ភ្នំពេញ៖ ព្រឹត្តិការណ៍ប្រគុំតន្ត្រីអចលនទ្រព្យសប្បុរសធម៌ដ៏ធំសម្បើម ដែលប្រមូលផ្តុំដោយតារាប្រុសស្រីល្បីឈ្មោះជាង១០រូប បានត្រៀមខ្លួនចូលរួមការប្រគំតន្ត្រីដ៏កក្រើកជួបជុំបងប្អូននៅប្រទេសកូរ៉េ ដែលរៀបចំឡើងដោយឧកញ៉ា ឡេង ណាវ៉ាត់ត្រា។ នៅចុងខែកញ្ញា ឆ្នាំ២០១៨ខាងមុខនេះ ម្ចាស់ផលិតកម្មហ្គាឡាក់ស៊ី និងជាឧកញ៉ាម្ចាស់ជំនួញដី និងបុរី ឡេង ណាវ៉ាត់ត្រា បានរៀបចំឲ្យមានព្រឹត្តិការណ៍ប្រគំតន្ត្រី សប្បុរសធម៌ ពុំធ្លាប់មាននៅលើ ទឹកដីកូរ៉េ នៅថ្ងៃឈប់សម្រាកបុណ្យឈូសុកខាងមុខនេះ ដែលឧបត្ថម្ភផ្តាច់មុខ ដោយ បុរី ឡេង ណាវ៉ាត្រា ក្រុមហ៊ុន Galaxy Navatra Group co.,ltd ។ តារាល្បីប្រុសស្រីរួមមាន៖ លោក ព្រាប សុវត្ថិ លោក សុវត្ថិ មុនីវណ្ណ លោក សុវត្ថិ មុន្នីនាគ លោក សុវត្ថិ សិរីវុឌ្ឍ អ្នកនាង ពេជ្រ សោភា លោក ឆាយ វីរៈយុទ្ធ កញ្ញា រ៉ាប៊ី លោក ពាក់មី…

រាជធានីភ្នំពេញ៖ កម្លាំងនគរបាលផ្នែកចរាចរណ៍នៃអធិការដ្ឋាននគរបាលខណ្ឌដូនពេញ បានបន្តអនុវត្តន៍ច្បាប់ចរាចរណ៍ កាលពីយប់ថ្ងៃទី០៩ ខែកញ្ញា ឆ្នាំ២០១៨ ដោយបានឃាត់យានយន្តដែលជិះបញ្ច្រាស់ផ្លូវនៅរង្វង់មូលវិមានឯករាជ្យ ចំនួន១១គ្រឿងបញ្ជូនទៅការិយាល័យចរាចរណ៍ នៃស្នងការដ្ឋាននគរបាលរាជធានីភ្នំពេញចាត់ការតាមច្បាប់។ លោក សុខ ពេញវុធ អភិបាលខណ្ឌដូនពេញបានឲ្យដឹងថា នៅថ្ងៃទី០៩ ខែកញ្ញា  ឆ្នាំ២០១៨ ថា ចាប់ពីម៉ោង១៩និង០០នាទីព្រឹក ដល់ម៉ោង២២ និង០០នាទីយប់ កម្លាំងគណៈបញ្ជាការឯកភាពខណ្ឌដូនពេញ សហការជាមួយការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ អនុវត្តយុទ្ធនាការឃាត់ម៉ូតូ និងរថយន្ត បើកបញ្រ្ចាស់ទិសដៅចរាចរណ៍នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹត ស្ថិតក្នុងសង្កាត់ចតុមុខ ខណ្ឌដូនពេញ ឃាត់បានម៉ូតូចំនួន១១គ្រឿង។ បច្ចុប្បន្នម៉ូតូទាំង១១គ្រឿងខាងលើនោះ បានបញ្ជូនទៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីធ្វើការអប់រំណែនាំបន្តតាមនីតិវិធី៕

