ស្វាយរៀង៖ នៅព្រឹកថ្ងៃទី២៥ ខែធ្នូ ឆ្នាំ២០១៩នេះ នៅសាលប្រជុំសាលាខេត្តស្វាយរៀង មានរៀបចំពិធីប្រកាសចូលកាន់មុខតំណែងប្រធានមន្ទីរអភិវឌ្ឍន៍ជនបទខេត្តស្វាយរៀង ស្ថិតក្រោមគណ:អធិបតីភាពលោកបណ្ឌិត អ៊ុក រ៉ាប៊ុន រដ្ឋមន្រី្តក្រសួងអភិវឌ្ឍន៍ជនបទ លោកជុំ ហាត ប្រធានក្រុមប្រឹក្សាខេត្ត និងលោកម៉ែន វិបុល អភិបាល នៃគណ:អភិបាលខេត្តស្វាយរៀង និងមានការអញ្ជើញចូលរួមពីថ្នាក់ដឹកនាំ មន្ត្រីរាជការ បណ្តាមន្ទីរ អង្គភាពនានាជុំវិញខេត្តជាច្រើនរូបនាក់ទៀត។ បន្ទាប់ពីទទួលសេចក្តីប្រកាស និងត្រាអង្គភាពពីគណៈអធិបតីរួចមក លោក សំ នីតូ ប្រធានមន្ទីរអភិវឌ្ឍន៍ជនបទខេត្តស្វាយរៀង ដែលទើបប្រកាសចូលកាន់មុខតំណែងថ្មី បានប្តេជ្ញាចិត្តនឹងខិតខំដោះស្រាយឲ្យបាននូវរាល់បញ្ហាប្រឈមនានា ដូចជា បញ្ហាផ្លូវជនបទ បញ្ហាទឹកស្អាត និងបញ្ហាអនាម័យ ដើម្បីឈានឆ្ពោះទៅរកការអភិវឌ្ឍន៍ភូមិ ឃុំ សង្កាត់ ក្រុង ស្រុក នៅទូទាំងខេត្តស្វាយរៀង និងសំដៅកាត់បន្ថយភាពក្រីក្ររបស់ប្រជាពលរដ្ឋនៅតំបន់ជនបទ។ លោក ម៉ែន វិបុល អភិបាលខេត្តស្វាយរៀង បានសម្ដែងការគាំទ្រចំពោះការសម្រេចចិត្តរបស់ក្រសួងអភិវឌ្ឍន៍ជនបទ ដែលបានតែងតាំង លោក សំ នីតូ ជាប្រធានមន្ទីរអភិវឌ្ឍន៍ជនបទខេត្តស្វាយរៀង ដើម្បីបន្តដឹកនាំអង្គភាព…

ប្រធាននាយកដ្ឋានប្រឆាំងបទល្មើសល្បែងពាណិជកម្ម និងគណៈបញ្ជាការឯកភាពខេត្តព្រះសីហនុ បានបើកកិច្ច ប្រជុំពិនិត្យនិងពិភាក្សាការធ្វើអាជីវកម្មកាស៊ីណូអនឡាញក្នុងខេត្តព្រះសីហនុ ដោយមានការចូលរួមពីអាជីវករកាស៊ីណូ នៅសាលាខេត្ដព្រះសីហនុ នារសៀលថ្ងៃអង្គារ ថ្ងៃទី ២៤ ខែធ្នូ  ២០១៩។ ឯកឧត្តម ឧត្តមសេនីយ៍ឯក សៀង សេន ប្រធាននាយកដ្ឋានប្រឆាំងបទល្មើសល្បែងពាណិជកម្ម មានប្រសាសន៍ថា ដើម្បីអនុវត្តន៍តាមសេចក្តីសម្រេចរបស់រាជរដ្ឋាភិបាលឱ្យមានប្រសិទ្ធភាពក្នុងភូមិសាស្ត្រខេត្តព្រះសីហនុ យើងត្រូវប្រមូលទិន្នន័យទីតាំងល្បែងអនឡាញក្នុងសង្កាត់ ក្រុង ស្រុកនិមួយៗ និងត្រូវធ្វើការជូនដំណឹងជាសាធារណៈគ្រប់ទីតាំងកាស៊ីណូ ដើម្បីបិទ បញ្ចប់ជាស្ថាពរល្បែងអនឡាញ នៅត្រឹមម៉ោង០០ ថ្ងៃទី៣១ ខែធ្នូ ឆ្នាំ២០១៩ខាងមុខ។ ក្រោយពេលជូនសេចក្តីជូនដំណឹងរួច មន្ត្រីយើងនឹងចុះត្រួតពិនិត្យទីតាំងនៅក្នុងក្រុង ស្រុក ក្នុងខេត្តព្រះសីហនុ។ ឯកឧត្តម គួច ចំរើន អភិបាលខេត្តព្រះសីហនុ មានប្រសាសន៍ថា ដោយអនុវត្តតាមចរាចរណ៍របស់រាជរដ្ឋាភិបាលកម្ពុជា មិនអនុញ្ញាតឱ្យមានល្បែងអនឡាញនៅព្រះរាជាណាចក្រកម្ពុជា គិតត្រឹមម៉ោង០០ ថ្ងៃទី៣១ ខែធ្នូ ឆ្នាំ២០១៩ខាងមុខនេះ ដូច្នេះគ្រប់ភាគីពាក់ព័ន្ធត្រូវត្រៀមសហការ ដើម្បីត្រួតពិនិត្យតាមដាននូវរាល់កាស៊ីណូទាំងឡាយណា នៅតែបន្តបើកល្បែង អនឡាញ ។ ដូច្នេះយើងត្រូវធ្វើការជូនដំណឹងដល់កាស៊ីណូក្នុងក្រុង…

ភ្នំពេញ៖ ភាពយន្តរឿង «កុំងាកក្រោយ» ត្រូវបានផលិតឡើងជិតរយៈពេលកន្លះឆ្នាំ ទម្រាំបានបញ្ចាំង ខណៈរំពឹងខ្ពស់ថា ភាពយន្តនេះ នឹងទទួលបានភាពជោគជ័យ និងមានការគាំទ្រច្រើនពីសំណាក់បងប្អូនប្រជាពលរដ្ឋ ពីព្រោះសម្អាងថា ជារឿងដែលមានរូបភាពភ្លឺច្បាស់ល្អ សម្លេងស្ដង់ដា និង មានគុណភាពពេញលក្ខណៈជាភាពយន្ត និងមានឈុតឆាកភ័យរន្ធត់តាំងពីដើមរហូតដល់ចប់ គឺទាក់ចិត្តតែម្តង ។ នេះជាប្រសាសន៍របស់លោកឧកញ៉ា ឡេង ណាវ៉ាត្រា ម្ចាស់ផលិតកម្ម « Galaxy Navatra » ថ្លែងក្នុងពិធីបើកសម្ភោធជាផ្លូវការភាពយន្តរឿង «កុំងាកក្រោយ» ដែលជាស្នាដៃទី២របស់ផលិតកម្ម នៅល្ងាចថ្ងៃទី២៤ ខែធ្នូ ឆ្នាំ២០១៩នេះ នៅរោងភាពយន្ត អេឌីន បឹងកក់ ។ លោកឧកញ៉ា ឡេង ណាវ៉ាត្រា បានឲ្យដឹងទៀតថា នៅក្នុងឆ្នាំ២០២០ខាងមុខនេះ ផលិតកម្មរបស់ លោក និងត្រៀមរៀបចំដើម្បីផលិតនូវរឿងថ្មីៗទៀតជាច្រើន ដើម្បីបំពេញតាមសេចក្ដីត្រូវការរបស់ទស្សនិកជនទូទៅ ។ លោក ចាន់ណា រ៉ូណាន់ អ្នកនិពន្ធ និងដឹកនាំរឿងបានលើកឡើងថា នេះជាស្នាដៃដែលលោកបានដាក់ចិត្តដាក់បេះដូង…

