-
ភ្លៀងធ្លាក់ ជួយសង្គ្រោះស្រូវដែលរងការខ្វះខាតទឹកនៅក្នុងខេត្តចំនួន៣
កម្មាធិការជាតិគ្រប់គ្រងគ្រោះមហន្តរាយបានឲ្យដឹងថា ភ្លៀងធ្លាក់នៅប៉ុន្មានថ្ងៃចុងក្រោយនេះបានជួយសង្គ្រោះស្រូវដែលរងការខ្វះខាតទឹកនៅក្នុងខេត្តចំនួន៣ រួមមានខេត្តបាត់ដំបង បន្ទាយមានជ័យ និងសៀមរាប។ នៅខេត្តទាំង៣នេះ ដំណាំស្រូវសរុបចំនួនជិត ៤ម៉ឺន ៥ពាន់ហិកតា កំពុងប្រឈមនឹងការខ្វះខាតទឹក ដោយសារស្រូវទាំងនោះគឺពឹងផ្អែកលើទឹកភ្លៀង។ ប៉ុន្តែពុំមានស្រូវរងការខូចខាតនៅឡើយទេ។ លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានបញ្ជាក់ប្រាប់បណ្តាញព័ត៌មាន AMS ថា ការធ្លាក់ភ្លៀងជាបន្តបន្ទាប់កាលពីប៉ុន្មានថ្ងៃកន្លងទៅនេះបានធ្វើឱ្យស្រូវដែលកំពុងខ្វះខាតទឹក មានឱកាសលូតលាស់ឡើងវិញ។ ប៉ុន្តែស្រូវខ្លះទៀតនៅប្រឈមការខ្វះខាតទឹក។ លោក ឈឹម វជិរា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានបញ្ជាក់ថា ក្នុងខេត្តបាត់ដំបងមានផលប៉ះពាល់ស្រូវស្រាលចំនួន ១៧ ៦០៣ហិកតា ស្រូវធ្ងន់ ៧២០ហិកតា និងស្រូវកណ្តាលចំនួន ៣៩ហិកតា។ ស្រូវដែលរងខ្វះខាតទឹកភាគច្រើនស្ថិតនៅស្រុកមោងឬស្សី ស្រុកសង្កែ ស្រុកឯកភ្នំ និងស្រុកថ្មគោល។ លោក ឈឹម វជិរា បាននិយាយថា មានតែដំណាំស្រូវក្នុងស្រុកឯកភ្នំតែមួយប៉ុណ្ណោះ ដែលទទួលបានទឹកភ្លៀងសង្រ្គោះគ្រប់គ្រាន់ ខណៈស្រូវនៅក្នុងស្រុកផ្សេងៗកំពុងតែស្ថិតនៅក្រោមការតាមដាន។ បើតាមប្រធានមន្ទីរកសិកម្មខេត្តបាត់ដំបង នៅចំពោះមុខនេះ ថ្នាក់ដឹកនាំបានចាត់ចែងឱ្យមន្ទីរជំនាញ ជាពិសេសមន្ទីរធនធានទឹក ស្វែងរកប្រភពទឹក និងត្រៀមអន្តរាគមន៍ជួយសង្គ្រោះស្រូវ ដែលរងផលប៉ះពាល់។ លោក ឈឹម វជិរា ពន្យល់ថា…
-
ក្រុមហ៊ុនយក្សចិន China Energy ចាប់អារម្មណ៍ពង្រីកការវិនិយោគធំៗ ៣នៅកម្ពុជា
ភ្នំពេញ៖ក្រុមហ៊ុនChina Energy International បង្ហាញ ចំណាប់អារម្មណ៍ក្នុងការពង្រីកការវិនិយោគរបស់ខ្លួននៅកម្ពុជា លើវិស័យថ្មីៗចំនួន៣បន្ថែមទៀត រួមមាន៖ ការផលិតស៊ីម៉ងត៍, ប្រព្រឹត្តកម្មទឹកស្អាត និងវិស័យថាមពលកកើតឡើងវិញ ។ ក្នុងជំនួបសម្ដែងការគួរសម និងពិភាក្សាការងារជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នារសៀលថ្ងៃទី១៥ ខែកក្កដា ឆ្នាំ២០២៦ ក្នុងឱកាសនៃការអញ្ជើញបំពេញទស្សនកិច្ចការងារ និងចូលរួម សន្និសីទពិភពលោកស្តីពីបញ្ញាសិប្បនិម្មិត នៅសាធារណរដ្ឋប្រជាមានិតចិន ពីថ្ងៃទី១៥-១៧ ខែកក្កដា ឆ្នាំ២០២៦ លោក ឈាវ ស៊ូប៊ីន( Qiao Xubin) ប្រធានក្រុមហ៊ុន China Energy International Group Co., Ltd. បានជម្រាបសម្ដេចធិបតី អំពីប្រតិបត្តិការអាជីវកម្មរបស់ក្រុមហ៊ុននៅកម្ពុជា ព្រមទាំងបានថ្លែងអំណរគុណយ៉ាងជ្រាលជ្រៅដល់ក្រសួងស្ថាប័នពាក់ព័ន្ធកម្ពុជា ដែលតែងតែផ្ដល់កិច្ចសហការដ៏ល្អ និងការគាំទ្រយ៉ាងពេញទំហឹងដល់ប្រតិបត្តិការអាជីវកម្មរបស់ក្រុមហ៊ុននាពេលកន្លងមក។ លោកប្រធានក្រុមហ៊ុនបានបញ្ជាក់ថា កាលពីដំបូងឡើយ ប្រតិបត្តិការអាជីវកម្មរបស់ក្រុមហ៊ុននៅកម្ពុជាបានផ្ដោតលើការអនុវត្តវិស្វកម្ម, លទ្ធកម្ម និងការសាងសង់ (Engineering, Procurement, and Construction – EPC) សម្រាប់គម្រោងហេដ្ឋារចនាសម្ព័ន្ធថាមពលសំខាន់ៗ។…
-
សម្តេច ឃួន សុដារី ជំរុញមន្ត្រីរាជការឱ្យអភិវឌ្ឍខ្លួនជា «ខ្ញុំបម្រើរាស្ត្រ»
ភ្នំពេញ៖ប្រធានរដ្ឋសភានៃកម្ពុជា បានក្រើនរំលឹកដល់មន្ត្រីរាជការជាថ្នាក់ដឹកនាំ និងថ្នាក់គ្រប់គ្រង ត្រូវប្រកាន់ខ្ជាប់នូវ លក្ខណៈ សម្បត្តិជាមន្ត្រីល្អ តម្កល់ខ្លួនជាខ្ញុំបម្រើរាស្ត្រ និងលុបបំបាត់ «ជំងឺតួឯក» ដើម្បីអភិវឌ្ឍខ្លួនឱ្យក្លាយជាមន្ត្រីឆ្នើម។ កាលពីព្រឹកថ្ងៃទី១៦ ខែកក្កដា ឆ្នាំ២០២៦ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានទទួលជួបសំណេះសំណាល និងផ្តល់អនុសាសន៍ជូនដល់សិក្ខាកាមនៃសាលាភូមិន្ទរដ្ឋបាល ក្នុងវគ្គបណ្តុះបណ្តាលជំនាន់ទី៨ ស្ដីអំពី «ភាពជាអ្នកដឹកនាំ និងនវានុវត្តន៍» នៅវិមានរដ្ឋសភា។ វគ្គបណ្តុះបណ្តាលដែលមានរយៈពេល ៨សប្តាហ៍នេះ មានសិក្ខាកាមចូលរួមចំនួន ១៧៩នាក់ ដែលជាថ្នាក់ដឹកនាំ និងថ្នាក់គ្រប់គ្រងនៅតាមក្រសួងស្ថាប័ន ទាំងថ្នាក់ជាតិ និងថ្នាក់ក្រោមជាតិ។ ក្នុងឱកាសនេះសម្តេចរដ្ឋសភាធិបតី ឃួន សុដារី បានផ្តល់អនុសាសន៍ឱ្យសិក្ខាកាមទាំងអស់យកទស្សនៈដឹកនាំរបស់ សម្តេចតេជោ ហ៊ុន សែន មកអនុវត្ត ដោយត្រូវចងចាំថា «មន្ត្រីត្រូវបម្រើរាស្រ្ត មិនមែនជាចៅហ្វាយរបស់រាស្រ្តនោះឡើយ»។ មន្ត្រីល្អ ត្រូវតម្កល់ខ្លួនជាខ្ញុំបម្រើរាស្ត្រ មិនត្រូវធ្វើជាមន្ត្រីជើង ១០ ឡើយ ពោលគឺត្រូវធ្វើជាមន្ត្រីជើង ២ និងត្រូវលុបបំបាត់ «ជំងឺតួឯក» ចេញពីខ្លួន។ ទាក់ទិននឹងស្ថានភាពសេដ្ឋកិច្ចវិញ សម្តេចប្រធានរដ្ឋសភា…
-
មូលនិធិគន្ធបុប្ផា និងពហុកីឡដ្ឋានជាតិមរតកតេជោ រៀបចំការប្រគំតន្ត្រីសប្បុរសធម៌ដើម្បីកុមារ
មូលនិធិគន្ធបុប្ផាកម្ពុជា សហការជាមួយពហុកីឡដ្ឋានជាតិមរតកតេជោ និងដៃគូឯកជន នឹងរៀបចំការប្រគំតន្ត្រីសប្បុរសធម៌ដ៏ធំមួយក្រោមប្រធានបទ «បេះដូងមួយ សំឡេងមួយ ដើម្បីគន្ធបុប្ផា» ក្នុងគោលបំណងកៀរគរថវិកាទ្រទ្រង់ការព្យាបាលដោយឥតគិតថ្លៃនៅមន្ទីរពេទ្យគន្ធបុប្ផា និងរួមគ្នាបង្កើតភាពញញឹមជូនកុមារកម្ពុជា។ ក្នុងសន្និសីទសារព័ត៌មានកាលពីរសៀលថ្ងៃទី១៥ ខែកក្កដា ឆ្នាំ២០២៦ អ្នករៀបចំកម្មវិធីបានប្រកាសថា ការប្រគំតន្ត្រីសប្បុរសធម៌នេះនឹងប្រព្រឹត្តក្នុងពេលឆាប់ៗខាងមុខ ទៅនៅពហុកីឡដ្ឋានជាតិមរតកតេជោ ដោយមានការចូលរួមពីស្ថាប័នរដ្ឋ វិស័យឯកជន សិល្បករ និងអ្នកបង្កើតមាតិកាល្បីៗ ក្នុងគោលដៅរួមគ្នាគាំទ្រដល់មន្ទីរពេទ្យគន្ធបុប្ផា។ កម្មវិធីនេះរៀបចំឡើងស្របតាមអនុសាសន៍ដ៏ខ្ពង់ខ្ពស់របស់លោកជំទាវបណ្ឌិត ពេជ្រ ចន្ទមុន្នី ហ៊ុន ម៉ាណែត ប្រធានកិត្តិយសមូលនិធិគន្ធបុប្ផាកម្ពុជា និងការអំពាវនាវជាបន្តបន្ទាប់របស់ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន ប្រធានក្រុមប្រឹក្សាបរធនបាលនៃមូលនិធិគន្ធបុប្ផាកម្ពុជា ដើម្បីស្វែងរកថវិការមកធានានិរន្តរភាពនៃការផ្តល់សេវាព្យាបាលប្រកបដោយគុណភាពជូនកុមារ និងស្ត្រីមានផ្ទៃពោះ។ ឯកឧត្តម សេង តុលា អគ្គនាយកពហុកីឡដ្ឋានជាតិមរតកតេជោ បានមានប្រសាសន៍ថា កម្មវិធីនេះគឺជាការបង្ហាញពីកម្លាំងសាមគ្គីរវាងវិស័យរដ្ឋ វិស័យឯកជន និងសិល្បករ ដែលរួមគ្នាបរិច្ចាគពេលវេលា ជំនាញ និងធនធាន ដើម្បីគាំទ្របុព្វហេតុមនុស្សធម៌។ ចំណែកលោក ឃាន តួក ប្រធានផ្នែកទំនាក់ទំនងសាធារណៈនៃមូលនិធិគន្ធបុប្ផាកម្ពុជា បានបញ្ជាក់ថា មន្ទីរពេទ្យគន្ធបុប្ផាទាំងបីទីតាំងនៅភ្នំពេញ និងសៀមរាប ត្រូវការថវិកាប្រមាណ ១២ម៉ឺនដុល្លារអាមេរិកក្នុងមួយថ្ងៃ ឬប្រមាណ ៤៥ ទៅ ៤៦លានដុល្លារក្នុងមួយឆ្នាំ ដើម្បីបន្តផ្តល់សេវាពិនិត្យ…
