោក ត្រាំ បានបញ្ជាក់លើបណ្តាញសង្គម Truth Social ថា សហរដ្ឋអាមេរិកបានរៀបចំរួចរាល់អស់ហើយ ដើម្បីវាយប្រហារអ៊ីរ៉ង់ក្នុងកម្រិតយោធាដ៏ខ្លាំងក្លាបំផុត និងដោយអំណាចដែលមិនធ្លាប់មាន ចាប់តាំងពីសង្គ្រាមលោកលើកទី ២ ។ ប្រធានាធិបតីអាមេរិករូបនេះ អះអាងថា ផែនការនោះត្រូវផ្អាកវិញភ្លាមៗ ដោយសារតែអ៊ីរ៉ង់ និងបណ្តាប្រទេសក្នុងតំបន់ទៀតស្នើសុំ ហើយភាគីអ៊ីស្រាអែលក៏យល់ស្របចំពោះរឿងនេះដែរ ។ ដូច្នេះហើយ ទើបរូបលោកសម្រេចចិត្តលុបចោល ដើម្បីផលប្រយោជន៍នាពេលអនាគតរបស់ពិភពលោក និងការរស់រានមានជីវិតរបស់អ៊ីរ៉ង់ ប៉ុន្តែអ្វីៗគឺអាស្រ័យលើភាគីនានា នៅក្នុងការសម្រេចកិច្ចព្រមព្រៀងសន្តិភាពឲ្យបានឆាប់រហ័ស ៕ ប្រភព ៖ Anadolu ប្រែសម្រួល ៖ ឈឹម ទីណា

មូស្គូ ៖ ប្រទេសរុស្ស៊ីបានបំបែកកំណត់ត្រាវាយប្រហារអ៊ុយក្រែនយ៉ាងចាស់ដៃ កាលពីខែកក្កដា ពោលមួយខែនេះពេញ ទីក្រុងមូស្គូបានបាញ់ស្រោចមីស៊ីលរហូតដល់ ៣៧៦គ្រាប់លើទីក្រុងកៀវ តួលេខនេះ កើនឡើងជាងពីរដង បើធៀបនឹងខែមិថុនា ។ បើតាម AFP, ខែមុន រុស្ស៊ីបានផ្តោតសំខាន់លើការវាយលុករដ្ឋធានីកៀវ ដែលជាបេះដូងប្រទេសអ៊ុយក្រែន ជាមួយនឹងការវាយប្រហារដ៏ខ្លាំងក្លាបំផុតមួយចំនួន ចាប់តាំងពីសង្គ្រាមផ្ទុះឡើងនៅឆ្នាំ ២០២២ ក្នុងនោះមានមនុស្សរហូតដល់ ៣០នាក់ត្រូវបានសម្លាប់ ត្រឹមតែមួយយប់ប៉ុណ្ណោះកាលពីថ្ងៃទី២ ខែកក្កដា ។ ប្រភពរាយការណ៍ថា រុស្ស៊ីក៏បានបាញ់យន្តហោះគ្មានមនុស្សបើកចម្ងាយឆ្ងាយចំនួន ៤,៩៥៦ គ្រឿងវាយប្រហារអ៊ុយក្រែនផងដែរ ក្នុងអំឡុងខែកក្កដា តួលេខនេះ ធ្លាក់ចុះ ១៤ ភាគរយ បើធៀបនឹងខែមិថុនា ។ ទន្ទឹមគ្នា អ៊ុយក្រែនអាចមានសមត្ថភាពស្ទាក់ចាប់យន្តហោះគ្មានមនុស្សបើកភាគច្រើន ប៉ុន្តែនៅតែពឹងផ្អែកលើការផ្គត់ផ្គង់អាវុធពីសម្ព័ន្ធមិត្ត ដើម្បីទប់ទល់នឹងមីស៊ីលរបស់រុស្ស៊ី ។ បច្ចុប្បន្ន ភាគីជម្លោះទាំងពីរបានបង្កើនការវាយប្រហារចម្ងាយឆ្ងាយទៅវិញទៅមកឥតដាច់ ខណៈពេលដែលសង្គ្រាមអូសបន្លាយចូលដល់ឆ្នាំទី ៥ ទៅហើយនេះ គ្មានសញ្ញាណាមួយបង្ហាញពីការបញ្ឈប់នៅឡើយទេ ។ ជាក់ស្តែង យោងតាមអ្នកវិភាគយោធា, រុស្ស៊ីបានបង្កើនការបាញ់មីស៊ីលពីប្រមាណ ២០០ ទៅ ៣០០ គ្រាប់ពេញមួយឆ្នាំ ២០២៤…

