ព្រឹកថ្ងៃអង្គារ ៨រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០២ ខែតុលា ឆ្នាំ២០១៨ លោក នុត ពុធដារ៉ា ជំនួយការសម្តេចតេជោនាយករដ្ឋមន្ត្រី និងជាអភិបាលខណ្ឌដង្កោ និង លោក ម៉ៃ ម៉ុន ប្រធានក្រុមប្រឹក្សាខណ្ឌ រួមជាមួយគណៈគ្រប់គ្រងមជ្ឈមណ្ឌលឧក្រិដ្ឋកម្មប្រល័យពូជសាសន៍បឹងជើងឯក បានដឹកនាំមន្ត្រីរាជការ ខណ្ឌ សង្កាត់ ភូមិ យុវជន និងប្រជាពលរដ្ឋ ធ្វើពិធីសូត្រមន្ត រាប់បាត្រ ព្រះសង្ឃ២៦អង្គ មកពីវត្តទាំង២៦ ក្នុងខណ្ឌដង្កោ ដើម្បីឧទ្ទិសកុសលដល់ជនរងគ្រោះ ដែលបានបាត់បង់ជីវិតនៅក្នុងរបបប្រល័យពូជសាសន៍ ប៉ុល ពត។

ខេត្តពោធិ៍សាត់៖ បុរសជាឪពុកចុងល្មោភកាមម្នាក់ ត្រូវបានកម្លាំងសមត្ថកិច្ចចាប់ខ្លួន និងកសាងសំណុំរឿងបញ្ជូនទៅតុលាការ ក្រោយទទួលពាក្យបណ្តឹងពីក្រុមគ្រួសារនារីរងគ្រោះករណីរំលោភសេពសន្ថវៈ និងប្រទូស្តកេរ្តិ៍ ទៅលើកូនស្រីចុងរបស់ខ្លួន។

ខេត្តកំពង់ឆ្នាំង៖ នៅថ្ងៃទី២ ខែតុលា ឆ្នាំ២០១៨ រថយន្តដឹកទឹកសុទ្ធជែងមិនផុតជ្រុលទៅបុកស្ត្រីម្ានក់កំពុងជិះម៉ូតូបណ្ដាលឲ្យស្ត្រីនោះបាក់ជើងទាំងសងខាង។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅលើកំណាត់ផ្លូវជាតិលេខ៥ ត្រង់ចំណុចភូមិស្មែត ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។ ក្រោយពេលកើតហេតុសមត្ថកិច្ចបានបញ្ជូនស្ត្រីរងគ្រោះទៅកាន់មន្ទីរពេទ្យខេត្តកំពង់ឆ្នាំងប៉ុន្តែដោយសាររបួសបាក់ជើងទាំង២ ក្រុមគ្រូពេទ្យក៏បានរៀបចំបញ្ជូនទៅសង្គ្រោះនៅឯមន្ទីរពេទ្យខេត្តបាត់ដំបង។ ចំណែកម៉ូតូជនរងគ្រោះ និងរថយន្ត ត្រូវបានសមត្ថកិច្ចយកមកទៅរក្សាទុកនៅអធិការនគរបាលស្រុករលាប្អៀរដើម្បីរង់ចាំការដោះស្រាយនៅពេលក្រោយ៕

ដើម្បីធានាគុណភាពម្ហូបអាហារសម្រាប់ប្រជាពលរដ្ឋបរិភោគប្រចាំថ្ងៃ ប្រកបដោយទំនុកចិត្ត មន្ត្រីសាខាកាំកុងត្រូលផែស្ងួតចុងទី-ភ្នំពេញ បានបន្តចុះប្រតិបត្តិការត្រួតពិនិត្យ អប់រំ ផ្សព្វផ្សាយពីសុវត្ថិភាពចំនីអាហារជូនដល់អាជីវករដែលកំពុងប្រកបអាជីវកម្ម នៅក្នុងផ្សារដេប៉ូ រាជធានីភ្នំពេញ នៅព្រឹកថ្ងៃទី២ ខែតុលា ឆ្នាំ២០១៨នេះ។

