កំពត-កែប៖ឯកឧត្តម ឧបនាយករដ្ឋមន្ត្រី សាយ សំអាល់ ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត និង​ខេត្តកែប បានដឹកនាំក្រុមការងារ រួមជាមួយ ឯកឧត្តម ម៉ៅ ធនិន អភិបាលខេត្តកំពត និងឯកឧត្តម សោម ពិសិដ្ឋ អភិបាលខេត្តកែប អញ្ជើញចូលរួមកាន់បិណ្ឌ និងនាំយកទេយ្យទានប្រគេនព្រះសង្ឃ នាឱកាសពិធីបុណ្យកាន់បិណ្ឌ​វេនទី២ នាថ្ងៃទី២៨ ខែកញ្ញា ឆ្នាំ២០២៦។ ក្នុងពិធីបុណ្យប្រពៃណីជាតិ ថ្នាក់ដឹកនាំ និងមន្ត្រីរាជការបានអញ្ជើញកាន់បិណ្ឌនៅទីតាំងសំខាន់ពីរ រួមមានវត្តជុំគ្រៀល ក្នុងស្រុកទឹកឈូ ខេត្តកំពត និងវត្តចរិយាវង្ស ក្នុងក្រុងកែប ខេត្តកែប ដោយបានរៀបចំពិធីរាប់បាត វេរភត្តាហារ ព្រមទាំងនិមន្តព្រះសង្ឃសូត្រធម៌បង្សុកូល ដើម្បីឧទ្ទិសកុសលផលបុណ្យជូនដល់បុព្វការីជន ញាតិការទាំង ៧ សន្តាន និងយុទ្ធជនពលី ដែលបានលះបង់ជីវិតដើម្បីជាតិមាតុភូមិ។ ការជួបជុំធ្វើបុណ្យកាន់បិណ្ឌនាឱកាសនេះ មិនត្រឹមតែជាការចូលរួមថែរក្សា និងលើកស្ទួយវប្បធម៌ ប្រពៃណីជាតិ និងព្រះពុទ្ធសាសនាប៉ុណ្ណោះទេ ប៉ុន្តែថែមទាំងជាការស្តែងចេញនូវកតញ្ញូកតវេទិតាធម៌ និងពង្រឹងស្មារតីសាមគ្គី​ភាពយ៉ាងរឹងមាំ រវាងក្រុមការងារចុះមូលដ្ឋាន អាជ្ញាធរដែនដី និងប្រជាពលរដ្ឋក្នុងខេត្តទាំងពីរផងដែរ៕ដោយ៖វណ្ណលុករូបភាព៖គ្រី សម្បត្តិ

ឯកឧត្តម ពិត ករុណា អ្នកនាំពាក្យក្រសួងអភិវឌ្ឍន៍ជនបទ បានប្រាប់បណ្ដាញព័ត៌មាន AMS នៅថ្ងៃចន្ទទី២៨កញ្ញា ឆ្នាំ២០២៦នេះថា គិតមកដល់ថ្ងៃ​២៧​ កញ្ញា​ ឆ្នាំ​២០២៦​ ខ្សែផ្លូវជនបទចំនួន៨៤​ ខ្សែ​ ស្មើនឹង​ ៩៣​គីឡូវម៉ែត្រ ​បានទទួលរងផលប៉ះពាល់ដោយសារជំនន់ទឹកភ្លៀង​ និងទឹកទន្លេមេគង្គ​។ ទោះជាយ៉ាងណា អ្នកនាំពាក្យរូបនេះបានអះអាងថា មន្ទីអភិវឌ្ឍន៍ជនបទ​បានសហការជាមួយអាជ្ញាធរ​មូលដ្ឋាន​នៅប្រចាំការ​ និងដោះស្រាយបញ្ហាទាំងនោះជូនប្រជាពលរដ្ឋ​ ដោយកន្លែងខ្លះមន្ទីរបានលុបបំពេញដីដើម្បីតភ្ជាប់ចរារចណ៍ ​ និងកន្លែងខ្លះមន្ទីរបានធ្វើស្ពានឆ្លងបណ្តោះអាសន្ន ក្នុងការសម្រួលចរាចរ​ណ៍ឡើងវិញផងដែរ​។ ចំពោះផ្លូវជាតិវិញ ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ចូន បានប្រាប់បណ្ដាញព័ត៌មាន AMS ថាកំពុងបន្តតាមដាន ខណៈមានផ្លូវខ្លះទឹកហូរកាត់ និងមួយចំនួនទៀតទឹកបានហូរច្រោះតួផ្លូវ និងចិញ្ចើមផ្លូវ រំខានដល់ការធ្វើដំណើររបស់បងប្អូនប្រជាពលរដ្ឋ តែស្ថានភាពចរាចរណ៍នៅដំណើរធម្មតា មិនមានការកាត់ផ្តាច់ទេ។ សូមបញ្ជាក់ថា គិតត្រឹមថ្ងៃចន្ទទី២៨ ខែកញ្ញា ឆ្នាំ២០២៦ ទឹកជំនន់បានវាយប្រហារក្នុងខេត្តចំនួន១០ ប៉ះពាល់ដល់ប្រជាពលរដ្ឋសរុបជាង ៤ម៉ឺន ៤ពាន់គ្រួសារ៕ សេង បារាំង AMS

អ្នកជំនាញជាតិ និងអន្តរជាតិ ណែនាំឲ្យម្ចាស់សហគ្រាស ក្នុងប្រទេសកម្ពុជា ពង្រឹងសមត្ថភាពផ្នែកវេចខ្ចប់ ដើម្បីជំរុញការ​កែច្នៃអាហារ លើកកម្ពស់គុណភាពផលិតផល និងពង្រីកលទ្ធភាពផលិតផលខ្មែរចូលទៅកាន់ទីផ្សារបន្ថែម។ ក្រុមអ្នកជំនាញបានចាត់ទុកការវេចខ្ចប់ គឺជាតំណភ្ជាប់បន្ទាប់នៅក្នុងខ្សែច្រវាក់ផលិតកម្ម ដែលមានសារសំខាន់ មិនត្រឹមតែសម្រាប់កែលម្អផលិតផលនីមួយៗប៉ុណ្ណោះទេ ប៉ុន្តែថែមទាំងសម្រាប់ពង្រឹងខ្សែច្រវាក់ផ្គត់ផ្គង់ក្នុងស្រុក និងបង្កើនតម្លៃបន្ថែមសម្រាប់សេដ្ឋកិច្ចកម្ពុជា។ ប្រព័ន្ធអេកូឡូស៊ីវេចខ្ចប់ ដែលមានភាពប្រកួតប្រជែង ត្រូវការអ្នកផ្គត់ផ្គង់ក្នុងស្រុកកាន់​តែ​រឹងមាំ សេវាបច្ចេកទេស សមត្ថភាពស្រាវជ្រាវ និងធ្វើតេស្ត ព្រមទាំងទំនាក់ទំនងកាន់តែជិតស្និទ្ធរវាងអ្នកផលិតសំបកវេចខ្ចប់ និងឧស្សាហកម្មដែលប្រើប្រាស់សំបកវេចខ្ចប់។ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានចាត់ទុកការពង្រឹងសមត្ថភាពផ្នែកវេចខ្ចប់មានសារៈសំខាន់ ស្របពេលដែលឧស្សាហកម្មកែច្នៃអាហារ និងផលិតកម្មក្នុងស្រុកកំពុងរីកចម្រើន។ ឯកឧត្តមបានលើកឡើងដូច្នេះ នៅក្នុងពិធីបើកវេទិកាវេចខ្ចប់ និងពិព័រណ៍បច្ចេកវិទ្យាអាហារកម្ពុជា ២០២៦ ដែលរៀបចំដោយក្រសួងឧស្សាហកម្ម និងក្រុមហ៊ុន Informa Markets។ ព្រឹត្តិការណ៍នេះ ប្រព្រឹត្តិទៅនៅមណ្ឌលសន្និបាត និងពិព័រណ៍កោះពេជ្រ ចាប់ពីថ្ងៃទី២៨ ដល់ថ្ងៃទី៣០ ខែកញ្ញា ​ក្រោម​ប្រធានបទ «ការវេចខ្ចប់៖ ជំហានចុងក្រោយដើម្បីចូលទៅកាន់ទីផ្សារ» ដោយប្រមូលផ្តុំក្រុមហ៊ុនផលិត អ្នកផ្គត់ផ្គង់បច្ចេកវិទ្យា និងអ្នកជំនាញផ្នែកវេចខ្ចប់ ដើម្បីជំរុញការកែច្នៃអាហារ លើកកម្ពស់គុណភាពផលិតផល និងពង្រីកលទ្ធភាពចូលទៅកាន់ទីផ្សារ។…

ប្រទេសឥណ្ឌា និងប្រទេសកម្ពុជា បានសម្រេចពន្យារពេលនាំយកសត្វខ្លាដំបង ឬខ្លាធំ មកកាន់ប្រទេសកម្ពុជា រហូតដល់ឆ្នាំ២០២៨វិញ ដោយសារតែសត្វព្រៃ ដែលជាចំណីខ្លានៅក្នុងតំបន់គោលដៅនៅមានចំនួនតិចតួចមិនទាន់អាចទ្រទ្រង់សត្វខ្លាប្រកបដោយនិរន្តរភាព​នៅឡើយ​។​ ដើមឡើយ ការនាំចូលនេះត្រូវបានគ្រោងធ្វើនៅឆ្នាំ២០២៥។ សារព័ត៌មាន​ Mongabay បានចុះផ្សាយថា ជម្រកសត្វខ្លាដំបង ត្រូវបានរៀបចំឡើងនៅក្នុងតំបន់ជួរភ្នំក្រវាញភាគនិរតីនៃប្រទេស​កម្ពុជាក្នុងទំហំផ្ទៃដីជាង៩២​ម៉ឺនហិកតា។ ប្រភពដដែលបានឱ្យដឹងថា ​ការសិក្សាមួយនៅឆ្នាំ២០២០ បានវាយតម្លៃថា ដង់ស៊ីតេនៃសត្វជាចំណីរបស់សត្វខ្លាគឺមិនគ្រប់គ្រាន់ដើម្បីទ្រទ្រង់​ចំនួនសត្វខ្លាឱ្យមាននរិន្តរភាពនោះទេ។ អ្នកស្រាវជ្រាវបានប៉ាន់ប្រមាណថា មានលទ្ធភាពតិចជាង ២៥% ប៉ុណ្ណោះដែលតំបន់នេះអាចទ្រទ្រង់សត្វខ្លាពេញវ័យចំនួន ២៥ ក្បាលបាន។ បើតាមការសិក្សានោះ មានលទ្ធភាព ៨០% ដែលព្រៃឈើតំបន់នោះមានសត្វជាចំណីគ្រប់គ្រាន់ដើម្បីទ្រទ្រង់ចំនួនសត្វខ្លាតិចតួច ត្រឹម ៥ ក្បាល។ ការពន្យារពេលនាំ​យកសត្វខ្លាពីប្រទេសឥណ្ឌាមកកាន់ប្រទេសកម្ពុជាដល់ឆ្នាំ២០២៨ គឺសម្រាប់ផ្តល់ពេលវេលាបន្ថែមទៀតដល់ប្រទេសកម្ពុជា ដើម្បីបង្កើនចំនួនសត្វជាចំណី និងពង្រឹងការការពារទីជម្រកសត្វខ្លា ជាមួយការដើរល្បាត និងការខិតខំប្រឹងប្រែងលុបបំបាត់ការដាក់អន្ទាក់។ វត្តមានសត្វខ្លាធំត្រូវបានថតជាប់លើកចុងក្រោយនៅឆ្នាំ២០០៧ ហើយសត្វខ្លាធំត្រូវបានប្រកាសថាផុតពូជពីព្រៃធម្មជាតិកម្ពុជានៅឆ្នាំ២០១៦។ សត្វត្រកូលខ្លាចំនួន៧ប្រភេទដែលកំពុងមានវត្តមាននៅប្រទេសកម្ពុជា រួមមាន ខ្លារខិន ខ្លាពពក ខ្លាត្រី ខ្លាលឿនមាស ខ្លាភ្ញីថ្មកែវ ឆ្មារព្រៃ​ និងឆ្មាដាវ។  ប្រទេសឥណ្ឌា មានចំនួនសត្វខ្លាជាង ៣ ៦០០ក្បាល ពោលច្រើនជាងគេនៅលើពិភពលោក ដែលមានជាង៥…

