ភ្នំពេញ៖ ក្នុងនាមជាប្រតិបត្តិករទូរគមនាគមន៍ឈានមុខគេក្នុងព្រះរាជាណាចក្រកម្ពុជា ដែលនាពេលបច្ចុប្បន្នបាននឹងកំពុងបំរើអតិថិជនច្រើនជាង៨(ប្រាំបី)លាននាក់ ក្រុមហ៊ុន Smart Axiata ក្រៅពីការខិតខំប្រឹងប្រែងលើកកម្ពស់វិសាលភាពរបស់ខ្លួន ដើម្បីស្វែងរកប្រាក់ចំណូលហើយនោះ ក្រុមហ៊ុនតែងតែបានចែករំលែកប្រាក់ចំណួលរបស់ខ្លួន ដើម្បីចូលរួមសកម្មភាពសប្បុរសធម៌ត្រឡប់ទៅកាន់សង្គមវិញ ។ ជាក់ស្តែងក្រុមហ៊ុន Smart Axiata បានរៀបចំកម្មវិធីប្រគំតន្ត្រីសប្បុរសធម៌ដ៏ធំមួយនៅថ្ងៃទី១៥ ខែធ្នូនេះ នៅរោងមហោស្រពកោះពេជ្រ ក្រោមទស្សនទាន «ធ្វើរឿងល្អថ្ងៃនេះ» ដោយមានកាចូលរួមពីក្រុមសិល្បៈករ-សិល្បៈការិនីល្បីៗក្នុងស្រុកជាច្រើន ក្នុងគោលបំណងលើកកម្ពស់ការយល់ដឹងបន្ថែមពីមូលនិធិគន្ធបុប្ផាកម្ពុជា ក្នុងកិច្ចខិតខំប្រឹងប្រែងមួយ ដើម្បីជួយដល់មន្ទីរពេទ្យគន្ធបុប្ផាដែលជាមន្ទីរពេទ្យកុមារឈានមុខគេក្នុងព្រះរាជាណាចក្រកម្ពុជា និងជាមន្ទីរពេទ្យដែលបានផ្តល់ការព្យាបាលដោយឥតគិតប្រាក់ដល់កុមារកម្ពុជារាប់លាននាក់ ។ សូមបញ្ជាក់ថា សំបុត្រមួយសន្លឹកមានតម្លៃ១០ដុល្លារ ហើយរាល់ប្រាក់ចំណូលពីការលក់សំបុត្រទាំងអស់ នឹងត្រូវបរិច្ឆាកទៅឲ្យមូលនិធិគន្ធបុប្ផាកម្ពុជា ។ ជាមួយគ្នានេះ ក្រុមហ៊ុន Smart បានបរិច្ឆាកថវិការបន្ថែម១០ដុល្លារទៅលើរាល់ចំនួនសំបុត្រដែលបានលក់ចេញ ដើម្បីបន្ថែមថវិការសម្រាប់មូលនិធិពីការលក់សំបុត្រ ។ រាល់អតិថិជនទិញសំបុត្រចូលទស្សនាទាំងអស់ នឹងក្លាយសមាជិកគាំទ្រមូលនិធិគន្ធបុប្ផាកម្ពុជា ។ សាធារណរជនក៏អាចធើ្វការបរិច្ឆាកបន្ថែមទៀតតាមរយៈការទិញសម្ភារៈផ្សេងៗក្នុងការប្រគំតន្ត្រីនេះផងដែរ ។ ក្នុងនាមជាអ្នកផ្តួចផ្តើមកម្មវិធីប្រគំតន្ត្រីនេះ ក្រុមហ៊ុន Smart រួមជាមួយនឹងដៃគូសហការជាច្រើនទៀត រ៉ាប់រងរាល់ការចំណាយទាំងអស់ ដែលមានចំនួនមិនតិចជាង១០ម៉ឺនដុល្លារឡើយសម្រាប់ការរៀបចំការប្រគំតន្ត្រី ក៏ដូចជាការបង្កើតយុទ្ធនាការស្វែងយល់បន្ថែម ដើម្បីបង្កើនការបរិច្ឆាកជាសាធារណៈសម្រាប់មូលនិធិនេះ…