នៅព្រឹកថ្ងៃទី២ ខែតុលា ឆ្នាំ២០១៨នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានអញ្ជើញជួបពិភាក្សាការងារជាមួយលោក Michael Walter Michalak ជានាយកគ្រប់គ្រងតំបន់ និងក្រុមប្រឹក្សាធុរកិច្ចសហរដ្ឋអាស៊ាន-អាម៉េរិក។ ក្នុងជំនួបនោះ លោក Michael Walter Michalak បានសម្តែងនូវក្តីសប្បាយរីករាយដែលបានជួបពិភាក្សាការងារជាមួយសម្តេចតេជោនៅពេលនេះ។ លោកក៍បានជម្រាបជូនសម្តេចតេជោ ថា ក្រុមប្រឹក្សាធុរកិច្ចអាម៉េរិក-អាស៊ាន មានទិសដៅធ្វើយ៉ាងណា លើកស្ទួយទំនាក់ទំនងរយៈពេលវែងខាងវិស័យសេដ្ឋកិច្ចជាមួយកម្ពុជា។ លោកបានបញ្ជាក់ថា ការបំពេញភារកិច្ចនៅកម្ពុជានាពេលនេះ គឺដើម្បីពិភាក្សារកនូវចំណុចរួម ដើម្បីជាផលប្រយោជន៍រួម ទាំងអ្នកវិនិយោគកម្ពុជា អ្នកវិនិយោគអាស៊ាន និងអាម៉េរិក ក៏ដូចជា ការអភិវឌ្ឍរបស់កម្ពុជាផងដែរ។ លោក Michael ក៏បានជម្រាបជូនសម្តេចតេជោផងដែរថា កិច្ចពិភាក្សានេះ គឺផ្តោតទៅលើបញ្ហាសេដ្ឋកិច្ច បញ្ហាថាមពល ហេដ្ឋារចនាសម្ព័ន្ធ ការអភិវឌ្ឍ ធនធានមនុស្ស វប្បធម៌ ក៏ដូចជាវិស័យកសិកម្មផងដែរ។ ពាក់ព័ន្ធនឹងវិស័យ កសិកម្ម ឯកអគ្គរដ្ឋទូតសហរដ្ឋអាម៉េរិកប្រចាំកម្ពុជា លោក William A. Heidt បានគោរពជម្រាបជូន សម្តេចតេជោថា នៅពេលនេះ…

ភ្នំពេញ៖ ក្រុមហ៊ុន Smart មានបំណងធ្វើជាដៃគូជាមួយក្រសួងទាំងពីរក្នុងការអភិវឌ្ឍបុគ្គលដែលមានទេពកោសល្យ និងប៉ិនប្រសប់ ដែលចង់ចូលរួមចំណែកយ៉ាងសកម្មក្នុងការជំរុញកំណើនសេដ្ឋកិច្ចរបស់ព្រះរាជាណាចក្រកម្ពុជា   នៅក្នុងយុគសម័យឌីជីថលថ្មី នេះ។ ជាផ្នែកមួយនៃអនុស្សរណៈនៃការយោគយល់គ្នានេះ ក្រុមហ៊ុន Smart បានប្តេជ្ញាវិនិយោគទឹកប្រាក់ចំនួន១,៥លានដុល្លារទៅក្នុងកម្មវិធីចំនួនពីរ រួមមានកម្មវិធីអាហារូបករណ៍ SmartEdu និងកម្មវិធីអភិវឌ្ឍនិស្សិតសលកវិទ្យាល័យ SmartEdu (USDP) ។ មួយផ្នែកនៃការវិនិយោគនេះ គឺបានមកពីវិភាគទានរបស់ក្រុមហ៊ុន Smart សម្រាប់មូលនិធិកសាងសមត្ថភាព ការស្រាវជ្រាវ និងអភិវឌ្ឍន៍ (CBRDF) ។ ឯកឧត្ដមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានពន្យល់ថា ស្របពេលយើងកំពុងបោះជំហានចូលក្នុងបដិវត្តន៍ឧស្សាហកម្មដំណាក់កាលទី៤ ដូចច្នេះផ្នត់គំនិត និងការយល់ដឹងបែបឌីជីថលមានសារៈសំខាន់ ក្នុងការអភិវឌ្ឍ ប្រទេសកម្ពុជាឲ្យក្លាយទៅជាសង្គមដែលផ្អែកលើចំណេះដឹង។ ក្រុមហ៊ុន Smart នៅតែជាដៃគូអភិវឌ្ឍន៍ដ៏រឹងមាំ ដែលបានដាក់ចេញនូវគំនិតផ្តួចផ្តើមផ្នែកអប់រំ និងនវានុវត្តន៍បច្ចេកវិទ្យាផ្សេងៗ ដូចជាកម្មវិធីអាហារូបករណ៍ SmartEdu និង SmartStart Young Innovator Program។ ជាមួយគ្នានេះដែរ ឯកឧត្តមបណ្ឌិត សារ៉ាក់ ខាន់…