វ៉ាស៊ីនតោន ៖ ស្ថានទូតសហរដ្ឋអាមេរិកប្រចាំតំបន់មជ្ឈិមបូព៌ា បានចេញការព្រមានសន្តិសុខបន្ទាន់មួយ ដោយជំរុញឱ្យពលរដ្ឋខ្លួនទាំងអស់ បង្កើនការប្រុងប្រយ័ត្ន និងពិចារណាចាកចេញ ឬ ភៀសខ្លួនជាបន្ទាន់ចេញពីបណ្តាប្រទេសជាង ១០ នៅក្នុងតំបន់មួយនេះ ប្រសិនបើសង្គ្រាមអ៊ីរ៉ង់កាន់តែពុះកញ្ជ្រោល ។ បើតាមស៊ីនហួរ, ការព្រមានសន្តិសុខបន្ទាន់នេះ បានកើតឡើងចំពេលមានសេចក្តីរាយការណ៍ថា សហរដ្ឋអាមេរិក និងអ៊ីស្រាអែល កំពុងត្រៀមរួមដៃគ្នាបើកយុទ្ធនាការទម្លាក់គ្រាប់បែកទ្រង់ទ្រាយធំ ដើម្បីបំផ្លាញគោលដៅហេដ្ឋារចនាសម្ព័ន្ធថាមពលរបស់ប្រទេសអ៊ីរ៉ង់ ក្នុងពេលឆាប់ៗនេះ ។ ឆ្លើយតបនឹងរបាយការណ៍នេះ ទីភ្នាក់ងារសារព័ត៌មាន Tasnim រាយការណ៍ថា អ៊ីរ៉ង់ក៏បានកំពុងរៀបចំផែនការទ្រង់ទ្រាយធំផងដែរ ដើម្បីសងសឹកទៅនឹងការវាយប្រហារណាមួយរវាងសហរដ្ឋអាមេរិក និងអ៊ីស្រាអែល ដែលអាចកើតមានសំដៅបំផ្លាញហេដ្ឋារចនាសម្ព័ន្ធថាមពលប្រទេសរបស់ខ្លួន ។ តាមរយៈគេហទំព័ររបស់ខ្លួន ស្ថានទូតសហរដ្ឋអាមេរិកប្រចាំប្រទេសជាច្រើន រួមមានអ៊ីស្រាអែល ហ្ស៊កដានី អ៊ីរ៉ាក់ អេហ្ស៊ីប បារ៉ែន អេមីរ៉ាតអារ៉ាប់រួម កាតា និងអារ៉ាប៊ីសាអូឌីត សុទ្ធតែបានជូនដំណឹងពីការព្រមានសន្តិសុខបន្ទាន់ដូចៗគ្នា ។ ការជូនដំណឹងនេះ បញ្ជាក់ថា ដោយសារតែភាពតានតឹងកើនឡើងខ្លាំងនៅមជ្ឈិមបូព៌ា និងបរិយាកាសសន្តិសុខនៅតែស្មុគស្មាញ បូករួមទាំងស្ថានការណ៍មិនអាចទាយទុកមុនបាននោះ ជនជាតិអាមេរិកនៅក្នុងតំបន់ គួរតែពិចារណាចាកចេញ ឬភៀសខ្លួនបន្ទាន់ ។ បន្ថែមលើនេះ ស្ថានទូតសហរដ្ឋអាមេរិកក៏បានណែនាំពលរដ្ឋខ្លួននៅមជ្ឈិមបូព៌ា ឱ្យបង្កើនការប្រុងប្រយ័ត្ន…

ព្យុងយ៉ាង ៖ ប្រទេសកូរ៉េខាងជើង កាលពីថ្ងៃ សៅរ៍ បានចេញមុខចោទប្រកាន់អង្គការណាតូចំៗថា កំពុងត្រៀមខ្លួនធ្វើសង្គ្រាមជាមួយរុស្ស៊ី ដោយផ្អែកលើសកម្មភាពពង្រីកហេដ្ឋារចនាសម្ព័ន្ធឥន្ធនៈ សម្រាប់ផ្គត់ផ្គង់យោធាពាសពេញតំបន់អឺរ៉ុបទាំងមូល ។ យោងតាមកាសែត KCNA, កូរ៉េខាងជើងបានរិះគន់មិនសំចៃមាត់លើផែនការកម្មវិធីពង្រីកសមត្ថភាពខ្សែច្រវាក់ផ្គត់ផ្គង់ប្រេងឥន្ធនៈរបស់អង្គការណាតូ ដោយបានអះអាងថា ផែនការនេះនឹងតភ្ជាប់បណ្តាញប្រេងឥន្ធនៈប្រវែងប្រមាណ ១០,០០០ គីឡូម៉ែត្រ នៅអឺរ៉ុបខាងលិចជាមួយប្រទេសជាសមាជិកថ្មីៗនៅអឺរ៉ុបខាងកើត