សាណា ៖ អ្នកនាំពាក្យរបស់ចលនាហ៊ូធី នៅយេម៉ែន បានថ្លែងកាលពីថ្ងៃព្រហស្បតិ៍ថា ពាណិជ្ជកម្មអន្តរជាតិនៅក្នុងសមុទ្រក្រហម និងតំបន់ច្រកសមុទ្រ Bab el-Mandeb នៅតែមានសុវត្ថិភាព និងស្ថិរភាព។ នៅក្នុងសេចក្តីថ្លែងការណ៍, លោក Mohammed Abdel Salam អ្នកនាំពាក្យរបស់ចលនាហ៊ូធីបានសង្កត់ធ្ងន់ចំពោះសេរីភាពនៃការធ្វើនាវាចរណ៍ និងចលនាពាណិជ្ជកម្មអន្តរជាតិនៅក្នុងសមុទ្រក្រហម និងច្រកសមុទ្រ Bab el-Mandeb គឺមានសុវត្ថិភាព និងដំណើរការជាប្រក្រតី ហើយសហគមន៍អន្តរជាតិមិនចាំបាច់ព្រួយបារម្ភអំពីបញ្ហានេះឡើយ។ អ្នកនាំពាក្យក្រុមហ៊ូធីរូបនេះបានបញ្ជាក់ថា ប្រតិបត្តិការដែលកំពុងធ្វើឡើងនាពេលបច្ចុប្បន្ន មានគោលបំណងកំណត់ និងមានលក្ខណៈការពារខ្លួន។ យោងតាមការអះអាងរបស់លោក, សកម្មភាពយោធានៅតំបន់ឆ្នេរសមុទ្រមួយចំនួន គឺជាប្រតិបត្តិការថ្នាក់ជាតិក្នុងក្របខ័ណ្ឌនៃការបង្កើតអធិបតេយ្យភាព។ បើតាម Tass, ការប៉ះទង្គិចគ្នាដោយអាវុធរវាងកងកម្លាំងរដ្ឋាភិបាលដែលគាំទ្រដោយ អារ៉ាប៊ី សាអូឌីត និង ក្រុមឧទ្ទាមហ៊ូធី បានបន្តកើតមាន នៅក្នុងប្រទេសយេម៉ែន ចាប់តាំងពីខែសីហា ឆ្នាំ២០១៤មក។ ស្ថានភាពបានធ្លាក់ចុះយ៉ាងធ្ងន់ធ្ងរ នៅដើមខែកញ្ញា នៅពេលដែលចលនាឧទ្ទាមយេម៉ែនបានបើកការវាយលុក នៅភាគនិរតីនៃប្រទេស។ ទន្ទឹមនឹងការវាយលុកតាមផ្លូវគោក, ក្រុមហ៊ូធីបានចាប់ផ្តើមវាយប្រហារដោយប្រើដ្រូន និងមីស៊ីលទៅលើតំបន់ឆ្នេរសមុទ្រ ក្នុងសមុទ្រក្រហម និង តំបន់ជាយក្រុង Taiz នៅភាគនិរតីនៃប្រទេសយេម៉ែន ក្នុងគោលបំណងកាត់ផ្តាច់ផ្លូវផ្គត់ផ្គង់ទៅកាន់ទីក្រុងឆ្នេរសមុទ្រ…

