ខេត្តតាកែវ៖ នៅព្រឹកថ្ងៃអង្គារ ១កើត ខែស្រាពណ៍ ឆ្នាំជូត ទោស័ក ពស.២៥៦៤ ត្រូវនឹងថ្ងៃទី២១ ខែកក្កដា ឆ្នាំ២០២០ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចុះពិនិត្យការធ្វើស្រែ ព្រមទាំងសំណេះសំណាលជាមួយប្រជាកសិករនៅក្នុងស្រុកព្រៃកប្បាស ខេត្តតាកែវ។ ឯ.ឧ វេង សាខុនរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ បានឱ្យដឹងថា នៅឆ្នាំ២០១៩ វិស័យកសិកម្មបានចូលរួមចំណែកប្រមាណ ២០.៨% នៃផលិតផលក្នុងស្រុកសរុប។ ក្នុងនោះ ផ្នែក ដំណាំបានចូលរួម ៥៧.៦៧% ផ្នែកផលិតកម្មសត្វ ១១.១១% ផ្នែកជលផល ២៤.៣០% និងផ្នែកព្រៃឈើ ៦.៩១%។ រីឯការនាំចេញផលិតផលកសិកម្មសរុបបានកើនឡើងពី ៤.១៦លានតោននៅឆ្នាំ២០១៥ ដល់ ៤.៨៨លានតោននៅឆ្នាំ២០១៩ ស្មើនឹង ១៧.៣%។ បរិមាណអង្ករនាំចេញផ្លូវការបានកើនពី ៥៣៨ពាន់តោន ដល់ជាង ៦២០ពាន់តោនក្នុងឆ្នាំ២០១៩ គិតជាមធ្យមក្នុងរយៈពេល ៥ឆ្នាំកន្លងមកនេះ គឺមានកំណើនប្រមាណ ១៥,២៤%។ សម្រាប់ឆមាសទី១ ឆ្នាំ២០២០នេះ បរិមាណនាំចេញអង្ករបានចំនួន ៤០២,៤២៤តោន ស្មើនឹង ៨៦.៥៦%…

រដ្ឋមន្ត្រីក្រសួងពាណិជ្ជកម្មកម្ពុជាលោក ប៉ាន សូរស័ក្ដិ នៅថ្ងៃសទី២០កក្កដា បានចូលរួមជាមួយលោក ចុង ស្សាន (Zhong Shan) រដ្ឋមន្ត្រីក្រសួងពាណិជ្ជកម្មនៃសាធារណរដ្ឋប្រជាមានិតចិន ដើម្បីប្រកាសជាផ្លូវការនៃការបញ្ចប់ការ ចរចាលើកិច្ចព្រមព្រៀងពាណិជ្ជកម្មសេរីកម្ពុជា-ចិន តាមប្រព័ន្ធវីដេអូ។ នៅក្នុងកិច្ចប្រជុំ រដ្ឋមន្ត្រីពាណិជ្ជកម្មនៃប្រទេសទាំងពីរ បានសម្តែងនូវការវាយតម្លៃខ្ពស់ចំពោះកិច្ចព្រមព្រៀងពាណិជ្ជកម្មសេរីកម្ពុជា និងចិន ដែលជាកិច្ចព្រមព្រៀងមួយដែលឆ្លុះបញ្ចាំងអំពីទំនាក់ទំនងយូរអង្វែងជាប្រពៃណី ក៏ដូចជាកិច្ចសហប្រតិបត្តិការក្នុងភាពជាដៃគូគ្រប់ជ្រុងជ្រោយរវាងប្រទេសទាំងពីរ។ លោករដ្ឋមន្ត្រីក្រសួងពាណិជ្ជកម្មកម្ពុជា បានថ្លែងថា ការបញ្ចប់ការចរចាលើកិច្ចព្រមព្រៀងពាណិជ្ជកម្មសេរីមួយដោយជោគជ័យ ក្នុងរយៈពេលមួយដ៏ខ្លីនេះ បានបង្ហាញពីឆន្ទៈនៃថ្នាក់ដឹកនាំនៃប្រទេសទាំងពីរ ក្នុងការពង្រឹងទំនាក់ទំនងឱ្យកាន់តែជិតស្និត និងទូលំទូលាយ ដោយកិច្ចព្រមព្រៀងពាណិជ្ជកម្មសេរីនោះ នឹងផ្ដល់ផលប្រយោជន៍សេដ្ឋកិច្ច និងសង្គមជាច្រើន ដល់ប្រជាជននៃប្រទេសទាំងពីរ តាមរយៈការធ្វើសេរីភាវូបនីយកម្មពាណិជ្ជកម្មទំនិញ និងសេវា ការជំរុញការវិនិយោគទូលំទូលាយ ក៏ដូចជាកិច្ចសហប្រតិបត្តិការលើវិស័យមួយចំនួនទៀតផងដែរ។ ក្រោយពីបានបញ្ចប់កិច្ចប្រជុំខាងលើ ភាគីទាំងពីរបានចុះផ្សាយ សេចក្តីថ្លែងការណ៍រួមស្តីពីការបញ្ចប់កិច្ចចរចាព្រមព្រៀងពាណិជ្ជកម្ម សេរីរវាងសាធារណរដ្ឋប្រជាមានិតចិននិងព្រះរាជាណាចក្រកម្ពុជា ដោយបានលើកឡើងថា ប្រទេសទាំងពីរបានបញ្ចប់កិច្ចចរចាព្រមព្រៀងពាណិជ្ជកម្មសេរីដែលមានទិសដៅប្រកបដោយអត្ថប្រយោជន៍ ដែលទាំងនោះនឹងជាកម្លាំងជំរុញថ្មីមួយក្នុងការពន្លឿនការកសាងសហគមន៍ជោគវាសនារួមរវាងចិននិងកម្ពុជាប្រកបដោយអត្ថន័យយុទ្ធសាស្ត្រ។ កិច្ចចរចាព្រមព្រៀងពាណិជ្ជកម្មសេរីរវាងចិន និងកម្ពុជាត្រូវបានចាប់ផ្តើមនាចុងឆ្នាំ២០១៩។ ជាជំហានបន្ទាប់ ភាគីទាំងពីរនឹងអនុវត្តនីតិវិធីផ្ទៃក្នុងរៀងៗខ្លួន ដើម្បីឈានទៅចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគី នៅក្នុងឆ្នាំ២០២០ នេះ៕