ឯកឧត្តមបណ្ឌិត ងួន ញ៉ិល អនុប្រធានទី១រដ្ឋសភា នៃព្រះរាជាណាចក្រកម្ពុជា និងជាប្រធានក្រុមជាតិរដ្ឋសភាកម្ពុជា-សភាតំបន់អាស៊ី APA បានដឹកនាំគណៈប្រតិភូជាន់ខ្ពស់សភា អញ្ជើញចូលរួមកិច្ចប្រជុំក្រុមប្រឹក្សាប្រតិបត្តិលើកទី២ និងមហាសន្និបាតលើកទី១២ របស់សភាតំបន់អាស៊ី(APA) ក្រោមប្រធានបទ “តួនាទីនៃកិច្ចសហប្រតិបត្តិការពហុភាគីក្នុងតំបន់អាស៊ី The Role of Multilateral Cooperation Among Asian Parliaments” ចាប់ពីថ្ងៃទី១៣ ដល់ថ្ងៃទី១៨ ខែធ្នូ ឆ្នាំ២០១៩ នៅទីក្រុងអានតាលីយ៉ា សាធារណរដ្ឋតួកគី តបតាមការអញ្ជើញរបស់ ឯកឧត្តម សាស្ត្រាចារ្យ ម៉ូស្តាហ្វា សេនតុប (Professor, Mustafa SENTOP) ប្រធានរដ្ឋសភា នៃសាធារណរដ្ឋតួកគី និងជាប្រធានសភាតំបន់អាស៊ី (APA) ។ នៅថ្ងៃទី១៥ ខែធ្នូ ឆ្នាំ២០១៩ ឯកឧត្តមបណ្ឌិត ងួន ញ៉ិល បានអញ្ជើញថ្លែងបទអន្តរាគមន៍នៅក្នុងមហាសន្និបាតលើកទី១២ នៃសភាតំបន់អាស៊ីនេះ ដោយបានធ្វើការកត់សម្គាល់ថា ពិភពលោកនាពេលបច្ចុប្បន្នកំពុងជួបប្រទះនូវការប្រឈមជាច្រើន ដែលក្នុងនោះ បញ្ហាប្រឈមសំខាន់ៗមានដូចជា សង្គ្រាមពាណិជ្ជកម្ម…

ភ្នំពេញ៖ សម្រាប់ឆ្នាំនេះ គឺជាលើកទី១៤ហើយដែលកម្មវិធីប្រកួតគូរគំនូរថយន្តត្រូវបានប្រារព្ធឡើងនៅជុំវិញពិភពលោក ស្របពេលដែលការប្រកួតនេះត្រូវបានធ្វើឡើងជាលើកទី១០ នៅក្នុងប្រទេសកម្ពុជាយើងផងដែរ ។ការថ្លែងបែបនេះត្រូវបានលោក ហ៊ីរ៉ូយូគិ អ៊ីតុ អគ្គនាយកក្រុមហ៊ុន តូយ៉ូតា (ខេមបូឌា) ធ្វើឡើងក្នុងកម្មវិធីស្តីពីការប្រកាសបើកជាផ្លូវការ នៃកម្មវិធីគូរគំនូរលើកទី១៤ ក្រោមប្រធានបទ “គូរគំនូររថយន្តតូយ៉ូតា ក្នុងក្តីស្រមៃសម្រាប់ថ្ងៃអនាគត” នៅផ្សារទំនើបអ៊ីអនម៉លសែនសុខ រាជធានីភ្នំពេញ ។ លោក ហ៊ីរ៉ូយូគិ អ៊ីតុ បានបន្តថា ក្នុងរយៈពេលប៉ុន្មានឆ្នាំកន្លងមកនេះ ក្រុមហ៊ុនពិតជាមានមោទនភាព ដែលកម្មវិធីប្រកួតគូរគំនូរនេះ កាន់តែទទួលបាននូវការគាំទ្រ និងប្រជាប្រិយភាពខ្លាំងឡើងៗពីឆ្នាំទៅមួយឆ្នាំ មិនថានៅទូទាំងប្រទេសកម្ពុជា