ខេត្តកំពង់ឆ្នាំង៖ សមាគមអតីតយុទ្ធជនកម្ពុជាបានរៀបចំពិធីប្រគល់ផ្ទះជូនអតីតយុទ្ធជនទីទាល់ក្រ ពិការ និងគ្រួសារមរណចំនួនពីរគ្រួសារនៅក្នុងស្រុកសាមគ្គីមានជ័យខេត្តកំពង់ឆ្នាំង ។ ពិធីនេះធ្វើឡើងនៅថ្ងៃទី២២ មិថុនា ​២០២០ នៅក្នុងស្រុកសាមគ្គីមានជ័យខេត្តកំពង់ឆ្នាំង ។ ពិធីប្រគល់ផ្ទះជូនអតីតយុទ្ធជនទីទាលក្រ ពិការ និងគ្រួសារយោធិនមរណៈចំនួន ០២ គ្រួសារនេះ ក្រោមអធិបតីភាពដ៏ខ្ពង់ខ្ពស់របស់ឯកឧត្តមឧត្តមសេនីយ៍ឯក បណ្ឌិត ព្រហ្ម ផេង មេបញ្ជាការរងកងទ័ព ជើងគោក និងជាមេបញ្ជាការកងពល តូចអន្តរាគមន៍លេខ ១ , ឯកឧត្តមឧត្តម សេនីយ៍ទោ ធន ធឿន មេបញ្ជាការតំបន់ប្រតិបត្តិការសឹករងកំពង់ឆ្នាំង និងលោក វន ស៊ីផា អភិបាលនៃគណៈអភិបាល ស្រុកសាមគ្គីមានជ័យ រួមជាមួឯកឧត្តមលោកជំទាវ លោក លោកស្រីជាប្រតិភូអមដំណើរ រួមទាំងលោកប្រធានក្រុមប្រឹក្សាស្រុក , អភិបាលរងស្រុក , បញ្ជាការកងកំលាំងទាំងបី , មេឃុំ , រួមទាំងប្រជាពលរដ្ឋ និងគ្រួសារប្រជាពលរដ្ឋដែលជាអតីតយុទ្ធជន មួយចំនួន។ មេបញ្ជាការរងកងទ័ពជើងគោកសមាគមន៍អតីតយុទ្ធជនកម្ពុជាខេត្តកំពង់ឆ្នាំង បានរៀបចំពិធីប្រគល់ផ្ទះជូនអតីតយុទ្ធជនទីទាល់ក្រ ពិការ និងគ្រួសារយោធិនមរណចំនួនពីរគ្រួសារក្នុងនោះប្រគល់ជូនគ្រួឈ្មោះ…

កំពង់ឆ្នាំង៖ គ្រឿងសម្ភារបរិក្ខារពេទ្យសម្រាប់ការពារជំងឺកូវីដ១៩ និងសំលៀកបំពាក់ពេទ្យ ព្រមទាំងធុងបាញ់ថ្នាំជម្ងឺគ្រុនចាញ់ និងគ្រុនឈាមទៅតាមបណ្តាអង្គភាពយោធាស្រុកនៅក្នុងខេត្ត ។ ពិធីនេះធ្វើឡើងនៅថ្ងៃទី២២ ខែមិថុនា ឆ្នាំ២០២០ នៅក្នុងទីបញ្ជាការតំបន់ប្រតិបត្តិការសឹករងកំពង់ឆ្នាំង បានរៀបចំពិធីចែកសម្ភារ បរិក្ខាពេទ្យ សម្រាប់ការពារជម្ងឺ កូវីដ-១៩ និងសម្លៀកបំពាក់ពេទ្យ ព្រមទាំង ធុងបាញ់ថ្នាំការពារជម្ងឺគ្រុនចាញ់ ជម្ងឺគ្រុនឈាម។ ពិធីនេះធ្វើឡើងក្រោមអធិបតីភាពមេបញ្ជាការតំបន់ប្រតិបត្តិការសឹករងខេត្ត លោក ឧត្តមសេនីយ៍ទោ ធនធឿននិងមានការអញ្ជើញចូលរួម ពី មេបញ្ជាការរង, លោក នាយសេនាធិការរង ព្រមទាំង នាយទាហាន