-
សំណាញ់មេឃអ៊ីរ៉ង់ បាញ់ទម្លាក់ដ្រូនចារកម្ម MQ-9 អាមេរិក តម្លៃខ្ទង់ ៥០ លានដុល្លារ
តេហេរ៉ង់ ៖ កងឆ្មាំបដិវត្តន៍ឥស្លាមអ៊ីរ៉ង់ ហៅកាត់ IRGC នៅថ្ងៃ ព្រហស្បតិ៍ បានប្រកាសក្តែងៗថា សំណាញ់មេឃរបស់អ៊ីរ៉ង់បានបាញ់ទម្លាក់យន្តហោះគ្មានមនុស្សបើក MQ-9 Reaper មួយគ្រឿងរបស់សហរដ្ឋអាមេរិក ឱ្យធ្លាក់រាបដល់ដី នៅពេលវាហោះសំកាំងខ្លួនពីលើផ្ទៃមេឃនៃទីក្រុង Andimeshk ។ បើតាម Anadolu, ការិយាល័យទំនាក់ទំនងសាធារណៈរបស់កងឆ្មាំបដិវត្តន៍ឥស្លាមអ៊ីរ៉ង់ បានបញ្ជាក់ថា ដ្រូន MQ-9 Reaper នោះ ត្រូវបានបាញ់ទម្លាក់ដោយប្រព័ន្ធការពារដែនអាកាស ដែលទើបតែដាក់ពង្រាយថ្មី ក្រោមការបញ្ជាពីកងពលអវកាស នៃកងកម្លាំងរបស់ខ្លួន ។ MQ-9 Reaper គឺជាយន្តហោះដ្រូនខ្នាតយក្សដែលមានសមត្ថភាពទាំងស៊ើបការណ៍ និងវាយប្រហារចំគោលដៅជាក់លាក់ ។ វាជាប្រភេទយន្តហោះដ្រូនបញ្ជាពីចម្ងាយ និងមានតម្លៃពី ៥០ ទៅ ៦០ លានដុល្លារក្នុងមួយគ្រឿង ។ MQ-9 Reaper មានទម្ងន់ជាង ៤,៧០០ គីឡូក្រាម ប៉ុន្តែអាចហោះហើរក្នុងល្បឿន ៤៨០ គីឡូម៉ែត្រក្នុងមួយម៉ោង និងមានរយៈពេលរហូតដល់ទៅ ២៧ ម៉ោងឯណោះ ជាពិសេសវាអាចពាំគ្រាប់មីស៊ីលរុលចូលក្នុងដីប្រភទ GBU-12 និង…
-
អាល្លឺម៉ង់ កើបលុយជិត ១៦ ពាន់លានដុល្លារ ពីការនាំចេញអាវុធ នៅឆមាសទី១
ប៊ែរឡាំង ៖ យោងតាមទិន្នន័យបណ្តោះអាសន្នដែលត្រូវបានប្រកាសកាលពីថ្ងៃពុធ បានឱ្យដឹងថា ប្រទេសអាល្លឺម៉ង់បានអនុម័តលើអាជ្ញាប័ណ្ណនាំចេញអាវុធ និងបរិក្ខារយោធាមានតម្លៃប្រមាណ ១៥,៩ ពាន់លានដុល្លារ នៅឆមាសទី១ នៃឆ្នាំ២០២៦ ក្នុងនោះអ៊ុយក្រែន គឺជាប្រទេសនាំចូលកំពូល ។ នេះបើតាមទិន្នន័យបណ្តោះអាសន្នបង្ហាញកាលពីថ្ងៃ ពុធ ។ យោងតាមក្រសួងសេដ្ឋកិច្ចអាល្លឺម៉ង់, គិតចាប់ពីខែមករា ដល់ខែមិថុនា រដ្ឋាភិបាលបានអនុញ្ញាតឱ្យនាំចេញអាវុធសង្គ្រាមមានតម្លៃប្រហែល ១០,៩៦ ពាន់លានដុល្លារ និងសម្ភារយោធាផ្សេងទៀតមានតម្លប្រហែល ៤,៩១ ពាន់លានដុល្លារ ។ ក្នុងនោះ អ៊ុយក្រែនបាននាំចូលអាវុធមានតម្លៃប្រហែល ២,៨៥ ពាន់លានដុល្លារ ដែលធ្វើឱ្យប្រទេសនេះក្លាយជាគោលដៅនាំចេញធំបំផុតសរុប និងជាប្រទេសក្រៅសហភាពអឺរ៉ុប ដែលទទួលបានអាវុធច្រើនជាងគេបង្អស់ ។ រដ្ឋាភិបាលអាល្លឺម៉ង់ បានថ្លែងអះអាងថា ការលក់អាវុធទាំងនេះ មានគោលបំណងគាំទ្រដល់ការការពារខ្លួនរបស់អ៊ុយក្រែន ប្រឆាំងនឹងសង្គ្រាមឈ្លានពានដ៏ខុសច្បាប់របស់រុស្ស៊ី ។ ចំណែកឯអ៊ីស្រាអែលបានស្ថិតនៅចំណាត់ថ្នាក់ទី៦ ក្នុងចំណោមប្រទេសគោលដៅនាំមុខគេ ដោយបាននាំចូលអាវុធមានតម្លៃប្រហែល ៩១២ លានដុល្លារ ។ ដោយឡែក បណ្តាប្រទេសទទួលអាវុធឈានមុខគេផ្សេងទៀតពីការនាំចេញរបស់អាល្លឺម៉ង់ ក្នុងឆ្នាំ២០២៦នេះ រួមមានសហរដ្ឋអាមេរិក ហូឡង់ សាធារណរដ្ឋឆែក លីទុយអានី ឡាតវី ន័រវែស…
-
សម្តេច ម៉ែន សំអន អញ្ជើញប្រកាសទទួលស្គាល់ការបំពេញបន្ថែមសមាសភាពសាខាសមាគមនារីកម្ពុជាដើម្បីសន្តិភាព និងការអភិវឌ្ឍន៍ ក្រសួងមុខងារសាធារណៈ
ភ្នំពេញ៖សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុងពិធីប្រកាសទទួលស្គាល់ការបំពេញបន្ថែមសមាសភាព គណៈកម្មការសាខាសមាគមនារីកម្ពុជា ដើម្បីសន្តិភាព និងការអភិវឌ្ឍន៍ ក្រសួងមុខងារសាធារណៈ ដែលពិធីនេះត្រូវបានរៀបចំឡើងនៅសាលាភូមិន្ទរដ្ឋបាល កាលពីថ្ងៃទី១៥ ខែកក្កដា ឆ្នាំ២០២៦ នៅក្នុងឱកាសនោះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានកិត្តិយសសាខាសមាគមនារីប្រចាំក្រសួង បានគូសបញ្ជាក់ថា ការបំពេញបន្ថែមសមាសភាពជាផ្លូវការនាពេលនេះ គឺដើម្បីបន្តពង្រឹងយន្តការដឹកនាំ ការសម្របសម្រួល និងការអនុវត្តការងារឱ្យកាន់តែមានភាពរស់រវើក និងប្រសិទ្ធភាព។ ឯកឧត្តមបានបន្តថា ក្រសួងជានិច្ចកាលតែងតែគិតគូរលើកកម្ពស់សមភាពយេនឌ័រ និងបង្កើនភាពអង់អាចដល់ស្ត្រី។ ជាក់ស្តែង គិតត្រឹមចុងខែមិថុនា ឆ្នាំ២០២៦ នេះ មន្ត្រីរាជការស៊ីវិលជាស្ត្រីនៅទូទាំងប្រទេសមានចំនួនជាង ១០ម៉ឺននាក់ (១០១,៤៩៥ នាក់) ត្រូវជា ៤៣% នៃមន្ត្រីសរុប។ ក្នុងនោះស្រ្តីដែលកាន់មុខតំណែងចាប់ពីថ្នាក់ការិយាល័យ រហូតដល់ថ្នាក់អគ្គនាយក មានចំនួនជាង ១ម៉ឺន ២ពាន់នាក់ (១២,៣៤២ នាក់) គឺស្មើនឹង ២៦%។ មានប្រសាសន៍ក្នុងឱកាសនេះដែរសម្តេចកិត្តិសង្គហបណ្ឌិត ម៉ែន សំអន…
