កំពង់ឆ្នាំង៖ តំបន់អភិរក្សត្រីមេពូជបឹងល្មួសក្នុងពេលនេះមានត្រីមេពូជរាប់រយតោន ដែលគ្រប់គ្រងដោយសហគមន៍នេសាទកំពង់អុស ស្ថិតនៅក្នុងភូមិកំពង់អុស ឃុំកំពង់អុស ស្រុកជលគីរី បច្ចុប្បន្នក្រុមល្បាតក្នុងសហគមន៍ កំពុងតស៊ូដាក់វេនគ្នាយាមកាមការពារបទល្មើសទាំងយប់ទាំងថ្ងៃ ប៉ុន្តែជាបញ្ហានោះ គឺការខ្វះខាតថវិកាទិញលួសទិញបង្គោលបោះការពារជុំវិញបឹងអភិរក្ស និងខ្វះប្រេងចាក់កាណូតដើរល្បាតប្រចាំថ្ងៃ ហេតុនេះហើយទើបសហគមន៍សំណូមពរដល់អង្គការដៃគូ ប្រមុខរាជរដ្ឋាភិបាល និងក្រសួងពាក់ព័ន្ធជួយឧបត្ថមដល់ការខ្វះខាតដោយក្តីអនុគ្រោះផងចុះ ។ ជួបជាមួយក្រុមអ្នកយកព័ត៌មានយើងនៅព្រឹកថ្ងៃទី១៥ ខែកក្កដា ឆ្នាំ២០២០ លោកស្រី សំរិទ្ធ ណុនប្រធានសហគមន៍នេសាទកំពង់អុស បាននិយាយឲ្យដឹងថា៖ សហគមន៍នេសាទកំពង់អុសបានកើតឡើងនៅឆ្នាំ២០១៧ មានសមាជិកចំនួន៣៤៥នាក់ រស់់នៅក្នុងភូមិកំពង់អុស  ដែលមានដែននេសាទសាធារណៈជាច្រើនហិកតា ដោយឡែកក៏មានតំបន់អភិរក្សមេពូជត្រីបឹងល្មួសមានទំហំ៤០ហិកតា មួយផងដែរ ដែលត្រូវការពារមេពូជត្រីគ្រប់ប្រភេទនៅក្នុងអន្លុងបឹងល្មួសឲ្យបានគង់វង្ស ជាពិសេសនៅក្នុងរដូវបិតនេសាទដែលជារដូវត្រីពងកូននេះ តែសហគមន៍មានកាណូតដែលអង្គការជួយតែ១គ្រឿងប៉ុណ្ណោះ។ លោកស្រីប្រធានសហគមន៍ បានបន្តថា៖ ប៉ុន្មានថ្ងៃនេះ សមាជិកនៅក្នុងសហគមន៍ពិសេសក្រុមល្បាតកំពុងធ្វើការយ៉ាងសកម្ម គឺចងលួសចងព័ទ្ធកំប៉ោង ប្រើកាណូត និងកម្លាំងមនុស្ស រុញកំប៉ោងធ្វើជារនាំងរបងការពារជុំវិញបឹងអភិរក្សជារៀងរាល់ថ្ងៃ ដើម្បីទប់ស្កាតកុំឲ្យទូកកាណូតជនល្មើលបើកបរចូ លមកលួចនេសាទក្នុងបឹងអភិរក្សបាន ។ ព្រោះថានៅខែភ្លៀងរដូវវស្សានេះ ខ្យល់បានបោកបក់ដាច់ចំណង់លួស និងកំប៉ោងរាយប៉ាយពេញបឹងស្ទើរតែរៀងរាល់ថ្ងៃ។ ប៉ុន្តែអ្វីដែលប្រឈមនោះ គឺសហគមន៍ពុំមានថវិកាសម្រាប់ទិញលួស ទិញប្រេងធ្វើការខាងលើនេះឡើយ ដែលកន្លងមកសមាជិកមួយចំនួនបានចំណាយថវិកាផ្ទាល់ខ្លួនដើម្បីធ្វើការងារទាំងអស់នេះទៅតាមលទ្ធភាព ។ ដោយឡែក បទល្មើសនេសាទនៅក្នុងឆ្នាំកន្លងមកសហគមន៍បានបង្ក្រាបបានប្រមាណ២០ករណី ក្នុងនោះមានការឆក់ត្រី២ករណី ត្រូវបានចាប់បញ្ជូនឲ្យខណ្ឌរដ្ឋបាលជលផលកសាងសំណុំរឿងបញ្ជូនទៅតុលាការ និងបទល្មើសនេសាទ១៨ករណីទៀត…