នាយទាហានរង និងពលទាហាន ទាំងអស់ នៃតំបន់ប្រតិបត្តិការសឹករងកំពង់ឆ្នាំង។ លោកឧត្តមសេនីយ៍ទោ ធន ធឿន បានក្រើនរំលឹកជាថ្មី និងសូមឱ្យកងកម្លាំងទាំងអស់ត្រូវពង្រឹងការយកចិត្តទុកដាក់គិតពីអនាម័យ និងសុខភាពម្នាក់ៗ និងក្រុមគ្រួសារ ឱ្យបានល្អ ពេលនេះជារដូវកាលគ្រុនឈាន គ្រុនចាញ់ និងមានរលកថ្មីនៃជម្ងឺដ៏កាចសាហាវកូវីដ-១៩ កើតមានជាថ្មីទៀត ហើយសម្ភារបរិក្ខាពេទ្យ ដែលចែកជូនតាមការិយាល័យ ផ្នែកចំណុះ នៅពេលនោះ គឺត្រូវតែចែកជូនឱ្យដល់បុគ្គលម្នាក់ៗ ភ្លាមៗ កុំទុក យូរដើម្បីឱ្យបងប្អូនយើង បានប្រើប្រាស់ទាន់ពេលវេលា…

ភ្នំពេញ៖ ស្ត្រីម្នាក់បានស្លាប់ពេលបញ្ជូនទៅដល់មន្ទីរពេទ្យខណៈកំពុងហាលខោអាវត្រូវប្តីយកកាំបិតមកចាក់ចំទ្រូងខាងស្តាំ ដោយមិនដឹងមូលហេតុ បង្កការភ្ញាក់ផ្អេីលកាលពីវេលាម៉ោង៧និង២០នាទីយប់ថ្ងៃទី២២ ខែមិថុនាឆ្នាំ២០២០ នៅចំណុច ផ្ទះជនរងគ្រោះ ភូមិ ដូនរ័ត្ន សង្កាត់ ឪឡោក ខណ្ឌកំបូល រាជធានី ភ្នំពេញ។ ជនរងគ្រោះ ឈ្មោះ លាង ផល្លា ស្រី អាយុ ២៣ឆ្នាំ  មុខរបរកម្មការិនីរោងចក្រ ចំណែកជនសង្ស័យ ជាប្តីឈ្មោះ សុខលី សម្បត្តិ អាយុ ២៣ឆ្នាំ នាក់ទាំង២ស្នាក់នៅភូមិសង្កាត់ខាងលើ។ បើតាមប្រភពព័ត៌មានបានឲ្យដឹងថា នៅមុនពេលកើត ខាងលើ ជនរងគ្រោះបានមកពីធ្វើការរោចក្រ រួចហើយក៏ងូតទឹក រួចក៏ហាលខោអាវ ហើយស្រាប់តែប្តីយកកាំបិតស្នៀតមកចាក់ចំទ្រូងខាងស្តាំបណ្តាលឲ្យរងរបួសធ្ងន់  ភ្លាមនោះក៏ត្រូវបងប្អូនដឹកយកមកមន្ទីរពេទ្យកាល់ម៉ែត្រដេីម្បីសង្គ្រោះ តែដោយអកុសលជនរងគ្រោះបានស្លាប់ក្រោយបញ្ជូនដល់មន្ទីរពេទ្យ ដោយឡែកជនដៃដល់ជាប្តីបានគេចខ្លួនបាត់។ បច្ចុប្បន្ន នេះសពត្រូវបានប្រគល់អោយក្រុមគ្រួសារយកទៅធ្វេីបុណ្យតាមប្រពៃណី រីឯសមត្ថកិច្ចកំពុងតែស្រាវជ្រាវតាមចាប់ខ្លួនជនដៃដល់ជាប្ដីដេីម្បីយកមកផ្តន្ទាទោសទៅតាមផ្លូវច្បាប់៕ធ.ដ ដោយ៖ ​ជីម ភារ៉ា

