ខេត្តស្ទឹងត្រែង៖ នៅព្រឹកថ្ងៃទី៣០ ខែសីហា ឆ្នាំ២០១៨ អំណោយកាកបាទក្រហមកម្ពុជា ត្រូវបានឯកឧត្តមវេជ្ជ.អ៊ុយ សំអាត នាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជា នាំយកទៅចែកជូនប្រជាពលរដ្ឋចំនួន៤៧៧គ្រួសារដែលបានរងគ្រោះដោយសារទឹកជំនន់ នៅឃុំតាឡាត ស្រុកសេសាន ខេត្តស្ទឹងត្រែង។

ភ្នំពេញ៖ ជនសង្ស័យម្នាក់ត្រូវបានប្រជាពលរដ្ឋប្រទះឃើញចូលក្នុងផ្ទះដែលគេទុកចោលធ្វើសកម្មភាពលួចកាត់ខ្សែភ្លើង ក៏រាយការណ៍ប្រាប់សមត្ថកិច្ចមូលដ្ឋានចុះទៅព័ទ្ធចាប់ឃាត់ខ្លួនបានម្នាក់ ចំណែកបក្សពួក២នាក់ទៀតគេចខ្លួនបាត់។ ករណីនេះ កើតឡើងកាលពីម៉ោង១៤និង០០នាទីរសៀលថ្ងៃទី៣១ ខែសីហា ឆ្នាំ២០១៨នេះ នៅគល់ស្ពានអាកាសផ្សារដីហុយផ្នែកខាងជើង នៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។ ជនសង្ស័យឈ្មោះ ហុក ណារិន អាយុ១៨ឆ្នាំ មុខរបរមិនពិតប្រាកដស្នាក់នៅផ្លូវរ៉ារថភ្លើងក្នុងសង្កាត់ស្រះចក ខណ្ឌដូនពេញ។

បន្ទាយមានជ័យ៖ សមិទ្ធផលដែលចំណាយទឹកប្រាក់ជាង១០ម៉ឺនដុល្លាអាម៉េរិកជាសទ្ធារបស់ឯកឧត្ដម ឧបនាយករដ្ឋមន្ត្រី កែ គឹមយ៉ាន លោកជំទាវ ម៉ៅ ម៉ាល័យ កែគឹមយ៉ាន និងសប្បរសជនត្រូវបានកសាងជិតរូចរាល់ហើយ ក្នុងវត្តសុវណ្ណគីរី(ខ្លាកូនថ្មី) ស្ថិតក្នុងភូមិ ខ្លាកូនលើ សង្កាត់កំពុងស្វាយ ក្រុងសិរីសោភ័ណ ខេត្តបន្ទាយមានជ័យ។ នេះបើតាមឧកញ៉ា ហង្ស ស៊ីផា សមាជិកគណៈកម្មាធិការកណ្ដាល បក្សប្រជាជនកម្ពុជាខេត្តបន្ទាយមានជ័យ មានប្រសាសន៍ប្រាប់ ខណៈអញ្ជើញចុះពិនិត្យការដ្ឋានសាងសង់កាលពីថ្ងៃទី៣១ ខែសីហា ឆ្នាំ២០១៨នេះ។

កាលពីពេលថ្មីៗនេះ នៅវត្តព្រៃខ្លូត ស្រុករុក្ខគីរី ខេត្តបាត់ដំបង ឯកឧត្តម ងួន រតនៈ អភិបាលខេត្តបាត់ដំបង និងអមដំណើរដោយឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខាកាកបាទក្រហមខេត្តបាត់ដំបងនិងជាអនុប្រធានគណៈកម្មាធិការគ្រោះមហន្តរាយខេត្ត បានអញ្ជើញចុះសាកសួរសុខទុក្ខ និងនាំយកអំណោយមនុស្សធម៌របស់សាខាកាកបាទក្រហមកម្ពុជាខេត្ត និងគណៈកម្មាធិកាជាតិគ្រប់គ្រងគ្រោះមហន្តរាយ ដើម្បីចែកជូនដល់គ្រួសារក្រីក្រ ដែលបានទទួលរងដោយគ្រោះរាំងស្ងួតសរុបចំនួន១៥០គ្រួសារ។ ក្រុមគ្រួសារក្រីក្រ ដែលទទួលរងដោយគ្រោះរាំងស្ងួតចំនួន១៥០គ្រួសារ មកពីឃុំចំនួន៥ នៃស្រុករុក្ខគីរី ក្នុងនោះមាន៖ ឃុំព្រៃជីក ព្រៃត្រឡាច បាសាក់ មុខរាណ៍ និងឃុំស្តុកប្រវឹក។