ខេត្តកំពង់ធំ៖ អភិបាលខេត្ត និងប្រធានគណៈកម្មាធិការ សាខាកាកបាទក្រហមកម្ពុជា ខេត្តកំពង់ធំ លោក សុខ លូ បានដឹកនាំក្រុមការងារថ្នាក់ខេត្ត ក្រុង ស្រុក និងមន្ត្រីមូលដ្ឋាន បាននាំយកអំណោយកាក បាទក្រហមកម្ពុជា ដែលជាស្បៀងអាហារសម្រាប់បរិភោគប្រចាំថ្ងៃ ទៅផ្តល់ជូនប្រជាពលរដ្ឋក្រីក្រ និងប្រជា ពលរដ្ឋងាយរងគ្រោះជិត ៤០០គ្រួសារ នៅក្នុងក្រុងស្ទឹងសែន និងស្រុកសន្ទុក នៅរវាងពីរថ្ងៃបន្តបន្ទាប់គ្នា គឺនៅថ្ងៃទី១៤កក្កដា និងនៅថ្ងៃទី១៥ កក្កដា ឆ្នាំ២០២០ កន្លងមកនេះ។ នៅក្នុងរបាយការណ៍របស់កាកបាទក្រហមខេត្ត បានអោយដឹងថា មានប្រជាពលរដ្ឋងាយរងគ្រោះ ចំនួន ៣៧១គ្រួសារ ដែលត្រូវទទួលបានអំណោយជាស្បៀងអាហារ គ្រឿងឧបភោគ បរិភោគ ពីសាខាកាក បាទក្រហមកម្ពុជាខេត្ត ដោយក្នុងនោះ ប្រជាពលរដ្ឋចំនួន ២៤៥គ្រួសារ រស់នៅក្នុងឃុំ៣ គឺឃុំបឹងល្វា ឃុំក្រយា និងឃុំកកោះ ស្រុកសន្ទុក បានទទួលអំណោយពីកាកបាទក្រហមខេត្ត នៅថ្ងៃទី១៥កក្កដាឆ្នាំ ២០២០ និងប្រជាពលរដ្ឋងាយរងគ្រោះចំនួន ១២៦គ្រួសារ រស់នៅក្នុងក្រុងស្ទឹងសែន បានទទួលអំណោយ កាលពីថ្ងៃទី១៤កក្កដាឆ្នាំ២០២០ កន្លងទៅនេះ ក្នុងកាលៈទេសៈដែលប្រទេសកម្ពុជា…

ខេត្តកំពង់ឆ្នាំង៖ ស្រូវរដូវវស្សារបស់ប្រជាពលរដ្ឋចំនួន ៣៥០ហិកតានៅក្នុងភូមិ ៣ នៃឃុំព្រៃគ្រីខាងជើង ស្រុកជល់គិរី កំពុងរងគ្រោះដោយសារខ្វះខាតទឹក គ្រាដែលនៅក្នុងរដូវរាំងស្ងួតកន្លងមកក៏ដូចពេលនេះដែរទឹកភ្លៀងមានធ្លាក់មកតិចតួច ដែលធ្វើឲ្យស្រូវមិនអាចបែកគុម្ភបានខ្លះទៀតស្វិតដែលត្រូធ្វើការសង្គ្រោះបន្ទាន់ផងដែរ។ លោក អៀម វណ្ណនី មេបញ្ជាការផ្នែកសឹករងស្រុកជលគីរី បានឲ្យដឹងតាមរយៈទូរស័ព្ធនៅវេលាម៉ោង១២ និង៥៦នាទីថ្ងៃទី១៦ កក្កដា ២០២០នេះថា ដោយអនុវត្តន៍តាមបទបញ្ជា និងការណែនាំរបស់គណៈបញ្ជាការឯកភាពខេត្តកំពង់ឆ្នាំង លោក ឈួ ចាន់ឌឿន និងមេបញ្ជាការតំបន់ប្រតិបត្តិការសឹករងខេត្តកំពង់ឆ្នាំង លោកឧត្តមសេនីយ៍ទោ ធន់ ធឿន បានឲ្យបណ្ដាអង្គភាពទាំងអស់ត្រូវយកចិត្តទុកដាក់ចុះជួយអន្តរាគមន៍បូមទឹកសង្រ្គោះស្រូវវស្សារបស់ប្រជាកសិករចំនួន៣ ភូមិ មានភូមិតាកាន់ ទំពារ នឹងភូមិព្រៃគ្រីជើង ឃុំព្រៃគ្រី ស្រុកជលគិរី បានចំនួន ៥លើក ត្រង់ចំណុចស្លាទុំ ត្រពាំងធំ ភ្នំរលក និងថ្មគោល កំពុងរងនូវការប៉ះពាល់ នឹងភាពប្រឈមគ្រៀមស្វិតស្រូវ ដោយសារការរាំងស្ងួតបានអូសបន្លាយពេលវេលាជាច្រើនខែ។ នៅព្រឹកថ្ងៃទី១៦ ខែកក្កដា ឆ្នាំ2020 នេះផងដែលលោក អៀម វណ្ណនី មេបញ្ជាការសឹករងស្រុកសហការជាមួយលោក មន្ត្រីចូលនិត្តន៍ និងជាសមាជិគណបក្សស្រុកបានដឹងនាំនាយទាហាននឹងនាយទាហានរងរបស់ផ្នែកសឹករងជលគិរី នាំយកប្រេងឥន្ទះចំនួន ៨២០ លីត្រដោយមានការជួយឧបត្ថម្ភ ពីរលោក…

ខេត្តព្រះវិហារ៖ ប្រធានគណៈបញ្ជារការឯកភាពរដ្ឋបាលស្រុកឆែប ខេត្តព្រះវិហារ លោក សុខ សាន្តតារ៉ា បានបញ្ជាកម្លាំងសមត្ថកិច្ចមូលដ្ឋាន មានកម្លាំងផ្នែករដ្ឋបាលព្រៃឈើឆែប សហការជាមួយកម្លាំង អាវុធហត្ថស្រុក និងកម្លាំងនគរបាលប៉ុស្តិ៍រដ្ឋបាលឆែបមួយ នៃអធិការដ្ឋាននគរបាលស្រុកឆែប បានចុះ បង្ក្រាប និងរឹបអូសឈើអារ ដែលឈ្មួញបានដឹកជញ្ជូនយកមកទម្លាក់ទុក នៅមុខផ្ទះប្រជាពលរដ្ឋ។ ប្រតិបត្តិការនោះ បានធ្វើឡើងនៅថ្ងៃទី ១៦ កក្កដា ឆ្នាំ២០២០នេះ នៅមុខផ្ទះប្រជាពលរដ្ឋ១គ្រួសារ ស្ថិតនៅក្នុងភូមិឆែបលិច ឃុំឆែបមួយ ស្រុកឆែប ខេត្តព្រះវិហារ។ មន្ត្រីផ្នែករដ្ឋបាលព្រៃឈើឆែប បានឲ្យដឹងថា ក្រោយទទួលបានការរាយការណ៍ ពីប្រជាពលរដ្ឋ មកថា មានឈើអារថ្មីមួយគំនរ ដែលត្រូវបានគេគរទុកនៅមុខផ្ទះប្រជាពលរដ្ឋមួយកន្លែង ស្ថិតនៅក្នុងមូល ដ្ឋានខាងលើនោះ កម្លាំងសមត្ថកិច្ចស្រុក ក្រោយទទួលបានបញ្ជាពី ប្រធានគណៈបញ្ជាការឯកភាពរដ្ឋបាល ស្រុកឆែប លោក សុខ សាន្តតារ៉ា នោះរួចមក នាយខណ្ឌរដ្ឋបាលព្រៃឈើព្រះវិហារ លោក នួន សុខុម បានអនុញ្ញាតឲ្យ លោក សេង លាង នាយផ្នែករដ្ឋបាលព្រៃឈើឆែប ដឹកនាំកម្លាំងសមត្ថកិច្ច ចុះទៅកាន់…