ឬនៅទូទាំងសកលលោកនោះទេ ។ លោកអគ្គនាយកបន្ថែមថា គោលបំណងសំខាន់ៗ ក្នុងការបង្កើតឲ្យមានកម្មវិធីប្រកួតគូរគំនូររថយន្តក្នុងក្តីស្រមៃនេះឡើង គឺដើម្បីផ្តល់ឱកាសឲ្យប្អូនៗជំនាន់ក្រោយ ដែលស្រលាញ់ និងមានភាពប៉ិនប្រសព្វក្នុងការគូរគំនូរ អាចបញ្ចេញនូវសមត្ថភាព និងគំនិតច្នៃប្រឌិតទៅតាមក្តីស្រមៃរបស់ពួកគេ ហើយម៉្យាងវិញទៀត ក្រុមហ៊ុន តូយ៉ូតា ក៏ចង់ចូលរួមលើកកម្ពស់សារៈសំខាន់នៃសិល្បៈ គំនូររថយន្តនេះនៅកម្ពុជា ។ ចំពោះលក្ខខណ្ឌនៃប្រភេទអាយុដែលអាចចូលរួមប្រកួតប្រជែងគូរគំនូររថយន្តនេះមានដូចជា: ក្រោមអាយុ ៨ឆ្នាំ,ពីអាយុ ៨ឆ្នាំ ដល់ ១១ឆ្នាំ…

ភ្នំពេញ៖ យោងតាមរបាយការណ៍របស់លោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី១៦ ខែធ្នូ ឆ្នាំ២០១៩នេះ កម្លាំងប៉ុស្តិ៍នគរបាលរដ្ឋបាលភ្នំពេញថ្មី ឃាត់ខ្លួនជនសង្ស័យ ០៣នាក់ ករណីប្រើប្រាស់ដោយខុសច្បាប់នូវសារធាតុគ្រឿងញៀន នៅចំណុចតាមផ្លូវ៥៩៨  ភូមិទំនប់ សង្កាត់ភ្នំពេញថ្មី ខណ្ឌសែនសុខ ។ ជនសង្ស័យ០៣នាក់រួមមាន ៖ ១-ឈ្មោះ ឈិន តុង ភេទប្រុស អាយុ២៩ ជនជាតិខ្មែរ មុខរបរគ្មាន ស្នាក់នៅ សង្កាត់ទន្លេរបាសាក់ ខណ្ឌចំការមន, ២-ឈ្មោះ អូន រី ភេទប្រុស អាយុ៣០ ជនជាតិខ្មែរ មុខរបរគ្មាន ស្នាក់នៅបន្ទប់ជួល សង្កាត់ចោមចៅ៣ ខណ្ឌពោធិ៍សែនជ័យ, ៣-ឈ្មោះ ឡុង ចាន់សុវណ្ណភេទប្រុស អាយុ២៤ ជនជាតិខ្មែរ មុខរបរគ្មាន ស្នាក់នៅ សង្កាត់ច្បារអំពៅ២ ខណ្ឌច្បារអំពៅ (ពិនិត្យទឹកនោម) ។ បច្ចុប្បន្ន  ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ…

ភ្នំពេញ៖ កាលពីថ្ងៃទី១៥ ខែធ្នូ ឆ្នាំ២០១៩ម្សិលមិញនេះកម្លាំងប៉ុស្តិ៍នគរបាលរដ្ឋបាលឃ្មួញ នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យ ០១នាក់ ករណីប្រើប្រាស់ដោយខុសច្បាប់នូវសារធាតុគ្រឿងញៀន នៅចំណុចផ្ទះលេខ១៩ ផ្លូវ២៤៧  ភូមិសែនសុខ១ សង្កាត់ឃ្មួញ ខណ្ឌសែនសុខ ។ ជនសង្ស័យមានឈ្មោះ ភេ វណ្ណី ភេទប្រុស អាយុ២៤ ជនជាតិខ្មែរ មុខរបរគ្មាន ស្នាក់នៅផ្ទះលេខ១៩ ផ្លូវ២៤៧  ភូមិសែនសុខ១ សង្កាត់ឃ្មួញ ខណ្ឌសែនសុខ (ពិនិត្យទឹកនោម) ។ បច្ចុប្បន្ននេះ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធី ៕ធ.ដ

