ភ្នំពេញ ៖ កម្លាំងប៉ុស្តិ៍នគរបាលជ័យជម្នះ និងកម្លាំងព្រហ្មទណ្ឌខណ្ឌដូនពេញ បានឃាត់អ្នករត់រ៉ឺម៉កម៉ូតូម្នាក់ និងបក្ខពួក៣នាក់ទៀត កាលពីរសៀលថ្ងៃទី៣០ ខែសីហា ឆ្នាំ២០១៨ ក្រោយពេលជនសង្ស័យម្នាក់ដឹកជនរងគ្រោះជាជនជាតិបរទេសទៅកន្លែងស្ងាត់ ដោយមានបក្ខពួក៣នាក់ទៀតនៅចាំ រួចប្រើកាំបិតចុងស្រួចគំរាមប្លន់យកទ្រព្យសម្បត្តិ ហើយព្យាយាមគេចខ្លួន កាលពីវេលាម៉ោង១ និង៣០នាទីរំលងអាធ្រាតឈានចូលថ្ងៃទី៣០ ខែសីហា ឆ្នាំ២០១៨ នៅចំណុចមុខផ្ទះលេខ២០Eo ផ្លូវលេខ១៥៤ ក្នុងសង្កាត់ជ័យជម្នះ ខណ្ឌដូនពេញ។ តាមប្រភពព័ត៌មានពីសមត្ថកិច្ចមូលដ្ឋានបានប្រាប់ដឹងថាទៀតថា ក្រុមជនសង្ស័យទាំង៤នាក់ ទី១-ឈ្មោះ មឿន កី ភេទប្រុស អាយុ២១ឆ្នាំ មុខរបររត់រ៉ឺម៉កម៉ូតូ ស្នាក់នៅផ្ទះជួល នៅភូមិសាមគ្គី សង្កាត់ឫស្សីកែវ ខណ្ឌឫស្សីកែវ (ជាមេក្លោង) ទី២-ឈ្មោះ ស៊ុ តុលា ភេទប្រុស អាយុ២៤ឆ្នាំ ស្នាក់នៅសង្លាត់ផ្សារកណ្តាល២ ខណ្ឌដូនពេញ ទី៣-ឈ្មោះ នង ម៉ានិត ភេទប្រុស អាយុ២៩ឆ្នាំ ស្នាក់នៅសង្កាត់ផ្សារចាស់ ខណ្ឌដូនពេញ និងទី៤-ឈ្មោះ ផាត់ វិច្ឆ័យ ភេទប្រុស អាយុ២០ឆ្នាំ មុខរបរ…

និស្សិតឆ្នាំទី៤ នៃសាកលវិទ្យាល័យអាស៊ីអឺរ៉ុប ចាប់អារម្មណ៍ខ្លាំងលើ ចង្វាក់ផលិតកម្មរោង ចក្រផលិតខ្សែភ្លើងរថយន្ត និងសក្តានុ ពលទេសចរបៃតងសិប្បនិមិត្តតំប​ន់អភិវឌ្ឍវិហារសួរ