បន្ទាយមានជ័យ៖ ពលរដ្ឋក្មេងចាស់ ប្រុសស្រីនៅភូមិក្បាលកោះ និងភូមិប៉ោយប៉ែត សង្កាត់/ក្រុងប៉ោយប៉ែត ខេត្តបន្ទាយមានជ័យ ចំនួនរាប់សិបនាក់បានរងការផ្ទុះជំងឺឆ្លងម្យ៉ាង ដែលពួកគេ និងគ្រូពេទ្យថាមានអាក្ការៈ ឡើងកំដៅខុសពីធម្មតាគឺ៣៨ ទៅ៣៩អង្សារឡើង ហើយធ្វើឲ្យអ្នកជំងឺខ្លះទៅជាប្រកាច់, ខ្លះឈឺ ក ខ្លះឈឺសន្លាក់ដៃជើង, ខ្លះស្កៀបរមាស់ពិបាកទ្រាំ ជាដើម តែមិនទាន់ស្គាល់ថា ជាជំងឺអ្វីឡើយ។ អ្នកភូមិ និងភ្នាក់ងារភូមិថា ជំងឺឆ្លងនោះផ្ទុះឡើងពីថ្ងៃទី១៩ ខែកក្កដា ហើយបានធ្វើឲ្យមនុស្សចាស់ វ័យកណ្តាល និងកូនក្មេងក្នុងគ្រួសារ ធ្លាក់ខ្លួន ឈឺ ហើយឆ្លងរួចខ្លះ បញ្ជូនទៅមន្ទីរពេទ្យរដ្ឋ និងទៅគ្លីនិកឯកជន ។ អាក្ការៈដំបូងគឺ ទន់ដៃទន់ជើង បន្ទាប់មកក្តៅសន្ធំ ហើយឡើងកន្ទួលរមាស់លើដងខ្លួន ឬសាច់មានពណ៌ ក្រហម ឈឺ ក ឈឺសន្លាក់ ហើយពិបាកដេក​និងមិនសូវឃ្លានអាហារ។ លោកវេជ្ជបណ្ឌិត ខេ ពិសិដ្ឋ ប្រធានមណ្ឌលសុខភាពប៉ោយប៉ែត១ ដែលបាននាំគ្រូចុះពិនិត្យស្ថានភាពនៃការផ្ទះជំងឺនេះដែរ។ លោកប្រាប់សារព័ត៌មានថា ពលរដ្ឋមានអាក្ការៈដូចខាងលើមែន តែលោកមិនទាន់ច្បាស់ មិនអាចប្រាប់ទេ ។ លោក វិជ្ជបណ្ឌិត សឹង្ហ…