​​គិតត្រឹមថ្ងៃចន្ទនេះ ស្ថានភាពទឹកជំនន់នៅតាមបណ្តាខេត្តមួយចំនួន​បានចាប់ផ្តើមស្រកទៅវិញជាបណ្តើរៗហើយ ប៉ុន្តែ​តំបន់មួយចំនួននៅបន្តជន់លិច។ ​កម្ពស់ទឹកនៅតាមដងស្ទឹង​ក្នុងបណ្តាខេត្តខ្លះ​នៅប្រឈមហានិភ័យហក់ឡើងជាបន្តទៀត។​  ​ ឯកឧត្តម សុទ្ធ គឹមកុលមុន្នី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានបញ្ជាក់ប្រាប់បណ្តាញព័ត៌មាន AMS ថា ពលរដ្ឋសរុបជាង៤ម៉ឺន៤ពាន់គ្រួសារ ក្នុងខេត្តចំនួន១០ បានរងផលប៉ះពាល់ដោយសារជំនន់ទឹកភ្លៀង។ ពលរដ្ឋរងគ្រោះទាំងនោះស្ថិតនៅក្នុងខេត្តបាត់ដំបង បន្ទាយមានជ័យ សៀមរាប កំពង់ធំ កំពង់ចាម ត្បូងឃ្មុំ ប៉ៃលិន ពោធិ៍សាត់ ព្រះវិហារ និងខេត្តឧត្តរមានជ័យ។ ក្នុងចំណោមពលរដ្ឋរងគ្រោះនោះ មានពលរដ្ឋ ៣ ៦៨៥ គ្រួសារត្រូវបានជម្លៀសទៅទីទួលសុវត្ថិភាព។ ជាមួយគ្នានេះ ផ្ទះជាង៤ពាន់ខ្នង ស្រូ​វជិត ៥ម៉ឺនហិកតា ក៏រងផលប៉ះពាល់ផងដែរ ក្នុងនោះពលរដ្ឋក្នុងខេត្តបាត់ដំបងរងផលប៉ះពាល់ដោយសារទឹកជំនន់ធ្ងន់ធ្ងរជាងគេ។ របាយការណ៍របស់គណៈកម្មាធិការគ្រប់គ្រងគ្រោះមហន្តរាយខេត្តបាត់ដំបងបានឱ្យដឹងថា ជំនន់ទឹកភ្លៀងបានប៉ះពាល់ផ្ទះប្រជាពលរដ្ឋសរុបចំនួនជិត២ម៉ឺនខ្នង  ស្មើនឹង ២១,៨០៧គ្រួសារ នៅ ១៤ក្រុង ស្រុក ស្មើនឹង ៧១ឃុំ-សង្កាត់។ ប្រជាពលរដ្ឋដែលត្រូវបានជម្លៀសមកនៅទីទួលសុវត្ថិភាពសរុបចំនួន ៨៥៦គ្រួសារ។ ទឹកជំនន់ក្នុងខេត្តបាត់ដំបងនេះបានប៉ះពាល់ហេដ្ឋារចនាស័ម្ពន្ធទាំងសរុបចំនួន ៧៨០កន្លែង និងមានដំណាំស្រូវរងផលប៉ះពាល់សរុបជាង ៣ម៉ឺនហិកតា។  លោក ខៃ សុដា ប្រធានមន្ទីរធនធានទឹក…

ក្រសួងការពារជាតិ តាមរយៈគណៈកម្មាធិការជាតិកាតព្វកិច្ចយោធា បានប្រកាសឱ្យពលរដ្ឋគ្រប់អាយុចាប់ពី ១៨ឆ្នាំ ដល់ ២៥ឆ្នាំ ដែលចង់ចូលបំពេញកាតព្វកិច្ចយោធា ត្រូវទៅទទួលពាក្យ និងដាក់ពាក្យសុំចូលចាប់ពីថ្ងៃទី១ ខែតុលា ឆ្នាំ២០២៦ តទៅ។ ក្រសួងការពារជាតិ បានបញ្ជាក់ថា គណៈកម្មាធិការជាតិកាតព្វកិច្ចយោធា នឹងចាប់ផ្ដើមចែកពាក្យចូលបំពេញកាតព្វកិច្ចយោធា ចាប់ពីថ្ងៃទី ១ ខែតុលា ដល់ថ្ងៃទី ៩ ខែតុលា ឆ្នាំ២០២៦ និងទទួលពាក្យចាប់ពីថ្ងៃទី ១០ ខែតុលា ដល់ថ្ងៃទី ១៥ ខែតុលា ឆ្នាំ២០២៦ នៅគណៈកម្មាធិការជាតិកាតព្វកិច្ចយោធា ក្រុង ស្រុក ខណ្ឌ ដែលជាទីលំនៅរបស់បេក្ខជនផ្ទាល់។ យុវជនដែលចូលបំពេញកាតព្វកិច្ចយោធា នឹងទទួលបានប្រាក់ឧបត្ថម្ភ ៤០ម៉ឺនរៀល ក្នុងមួយខែ ព្រមទាំងគោលរបបផ្សេងៗទៀតដូចយោធិនអាជីពដែរ ក្នុងនោះមានប្រាក់ម្ហូបប្រចាំថ្ងៃ ប្រាក់អាហារបំប៉នបន្ថែមពេលហ្វឹកហាត់ ប្រាក់បំណាច់ឧបត្ថម្ភគ្រួសារ និងកូន របបអង្ករប្រចាំថ្ងៃ របបឯកសណ្ឋានប្រយុទ្ធ និងបរិក្ខារចាំបាច់មួយចំនួនទៀត។ ឧបនាយករដ្ឋមន្ត្រី ទៀ សីហា រដ្ឋមន្ត្រីក្រសួងការពារជាតិ បានអំពាវនាវដល់មាតា បិតា អាណាព្យាបាល និងប្រជាពលរដ្ឋទាំងអស់ចូលរួមគាំទ្រផ្ដល់កម្លាំងចិត្ត និងជួយឱ្យយុវជនយល់ច្បាស់អំពីគោលបំណងនៃការអនុវត្តច្បាប់កាតព្វកិច្ចយោធា ព្រោះការគាំទ្ររបស់ក្រុមគ្រួសារ និងសង្គម…

អគ្គនាយកដ្ឋានជលផល នៃក្រសួងកសិកម្ម រុក្ខាប្រមាញ់ និងនេសាទ បានប្រកាសបើករដូវនេសាទទឹកសាបឡើងវិញចាប់ពីខែតុលា និងខែវិច្ឆិកា ឆ្នាំ២០២៦នេះ ទៅតាមតំបន់នីមួយ ប៉ុន្តែឧបករណ៍នេសាទត្រូវស្របតាមច្បាប់កំណត់។ យោងតាមសេចក្ដីជូនដំណឹងចុះថ្ងៃទី២៥កញ្ញា រដូវបើកនេសាទគឺចាប់ផ្ដើមពីថ្ងៃទី១ ខែតុលា ឆ្នាំ២០២៦ ដល់ថ្ងៃទី៣១ ខែឧសភា ឆ្នាំ២០២៧ សម្រាប់ខេត្តកំពង់ឆ្នាំង ពោធិ៍សាត់ បាត់ដំបង ប៉ៃ​លិន បន្ទាយមានជ័យ ឧត្តរមានជ័យ សៀមរាប កំពង់ធំ ព្រះវិហារ រតនគិរី មណ្ឌលគិរី ក្រចេះ ត្បូងឃ្មុំ កំពង់ចាម និងមួយផ្នែកនៃរាជធានីភ្នំពេញ និងខេត្តកណ្តាល ដែលស្ថិតនៅខាងជើងខ្សែស្របទន្លេចតុមុខ ។ ដោយឡែក ការនេសាទនៅខេត្តស្ទឹងត្រែង ត្រូវបានកំណត់ចាប់ពីថ្ងៃទី១ ខែតុលាខាងមុខ រហូតដល់ថ្ងៃទី៣០ ខែមេសា ឆ្នាំក្រោយ។ ចំណែករដូវបើកនេសាទសម្រាប់ខេត្តព្រៃវែង ស្វាយរៀង តាកែវ កំពង់ស្ពឺ និងមួយផ្នែកនៃរាជធានីភ្នំពេញ និងខេត្តកណ្តាល ដែលស្ថិតនៅខាងត្បូងខ្សែស្របទន្លេចតុមុខវិញ គឺចាប់ផ្ដើមពីថ្ងៃទី១ ខែវិច្ឆិកា ឆ្នាំ២០២៦ ដល់ថ្ងៃទី៣០ ខែមិថុនា ឆ្នាំ២០២៧។ នៅក្នុងរយៈពេលបើកនេសាទនេះ អគ្គនាយកដ្ឋានជលផលណែនាំឲ្យអ្នកនេ​សាទទាំងអស់ ត្រូវប្រើឧបករណ៍នេសាទស្របតាមច្បាប់។ ឯកឧត្តម…