​ក្រសួងបរិស្ថានមានការសោកស្តាយដែលគេហទំព័រវិទ្យុសំឡេងប្រជាធិបតេយ្យ VOD បានផ្សាយអត្ថបទព័ត៌មានមួយកាលពីថ្ងៃទី៣០ ខែសីហា ឆ្នាំ២០១៨ មានចំណងជើងថា «រដ្ឋ​មន្ត្រី​បរិសា្ថនស្នើទៅលោក ហ៊ុន សែន ឲ្យក្រុមហ៊ុនកាប់ឈើនៅក្នុងដីសម្បទានសេដ្ឋកិច្ច» ដែលមានចរិតញុះញង់ មួលបង្កាច់ខុសពីការពិត ក្នុងចេតនាទុច្ចរិតបំពុលសង្គម។ វិទ្យុនេះបំពេញការងារដោយគ្មានវិជ្ជាជីវៈសារព័ត៌មាន ចុះផ្សាយអត្ថបទរបស់ខ្លួនបែបលម្អៀង ដោយផ្តល់សំឡេងឱ្យតែក្រុមដែលមិនចង់ឃើញ និងមិនចង់បានសង្គមជាតិរស់ក្នុងភាពសុខដុមរមនីយកម្ម។​ឆ្លៀតឱកាសនេះ ក្រសួងបរិស្ថានសូមបំភ្លឺដល់សាធារណជនឱ្យបានជ្រាបថា៖១-យោងតាមនីតិវិធីច្បាប់ ក្រុមហ៊ុនដែលទទួលបានសម្បទានដីសេដ្ឋកិច្ច ចាំបាច់ត្រូវឈូសឆាយបោសសម្អាត ទីតាំងគម្រោងវិនិយោគសម្បទានដីសេដ្ឋកិច្ចរបស់ខ្លួន ដែលបានទទួលសិទ្ធិវិនិយោគពីរាជរដ្ឋាភិបាលដើម្បី អនុវត្តគម្រោងរបស់ខ្លួនឲ្យស្របទៅតាមផែនការមេ។ ការដឹកជញ្ជូនផល អនុផលព្រៃឈើពីការសម្អាត ការឈូសឆាយសម្អាតទីតាំងគម្រោងវិនិយោគសម្បទានដីសេដ្ឋកិច្ច ត្រូវបានធ្វើឡើងដោយមានការអនុញ្ញាតច្បាប់ត្រឹមត្រូវ។  ២-ដើម្បីទប់ស្កាត់ និងបង្ការជនឆ្លៀតឱកាសមួយចំនួនបំពុលបរិយាសក្នុងពេលដែលកម្ពុជារៀបចំការបោះឆ្នោតជ្រើសតាំងតំណាងរាស្ត្រនីតិកាលទី ៦ ក៏ដូចជាគ្រប់គ្រងនិងការពារធនធានធម្មជាតិឱ្យមានប្រសិទ្ធភាពខ្ពស់ ក្រសួងបរិស្ថានបានគោរពស្នើសុំរាជរដ្ឋាភិបាលកម្ពុជា ផ្អាកជាបណ្តោះអាសន្ននូវការចេញលិខិតអនុញ្ញាត ដឹកជញ្ជូនផល អនុផលព្រៃឈើពីការសម្អាត និងការឈូសឆាយសម្អាតទីតាំងគម្រោងវិនិយោគសម្បទានដីសេដ្ឋកិច្ច ហើយនឹងស្នើសុំបន្តសម្អាត និងឈូសឆាយសម្អាតទីតាំងគម្រោង វិនិយោគសម្បទានដីសេដ្ឋកិច្ចសាជាថ្មី នៅក្រោយពេលបោះឆ្នោតរួចរាល់ ។៣-ដូច្នេះ ការចុះផ្សាយនូវអត្ថបទព័ត៌មានរបស់ VOD នៅពេលនេះ​ គឺបានធ្វើឡើងក្នុងចេតនាបម្រើដល់របៀបវារៈនយោបាយរបស់ខ្លួនដូចសព្វមួយដង ព្រោះវិទ្យុនេះបានជ្រកក្រោមស្លាកវិទ្យុឯករាជ្យ និងវិជ្ជាជីវៈក្លែងក្លាយ ពោរពេញដោយភាពលម្អៀង ផ្សព្វផ្សាយព័ត៌មានដែលមានបង្កប់ដោយចេតនាទុច្ចរិតនិងព្យាយាមម្តងហើយម្តងទៀតបំផ្លាញសេចក្តីទុកចិត្តរបស់សាធារណជនមកលើរាជរដ្ឋាភិបាលកម្ពុជា។៤-ក្រសួងបរិស្ថានសូមគូសបញ្ជាក់សាជាថ្មីថា ចាប់តាំងពីឆ្នាំ២០១២ មក រាជរដ្ឋាភិបាលបានបញ្ឈប់ទាំងស្រុងនូវការផ្តល់សម្បទានដីសេដ្ឋកិច្ចថ្មីដល់ក្រុមហ៊ុនឯកជន។៥-ទន្ទឹមនឹងនេះ ក្រសួងនឹងបន្តខិតខំប្រឹងប្រែងបន្ថែមទៀត ក្នុងការបម្រើជាតិ និងប្រជាពលរដ្ឋខ្មែរ…

ភ្នំពេញ៖ លោកជំទាវកិត្ដិសង្គហបណ្ឌិត ម៉ែន សំអន សមាជិក អចិន្រ្តៃយ៍ នៃគណបក្សប្រជាជនកម្ពុជា បានជួបសំណេះ សំណាលជាមួយសមាជិក សមាជិកាគណបក្ស ប្រជាជនកម្ពុជាក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្និងក្រុមការងារ ដើម្បីថ្លែងអំណរគុណ  ដែល ខិតខំការងារក្នុងឱកាសបោះឆ្នោត កន្លងមក នៅមូលដ្ឋាន ហើយទទួលបានជោគជ័យ ។ លោកជំទាវកិត្ដិសង្គហបណ្ឌិត ម៉ែន សំអន បានជួបសំណេះ សំណាល ជាមួយសមាជិក គណបក្សប្រជាជនប្រមាណជាង២០០នាក់ នៅរាជធានីភ្នំពេញ កាលពីថ្ងៃសុក្រ ៥រោចខែស្រាពណ៏ ឆ្នាំចសំរឹទ្ធិស័កព.ស ២៥៦២ត្រូវនិងថ្ងៃទី៣១សីហា ឆ្នាំ២០១៨ ។លោកជំទាវកិត្ដិសង្គហបណ្ឌិត ម៉ែន សំអន បានបញ្ជាក់ថាដោយសារការខិតខំប្រឹងប្រែងរបស់បងប្អូនក្រុមការងារ នេះទើបធ្វើឲ្យ គណបក្សប្រជាជនកម្ពុជា បានទទួលការគាំទ្រច្រើនលើសលប់ រហូតឈ្នះនៅទូទាំងប្រទេស។ លោក ជំទាវកិត្តិសង្គហបណ្ឌិតបន្ដថា ការបោះឆ្នោតជាតិជ្រើសតាំងតំណាងរាស្រ្ត នីតិកាលពី០៦ នៅថ្ងៃទី២៩ ខែកញ្ញាឆ្នាំ២០១៨ កន្លងទៅ មានភាពល្អប្រសើរបង្ករលក្ខណៈងាយស្រួលដល់ប្រជាជនទៅចូលរួមបោះឆ្នោតបានទាន់ពេលវេលា ហើយសភាពការណ៍សន្តិសុខនយោបាយ សន្តិសុខសណ្តាប់ធ្នាប់សង្គមពុំមានអ្វីកើតឡើងគួរឱ្យគត់សម្គាល់នោះទេ នៅគ្រប់ការរិយាល័យទាំងអស់ គឺបានដំណើរការប្រក្រតីរហូតដល់ចប់ការបោះឆ្នោត​។ …