ភ្នំពេញ៖ រថយន្តកុងតឺន័រមួយគ្រឿងបេីកខ្វះការប្រយ័ត្នទាក់ដេីមក្ងោកបាក់សង្កត់លេីរថយន្តបណ្តាលឲ្យតៃកុងរងរបួស។ហេតុការណ៍ នេះបានកេីតឡេីងកាលពីវេលាម៉ោង៩យប់ថ្ងៃទី២៤ខែធ្នូ ឆ្នាំ២០១៩ នៅខាងកេីតផ្សារនាគមាសតាមបណ្តោយផ្លូវ២៣០  ស្ថិតក្នុងសង្កាតផ្សារដេីមគ ខណ្ឌទួលគោក ។ តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តកុងតឺន័រមួយគ្រឿងពណ៌ខៀវ   ពាក់ស្លាកលេខភ្នំពេញ3B 2315 ធ្វេីដំណេីរតាមបណ្តោយផ្លូវលេខ២៣០ ក្នុងទិសដៅពីលិចទៅកេីតខណៈមកដល់ចំណុចកេីតហេតុក៏បានជៀសជាមួយរថយន្តមួយគ្រឿងទៀតទេីបទាក់ជាមួយដេីមក្ងោក ដែលនៅចិញ្ចេីមផ្លូវបណ្តាលឲ្យបាក់អស់មួយដេីមសង្កត់លេីរថយន្ត និងធ្វេីឲ្យតៃកុងរងរបួសបែកក្បាលផងដែរ។ ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុ និងទាក់ទងទៅជំនាញមកស្ទូចដេីមឈេីចេញ និងយករថយន្តទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរងចាំដោះស្រាយតាមច្បាប់៕ធ.ដ

ភ្នំពេញ៖ ក្រោយលោក ឃួង ស្រេង អភិបាលរាជធានីភ្នំពេញ ឧបត្ថម្ភម៉ូតូរឺម៉កកង់បី ចំនួន៧គ្រឿង ទុកសម្រាប់ដោះស្រាយលើមធ្យោបាយដឹកជញ្ជូនប្រមូលរាល់កាកសំណល់រំរាម និងបញ្ហាផ្សេងៗទៀត ជូនរដ្ឋបាលខណ្ឌឫស្សីកែវ ហើយរដ្ឋបាលខណ្ឌឫស្សីកែវ ឧបត្ថម្ភបន្តទៅឲ្យរដ្ឋបាលសង្កាត់ទាំង៧ ពេលនេះគេសង្កេតឃើញថា បញ្ហាបរិស្ថាន អនាម័យ (សំរាម) ចាប់ផ្ដើមមានសោភ័ណ្ឌភាពល្អប្រសើរឡើងវិញជាបណ្ដើរៗហើយ សម្រាប់តាមបណ្ដាភូមិនានា ក្នុងសង្កាត់ស្វាយប៉ាក ដែលប្រជាពលរដ្ឋ បានលើកឡើងគិតចាប់ពីដើមខែ មកដល់ចុងខែធ្នូ ថ្ងៃទី២៤ ឆ្នាំ២០១៩នេះ។ ការបញ្ចេញមតិរបស់ប្រជាពលរដ្ឋ នៅសង្កាត់ស្វាយប៉ាក ខណ្ឌឫស្សីកែវ ពាក់ព័ន្ធបញ្ហាបរិស្ថាន អនាម័យ (សំរាម) ចាប់ផ្ដើមល្អប្រសើរ និងលើកកម្ពស់សោភ័ណ្ឌភាព ខាងលើនេះ ក្រោយពីឃើញលោកស្រី ជុំ សារ៉ុម ចៅសង្កាត់ស្វាយប៉ាក តាមផែនការរបស់លោក ជា ពិសី អភិបាលខណ្ឌ និងសមាជិកក្រុមលេខាសម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានចុះអនុវត្តផ្ទាល់រាល់ការកំណត់ ជាមួយភ្នាក់ងារបរិស្ថានភូមិ-សង្កាត់ (ក្រុមហ៊ុន ស៊ិន ទ្រី) ដើម្បីប្រមូលរាល់កាកសំណល់សំរាមតាមបណ្ដរភូមិនានា និងដងផ្លូវតូច-ធំ ទាន់ពេលវេលា…