ភ្នំពេញ៖ ចាប់ផ្តើមពីចំនួនសិស្សតិចតួចកាលពី១៥ឆ្នាំមុន បច្ចុប្បន្នសាលាអន្តរជាតិ CIA FIRST បានក្លាយជាសាលាមួយដ៏ធំ និងមានការទទួលស្គាល់នៅក្នុងប្រទេសកម្ពុជា ។ ដើម្បីអបអរសាទរនូវសមិទ្ធផលនេះ ជាមួយគ្រួសារដៃគូ សហគមន៍សាលាអន្តរជាតិ CIA FIRST បានរៀបចំទិវាគ្រួសារប្រចាំឆ្នាំរបស់ខ្លួន ក្រោមប្រធានបទ «ការសិក្សាពេញមួយជីវិត» ។ ការប្រារព្ធកម្មវិធីក្នុងទិវាគ្រួសាររួមមាន៖ ការលក់ចំណីអារហារ កីឡា និងសកម្ម ភាពជាច្រើន ដែលរៀបចំឡើងដោយដោយសិស្សានុសិស្ស និងមានឈុតឆាកសំដែងនានា បង្ហាញអំពីអាកប្បកិរិយាច្នៃប្រឌិត និងការគិតឆ្ពោះទៅមុខរបស់សាលា ស្របពេលដែលមានការប្រារព្ធនូវវប្បធម៌ចម្រុះ ព្រមទាំងទេពកោសល្យជាច្រើន នៃសិស្សានុសិស្សរបស់សាលាអន្តរជាតិ CIA FIRST ។ ឆ្នាំនេះ មានអ្នកឧបត្ថម្ភធំៗជាច្រើន ដែលគាំទ្រដល់ព្រឹត្តិការណ៍នេះ រួមមាន៖ ក្រុមហ៊ុន Mercedes-Benz, ធនាគារ CIMB Bank, បណ្ណាគារ Monument books and toys, Kids City, Cambodia Country Club…

ភ្នំពេញ ៖ យោងតាមរបាយការណ៍របស់លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី១៦ ខែធ្នូ ឆ្នាំ២០១៩នេះ កម្លាំងប៉ុស្តិ៍នគរបាលរដ្ឋបាលភ្នំពេញថ្មី បានឃាត់ខ្លួនជនសង្ស័យ ០២នាក់ ករណីរក្សាទុកដោយខុសច្បាប់នូវសារធាតុគ្រឿងញៀន នៅចំណុចតាមផ្លូវ១៩៦៦  ភូមិទំនប់ សង្កាត់ភ្នំពេញថ្មី ខណ្ឌសែនសុខ ។ ជនសង្ស័យ០២នាក់រួមមាន ៖១- ឈ្មោះ ញ៉ែម សុគន្ធ ភេទប្រុស អាយុ២៤ ជនជាតិខ្មែរ មុខរបរគ្មាន ស្នាក់នៅសង្កាត់ទឹកល្អក់៣ ខណ្ឌទួលគោក, ២- ឈ្មោះ អឿន លីហ្សា ភេទប្រុស អាយុ១៩ ជនជាតិខ្មែរ មុខរបរគ្មាន ស្នាក់នៅសង្កាត់ទឹកល្អក់៣ ខណ្ឌទួលគោក (ដកហូតក្រាម ០១កូនថង់តូច) ។ បច្ចុប្បន្ន ជនសង្ស័យទាំង២នាក់ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធី ៕ធ.ដ