ភ្នំពេញ  ៖ កាលពីល្ងាចថ្ងៃទី២០  ខែកក្កដា  ឆ្នាំ ២០២០ នេះ  កម្លាំងគណៈបញ្ជាការឯកភាពខណ្ឌចំការមន  បានចុះបង្ក្រាបទីតាំងណេតបង្កប់ល្បែងភ្នាល់បាល់មួយកន្លែងស្ថិតនៅតាមបណ្តោយផ្លូវ  ៩៩  សង្កាត់បឹងត្របែក  ខណ្ឌចំការមន  ដោយក្នុងរង្វង់ប្រតិបត្តិការនេះអនុវត្តន៍ឡេីងដោយមានការសម្របសម្រួលពីព្រះរាជអាជ្ញារងអមសាលាដំបូងរាជធានីភ្នំពេញ ផងដែរ  ។      សមត្ថកិច្ចបានឲ្យដឹងថា  ការបង្ក្រាបទីតាំងណេតខាងលេីគឺ  មានមនុស្ស៤នាក់  (ស្រីម្នាក់  ប្រុស៣ )  ត្រូវបានឃាត់ខ្លួន  នឹងដកហូតម៉ូតូ២គ្រឿង  កុំព្យូទ័រជាង២០គ្រឿង  នឹងឧបករណ៍សម្រាប់ ប្រេីប្រាស់តាមប្រព័ន្ធអុីធេីណេតមួយចំនួន  ។      ក្រោយពីបញ្ចប់កិច្ចប្រតិបត្តិការនេះ  សមត្ថកិច្ចបាននាំខ្លនមនុស្សប្រុសស្រី៤ នាក់ រួចទាំងវត្ថុតាងយកទៅកាន់អធិការដ្ឋា ននគរបាលខណ្ឌចំការមន  ដេីម្បីធ្វេីការសាកសួរនឹងចាត់វិធានការទៅតាមនីតិវិធី៕  ដោយ៖  ភារ៉ា  និងប៊ុនធី      

ភ្នំពេញ៖ ក្រុមហ៊ុន CellCard កាលពីពេលថ្មីៗនេះ បានរកឃើញអតិថិជនរបស់ខ្លួន មួយរូប មានសំណាងឈ្នះរង្វាន់ ២០,០០០ដុល្លារអាមេរិក ដោយអ្នកឈ្នះមានឈ្មោះលោក ខូវ ជិសេង ជាអាជីវករមួយរូបរស់នៅ ភូមិអូរបែកក្អម សង្កាត់អរបែកក្អម ខណ្ឌសែនសុខ រាជធានីភ្នំពេញ ។តាមការបញ្ជាក់ ពីក្រុមការងារសែលកាត បានឲ្យដឹងថា ការប្រគល់ប្រាក់រង្វាន់ ទៅកាន់អតិថិជនរបស់ខ្លួន ដែលមានសំណាង នាពេលនេះ គឺជាការបង្ហាញយ៉ាងច្បាស់ អំពីការឈ្នះរង្វាន់ពិតៗ មិនមានការក្លែងបន្លំ លើដល់អតិថិជនរបស់ក្រុមហ៊ុន សែលកាត ។ការប្រគល់ប្រាក់រង្វាន់ ត្រូវបានធ្វើឡើងពិតៗ ពុំមានការក្លែងបន្លំ ជូនដល់អតិថិជន របស់សែលកាត ដែលបានចូលរួម ផ្សងសំណាង ជាមួយកម្មវិធី “ឈ្នះលុយសុទ្ធ 10,000 ដុល្លាររាល់ថ្ងៃ” ក្នុងនោះក្រុមហ៊ុន និងធ្វើការបង្វិល លេខកូដសំណាង 6ខ្ទង់ ដើម្បីស្វែងរកអ្នកដែលមាន សំណាងឈ្នះនូវទឹកប្រាក់ 10,000ដុល្លារជារៀងរាល់ថ្ងៃ នៅលើទំព័រ YouTube របស់ក្រុមហ៊ុនសែលកាត។ សូមបញ្ជាក់ថា រហូតមកថ្ងៃនេះ ក្រុមហ៊ុន CellCard នៅតែបន្តប្រគល់រង្វាន់ ជាបន្តបន្ទាប់គ្រប់ទូទាំងខេត្ត-ក្រុង…