ភ្នំពេញ៖ បុរសម្នាក់សង្ស័យស្រវឹងបេីករថយន្តម៉ាកកាមរី ក្នុងល្បឿនលឿនជ្រុលបុករបាំងថ្មពុះចែកទ្រូងផ្លូវវៀចមួយកង់ ចំណែករថយន្តដាច់កាឡេទៅមុខលែងរួច។ ហេតុការណ៍ នេះបានកេីតឡេីងកាលពីវេលាម៉ោង៩និង៤០នាទីយប់  ថ្ងៃទី២២  ខែមិថុនា  ឆ្នាំ២០២០  នៅចំណុចស្តុបកងរាជអាវុធហត្ថផ្ទៃប្រទេស  តាមបណ្តោយផ្លូវលេខ២៨៩  ស្ថិតក្នុងសង្កាត់បឹងកក់ទី១  ខណ្ឌទួលគោក។ តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តម៉ាកកាមរីបាឡែន  ពណ៌ទឹកប្រាក់   ពាក់ស្លាកលេខភ្នំពេញ 2Q 6742 ធ្វេីដំណេីរតាមបណ្តោយផ្លូវលេខ២៨៩ ក្នុងទិសដៅពីជេីងទៅត្បូងក្នុងល្បឿនលឿន ខណៈមកដល់ចំណុចកេីតហេតុ ក៏រេបង្កូតមកខាងឆ្វេងដៃជ្រុលបុករបាំងថ្មពុះចែកទ្រូងផ្លូវ បណ្តាលឲ្យរងការខូចខាត វៀចចេញពីគន្លងមួយកង់ ចំណែករថយន្តបានដាច់កាឡេទៅមុខលែងរួច។ ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុ និងទាក់ទងជំនាញមកស្ទូចយករថយន្តបង្កទៅរក្សាទុក នៅការិយាល័យចរាចរណ៍ជេីងគោករាជធានីភ្នំពេញ រងចាំដោះស្រាយតាមច្បាប់៕ធ.ដ

កំពត:កាលពីរព្រឹកថ្ងៃទី ២២ ខែ មិថុនា ឆ្នាំ ២០២០ លោក ហេង ហាប់ តំណាងដ៏ខ្ពង់ខ្ពស់ ឯកឧត្តម នាយឧត្តមសេ នីយ៍ឯក ទូចពលៈ ប្រធាន នាយកដ្ឋានន គរបាល ការពារព្រំដែនទឹក បាននាំយក អំ ណោយ ជារទេះរុញ មួយគ្រឿង និងស ម្ភារៈមួយចំនួន មកចែកជូន ដល់គ្រួសារ ជនពិការ មួយគ្រួសារ ឈ្មោះ គេង គួន ភេទ ប្រុស អាយុ ២៣ឆ្នាំ ដែល រស់នៅ ភូមិព្រៃព្រូស ឃុំព្រៃក្រឹស ស្រុក កំពង់ ត្រាច ខេត្តកំពត។លោក ហេង ហាប់ បានថ្លែងប្រាប់អ្នកសារ ព័ត៌មាន ដឹងក្រុមគ្រួសារជនពិការ ថា អំ ណោយជារទេះ រុញមួយគ្រឿង និង សម្ភា…

  ភ្នំពេញ៖ ឯកអគ្គរដ្ឋទូត នៃសាធារណរដ្ឋប្រជាធិបតេយ្យទីម័រខាងកើតថ្មីប្រចំាកម្ពុជា ឯកឧត្តម Ermenegildo Kupalopes បានថ្លែងអបអរសាទរ និងកោតសរសើររាជរដ្ឋាភិបាលកម្ពុជា ក្នុងការទប់ស្កាត់ជំងឺកូវីដ១៩ បានទាន់ពេលវេលា ដោយមានករណីឆ្លងតិច និងគ្មានករណីស្លាប់។ ការថ្លែងបែបនេះរបស់ឯកឧត្តម ឯកអគ្គរដ្ឋទូត ក្នុងឱកាសចូលជួបសម្ដែងការគួរសម និងពិភាក្សាការងារ ជាមួយរដ្ឋមន្ដ្រីក្រសួងសុខាភិបាល ឯកឧត្តមសាស្ដ្រាចារ្យ ម៉ម ប៊ុនហេង