តាមរយៈកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២០ និង ទិសដៅអនុវត្តបន្តរបស់គណបក្សប្រជាជនក្រុងបាត់ដំបង ខេត្តបាត់ដំបង ឯកឧត្តម ងិន ឃន ប្រធានក្រុមការងារនៃគណៈពង្រឹងមូលដ្ឋានក្រុងបាត់ដំបង បានថ្លែងកោតសរសើរពីសមិទ្ធផលបក្សដែលសម្រេចបានកន្លងមក និង ពីវឌ្ឍនភាពនៃការរីកចម្រើន លើគ្រប់វិស័យ នៅក្នុងមូលដ្ឋានឃុំ-សង្កាត់ ក្រោមការដឹកនាំរបស់រាជរដ្ឋាភិបាលកម្ពុជានិងជាប្រធានគណបក្សប្រជាជនកម្ពុជា ជាពិសេស តាមការណែនាំផ្ទាល់ជាប្រចាំពីសម្តេចក្រឡាហោម ស ខេង អនុប្រធានគណបក្សប្រជាជន និងជា ប្រធានក្រុមការងារចុះជួយខេត្តបាត់ដំបង ដែលបានធ្វើឲ្យប្រជាជនមានភាពជឿជាក់ផ្តល់នូវការគាំទ្រ ក្នុងការចូលរួម គ្រប់សកម្មភាពរបស់គណបក្សគ្រប់ថ្នាក់ក្នុងមូលដ្ឋាននៃក្រុង-ខេត្តបាត់ដំបង និងបានចូលរួមយ៉ាងសកម្មជាមួយនិងរដ្ឋបាលថ្នាក់ក្រោមជាតិ។ជាពិសេសជាមួយអាជ្ញាធរខេត្ត ក្នុងការកសាងនូវសមិទ្ធផលសង្គមជាតិនិងហេដ្ឋារចនាសម្ព័ន្ធរូបវន្តសង្គម ក្នុងខេត្តបាត់ដំបង កាន់តែមានការអភិវឌ្ឍន៍រីកចម្រើនលើគ្រប់វិស័យ។មិនតែប៉ុណ្ណោះ ព្រមទាំងបានបង្កើតបាននូវមូលនីធិគណបក្ស ក្នុងការបន្តជួយគាំទ្រនិងគាំពារសង្គមតាមរយៈកិច្ចការមនុស្សធម៌នានា និងជួយដល់ប្រជាពលរដ្ឋក្រីក្រពិតប្រាកដទៅដល់តាមខ្នងផ្ទះ ជាមួយរដ្ឋបាលដែនដីគ្រប់ថ្នាក់ ដោយមិនបានប្រកាន់រើសអើង អំពីនិន្នាការ នយោបាយនោះឡើយ។        ឯកឧត្តម ងិន ឃន ប្រធានក្រុមការងារគណៈពង្រឹងមូលដ្ឋានក្រុងបាត់ដំបង បានសង្កត់ធ្ងន់បន្ថែមថា៖តាមរយៈសកម្មភាពនៃក្រុមការងារថ្នាក់ជាតិចុះមូលដ្ឋាននិងក្រុមការងារគណបក្សចុះពង្រឹងមូលដ្ឋាននីមួយបានចំណាយចវិកាផ្ទាល់ខ្លួននិងខិតខំលះបង់ក្នុងការកៀងគរស្វែងរកថវិកា ដើម្បីយកមកដោះស្រាយនូវបញ្ហាតម្រូវការជាក់ស្តែង ដើម្បីឆ្លើយតបពីតម្រូវការចាំបាច់នៅក្នុងមូលដ្ឋាននីមួយៗ។ ជាពិសេស ការបង្កើតនូវមូលនីធិគណបក្សប្រជាជន។ គឺ៖ វាមិនត្រឹមតែចិញ្ចឹមចលនាសកម្មភាពរបស់គណបក្សប្រជាជននោះទេ?តែសូម្បីតែគណបក្សដទៃ ក៏ទទួលបាននូវផលប្រយោជន៍ពីមូលនិធិកិច្ចគាំពារសង្គមនិងការអភិវឌ្ឍ នៅក្នុងមូលដ្ឋានភូមិ សង្កាត់ ក្នុងក្រុងបាត់ដំបងទាំងមូលផងដែរ។       នៅក្នុងរបាយការណ៍សកម្មភាពការងារ របស់លោក…