នៅតំបន់ប្រតិបត្តិការសឹករងបាត់ដំបងព្រឹកថ្ងៃទី ២០ ខែកក្កដាឆ្នាំ ២០២០ បានប្រារព្ធពិធីប្រកាសតែងតាំងផ្លាស់ប្ដូរមុខដំណែងជូនជូននាយទហាន ក្នុងតំបន់ប្រតិបត្តិការសឹករងបាត់ដំបងដែលពិធីនេះបានប្រព្រឹត្តទៅក្រោមអធិបតីភាព ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង កងយោធពលខេមរភូមិន្ទ និង ជាមេបញ្ជាការកងទ័ពជើងគោក ។ក្នុងឱកាសនោះ ឧត្តមសេនីយ៍ទោ អ៊ុក ឃ្នួច មេបញ្ជាការតំបន់ប្រតិបត្តិការសឹករងខេត្តបាត់ដំបងចាស់ បានឡើងមានមតិស្វាគមន៍ដោយបានលើកឡើងពីសមិទ្ធផលមួយចំនួនដែលអង្គភាពតំបន់ប្រតិបត្តិការសឹករងបាត់ដំបងសម្រេចបាន ក្នុងរយៈពេលកន្លងមក លើការងារកសាងអង្គភាពការពង្រឹងសមត្ថភាពកងទ័ព តាមរយៈ ការហ្វឹកហ្វឺន ផ្នែកយុទ្ធវិធី អប់រំចិត្តសាស្ត្រ នយោបាយសតិអារម្មណ៍ ការកសាងជំរំស្នាក់នៅ កន្លែងធ្វើការ ផ្ទះបាយសមូហភាព និង ការជួយដល់អតីតយុទ្ធជន សំដៅរួមចំណែកលើកកម្ពស់ជីវភាពរស់នៅរបស់អតីតយុទ្ធជនឲ្យបានល្អប្រសើរ ។ ឯកឧត្តម អ៊ុក ឃ្នួច បានបញ្ជាក់ថា ៖ ចាប់ពីថ្ងៃបង្កើត កងឯកភាពតំបន់ប្រតិបត្តិការសឹករងខេត្តបាត់ដំបងមក អង្គភាពនេះ មានមេបញ្ជាការ ចំនួន ១០រូប រួចមកហើយ ហើយ ឧត្តមគឺជាមេបញ្ជាការទី ១១ ដែលបានចូលកាន់តំណែងនៅថ្ងៃទី ២៦ ខែមករាឆ្នាំ ២០០៥ មកដល់ពេលបច្ចុប្បន្ននេះមានលើសមានរយៈពេល ១៦ ឆ្នាំហើយ។ថ្លែងក្នុងឱកាសនោះ…

    ភ្នំពេញ៖ សង្គ្រាមសម្តីរវាងក្រុមអ្នកគាំទ្ររបស់លោក កឹម សុខា និងក្រុមអ្នកគាំទ្ររបស់លោក សម រង្ស៉ី បាននិងកំពុងពុះកញ្ជ្រោលជាថ្មី ក្រោយលោក កឹម សុខា មានសេរីភាពក្នុងការធ្វើដំណើរចុះទៅតាមបណ្តាខេត្ត និងជួបសួរសុខទុក្ខសកម្មជនមួយចំនួននោះ។   តាមពិតទៅសង្គ្រាមសម្តីរវាងក្រុមទាំងពីរមិនមែនជារឿងថ្មីថ្មោងនោះឡើយ គឺកើតមានចាប់តាំងពីលោក សម រង្ស៉ី បង្កើតចលនាសង្គ្រោះជាតិ (CNRM) ក្រោយពេលលោក កឹម សុខា ត្រូវចាប់ខ្លួន និងគណបក្សសង្គ្រោះជាតិ ត្រូវបានរំលាយនៅឆ្នាំ២០១៧មកម្ល៉េះ។ កាលនោះក្រុមគាំទ្រលោក កឹម សុខា បានហៅការបង្កើតចលនាថ្មីនោះថា ជាចលនាក្បត់លោក កឹម សុខា។   តែពេលថ្មីៗនេះ សំនួនវោហាស័ព្ទវាយប្រហាររវាងភាគីទាំងពីរបានផ្ទុះឡើង និងស្រួចស្រាវជាថ្មីម្តងទៀត បន្ទាប់ពីលោក កឹម សុខា បានធ្វើដំណើរចុះទៅតាមបណ្តាខេត្ត និងតំបន់កម្សាន្តនានា ដោយមិនមានការយាយី ឬរំខានពីអាជ្ញាធរនោះ។ ម្តងនេះក្រុមគាំទ្រលោក សម រង្ស៉ី…