  នៅក្នុងឱកាសចុះពិនិត្យមើលស្លានីយ៍ផលិតស្រូវពូជប្រភេទសែនក្រអូបនិងផ្ការំដួល របស់មន្ទីរកសិកម្មខេត្តបាត់ដំបង នៅចំណុចអាងពោធិ៍ ស្ថិតក្នុងសង្កាត់អូរម៉ាល់ ក្រុង-ខេត្តបាត់ដំបង ប្រមាណជិត៥០ហិកតាដែលជាប្រភេទស្រូវពូជទាំង២ខាងលើ។       ឯកឧត្តម ងួន រតនៈ អភិបាលខេត្តបាត់ដំបង បានធ្វើការជំរុញទៅបណ្តាមន្ទីរពាក់ព័ន្ធ និង អាជ្ញាធរមូលដ្ឋានគ្រប់ស្រុក-ក្រុងត្រូវខិតខំជួយដោះស្រាយ ពីបញ្ហាខ្វះខាតទឹកដាក់ស្រែ របស់ កសិករ នៅទូទាំងខេត្តឲ្យអស់ពីលទ្ធភាពជាក់ស្តែងរបស់ខ្លួន។          លោក ឈឹម វជិរ៉ា ប្រធានមន្ទីរកសិកម្ម រុក្ខា ប្រម៉ាញ់ និងនេសាទខេត្ត បានឲ្យដឹងថា៖ ការងារបង្កបង្កើនផល “ស្រូវស្រាល”របស់កសិករនៅទូទាំង ខេត្តបាត់ដំបង មានសន្ទុះកើនលើសផែនការ។គិតត្រឹមតែជាងពាក់កណ្ដាលខែកក្កដាឆ្នាំ២០២០នេះ ការដាំដុះស្រូវស្រាលបានប្រមាណជាង១៦ម៉ឺនហិកតា គឺៈមានការកើនលើសផែនការរបស់មន្ទីរកសិកម្មខេត្ត ដែលបានកំណត់ឲ្យធ្វើស្រូវប្រាំងក្នុងផែនការត្រឹមតែ១០ម៉ឺនហិកតាប៉ុណ្ណោះ។          លោកប្រធានមន្ទីរកសិកម្មខេត្តរូបនេះ បានឲ្យដឹងបន្ថែមថា៖បើទោះបីជាល្បាយទឹកភ្លៀងធ្លាក់នៅមានកម្រិតនិងមានការថយចុះជាងឆ្នាំកន្លងទៅក៏ពិតមែន ក៏ប៉ុន្តែបរិមាណទឹកភ្លៀងបានបន្តធ្លាក់រាយប៉ាយនៅតាមបណ្តាស្រុកនានា និងខុសប្លែកគួរឲ្យកត់សំគាល់ ។ជាក់ស្តែងដើមឆ្នាំ២០២០នេះ បរិមាណទឹកភ្លៀងធ្លាក់ គិតត្រឹមរយៈពេលពាក់កណ្ដាលខែកក្កដានេះ គឺ៖បានប្រមាណជាង៤០០ មីល្លីម៉ែត្រ។បើប្រៀបធៀបឆ្នាំកន្លងទៅ មានរហូតដល់ទៅជាង៥០០មីលីម៉ែត្រ។       លោក ឈឹម វជិរ៉ា ក៏បានគូសបញ្ជាក់បន្ថែមឲ្យដឹងទៀតថា៖ ចំពោះការដាំដុះ និង បង្កបង្កើនផលស្រូវគឺនៅឆ្នាំនេះ មានសន្ទុះខ្លាំង។ ដោយក្នុងនោះការធ្វើស្រែគ្រប់ប្រភេទ…

ក្រសួងសុខាភិបាល៖ ក្រសួងសុខាភិបាលរកឃើញអ្នកឆ្លងជំងឺកូវីដថ្មី២៦នាក់ បន្ថែមទៀតនៅថ្ងៃទី២១ កក្កដានេះ ដែលនាំឲ្យកម្ពុជាមានអ្នកឆ្លងសរុប១៩៧នាក់។ ជាមួយគ្នានោះ កម្ពុជាបានព្យាបាលជាសះស្បើយបានចំនួន១៤០នាក់៕

មណ្ឌលគិរី៖ សេចក្តីរាយការមួយកាលពីព្រឹកថ្ងៃទី២០ ខែកក្កដាឆ្នាំ២០២០ មានដំរីឈ្មោលមួយក្បាលឈ្មោះ«ខាំឃឺន» បានងាប់នៅចំណុចអូរប៉ាយស្ថិតនៅភូមិពូរ៉ាពេត ឃុំក្រង់តេះ ស្រុកពេជ្រាដា ខេត្តមណ្ឌលគិរី។ សេចក្តីរាយការថា ដំរី១ក្បាលនោះជាដំរីចិញ្ចឹម មានអាយុប្រហែល៥០ឆ្នាំ ។ ក្រោយការងាប់របស់ដំរី ម្ចាស់កំពុងបោះជំរុំរង់ចាំធ្វើបុណ្យតាមប្រពៃណីជនជនជាតិដើមភាកតិចពូនង។ គិតត្រឹមថ្ងៃទី២១ កក្កដានេះ មិនទាន់មានការបញ្ជាក់អំពីមូលហេតុនៃការងាប់របស់សត្វដំរី ពីម្ចាស់ និងអជ្ញាធរមូលដ្ឋាននោះទេ ៕ ដោយ៖ សាត ចាន់បុត្រ