មូស្គូ ៖ លោកស្រី Maria Zakharova អ្នកនាំពាក្យក្រសួងការបរទេសរុស្ស៊ី កាលពីថ្ងៃព្រហស្បតិ៍ បានភ្ជាប់ការគំរាមកំហែងទៅលើប៉ាឡេស្ទីន ពីសំណាក់ក្រុមលោកនាយករដ្ឋមន្ត្រី Benjamin Netanyahu ទៅនឹងការបោះឆ្នោត នៅក្នុងប្រទេសអ៊ីស្រាអែល។ លោកស្រី Maria Zakharova បានភ្ជាប់ការគំរាមកំហែងដោយមន្ត្រីជាន់ខ្ពស់អ៊ីស្រាអែល ក្នុងការលុបបំបាត់ភាពជាអ្នកដឹកនាំរបស់អាជ្ញាធរជាតិប៉ាឡេស្ទីន និង បញ្ចូលទឹកដីប៉ាឡេស្ទីន ទៅក្នុងយុទ្ធនាការបោះឆ្នោត នៅអ៊ីស្រាអែល។ លោកស្រីបានមានប្រសាសន៍ថា «យើងភ្ជាប់ការរឹតបន្តឹងវោហាសាស្ត្រថ្មីៗនេះ ដោយមន្ត្រីជាន់ខ្ពស់អ៊ីស្រាអែលទៅនឹងយុទ្ធនាការបោះឆ្នោត ដែលបង្កើនល្បឿន មុនការបោះឆ្នោតសភានៅអ៊ីស្រាអែល ដែលគ្រោងធ្វើឡើង នៅថ្ងៃទី២៧ ខែតុលា។ ទោះជាយ៉ាងណាក៏ដោយ យើងជឿជាក់ថា ការតស៊ូដើម្បីសំឡេងឆ្នោតរបស់អ្នកបោះឆ្នោតមិនអាចបម្រើជាយុត្តិកម្មសម្រាប់សេចក្តីថ្លែងការណ៍ញុះញង់ ដែលបង្កើនបរិយាកាសនៃអរិភាពទៅវិញទៅមក និងការមិនអត់ឱនរវាងប៉ាឡេស្ទីន និងអ៊ីស្រាអែលបានទេ»។ លោកស្រីបានមានប្រសាសន៍ថា រុស្ស៊ីគាំទ្រកិច្ចខិតខំប្រឹងប្រែងដើម្បីបង្កើតលក្ខខណ្ឌសម្រាប់ការបន្តការសន្ទនាដោយផ្ទាល់ រវាងប៉ាឡេស្ទីន និងអ៊ីស្រាអែល ដោយបន្ថែមថា ទីក្រុងមូស្គូចាត់ទុកការដោះស្រាយដ៏ទូលំទូលាយដោយផ្អែកលើច្បាប់អន្តរជាតិជាមធ្យោបាយតែមួយគត់ដើម្បីធានាសន្តិភាពយូរអង្វែង នៅក្នុងតំបន់។ លោកស្រី Zakharova បាននិយាយថា ដំណោះស្រាយ គួរតែរួមបញ្ចូលការបង្កើតរដ្ឋប៉ាឡេស្ទីនឯករាជ្យ អាចរស់រានមានជីវិត និងមានទឹកដីជាប់គ្នា ដែលរស់នៅដោយសន្តិភាព និង សុវត្ថិភាពជាមួយអ៊ីស្រាអែល។ បើតាម anadolu,…

រ៉ាម៉ាឡា ៖ ប្រធានាធិបតីប៉ាឡេស្ទីន លោក Mahmoud Abbas នៅថ្ងៃ ព្រហស្បតិ៍ ព្រមានធ្ងន់ថា ប្រជាជនប៉ាឡេស្ទីនកំពុងប្រឈមមុខនឹងការកើនឡើងដ៏គ្រោះថ្នាក់ នៃសកម្មភាពនយោបាយ និងយោធារបស់រដ្ឋាភិបាលអ៊ីស្រាអែល។ មេដឹកនាំប៉ាឡេស្ទីនរូបនេះ អំឡុងកិច្ចប្រជុំលើកដំបូងរបស់ក្រុមប្រឹក្សាបដិវត្តន៍នៃចលនារំដោះប្រជាជាតិប៉ាឡេស្ទីន បានអះអាងថា ប្រជាជនប៉ាឡេស្ទីននៅតំបន់ West Bank