-
អាមេរិកព្រមព្រៀងលក់អាវុធឲ្យ អារ៉ាប៊ី សាអូឌីត និង កូវ៉ែត តម្លៃជាង២ពាន់លានដុល្លារ
វ៉ាស៊ីនតោន ៖ ក្រសួងការបរទេសសហរដ្ឋអាមេរិកប្រកាស កាលពីថ្ងៃពុធថា ខ្លួនបានអនុម័តលើការលក់អាវុធ ដែលអាចនឹងមានតម្លៃ ១,៩៦ ពាន់លានដុល្លារ ទៅកាន់ប្រទេសអារ៉ាប៊ី សាអូឌីត និងកញ្ចប់ថែទាំគាំទ្រ ដែលមានតម្លៃ ៤៨៤ លានដុល្លារ សម្រាប់ប្រទេសកូវ៉ែត។ ការលក់ដែលបានស្នើឡើង ទៅកាន់ប្រទេស អារ៉ាប៊ី សាអូឌីតនេះ រួមមានផ្នែកណែនាំគោលដៅសម្រាប់ប្រព័ន្ធអាវុធវាយប្រហារ ដែលមានភាពជាក់លាក់ខ្ពស់ APKWS-II, ប្រភេទបាញ់ពីអាកាសទៅអាកាស រហូតដល់ ១០.០០០ គ្រឿង និង ផ្នែកណែនាំគោលដៅ APKWS-II ប្រភេទបាញ់ពីអាកាសទៅដី រហូតដល់ ១០.០០០ គ្រឿងផងដែរ។ យោងតាមក្រសួងការបរទេស, កញ្ចប់នេះក៏រួមបញ្ចូលផងដែរ នូវឧបករណ៍បាញ់ គ្រាប់ក្បាលផ្ទុះ ម៉ូទ័ររ៉ុក្កែត ឧបករណ៍បញ្ឆេះគ្រាប់ ហៅកាត់ fuses, គ្រឿងបន្លាស់ និង គ្រឿងសម្រាប់ជួសជុល, ឯកសារបច្ចេកទេស,ឧបករណ៍ហ្វឹកហាត់ និង សេវាកម្មគាំទ្រផ្នែកដឹកជញ្ជូន និងភស្តុភារ។ ក្រុមហ៊ុនម៉ៅការចម្បងសម្រាប់ការលក់ទៅកាន់ អារ៉ាប៊ី សាអូឌីត នេះ គឺក្រុមហ៊ុន BAE Systems…
-
អឺរ៉ុប ប្រកាសពីកិច្ចព្រមព្រៀងផលិតដ្រូនជាមួយអ៊ុយក្រែន ជាផ្លូវការ
កៀវ ៖ ប្រធានគណៈកម្មការអឺរ៉ុប លោកស្រី Ursula von der Leyen កាលពីថ្ងៃពុធ បានប្រកាសពីកិច្ចព្រមព្រៀងលើបច្ចេកវិទ្យា ដ្រូន ជាមួយនឹងប្រទេសអ៊ុយក្រែន ដើម្បីជំរុញការផលិតរួមគ្នា នូវបច្ចេកវិទ្យាសំខាន់សម្រាប់សមរភូមិប្រយុទ្ធប្រភេទនេះ។ ថ្លែងក្នុងពេលមានវត្តមាន ជាមួយប្រធានាធិបតីអ៊ុយក្រែន លោក Volodymyr Zelensky នៅឯទីក្រុងកៀវ, លោកស្រី von der Leyen បានបញ្ជាក់ថា «កិច្ចព្រមព្រៀងនេះនឹងនាំមកនូវការរួមបញ្ចូលគ្នារវាងភាពច្នៃប្រឌិតរបស់អ៊ុយក្រែន និងសមត្ថភាពផលិតកម្មទ្រង់ទ្រាយធំរបស់អឺរ៉ុប»។ លោកស្រី von der Leyen បន្តថា «នៅអឺរ៉ុប យើងមានសមត្ថភាពផ្នែកបច្ចេកវិទ្យា