ភ្នំពេញ៖ នៅព្រឹកថ្ងៃទី១០ ខែកញ្ញា ឆ្នាំ២០១៨ កម្លាំងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានបង្ហាញមុខជនសង្ស័យម្នាក់ ពាក់ព័ន្ធករណីឆក់កាបូបស្ពាយ មានលុយ និងគ្រឿងអលង្ការ សរុបជិត ១ម៉ឺនដុល្លារ កាលពីវេលាម៉ោង១២ និង ០០នាទី ថ្ងៃទី០៧ ខែ កញ្ញា ឆ្នាំ ២០១៨  នៅចំណុចមុខផ្សារTK ផ្លូវលេខ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ។

ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានលើកឡើងក្នុងកិច្ចប្រជុំវិមជ្ឈការ និងវិសហមជ្ឈការស្តីពីការផ្ទេរមុខងារ និងធនធាន(ការផ្តល់សេវារដ្ឋបាលរបស់ក្រសួងបរិស្ថាន) ជូនរដ្ឋបាលថ្នាក់ក្រោមជាតិ នៅទីស្តីការក្រសួងបរិស្ថានថា នៅក្នុងរដ្ឋាភិបាលអណត្តិថ្មីនេះ ក្រសួងបរិស្ថាននឹងជំរុញបន្ថែមទៀតដល់ការអនុវត្តមុខងារតួនាទីគ្រប់វិស័យ ក៏ដូចជាការឆ្លើយតបទៅនឹងយុទ្ធសាស្រ្ត ដែលក្រសួងបានដាក់ចេញកន្លងមកទៅឱ្យថ្នាក់ក្រោមជាតិ និងពិភាក្សាគ្នាការអនុវត្តមុខងារសាធារណៈនេះទៅដល់ក្រុងទាំង២៦ និងស្រុក ក្នុងការជួយរដ្ឋបាលថ្នាក់ក្រោមជាតិក្នុងការគ្រប់គ្រងបរិស្ថាន ដូចជា ការគ្រប់គ្រងសំរាម ប្រព័ន្ធលូ ដើម្បីកិច្ចគាំពារបរិស្ថាន។ ឯកឧត្តម រដ្ឋមន្រ្តីក្រសួងបរិស្ថាន មានប្រសាន៍ដែរថា មុខងារសាធារណៈ គឺត្រូវមានការទទួលខុសត្រូវនូវអ្វី ដែលបានចែងក្នុងអនុក្រឹត្យក្នុងការកំណត់មុខងារសាធារណៈរបស់ក្រសួងបរិស្ថាន កំណត់មុខងារសាធារណៈរបស់មន្ទីរ ដែលជាសេនាធិការឱ្យថ្នាក់ខេត្តថា តើត្រូវប្រែក្លាយមុខងារយុទ្ធសាស្រ្ត និងយុទ្ធវិធីបែបណា ដើម្បីការអនុវត្ត ដើរឱ្យឆ្លើយតបទៅនឹងផែនការក្រសួង ធ្វើយ៉ាងណា ដើរឱ្យទាន់ទៅនឹងតម្រូវការសង្គម ដែលទាមទារឱ្យរដ្ឋបាលសាធារណៈនេះ មានភាពឈ្លៀសវៃ និងមានប្រសិទ្ធភាព ឆ្លើយតបបានឆាប់រហ័សទៅនឹងសេចក្តីត្រូវការរបស់សង្គមយើងបច្ចុប្បន្ន។ សូមបញ្ជាក់ថា កិច្ចប្រជុំវិមជ្ឈការ និងវិសហមជ្ឈការស្តីពីការផ្ទេរមុខងារ និងធនធាន(ការផ្តល់សេវារដ្ឋបាលរបស់ក្រសួងបរិស្ថាន) ជូនរដ្ឋបាលថ្នាក់ក្រោមជាតិ បានប្រព្រឹត្តទៅនៅព្រឹកថ្ងៃច័ន្ទ ១កើត ខែភទ្របទ ឆ្នាំច សំរឹទ្ធិស័ក ស.ព ២៥៦២ ត្រូវនឹងថ្ងៃ ទី១០ ខែកញ្ញា…