ដែលប្រព្រឹត្ដទៅនៅទីស្ដីការក្រសួង នាថ្ងៃទី២២ ខែមិថុនា ឆ្នាំ២០២០នេះ។   ក្នុងឱកាសនោះ ឯកឧត្តម Ermenegildo Kupalopes បានស្នើឱ្យកម្ពុជារឹតចំណងសាមគ្គីភាពកិច្ចសហប្រតិបត្ដិការលើវិស័យសុខាភិបាល រវាងប្រទេសទាំងពីរ ជាពិសេស ជួយលើជំងឺឆ្លង។ ជាកិច្ចឆ្លើយតប រដ្ឋមន្ដ្រីក្រសួងសុខាភិបាល បានថ្លែងស្វាគមន៍ និងរីករាយសហការជានិច្ច ជាពិសេសក្នុងការងារប្រយុទ្ធនឹងជំងឹឆ្លងផ្សេងៗ រួមទាំងជំងឺគ្រុនចាញ់ផងដែរ។ រដ្ឋមន្ដ្រី ម៉ម ប៊ុនហេង បានសង្ឃឹមថា នៅពេលខាងមុខនេះ ប្រទេសទាំងពីរនឹងមានការផ្លាស់ប្ដូរទស្សនៈកិច្ចរវាងគ្នា។ ជាមួយគ្នានោះ រដ្ឋមន្ដ្រី ម៉ម ប៊ុនហេង បានសម្តែងនូវអំណរសាទរ ជូនចំពោះឯកអគ្គរដ្ឋទូតថ្មី…

  កំពង់ធំ៖ ឯកឧត្តមឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំសហការី រួមជាមួយអាជ្ញាធរដែនមូលដ្ឋាន នាំយកនូវអំណោយរបស់ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោក ផ្តល់ជូនប្រជាពលរដ្ឋទីទ័លក្រចំនួន ០៦គ្រួសារ រស់នៅ២ភូមិ ក្នុងនោះគឺភូមិក្របៅចំនួន ០៤គ្រួសារ និងនៅភូមិតាមុំ ចំនួន០២គ្រួសារ ស្ថិតនៅក្នុងឃុំដូង ស្រុកប្រាសាទបល្ល័ង្ក ខេត្តកំពង់ធំ។   ក្នុងឱកាសនោះដែរ ឯកឧត្តមឧត្តមសេនីយ៍ទោ សោម ស៊ុន បានពាំនាំនូវការផ្តាំផ្ញើ សាកសួរសុខទុក្ខពីសំណាក់សម្តេចតេជា ហ៊ុន សែន នាយករដ្ឋមន្រ្តី នៃកម្ពុជា ដែលជានិច្ចកាលសម្តេចតែងតែគិតគូពីសុខទុក្ខ និងជីវភាពរស់នៅរបស់បងប្អូនប្រជាពលរដ្ឋនៅគ្រប់ទីកន្លែង និងគ្រប់ពេលវេលា។   ឯកឧត្តមឧត្តមសេនីយ៍ទោ សោម ស៊ុន ក៏បានបញ្ជាក់ផងដែរថា ឯកឧត្តមឧត្តមសេនីយ៍ឯក ហ៊ុន ម៉ាណែត តែងតែបានផ្តល់នូវស្បៀងអាហារគ្រឿងឧបភោគ បរិភោគនិងថវិកា​ដើម្បីផ្តល់ជូនបញ្ជាការដ្ឋានតំបន់ប្រតិបត្តិការសឹករងកំពង់ធំ ក្នុងការជួយដោះស្រាយដល់ប្រជាពលរដ្ឋទីទ័លក្រ​ក៏ដូចជាអតីតយុទ្ធជនជួបការលំបាក​ក្នុងខេត្តកំពង់ធំ​ដោយមិនទុកឱ្យប្រជាពលរដ្ឋ និងអតីតយុទ្ធជនណាម្នាក់ដាច់ ពោះស្លាប់ដោយដឹងហេីយមិនបានដោះស្រាយនោះឡើយ។…