និងឧស្សាហកម្មដ៏ធំធេងរួចទៅហើយ ដែលអាចដាក់ឱ្យដំណើរការបាន ហើយយើងមានទីតាំងផលិតកម្មដែលមានសុវត្ថិភាពដែលអាចជួយពង្រីកកម្រិតផលិតកម្ម ប៉ុន្តែ យើងមិនមានចំណេះដឹង និងជំនាញដែលទទួលបានពីការអនុវត្តជាក់ស្តែងក្នុងសមរភូមិ ដូចដែលអ៊ុយក្រែនបានកសាងនោះទេ»។ លោកស្រីបញ្ជាក់ថា «យើងអាចធ្វើការរួមគ្នាលើការផលិត ការធានាឱ្យសមាសធាតុទាំងអស់នៃប្រព័ន្ធដំណើរការបានល្អ និងផ្តល់នូវកម្លាំងជំរុញចាំបាច់ដល់មូលដ្ឋានឧស្សាហកម្មការពារជាតិទាំងសងខាង ដើម្បីបង្កើនការវិនិយោគ និងផលិតកម្មឱ្យកាន់តែខ្លាំងក្លា»។ លោក Zelensky បានកោតសរសើរចំពោះកិច្ចព្រមព្រៀង លើបច្ចេកវិទ្យាដ្រូននេះ ដោយថ្លែងចាត់ទុកថាជា «ជំហានដ៏សំខាន់ជាប្រវត្តិសាស្ត្រ» នៅក្នុងទំនាក់ទំនង រវាងភាគីទាំងពីរ…
-
លោក ណេតាន់យ៉ាហ៊ូ នឹងទៅអាមេរិកចុងសប្តាហ៍នេះ ខណៈលោក ត្រាំ ប្រាប់អ៊ីស្រាអែលឱ្យដកទ័ពចេញពីលីបង់ និងស៊ីរី
ហ៊្សេរុយសាឡឹម ៖ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ មានគម្រោងធ្វើដំណើរទៅកាន់សហរដ្ឋអាមេរិក នៅយប់ថ្ងៃ សៅរ៍ ចុងសប្តាហ៍នេះ ហើយបន្តស្នាក់នៅក្នុងទីក្រុងវ៉ាស៊ីនតោន រហូតដល់ថ្ងៃ អង្គារ សប្តាហ៍ក្រោយ ។ ដំណឹងនៃដំណើរទស្សនកិច្ចរបស់លោក ណេតាន់យ៉ាហ៊ូ កើតឡើងបន្ទាប់ពីសារព័ត៌មាន Axios ចេញផ្សាយថា ប្រធានាធិបតីអាមេរិក លោក ដូណាល់ ត្រាំ និយាយថា កងទ័ពអ៊ីស្រាអែលគួរតែដកចេញពីប្រទេសស៊ីរី និងលីបង់ ។ បើតាម Jerusalem Post, លោក ណេតាន់យ៉ាហ៊ូ ត្រូវបានរំពឹងថា នឹងអញ្ជើញចូលរួមក្នុងពិធីបុណ្យសព និងកម្មវិធីរំលឹកវិញ្ញាណក្ខន្ធរបស់លោក លីនស៊ី ក្រាហែម Lindsey Graham សមាជិកព្រឹទ្ធសភាអាមេរិកដ៏លេចធ្លោមួយរូប ដែលជាអ្នកគាំទ្រដ៏ងប់ងល់របស់អ៊ីស្រាអែល ។ លោកនាយករដ្ឋមន្រ្តី ណេតាន់យ៉ាហ៊ូ ក៏ត្រូវបានគេរំពឹងថា កំពុងស្វែងរកការរៀបចំជំនួបពិភាក្សាជាមួយលោកប្រធានាធិបតី ត្រាំ ផងដែរ ប៉ុន្តែគិតមកទល់ពេលនេះ របៀបវារៈនៃជំនួបផ្លូវការរវាងមេដឹកនាំទាំងពីរមិនទាន់ត្រូវបានកំណត់ជាផ្លូវការនៅឡើយទេ ។ គួរបញ្ជាក់ថា គម្រោងធ្វើដំណើរទស្សនកិច្ចរបស់លោក ណេតាន់យ៉ាហ៊ូ…