ចិន៖ អ្នកនាំពាក្យស្ថានទូតចិនប្រចាំអង់គ្លេស បានបញ្ជាក់នៅក្នុងសេចក្តីថ្លែងការណ៍មួយនៅថ្ងៃអង្គារនេះថា អង់គ្លេសបានរំលោភបំពានច្បាប់អន្តរជាតិ ក៏ដូចជាបទដ្ឋានទំនាក់ទំនងអន្តរជាតិម្តងហើយម្តងទៀត ហើយថា បើសិនទីក្រុងឡុង នៅតែបន្តដើរនៅលើផ្លូវខុសនេះទៀតនោះ នឹងទទួលរងនូវផលវិបាក នេះបើតាមសារព័ត៌មាន CNA នៅថ្ងៃទី២១ ខែកក្កដា ឆ្នាំ២០២០ ។ ការព្រមានខាងលើនេះរបស់ចិន បានកើតមានឡើងក្រោយរដ្ឋាភិបាលអង់គ្លេសនៅថ្ងៃចន្ទនេះបានប្រកាសថា ខ្លួនអាចនឹងព្យួរសន្ធិសញ្ញាស្តីពីការធ្វើបត្យាប័នជាមួយទីក្រុងហុងកុង ។ ជុំវិញសេចក្តីប្រកាសខាងលើនេះ ប្រទេសចិនបានថ្កោលទោសយ៉ាងខ្លាំងលើអង់គ្លេសថា កំពុងលូកលាន់កិច្ចការផ្ទៃក្នុងរបស់ខ្លួន ។ សូមជម្រាបថា ទំនាក់ទំនងរវាងប្រទេសចិន និងអង់គ្លេសនារយៈពេលចុងក្រោយនេះ កាន់តែមានភាពតានតឹងខ្លាំងឡើង ទាក់ទិននឹងច្បាប់សន្តិសុខជាតិថ្មី ព្រមទាំងការដាក់បម្រាមលើបច្ចេកវិទ្យា 5G របស់ក្រុមហ៊ុន ហូវៃ របស់ចិនផងដែរ ៕

នៅព្រឹកថ្ងៃអង្គារ ១កើត ខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២១ ខែកក្កដា ឆ្នាំ២០២០នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំកិច្ចប្រជុំស្ដីអំពីប្រព័ន្ធគ្រប់គ្រងវត្តមានជនបរទេស ស្នាក់នៅក្នុងព្រះរាជាណាចក្រកម្ពុជា (FPCS) នៅទីស្ដីការក្រសួងមហាផ្ទៃ។ ក្រោមអធិបតីភាពសម្ដេចឧបនាយករដ្ឋមន្ត្រី កិច្ចប្រជុំនេះ មានការអញ្ជើញចូលរួមពីសំណាក់ឯកឧត្តមរដ្ឋលេខាធិការ អនុរដ្ឋលេខាធិការ ឯកឧត្តមអគ្គនាយក និងអគ្គនាយករង  ក្នុងនោះរួមមានឯកឧត្តមនាយឧត្តមសេនីយ៍អគ្គនាយកអន្តោប្រវេសន៍ ព្រមទាំងថ្នាក់ដឹកនាំ និងមន្រ្តីជាន់ខ្ពស់នៃអគ្គនាយកដ្ឋានចំណុះឲ្យក្រសួងមហាផ្ទៃជាច្រើនរូបទៀត។ អញ្ជើញមានប្រសាសន៍បើកិច្ចប្រជុំ សម្ដេចក្រឡាហោម ស ខេង បានមានប្រសាសន៍ថាកិច្ចប្រជុំ ស្ដីអំពីប្រព័ន្ធគ្រប់គ្រងវត្តមានជនបរទេសស្នាក់នៅក្នុងព្រះរាជាណាចក្រកម្ពុជា (FPCS) នាថ្ងៃនេះបានធ្វើឡើងតាមសំណើអគ្គនាយកដ្ឋានអន្តោប្រវេសន៍។ សម្ដេចបានមានប្រសាសន៍ថាក្នុងរយៈពេលមួយវែងសមគួរកន្លងមក ទោះបីមានការរិះគន់ខ្លះ ប៉ុន្តែយើងបានគ្រប់គ្រងជនបរទេស ជនអន្តោប្រវេសន៍បានល្អប្រសើរជាងមុន។ សម្ដេចក្រឡាហោមឧបនាយករដ្ឋមន្ត្រី បានមានប្រសាសន៍ទៀតថាបៀបធៀបនឹងសម័យកាលមុនៗក្នុងប្រវត្តិសាស្ត្ររបស់ព្រះរាជាណាចក្រកម្ពុជា គឺទើបតែសម័យកាលបច្ចុប្បន្ននេះទេ ដែលប្រទេសកម្ពុជាយើងអាចគ្រប់គ្រងបញ្ហាជនបរទេស បញ្ហាជនអន្តោប្រវេសន៍ បានល្អប្រសើរ បន្ទាប់ពីក្រសួងមហាផ្ទៃបានសម្រេចបង្កើតឱ្យមានអគ្គនាយកដ្ឋានអន្តោប្រវេសន៍៕ …