កំពង់ឆ្នាំង៖​ ជនសង្ស័យម្នាក់ត្រូវបានកម្លាំងអាវុធហត្ថខេត្តកំពង់ឆ្នាំង បានសហការជាមួយកងរាជអាវុធហត្ថរាជធានីភ្នំពេញ ចុះឃាត់ខ្លួនជនសង្ស័យជាប់ពាក់ព័ន្ធ និងករណីរំលោភសេពសន្ទវ: តាមដីការបញ្ជារឲ្យចូល ខ្លួនរបស់ព្រះរាជអាជ្ញាសាលាដំបូងខេត្តកំពង់ឆ្នាំងលោក អុិត  សុធា  តាមដីការបញ្ជារលេខ២០៣៨ បញ្ជារឲ្យជនសង្ស័យឈ្មោះ សុះ មហាម៉ាត់ ហៅ ឃាក់ ខ្មែរឥស្លាម ភេទប្រុសអាយុ ចូលខ្លួន ដែលបានធ្វើសកម្មភាពចាប់រំលោភសេពសន្ទវ:លើនារីម្នាក់ ដែលនាងមិនយល់ព្រម។ បើយោងតាមការបញ្ជាក់ពីសមត្ថកិច្ចជំនាញបានឲ្យដឹងថាជនសង្ស័យខាងលើបានប្រព្រឹត្តទៅលើនារីរងគ្រោះឈ្មោះ ល.ស.ភ.ស ភេទស្រី អាយុ ២៥ឆ្នាំ នៅក្នុងរថយន្តហាយឡឺនឌឺ របស់ជនសង្ស័យឈ្មោះ សុះ មហាម៉ាត់ ហៅ ឃាក់ ខ្មែរ ឥស្លាម បានរំលោភ និងធ្វើទារុណកម្មផ្លូវភេទ ទៅលើជនរងគ្រោះ នៅវេលាម៉ោង៩និង៣០នាទីយបើថ្ងៃទី២៥ ខែឧសភា ឆ្នាំ២០២០ កន្លងទៅស្ថិតនៅចំណុចចឹញ្ចើមផ្លូវជាតិស្ថិតនៅភូមិតាកុល ឃុំពានី ស្រុកកំពង់ត្រឡាច ខខេត្តកំពង់ឆ្នាំង។ ប្រភពពីប្រជាពលរដ្ឋ បានឲ្យដឹងថាជនសង្ស័យខាងលើ ធ្លាប់បានប្រព្រឹត្តនៅបទល្មើសចាប់រំលោភទៅលើនារីផ្សេងៗចំនួន២នាក់កន្លងមក ជនសង្សយ័គេចេះតែគេចរួចរហូតពីសំណាញ់ច្បាប់ ដោយពុំមានចំណាត់ការរបស់សមត្ថកិច្ចណាមួយជួយដល់ជនរងគ្រោះបានទេ មានតែធ្វើការសម្របសម្រួលដោះស្រាយលុយបន្តិចបន្តូចឲ្យទៅជនរងគ្រោះជាថ្នូរ និងការបញ្ចប់រឿងដូចជាករណីរំលោភទៅលើនារីរងគ្រោះខាងលើដោយមានការគំរាមឲ្យគ្នាយកសំណងបន្តិចបន្តូច ហើយហាមគ្នាមិនឲ្យប្ដឹងទៅតុលាការទៀត។ ក្រោយពីទទួលបានពាក្យបណ្ដឹងរបស់ជនរងគ្រោះភ្លាមៗដោយបានបំបែកសំណុំរឿងឈានទៅដល់ការចាប់ខ្លួនជនសង្ស័យប្រព្រឹត្តបទល្មើស យកមកផ្តន្ទាទោសតាមផ្លូវច្បាប់។…

ភ្នំពេញ៖ មន្ត្រីយោធាស័ក្តិ៤ម្នាក់ ខូចចិត្តមានវិបត្តិរឿងគ្រួសារ បែកបាក់ប្រពន្ធ មានសង្សារហើយក៏មិនគាប់ចិត្ត បានមកផឹកស៊ីជាមួយអ្នកស្គាល់គ្នាខណៈផឹកអស់កន្លះកេស រៀងធ្លាក់ភ្នែក ដកកាំភ្លើងមកបង្អួតអ្នកអង្គុយផឹកជាមួយគ្នា រួចបាញ់៣គ្រាប់ បន្ទាប់មកចេញមកក្រៅបាញ់១គ្រាប់ទៀត ស្រាប់តែគាំង បានអាមេ ទម្លាក់គ្រាប់មិនចេញក៏ដោះបង់ធ្លាក់មកត្រូវអ្នកផឹកស៊ីជាមួយរើសបានយកទុក ហើយរុញជនបង្ករចូលបន្ទប់ ចាក់ សោរខាងក្រៅ ហៅសមត្ថកិច្ចប៉ុស្តិ៍ចោមចៅទី១ចុះការពារកន្លែងកើតហេតុ ។ ហេតុការណ៍នេះភ្ញាក់ផ្អើលនៅវេលា ម៉ោង ៧និង២០នាទីយប់ ថ្ងៃអាទិត្យទី១២ ខែ កក្តដា ២០២០ ចំណុចបន្ទប់ជួលលេខ C05 ជាន់ទី២ ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។ ជនបង្ករមានឈ្មោះ សោម ពិសិដ្ឋ អាយុ៣៨ឆ្នាំ មុខរបរយោធា ពាក់ស័ក្តិ៤ វរសេនីយ៍ត្រី អត្តលេខ០១៦៨២៩ ធ្វើការនៅការិយាល័យកិច្ចការស៊ីវិល ទីចាត់ការឃោសនាព័ត៌មាន អគ្គបញ្ជារការ ក្រសួងការពារជាតិ និងមានមុខរបរក្រៅជាពេទ្យធ្មេញ មានទីលំនៅភូមិ៣ ក្រុម៨ សង្កាត់ស្ទឹងមានជ័យ១ ខណ្ឌមានជ័យ ។​ ប្រើប្រាស់កាំភ្លើងម៉ាក K59 មានលេខ…

ភ្នំពេញ៖ បុរសម្នាក់បើករថយន្តកូរ៉េដឹកទឹកកកមួយគ្រឿងវ៉ាជែងខ្វះការប្រុងប្រយ័ត្នជ្រុលទៅបុករថយន្តទ្រុងធុនធំមួយគ្រឿងទៀត​ពីក្រោយពេញទំហឹងបណ្ដាលឲ្យគាបជាប់នៅក្នុងកាប៊ីន តែរងរបួសស្រាល។ ហេតុការណ៍នេះកើតឡើងកាលពីវេលាម៉ោង ៨និង ៣០ នាទីយប់ថ្ងៃទី ១២ខែកក្កដា ឆ្នាំ២០២០ ស្ថិតតាមបណ្តោយផ្លូវភ្នំពេញហាណូយ កែងនឹងផ្លូវ ១៩៧០ ជិតនឹងសាលាខណ្ឌសែនសុខ ក្នុងសង្កាត់ភ្នំពេញថ្មីខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តកូរ៉េដឹកទឹកកកមួយគ្រឿង  ក្បាលពណ៌ខៀវ ពាក់ស្លាកលេខភ្នំពេញ 2AG-1436 ធ្វើដំណើរតាមបណ្ដោយផ្លូវភ្នំពេញហាណូយ  ទិសដៅពីត្បូងទៅជើង  លុះមកដល់ចំណុចកើតហេតុខាងលើកែងនឹងផ្លូវ១៩៧០ បានវ៉ាជែង និងរថយន្តមួយគ្រឿងទៀតដោយខ្វះការប្រុងប្រយ័ត្នក៏ជ្រុលចង្កូតទៅបុករថយន្តទ្រុងធុនធំមួយគ្រឿងទៀតក្បាល ពណ៌ស លាយខៀវ  ពាក់ស្លាកលេខព្រៃវែង​ A3-0104 ធ្វើដំណើរនៅខាងមុខពីក្រោយពេញទំហឹង  បណ្ដាលឱ្យតែកុងរថយន្តដឹកទឹកកកកៀបជាប់នៅក្នុងកាបីនរថយន្ត។  ភ្លាមនោះប្រជាពលរដ្ឋបាននាំគ្នាជួយទាញដើម្បីយកអ្នកបើកបរចេញមកក្រៅផងដែរ។ ក្រោយកើតហេតុ  សមត្ថកិច្ចមូលដ្ឋាន និងជំនាញបានចុះមកដល់កន្លែងកើតហេតុដោយភាគីទាំងសងខាងធ្វើការសម្របសម្រួលគ្នា  បន្ទាប់មកភាគីទាំងសងខាង គ្មានខាងណាសងខាងណាទើបនោះទេ សម្រេចចិត្តយករថយន្តទៅជួសជុលរៀងៗខ្លួន៕ធ.ដ ដោយ៖  ជីម  ភារ៉ា

ភ្នំពេញ៖ រថយន្តអេតចាយ១គ្រឿងនៅសុខៗ ស្រាប់តែរអិលបុកទ្វារចេញមកក្រៅឃ្លាំង និងបានឆាបឆេះ សង្ស័យឆ្លងប្រព័ន្ធភ្លើង ហេតុការណ៍នេះ បង្កឲ្យមានការភ្ញាក់ផ្អើលនៅវេលាម៉ោង២និង៣០នាទីរំលងអាធ្រាត្រ  ឈានចូលថ្ងៃទី១៣ ខែកក្កដា ឆ្នាំ២០២០ នៅឃ្លាំងស្តុកអេតចាយដ៏ធំមួយកន្លែងស្ថិតនៅតាមបណ្តោយផ្លូវ២១៧ ជិតនឹងហ្គារ៉ាក់សាំងកាលតិច សង្កាត់ស្ទឹងមានជ័យ១ ខណ្ឌមានជ័យ។ ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ រថយន្តដែលមានស្លាកលេខភ្នំពេញ3D-5486ខាងលើនេះបានស្ថិតនៅក្នុងឃ្លាំងដូចសព្វដង