នៅថ្ងៃទី២០ ខែកក្កដា ឆ្នាំ២០២០ នាយករដ្ឋមន្ដ្រីកម្ពុជា សម្ដេចតេជោ ហ៊ុន សែន បានផ្ញើសាររំលែកទុក្ខជូនលោកស្រី អ៉ឹម សុវណ្ណ ភរិយាសពលោកព្រឹទ្ធាចារ្យ នាដកោសល្យវដ្ដី ព្រីង សាឃន ដែលបានទទួលមរណភាព ក្នុងជន្មាយុ៨៣ឆ្នាំ ដោយជរាពាធ នាវេលាម៉ោង០៥៖៤៥នាទី ថ្ងៃទី១៩ ខែកក្កដា ឆ្នាំ២០២០។ ក្នុងសារលិខិតនោះ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានសម្ដែងនូវការសោកស្ដាយ ស្រណោះអាឡោះអាល័យ ព្រោះថាការបាត់បង់លោកព្រឹទ្ធចារ្យ នាដកោសល្យវដ្ដី គឺជាការបាត់បង់វីរសិល្បករដ៏ឆ្នើមមួយរូប ដែលបានលះបង់ពេលវេលារួមចំណែក លើកស្ទូយវិស័យសិល្បៈវប្បធម៌ជាតិពេញមួយជីវិតរបស់លោក។ សម្ដេចតេជោ ហ៊ុន សែន សូមឧទ្ទិសបួងសួងដល់ដួងវិញ្ញាណក្ខន្ធសព លោកព្រឹទ្ធចារ្យ នាដកោសល្យវដ្ដី សូមឆាប់បានចាប់កំណើតកើតក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ៕

លោក Tewan Liptapanlop សមាជិកគណៈរដ្ឋមន្ត្រីថៃរបស់លោកនាយករដ្ឋមន្ត្រី ប្រាយុទ្ធ ចាន់អូចា ម្នាក់ទៀតហើយ ដែលនឹងលាឈប់ពីតំណែង នៅថ្ងៃចន្ទ ទី២០ កក្កដានេះ ហើយលោកក៏ជាសមាជិកគណៈរដ្ឋមន្ត្រីទី៥ហើយដែលចុះចេញពីតំណែង ត្រឹមរយៈពេលតិចជាង៥ថ្ងៃ។ អ្នកនាំពាក្យគណបក្ស Chart Pattana គឺលោកស្រី Yaowapa Boorapolchai បានប្រាប់សារព័ត៌មានរយធឺថា ថ្នាក់ដឹកនាំបក្សបានសម្រេចហើយថា លោក Tewan នឹងចុះចេញពីតំណែងនេះ ដើម្បីត្រួសត្រាយផ្លូវ សម្រាប់ការរុះរើគណៈរដ្ឋមន្ត្រី។ បក្ស Chart Pattana គឺជាដៃគូសម្ពន្ធ នៃរាជរដ្ឋាភិបាល ដែលដឹកនាំដោយលោកប្រាយុទ្ធ ហើយបក្សនេះមានតំណែងមួយក្នុងជួរគណៈរដ្ឋមន្ត្រី។ ការចុះចេញពីតំណែងរបស់លោក បានធ្វើឡើងក្រោយពេលរដ្ឋមន្ត្រីក្រសួងសេដ្ឋកិច្ច Uttama Savanayana និង ឧបនាយករដ្ឋមន្ត្រី Somkid Jatusripitak ព្រមទាំងរដ្ឋមន្ត្រី២រូបទៀតបានលាឈប់ពីគណៈរដ្ឋមន្ត្រី កាលពីថ្ងៃព្រហស្បតិ៍។ការលាឈប់ជាបន្តបន្ទាប់នេះបានធ្វើឡើង ខណៈដែលមានបាតុកម្មតវ៉ា កាលពីចុងសប្តាហ៍ ដើម្បីឲ្យរំលាយសភា និងជំរុញឲ្យលោកប្រាយុទ្ធ ចុះចេញពីតំណែងជានាយករដ្ឋមន្ត្រី ដោយពួកគេចោទថា ថៃមិនទាន់មានប្រជាធិបតេយ្យពិតប្រាកដនៅឡើយទេ ក្រោមការដឹកនាំរបស់អតីតមេដឹកនាំរបបយោធារូបនេះ៕ …