កណ្តាល៖ ករណីគ្រោះថ្នាក់ចរាចរណ៍មួយបានកើតឡើងបណ្តាលឲ្យបុរសម្នាក់ស្លាប់ និងម្នាក់ទៀតរងរបួសធ្ងន់ បន្ទាប់ពីបើកម៉ូតូបុកគ្នា ។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅថ្ងៃទី១៥ ខែកក្តដា ឆ្នាំ២០២០ វេលាម៉ោង ១៨ និង៤០ នាទី នៅចំនុចលើផ្លូវជាតិលេខ១ ក្នុងចន្លោះគីឡូម៉ែត្រលេខ ២២-២៣ ភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល។ សាក្សីបានឲ្យដឹងថា៖ មានម៉ូតូ១គ្រឿង ម៉ាកហុងដា MSX ពណ៌ស ប្រភេទប្រុស ពាក់ផ្លាកលេខ កណ្តាល 1T.4301 បើកបរ ដោយឈ្មោះ ឆៃ ដាវិត ភេទប្រុស អាយុ១៨ឆ្នាំ មានទីលីនៅ ភូមិ ខ្សុំ ឃុំ បន្ទាយដែក ស្រុកកៀនស្វាយ ខេត្តកណ្តាល (ស្លាប់)ដែលបើកមានទិសដៅពីភ្នំពេញទៅអ្នកលឿង។ ពេលបើកមកដល់កន្លែងកើតហេតុខាងលើបាន បុកជាមួយម៉ូតូ១គ្រឿងម៉ាក HONDA DREAM ឆ្នាំ២០១៤ ពណ៌ខ្មៅ ប្រភេទស្រី ពាក់ផ្លាកលេខ ភ្នំពេញ 1CO.2697 បើកបរ ដោយឈ្មោះ អ៊ួច…

កណ្តាល៖ អំពើហិង្សាមួយបានកើតឡើង និងធ្វើការឃាត់ខ្លួនជនសង្ស័យម្នាក់ ដែលវាយបំផ្លិតបំផ្លាញទ្រព្យសម្បត្តិអ្នកដទៃ។ ហេតុការណ៍នេះបានកើតឡើងនៅថ្ងៃទី១៥ ខែកក្កដា ឆ្នាំ២០២០ វេលាម៉ោង១៧ និង៣០នាទីនៅចំណុច៖ភូមិ ព្រែកល្វា ឃុំពញាឮ ស្រុកពញាឮ ខេត្តកណ្តាល ។ ជនរងគ្រោះមានឈ្មោះ ស៊ឹម សុផល ភេទប្រុស អាយុ ៣៣ឆ្នាំ ជនជាតិខ្មែរ មុខរបរជាងធ្វើផ្ទះ មានទីលំនៅភូមិ ព្រែកល្វា ឃុំពញាឮ ស្រុកពញាឮ ខេត្តកណ្តាល ។ ជនសង្ស័យឈ្មោះ ជឺន រិទ្ធី ហៅកៀន ភេទប្រុស អាយុ ២៨ឆ្នាំ ជនជាតិខ្មែរ មុខរបរនេសាទ មានទីលំនៅភូមិ ព្រែកល្វា ឃុំពញាឮ ស្រុកពញាឮ ខេត្ត កណ្តាល ។ នគរបាលស្រុកពញ្ញាឮបានអោយដឹងថា កន្លងមកជនរងគ្រោះឈ្មោះ ស៊ឹម សុផល ភេទប្រុស និងជនសង្ស័យឈ្មោះ ជឺន រិទ្ធី…