លោកជំទាវ កិត្តិសង្គហបណ្ឌិត ឃួន សុដារី  អនុប្រធានទី២ នៃរដ្ឋសភា តំណាងដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឲ្យ លោកជំទាវ លឿកា រ៉ូទ្រីហ្គេស បារីយ៉ូស  (H.E.Mrs. Liurka Rodriguez Barriose) ឯកអគ្គរដ្ឋទូតថ្មី ប្រទេសគុយបាចូលជួបសម្តែងការគួរសម នាព្រឹកថ្ងៃទី២១ ខែកក្កដា ឆ្នាំ២០២០ នៅវិមានរដ្ឋសភា។ លោកជំទាវ បានស្វាគមន៍ និងអបអរសាទរចំពោះ លោកជំទាវ លឿកា រ៉ូទ្រីហ្គេស បារីយ៉ូស ដែលត្រូវបានតែងតាំងជា ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋគុយបា ប្រចាំព្រះរាជាណាចក្រកម្ពុជា។ លោកជំទាវបន្តថា កម្ពុជា-គុយបា មានទំនាក់ទំនង និងកិច្ចសហប្រតិបត្តិការជាមួយគ្នាជាយូរមកហើយ និងឆ្នាំ២០២០ នេះគឺជាខួបគម្រប់៦០ឆ្នាំ នៃចំណងការទូតជាមិត្តភាព និងកិច្ចសហប្រតិបត្តិការរវាងកម្ពុជា-គុយបា។ ចំណងការទូតនេះ ត្រូវបានថ្នាក់ដឹកនាំប្រទេសទាំងពីរបន្តថែរក្សា និងលើកកម្ពស់តាំងពីសម័យព្រះបរមរតន:កោដ្ឋ ព្រះបាទនរោត្តមសីហនុ និងអតីតប្រធានាធិបតី ហ្វីដែល កាស្រ្តូ រហូតដល់ពេលបច្ចុប្បន្ន។ លោកជំទាវ អនុប្រធានរដ្ឋសភា…

 ឯកឧត្តម សឿម ប៊ុនរិទ្ធិ អភិបាលរងខេត្តទទួលបន្ទុក ជាតំណាងឯកឧត្តម ងួន រតនៈ អភិបាលខេត្តបាត់ដំបង រួមជាមួយនិងថ្នាក់ដឹកនាំមន្ទីរវិស័យជំនាញពាក់ព័ន្ធសំខាន់ៗក្នុងនោះមានមន្ទីរបរិស្ថានខេត្ត មន្ទីររៀបចំដែនដី នគរូបនីយកម្មខេត្ត, ខណ្ឌរដ្ឋបាលព្រៃឈើនៃមន្ទីរកសិកម្មខេត្ត និងអាជ្ញាធរដែនដីពាក់ព័ន្ធគ្រប់លំដាប់ថ្នាក់ នៅក្នុងស្រុកសំឡូត ខេត្តបាត់ដំបង បានបើកកិច្ចប្រជុំនិងប្រកាសពីសមាសភាពក្រុមការងារក្នុងការចុះប្រតិបត្តិការក្នុងការចុះស្រង់ទិន្នន័យ ប្រមូលព័ត៌មានជាក់លាក់ និងធ្វើសលាកប័ត្រព័ត៌មាន ដើម្បីបញ្ជាក់អត្តសញ្ញាណដីនិងមនុស្ស ដែលកំពុងតែរស់នៅ និង អាស្រ័យផលនៅតាមបណ្តាឃុំមួយចំនួន ដែលពាក់ព័ន្ធទៅនិងដីគម្របព្រៃឈើ និងតំបន់ដែនអភិរក្សប្រើប្រាស់ច្រើនយ៉ាងក្នុងស្រុកសំឡូត ព្រមទាំងបានដឹកនាំក្រុមការងារទាំងនោះ ចុះទៅពិនិត្យមើលតំបន់ភូមិសាស្ត្រផ្ទាល់ដែលត្រូវចាប់ផ្តើមក្នុងការចុះអនុវត្តរបស់ខ្លួនជាក់ស្តែងទៀតផង។       កិច្ចប្រជុំនិងការប្រកាសនូវសមាសភាពក្រុមការងារ ដើម្បីចុះប្រតិបត្តិការក្នុងការអនុវត្តពីការកំណត់អត្តសញ្ញាណដីនិងមនុស្សនៅក្នុងភូមិសាស្ត្រស្រុកសំឡូត ខេត្តបាត់ដំបងនេះ គឺបានប្រព្រឹត្តិទៅនៅថ្ងៃទី២០ ខែកក្កដា ឆ្នាំ២០២០ ថ្មីៗនេះ។       តាមរយៈកិច្ចប្រជុំនេះ គឺផ្តោតសំខាន់ក្នុងការកំណត់នូវភារកិច្ចចំពោះមុខដល់ក្រុមការងារចុះប្រតិបត្តិការទាំង២ក្រុម ដែលមានសមាសភាពជាមន្ត្រីរបស់មន្ទីរជំនាញផ្ទាល់ ក្នុងការចុះអនុវត្តបំពេញតួនាទីភារកិច្ចចំពោះមុខរបស់ខ្លួន ដើម្បីឲ្យឆ្លើយតបនូវវិធានអនុវត្តជាក់ស្តែង ក្នុងការចុះស្រង់ទិន្នន័យនិងកំណត់នូវអត្តសញ្ញាណដី និងមនុស្ស ដែលកំពុងរស់នៅក្នុងតំបន់ខាងលើនៃស្រុកសំឡូត។       តាមរយៈនៃកិច្ចប្រជុំ ដែលបានផ្តោតសំខាន់នូវជំហានភារកិច្ចទី១របស់ក្រុមការងារដែលមានសមាសភាពចម្រុះមកពីរដ្ឋបាលខេត្ត, មន្ទីរវិស័យជំនាញពាក់ព័ន្ធនានានិងសមាសភាពនៅថ្នាក់មូលដ្ឋានផ្ទាល់។ក្នុងនោះអស់លោកជាថ្នាក់ដឹកនាំមន្ទីរជំនាញផ្ទាល់ បានធ្វើការផ្តាំផ្ញើនិងធ្វើការក្រើនរំលឹកពីសមត្ថកិច្ចជំនាញ របស់មន្ត្រីខ្លួននិមួយៗ ក្នុងការចុះទៅអនុវត្ត និងបំពេញតួនាទី ដែលរដ្ឋបាលខេត្តបានកំណត់។ត្រូវធ្វើយ៉ាងណាឲ្យទទួលបាននូវភាពជាក់លាក់ម៉ត់ចត់ប្រាកដប្រជា ពីទិន្នន័យអត្តសញ្ញាណកម្មដី និង អត្តសញ្ញាណកម្មមនុស្សរស់នៅទីនោះឲ្យបានត្រឹមត្រូវ ស្មោះត្រង់តម្លាភាពនិងដោយការទទួលខុសត្រូវចំពោះមុខច្បាប់។គួររំលឹកដែរថា៖ក្នុងភូមិសាស្ត្រស្រុកសំឡូត…

ខេត្តកំពង់ធំ៖ សាកសពស្ត្រីម្នាក់ ដែលជាម្ចាស់បើកបន្ទប់ពិគ្រោះ និងព្យាបាលជំងឺទូទៅ ត្រូវបានគេ ប្រទះឃើញ នៅក្នុងស្រះទឹកក្រោយផ្ទះ បង្កអោយមានការភ្ញាក់ផ្អើលដល់អ្នកស្រុក ចោមរោមមើលទាំងព្រឹក ព្រលឹម នាវេលាម៉ោង ៦ និង២០នាទី ថ្ងៃទី២១កក្កដាឆ្នាំ២០២០នេះ ស្ថិតនៅក្នុងភូមិខ្វាន់ទៀង ឃុំសាលា វិស័យ ស្រុកប្រាសាទបល្ល័ង្គ ខេត្តកំពង់ធំ។ មន្ត្រីនគរបាលស្រុកប្រាសាទបល្ល័ង្គ បានអោយដឹងថា អំពើឃាតកម្មដ៏សាហាវនេះ បានកើតឡើងនៅ យប់ថ្ងៃទី២០កក្កដាឆ្នាំ២០២០ ដោយជនសង្ស័យឃាតករដៃដល់ បានចាប់ស្រ្តីរងគ្រោះអាករសម្លាប់នឹងវត្ថុរឹង ហើយអូសយកទៅទម្លាក់ចោល នៅក្នុងស្រះទឹកមួយក្រោយផ្ទះជនរងគ្រោះ មានចម្ងាយប្រមាណ ១០០ ម៉ែត្រ ដើម្បីបំបាត់ភស្តុតាងសមត្ថកិច្ច។ លោកបានបន្តថា ក្រោយពីបានដឹងលើករណីឃាតកម្ម លើស្រ្តីរង គ្រោះ នៅព្រឹកថ្ងៃទី២១កក្កដានេះ កម្លាំងនគរបាលស្រុក និងមន្ត្រីប៉ុស្តិ៍រដ្ឋបាល បានចុះទៅកាន់ផ្ទះកើតហេតុ នោះ ហើយបានចុះស្រង់សាកសព ស្ត្រីរងគ្រោះពីក្នុងទឹកស្រះ ដើម្បីពិនិត្យ និងធ្វើកោសលវិច្ច័យ។ លោកថា ស្ត្រីរងគ្រោះមានឈ្មោះ ស្រ៊ុន ចន្ទ្រា អាយុ ២៩ឆ្នាំ រស់នៅក្នុងភូមិ-ឃុំកើតហេតុខាងលើ មានមុខរបរ បើកបន្ទប់ពិគ្រោះ និងព្យាបាលជំងឺទូទៅ…