រួមទាំងទីក្រុងហ្ស៊េរុយសាឡឹមខាងកើត កំពុងប្រឈមមុខនឹងវិធានការដ៏តឹងរ៉ឹងពីសំណាក់រដ្ឋាភិបាលអ៊ីស្រាអែល។ ក្នុងនោះរួមមានការពង្រីកតំបន់តាំងទីលំនៅថ្មី, អំពើហិង្សារបស់អ៊ីស្រាអែល, ការរឹបអូសដីធ្លី ការរុះរើផ្ទះសម្បែង និងការបង្កើតប៉ុស្តិ៍ត្រួតពិនិត្យយោធាបន្ថែម ដែលរាំងស្ទះដល់ការធ្វើដំណើររវាងទីក្រុង និងភូមិ ព្រមទាំងប៉ះពាល់ដល់ជីវភាពសេដ្ឋកិច្ច និងសង្គមរបស់ប្រជាជន។ បន្ថែមលើនេះ លោកប្រធានាធិបតី Abbas ក៏បានចោទប្រកាន់អ៊ីស្រាអែលពេញៗមាត់ថា កំពុងឃាត់ទុកលុយរបស់ប៉ាឡេស្ទីនជាង ៦ ពាន់លានដុល្លារ ដោយលោកចាត់ទុកថា វាជាផ្នែកមួយនៃគោលនយោបាយដែលមានគោលដៅធ្វើឱ្យប្រជាជនប៉ាឡេស្ទីនចុះខ្សោយ និងជំរុញឱ្យពួកគេចាកចេញពីទឹកដីកំណើតរបស់ខ្លួន។ យោងតាមអាជ្ញាធរប៉ាឡេស្ទីន, តំបន់ West Bank បានជួបប្រទះការកើនឡើងប្រតិបត្តិការយោធា និងអំពើហិង្សា ចាប់តាំងពីសង្គ្រាមនៅតំបន់ហ្គាហ្សាបានផ្ទុះឡើងក្នុងខែតុលា ឆ្នាំ២០២៣។ ក្នុងនោះ ប្រជាជនអ៊ីស្រាអែលប្រមាណ ៧៥០,០០០នាក់ កំពុងរស់នៅក្នុងតំបន់តាំងទីលំនៅចំនួន ១៥៦កន្លែង និងទីតាំងតាំងទីលំនៅចំនួន ៣៦០កន្លែងនៅតំបន់ West…

មូស្គូ ៖ អនុប្រធានក្រុមប្រឹក្សាសន្តិសុខជាតិរុស្ស៊ី លោក Dmitry Medvedev ព្រមានធ្ងន់ៗថា ទីក្រុងម៉ូស្គូមានសិទ្ធិគ្រប់យ៉ាង ក្នុងការវាយប្រហារដោយប្រើប្រាស់អាវុធនុយក្លេអ៊ែរ ដើម្បីឆ្លើយតបទៅនឹងការគំរាមកំហែងធ្ងន់ធ្ងរណាមួយដល់អធិបតេយ្យភាពរបស់ខ្លួន។ អតីតប្រធានាធិបតីរុស្ស៊ីរូបនេះ អះអាងថា គោលលទ្ធិនុយក្លេអ៊ែររបស់រុស្ស៊ី មិនមែន “គ្រាន់តែជាការបង្ហើបតម្រុយ ឬជាយុទ្ធសាស្ត្របំភ័យ” នោះទេ ប៉ុន្តែវាជាការពិតជាក់ស្តែង។ បើតាម Anadolu, លោក Medvedev បានគំរាមទុកមុនថា ការវាយប្រហាររបស់លោកខាងលិចលើទឹកដីរុស្ស៊ី នឹងអាចក្លាយជាកត្តាដែលបង្កើនហានិភ័យនៃសង្គ្រាមលោកលើកទី៣។ ចំពោះសង្គ្រាមនៅអ៊ុយក្រែនវិញ លោក Medvedev សង្កត់ធ្ងន់ថា រុស្ស៊ីមានសមត្ថភាពវាយប្រហារទីក្រុងកៀវ និងគោលដៅសំខាន់ៗរបស់អង្គការណាតូ ប៉ុន្តែការធ្វើដូច្នេះ នឹងឈានដល់ចំណុចមិនអាចវិលត្រឡប់បាន សម្រាប់ពិភពលោកទាំងមូល។ អនុប្រធានក្រុមប្រឹក្សាសន្តិសុខជាតិរុស្ស៊ីរូបនេះ អះអាងថា ទីក្រុងមូស្គូនៅតែចង់ជៀសវាងគ្រោះមហន្តរាយនុយក្លេអ៊ែរជាសកល ហើយចាត់ទុកការប្រើអាវុធនុយក្លេអ៊ែរជា “ជម្រើសចុងក្រោយ” ប៉ុណ្ណោះ។ យ៉ាងណា លោកបានព្រមានធ្ងន់ៗទុកមុនថា ការអត់ធ្មត់របស់រុស្ស៊ីមានដែនកំណត់ ហើយបានប្រៀបធៀបស្ថានការណ៍បច្ចុប្បន្ន ទៅនឹងនាឡិកាថ្ងៃអវសាន ឬ Doomsday Clock ដោយលោកនិយាយថា ពិភពលោកកំពុងខិតទៅជិតមាត់ជ្រោះនៃគ្រោះមហន្តរាយនុយក្លេអ៊ែរ៕ ប្រភព ៖ Anadolu ប្រែសម្រួល ៖…

តេហេរ៉ង់ ៖ ក្រុមប្រឹក្សាភិបាលនៃទីភ្នាក់ងារថាមពលអាតូមិកអន្តរជាតិ (IAEA) នៅថ្ងៃ ព្រហស្បតិ៍ បានអនុម័សេចក្តីសម្រេចចោទប្រកាន់អ៊ីរ៉ង់ ពីបទមិនគោរពតាមកាតព្វកិច្ចក្រោមសន្ធិសញ្ញាមិនរីកសាយភាយអាវុធនុយក្លេអ៊ែរ (NPT) និងបានបញ្ជូនបញ្ហានេះទៅកាន់ក្រុមប្រឹក្សាសន្តិសុខអង្គការសហប្រជាជាតិ (UNSC)។ បើតាម Aljazeera, នេះជាលើកដំបូងក្នុងរយៈពេល ២០ឆ្នាំ ដែលក្រុមប្រឹក្សាភិបាលនៃទីភ្នាក់ងារថាមពលអាតូមិកអន្តរជាតិ IAEA អនុម័តសេចក្តីសម្រេចចោទប្រកាន់បែបនេះ។ ទីភ្នាក់ងារ IAEA បានបង្ហាញការព្រួយបារម្ភយ៉ាងខ្លាំង ចំពោះការខ្វះព័ត៌មានអំពីសម្ភារៈនុយក្លេអ៊ែរ ដែលអ៊ីរ៉ង់បានប្រកាស និងមិនអាចចូលទៅត្រួតពិនិត្យទីតាំងនុយក្លេអ៊ែរសំខាន់ៗ ដើម្បីផ្ទៀងផ្ទាត់ថា សកម្មភាពទាំងនោះមានលក្ខណៈសន្តិភាព។ ជាមួយគ្នានេះ ទីភ្នាក់ងារ IAEA អំពាវនាវឱ្យអ៊ីរ៉ង់ចូលរួមការចរចាដោយគ្មានលក្ខខណ្ឌជាមុន ដើម្បីបង្កើតទំនុកចិត្តអន្តរជាតិលើលក្ខណៈសន្តិភាពនៃកម្មវិធីនុយក្លេអ៊ែររបស់ខ្លួន ។ យ៉ាងណា អ៊ីរ៉ង់បានបដិសេធ និងថ្កោលទោសសេចក្តីសម្រេចនេះ ដោយចាត់ទុកថា មានហេតុផលនយោបាយ និងគ្មានមូលដ្ឋាន។ អ៊ីរ៉ង់អះអាងថា ខ្លួនមិនអាចអនុញ្ញាតឱ្យអ្នកត្រួតពិនិត្យចូលទីតាំងនុយក្លេអ៊ែរបានពេញលេញ គឺដោយសារតែបញ្ហាសង្គ្រាម និងអសន្តិសុខ។ បន្ថែមលើនេះ ទីក្រុងតេហេរ៉ង់ បានសង្កត់ធ្ងន់ថា ខ្លួនមិនមានបំណងផលិតអាវុធនុយក្លេអ៊ែរទេ ប៉ុន្តែមានសិទ្ធិអភិវឌ្ឍ និងប្រើប្រាស់បច្ចេកវិទ្យានុយក្លេអ៊ែរស៊ីវិលក្រោមសន្ធិសញ្ញាមិនរីកសាយភាយអាវុធនុយក្លេអ៊ែរ NPT៕ ប្រភព ៖ Aljazeera ប្រែសម្រួល ៖ ឈឹម…

វ៉ាស៊ីនតោន ៖ លោកប្រធានាធិបតី Donald Trump បានថ្លែងថា សហរដ្ឋអាមេរិកនឹងហៅច្រកសមុទ្រ Hormuz ថា ជាច្រកសមុទ្រត្រាំ ឬ Trump Strait ហើយបានបន្ថែមថា សហរដ្ឋអាមេរិកកំពុង ទទួលបានជ័យជម្នះ ក្នុងសង្គ្រាមជាមួយប្រទេសអ៊ីរ៉ង់។ លោក Trump បានថ្លែងនៅក្នុងសន្និបាតពាក់កណ្តាលអាណត្តិរបស់គណបក្សសាធារណរដ្ឋ នៅទីក្រុង Dallas រដ្ឋ Texas កាលពីយប់ថ្ងៃពុធថា ៖ «តម្លៃប្រេងនឹងធ្លាក់ចុះភ្លាមៗនៅពេលដែលយើងឈ្នះសង្គ្រាមជាមួយអ៊ីរ៉ង់ ដែលកំពុងកើតឡើងនៅពេលនេះ យើងនឹងឈ្នះ»។ លោកបន្តថា «យើងគ្រប់គ្រងច្រកសមុទ្រ Hormuz ខ្ញុំគិតថា យើងគួរតែហៅច្រកសមុទ្រ Hormuz ថា ជាច្រកសមុទ្រ Trump»។ លោកបាននិយាយបញ្ជាក់បន្ថែមថា «ខ្ញុំនឹងធ្វើការប្រកាសមួយ…យើងនឹងហៅវាថាជាច្រកសមុទ្រ Trump ហើយខ្ញុំជឿជាក់ថា ថ្នាក់ដឹកនាំអ៊ីរ៉ង់នឹងពេញចិត្តយ៉ាងខ្លាំងចំពោះរឿងនេះ»។ បើតាម anadolu, ការថ្លែងរបស់លោកបានធ្វើឡើង ចំពេលដែលមានភាពតានតឹងកើនឡើងរវាងអ៊ីរ៉ង់ និងសហរដ្ឋអាមេរិក ជុំវិញបញ្ហាច្រកសមុទ្រ Hormuz ទោះបីជាមានការចុះហត្ថលេខាលើអនុស្សរណៈមួយកាលពីខែមិថុនា ដែលគ្រោងនឹងមានកិច្ចព្រមព្រៀងបើកច្រកផ្លូវទឹកយុទ្ធសាស្ត្រនេះឡើងវិញ ដើម្បីជាជំហានឆ្ពោះទៅរកកិច្ចព្រមព្រៀងសន្តិភាពដ៏ទូលំទូលាយក៏ដោយ។ ក្រៅពីបញ្ហាច្រកហ័រមូស, លោក…