លុះពេលដល់វេលាម៉ោងកើតហេតុខាងលើស្រាប់តែលឺសំលេងផ្ទុះ ហើយរថយន្តនោះក៏រអិលបុកក្លោងទ្វារ ចេញមកខាងក្រៅឃ្លាំងបង្កឲ្យមានអណ្តាតភ្លើងឆាបឆេះ ធ្វើឲ្យម្នាក់ៗភ័យស្លន់ស្លោរត់ទៅយកបំពងអគ្គិភ័យបាញ់អស់ជាច្រើនបមពងទើបរលត់ទៅវិញ មិនបានឆេះរាលដាលដល់ផ្ទះអ្នកជិតខាងទេ។ ប្រភពពីកន្លែងកើតហេតុខាងលើបានបន្ថែមទៀតថា ហេតុការណ៍នេះសង្ស័យមកពីឆ្លងប្រព័ន្ធភ្លើងរថយន្ត និងមិនបានដោះចង្កឹះលេខ ទើបបណ្តាលឲ្យឆេះបែបនេះ។ សូមបញ្ជាក់ថាហេតុការណ៍នេះមិនបណ្តាលឲ្យមាននរណាម្នាក់រងរបួលទេ ហើយក៏មិនមានការរាលដាលដល់ផ្ទះប្រជាពលរដ្ឋដែរ។ ប្រជាពលរដ្ឋដែរស្នាក់នៅក្បែរឃ្លាំងអេតចាយខាងលើ បានសំណូមពរឲ្យម្ចាស់ទីតាំង មេត្តាមានការប្រុងប្រយ័ត្នឲ្យបានខ្ពស់ត្រូវមានបំពងពន្លត់អគ្គិភ័យការពារគ្រប់គ្រាន់ ដើម្បីទប់ស្កាត់គ្រោះអគ្គិភ័យទាន់ពេលវេលាដូចករណីខាងលើនេះ៕ ដោយ៖ ជីម ភារ៉ា

ភ្នំពេញ៖ បុរសម្នាក់បានបើករថយន្តម៉ាកកូរ៉ូឡាមួយគ្រឿងយ៉ាងលឿនដូចហោះជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលឲ្យបាក់អស់មួយកង់ ឯរថយន្តក្រឡាប់ជាច្រើនជុំរងការខូចខាតស្ទើរទាំងស្រុង រីឯតៃកុងរងរបួសស្រាល បង្កឲ្យមានការភ្ញាក់ផ្អេីលដល់ប្រជាពលរដ្ឋ កាលពីវេលាម៉ោង២ និង២០នាទីរំលងអាធ្រាត្រ ឈានចូលថ្ងៃទី១២ ខែកក្កដា ឆ្នាំ២០២០ ស្ថិតនៅតាមបណ្ដោយផ្លូវ២៨៩ កែងនឹងផ្លូវ៥២៨ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ បេីតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តកូរ៉ូឡា មួយគ្រឿង ពណ៌ស្ករ ពាក់ស្លាកលេខភ្នំពេញ2AF-3851 ធ្វើដំណើរតាមបណ្ដោយផ្លូវ ២៨៩ ទិសដៅពីជើងទៅត្បូងក្នុងល្បឿនលឿនដូចហោះ លុះមកដល់ចំណុចកែងនឹងផ្លូវ៥២៨ ក៏ជ្រុលទៅបុកក្បាលព្រួញពុះចែកទ្រូងផ្លូវពេញទំហឹងបណ្ដាលឲ្យបាក់១កង់ខ្ទាតមកកណ្ដាលផ្លូវ ចំណែករថយន្តបង្កបានក្រឡាប់ជាច្រើនជុំផ្ងាជើងឡើងលើ ហេីយត្រូវបានបងប្អូនប្រជាពលរដ្ឋនៅកន្លែងកើតហេតុជួយលើករថយន្តក្រឡប់មកវិញ។ រីឯអ្នកបេីកបររងរបួសស្រាលនិងបានឡើងជិះម៉ូតូកង់បី រួចប្រាប់សមត្ថកិច្ចថាសុំទៅព្យាបាលរបួស ។ ក្រោយកើតហេតុ សមត្ថកិច្ចមូលដ្ឋានបានចុះមកដល់ រួចទំនាក់ទំនងទៅសមត្ថកិច្ចជំនាញចរាចរណ៍មកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ រង់ចាំម្ចាស់ចូលខ្លួនទៅដោះស្រាយគ្នាទៅតាមក្រោយ ៕ ដោយ៖ ជីម ភារ៉ា