នៅព្រឹកថ្ងៃទី៣១ ខែសីហា ឆ្នាំ២០១៨នេះ នៅក្នុងកិច្ចប្រជុំសាមញ្ញលើកទី៥១អាណត្តិទី២ របស់ក្រុមប្រឹក្សាខណ្ឌ លោកប្រធានក្រុមប្រឹក្សាខណ្ឌច្បារអំពៅ អ៊ុ ម៉ារ៉េត បានស្នើដល់គណៈអភិបាលខណ្ឌ បន្តណែនាំដល់កម្លាំងនគរបាល ចៅសង្កាត់ និងមន្ត្រីគ្រប់លំដាប់ថ្នាក់សូមត្រៀមលក្ខណៈមធ្យោបាយសង្គ្រោះ និង រកទីទួលសុវត្ថិភាពទុកឲ្យហើយ ដើម្បីត្រៀមសង្គ្រោះជម្លៀសបងប្អូនប្រជាពលរដ្ឋ ដែលរងគ្រោះដោយសារជំនន់ទឹកទន្លេ។ ក្នុងរយៈពេលប៉ុន្មានថ្ងៃនេះ ទឹកទន្លេបានហូរចូលភូមិឋានបណ្តើរៗហើយ ដូចជា នៅសង្កាត់និរោធ ក៏ដូចជាសង្កាត់ទាំង៧ ផ្សេងទៀត ក្នុងខណ្ឌច្បារអំពៅ ជាពិសេសប្រជាពលរដ្ឋដែលមានលំនៅដ្ឋានរស់នៅតាមដងទន្លេ ដោយឲ្យប្រជាពលរដ្ឋមានការប្រុងប្រយ័ត្នខ្ពស់។ ក្រៅពីអំពាវនាវឲ្យមានការប្រុងប្រយ័ត្នបញ្ហាទឹកលិចនេះ លោកអ៊ុ ម៉ារ៉េត ក៏មិនភ្លេចពីបញ្ហាសណ្តាប់ធ្នាប់សាធារណៈ ការចាប់ម៉ូយរថយន្តតាក់ស៊ី លើផ្លូវជាតិលេខ១ បញ្ហាផ្សារព្រែកឯង ដែលលក់ទំនិញហៀរមកលើទ្រូងផ្លូវឡើងវិញ។

ភ្នំពេញ៖ សាលាដំបូងរាជធានីភ្នំពេញ នៅព្រឹកថ្ងៃទី៣១ ខែសីហា ឆ្នាំ២០១៨ បានលើកយកសំណុំរឿងបុរសជនជាតិអូស្ត្រាលីម្នាក់ ដែលកំពុងជាប់ឃុំ ពាក់ព័ន្ធនឹងបទចោទ «ប្រមូលផ្តុំព័ត៌មានជាអាទិ៍ ដែលអាចធ្វើឲ្យអន្តរាយការការពារជាតិ អំពើទទួល ឬប្រមូលផ្តុំដើម្បីផ្តល់ព័ត៌មានវិទ្យាដែលអាចធ្វើឲ្យអន្តរាយ ការការពារជាតិ» ដោយសម្រេចដាក់ពន្ធនាគារកំណត់៦ឆ្នាំ គិតពីថ្ងៃចាប់ខ្លូន តែទុកសិទ្ធិប្តឹងឧទ្ធរណ៍តាមកំណត់ច្បាប់។