ភ្នំពេញ៖ អគ្គិភ័យឆាបឆេះក្លិបកំសាន្តមួយកន្លែងយ៉ាងសន្ធោរសន្ធៅបង្កឲ្យមានការភ្ញាក់ផ្អើលដល់ប្រជាពលរដ្ឋ និងមានរថយន្តពន្លត់អគ្គីភ័យជាច្រើនគ្រឿងបានចេញមកអន្តរាគមន៍ផងដែរ។ ហេតុការណ៍នេះបានកើតឡើងកាលពីម៉ោងជា៦ព្រឹកនៅចំណុចក្លិបសំសាន្តយីហោ 2nd មានទីតាំងនៅតាមបណ្តាយផ្លូវលេខ៥១ កែងផ្លូវលេខ២៥៤ ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។

នៅរសៀលថ្ងៃទី១០ ខែកញ្ញាម្សិលមិញ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជួបពិភាក្សាការងារជាមួយលោក Wu Weitao ប្រធាន និងជានាយកប្រតិបត្តិក្រុមហ៊ុន HUAWAI ប្រចាំតំបន់អាស៊ីអាគ្នេយ៍ ដែលជំនួបនេះត្រូវបានធ្វើឡើងនៅសណ្ឋាគារ លីយ័ន ទីក្រុងណាននីង ខេត្តក្វាងស៊ី ប្រទេសចិន។

ក្នុងជំនួបពិភាក្សាការងាររវាងសម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា ជាមួយ លោក លី ឈាន (Li Qian) នាយកសាជីវកម្មអភិវឌ្ឍន៍កួហុង(Guangxi Guhong Development Corporation) ដែលកំពុងវិនិយោគលើម៉ាស៊ីនកិនស្រូវនៅកម្ពុជា ដែលអង្ករក្រុមហ៊ុនលោកមានផ្លាកសញ្ញាសៀមរាប បានលើកឡើងថា ក្រុមហ៊ុនរបស់លោក បានបណ្តាក់ទុនវិនិយោគលើវិស័យកសិកម្ម ក្នុងប្រទេសកម្ពុជា មានរយៈពេល៦ឆ្នាំមកហើយ ដែលបានចំណាយទឹកប្រាក់ប្រមាណ៨លានដុល្លារ។ កាលពីពេលកន្លងមក ក្រុមហ៊ុនបានធ្វើការនាំចូលអង្គរប្រមាណ៥ម៉ឺនតោនពីកម្ពុជាមកចែកចាយនៅទីក្រុងណាននីង។ លោកពេញចិត្តចំពោះកាវិនិយោគលើវិស័យកសិកម្មនៅកម្ពុជា។

ទឹកប្រាក់ចំនួន២៦,៦៧៣ដុល្លារ របស់លោកជំទាវ សៀង ចាន់ហេង និងសប្បុរសជនក្នុងខេត្ត ដែលបានផ្តល់ តាមរយៈលោកជំទាវ គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមខេត្ត ត្រូវបាននាំយកមកប្រគល់ជូនដល់មន្ទីរពេទ្យបង្អែកខេត្តសៀមរាប កាលពីរសៀលថ្ងៃទី ១០ ខែ កញ្ញា ឆ្នាំ២០១៨ នៅមន្ទីរពេទ្យបង្អែកខេត្ត។ 

សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅរសៀលថ្ងៃ១០ ខែកញ្ញាម្សិលមិញ បានអញ្ជើញជួបសំណេះសំណាលជាមួយនិស្សិតកម្ពុជាចំនួន២២៩នាក់ ដែលកំពុងសិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ នៅទីក្រុងណាននីង ខេត្តក្វាងស៊ី ប្រទេសចិន។ សម្តេចតេជោ បានកោតសរសើរ និងវាយតម្លៃខ្ពស់ចំពោះនិស្សិតទាំងអស់ដែលកំពុងខិតខំយកចិត្តទុកដាក់សិក្សានៅ ប្រទេសចិន ហើយបានឆ្លៀតយកពេលវេលាដ៏មានតម្លៃទៅបោះឆ្នោតជ្រើសតាំងតំណាងរាស្រ្ត នីតិកាលទី៦ កាលពីថ្ងៃទី២៩ ខែកក្កដា ឆ្នាំ២០១៨ កន្លងមកនេះ។ 

សម្ដេចតេជោ ហ៊ុន សែន នៅល្ងាចថ្ងៃ១០ ខែកញ្ញាម្សិលមិញ បានអញ្ជើញជួបពិភាក្សាការងារជាមួយ លោក លូ ស៊ីនសឺ (Lu Xinshe) លេខាធិការនៃគណៈកម្មាធិការបក្សកុម្មុយនីស្តចិន តំបន់ស្វយ័តជនជាតិ ជ័ងក្វាងស៊ី ប្រទេសចិន។

ភ្នំពេញ ៖ ស្ត្រីចំណាស់វ័យ៥០ឆ្នាំម្នាក់បានរត់មកដាក់ពាក្យបណ្តឹងទាំងទឹកភ្នែកស្រស្រេចស្រស្រាក់ឲ្យនគរបាលប៉ុស្តិ៍ចោមចៅ២ ជួយអន្តរាគមន៍ចាត់ការតាមផ្លូវច្បាប់ ទៅលើកូនប្រុសរបស់ខ្លួនដែលបានប្រើប្រាស់អំពើហិង្សារយកដំបង និងដែកវាយដំទៅលើរូបគាត់និងប្អូនស្រីបណ្តាលឲ្យរងរបួសបែកក្បាលនិងបែកមុខបែកមាត់ ព្រោះតែរឿងសុំលុយពីម្តាយមិនបាន ហើយថែមទាំងគុំរាមម្តាយមិនឲ្យប្តឹងថែមទៀត បើហ៊ានប្តឹងនិងសម្លាប់ចោល។ ហេតុការណ៍មួយនេះបានកើតឡើងនៅវេលារសៀលថ្ងៃទី១០ ខែកញ្ញា ឆ្នាំ២០១៨នេះ ស្ថិតនៅចំណុចផ្ទះជួលភូមិថ្មគោល៣ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ ស្រ្តីជាម្តាយមានឈ្មោះ ឈាង ចិន្ថា អាយុ៥០ឆ្នាំស្នាក់នៅកន្លែងកើតហេតុមានមុខរបរអ្នកលៀងកែវកាហ្វេ និងប្អូនស្រីសុំមិនបញ្ចេញឈ្មោះបានរងរបួសបែកមុខបែកមាត់និងដងខ្លួនយ៉ាងដំណំ ។ចំណែកជនបង្កដែលជាកូនរូបនោះមានឈ្មោះ ជុំ សៅ លី អាយុ២១ឆ្នាំ មុខរបរជាកម្មករសំណងហើយ និងរើសអេតចាយ។ តាមសម្តីជាម្តាយរងគ្រោះខាងលើបានរៀបរាប់ ទាំងទឹកភ្នែកថា នៅមុនកើតហេតុជនសង្ស័យជាកូនរូបនោះបានធ្វើការជាកម្មករសំណង់ បានលុយចំនួន២៣ម៉ឺនរៀលហើយឲ្យទៅម្តាយចំនួន១៣ម៉ឺនរៀលកាលពីមុនបោះឆ្នោជ្រើសតាំងតំណាងរាស្ត្រថ្នាកើជាតិ ។ ស្រ្តីខាងលើបានបន្តទៀតថា បន្ទាប់ពីឲ្យលុយមកលើរូបហើយនោះ យុវជនដែលជាកូនតែងតែសុំលុយពីគាត់វិញម្តង ២ពាន់រៀល ៣ពាន់រៀល ទាំងព្រឹក ទាំងថ្ងៃ ទាំងល្ងាច យកទៅហូបបាយស្រូប ផឹកកាហ្វេ និងលេងក្លាឃ្លោក ជាងរៀងរាល់ថ្ងៃ រាល់ពេលដែលយុវជនរូបនោះសុំត្រូវតែអោយជាដាច់ខាតបើសិនជាមិនអោយម្តងណានោះយុវជននោះនិងរករឿងបោកចានបោកឆ្នាំចោលខ្ទេច ។ ស្រ្តីខាងលើបានបន្តថា ខណៈមកដល់វេលាម៉ោងកើតហេតុខាងលើបានសុំលុយ២ពាន់រលផឹកកាហ្វេ តែគាត់ពុំមានលុយអោយរហូតយុវជនរូបនោះបានរករឿង និងវាយដំទៅលើប្អូនស្រីវាយផងធាក់ផងទាត់ផងបណ្តាលឲ្យរងរបួសពេញខ្លួន…

តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុនចំនួន៤ ដែលអាចបង្កើតការងារបានជាង៩ពាន់៥០០កន្លែង។ ក្រុមហ៊ុនទាំង៤នោះ រួមមាន៖ ១)ក្រុមហ៊ុន PERFECT VISION FASHION (CAMBODIA) CO.,LTD.” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិកំប៉ោ ឃុំបឹងត្រាញ់ខាងត្បូង ស្រុកសំរោង ខេត្តតាកែវ មានទុនវិនិយោគប្រមាណ៥លាន១សែន៨ម៉ឺនដុល្លារអាម៉េរិក និងអាចបង្កើតការងារ បានចំនួន១ពាន់៧៨៣ន្លែង ២)ក្រុមហ៊ុន JH GARMENT (CAMBODIA) CO.,LTD.” គម្រោងបង្កើតរោងចក្រកាត់ដេរសម្លៀក បំពាក់  ដែលមានទីតាំងវិនិយោគស្ថិតនៅភូមិ ដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មានទុនវិនិយោគប្រមាណ៣លាន៧សែន៤ម៉ឺនដុល្លារអាម៉េរិក និងអាចបង្កើតការងារបានចំនួន១ពាន់៥២០កន្លែង ៣)ក្រុមហ៊ុន PRESTIGE GARMENT CO.,LTD.” គម្រោងបង្កើតរោងចក្រកាត់ដេរ សម្លៀកបំពាក់ ដែលមានទីតាំងវិនិយោគស្ថិតនៅភូមិក្រាំងគាំ ឃុំត្បែង ស្រុកកណ្តាលស្ទឹង ខេត្តកណ្តាល មានទុនវិនិយោគប្រមាណ៥លាន៥សែន៨ម៉ឺនដុល្លារអាម៉េរិក និងអាចបង្កើតការងារបានចំនួន២ពាន់៣៣៦កន្លែង ៤)ក្រុមហ៊ុន“LONG CHENG SHOE…