និងខាងជើង ។ KCNA រាយការណ៍ថា ដើមឡើយ មានការខ្វែងគំនិតគ្នារវាងបណ្តាប្រទេសជាសមាជិកណាតូ ដោយសារតែចំណាយដ៏ច្រើនសន្ធឹកសន្ធាប់ ប៉ុន្តែចុងក្រោយ ពួកគេបានសម្របសម្រួលគ្នាវិញ ។ នេះបង្ហាញថា អង្គការណាតូកំពុងប្រកាន់ខ្ជាប់នូវការរៀបចំស្ដុកប្រេងបម្រុងយុទ្ធសាស្ត្រសម្រាប់សង្គ្រាម ដោយចាត់ទុកវាជាបញ្ហាដ៏សំខាន់បំផុត ។ យ៉ាងណា KCNA មិនបានបង្ហាញពីភស្ដុតាងគាំទ្រដល់ការចោទប្រកាន់របស់ខ្លួនលើអង្គការណាតូ ជាពិសេសលើការអះអាងដែលថា ផែនការផ្គត់ផ្គង់ឥន្ធនៈ គឺបង្កើតឡើងដើម្បីគាំទ្រក្នុងពេលមានសង្គ្រាមនានាដែលស្ថិតក្រៅពីទ្វីបអឺរ៉ុបនោះទេ ។ ក្រៅពីរិះគន់ណាតូ កូរ៉េខាងជើងក៏បានថ្កោលទោសលើកិច្ចសហប្រតិបត្តិការយោធារវាងសហរដ្ឋអាមេរិក កូរ៉េខាងត្បូង និងបណ្ដាប្រទេសជាច្រើន ដែលរួមទាំងសមាជិកណាតូផងដែរ ៕ ប្រភព ៖ The Straits Times ប្រែសម្រួល ៖ ឈឹម ទីណា

វ៉ាស៊ីតនោន ៖ សហរដ្ឋអាមេរិក និងអ៊ីស្រាអែល កំពុងត្រៀមរួមដៃគ្នារៀបចំយុទ្ធនាការទម្លាក់គ្រាប់បែកដ៏ខ្លាំងក្លាបំផុតមួយ ដើម្បីបំផ្លាញហេដ្ឋារចនាសម្ព័ន្ធថាមពលអ៊ីរ៉ង់ ដោយការវាយប្រហារនោះ អាចធ្វើឡើងក្នុងពេលឆាប់ៗនេះ ។ យោងតាមរបាយការណ៍របស់ CBS News និង The Wall street Journal, យុទ្ធនាការទម្លាក់គ្រាប់បែកនេះ ត្រូវបានពិភាក្សា និងអនុញ្ញាតគោលការណ៍នៅឯរមណីយដ្ឋាន Camp David ដោយប្រធានាធិបតីអាមេរិក លោក ដូណាល់ ត្រាំ ។ យុទ្ធនាការនេះ ផ្តោតលើរោងចក្រអគ្គិសនី រោងចក្រចម្រាញ់ប្រេង និងខ្សែបណ្តាញចែកចាយហ្គាស ។ មន្ត្រីអាមេរិកក៏បានជជែកគ្នាអំពីលទ្ធភាពកាត់ផ្តាច់ចរន្តអគ្គិសនីទូទាំងទីក្រុងតេហេរ៉ង់ផងដែរ ។ ប្រភពទម្លាយឱ្យដឹងថា គោលបំណងនៃយុទ្ធនាការនេះ គឺដើម្បីបំផ្លាញសមត្ថភាពរបស់កងទ័ពអ៊ីរ៉ង់ ជាពិសេសបង្ខំឱ្យទីក្រុងតេហេរ៉ង់វិលត្រឡប់មករកតុចរចាវិញ ។ មកទល់ពេលនេះ លោកប្រធានាធិបតី ត្រាំ នៅមិនទាន់បានចេញបញ្ជាផ្លូវការចុងក្រោយ ឱ្យបើកយុទ្ធនាការទ្រង់ទ្រាយធំនេះនៅឡើយទេ ។ ប៉ុន្តែក្រុមអ្នករៀបចំផែនការចង់បញ្ចប់ប្រតិបត្តិការនេះ មុនពេលទីផ្សារហិរញ្ញវត្ថុពិភពលោកបើកដំណើរការនៅថ្ងៃ ចន្ទ សប្តាហ៍ក្រោយ ដើម្បីកាត់បន្ថយផលប៉ះពាល់សេដ្ឋកិច្ច ។ យ៉ាងណា ប្រភពបានបង្ហើបថា លោក ត្រាំ…