រាជធានីភ្នំពេញ ៖ នៅព្រឹកថ្ងៃទី២៩ ខែសីហា ឆ្នាំ២០១៨នេះ លោក ពេជ្រ វិជ្ជាធរ ចៅក្រមស៊ើបសួរ នៃសាលាដំបូងរាជធានីភ្នំពេញ បានសម្រេចចេញដីកាបង្គាប់ឲ្យឃុំខ្លួនសង្ស័យឈ្មោះ ផេន រតនា អាយុ២២ឆ្នាំ ដាក់ពន្ធនាគារព្រៃសរ រង់ចាំការជំនុំជម្រះទោស តាមនីតិវិធីនៅពេលក្រោយ។

ខេត្តបន្ទាយមានជ័យ៖ កាលពីវេលាម៉ោង០៧និង៣០នាទី ថ្ងៃទី២៨ ខែសីហា ឆ្នាំ២០១៨ កម្លាំងអាវុធហត្ថបានចុះប្រតិបត្តិការបង្រ្កាបបានជនសង្ស័យម្នាក់ ក្នុងករណីជួញដូរគ្រឿងញៀន នៅចំណុចផ្លូវជាតិលេខ៥៩ ស្ថិតនៅភូមិអូរស្អំ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ និងបានដកហូតវត្ថុតាងរួមមាន គ្រឿងញៀនមេតំហ្វេតាមីនគ្រាប់ចំនួន១,០០៧គ្រាប់ ទូរសព្ទ១គ្រឿង ម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៤ មួយគ្រឿង។

នារសៀលថ្ងៃទី២៩ ខែសីហា ឆ្នាំ២០១៨ វេលាម៉ោង១៥:០០នាទី នៅវិមានព្រឹទ្ធសភា ឯកឧត្តម ទេព ងន អនុប្រធានទី២ព្រឹទ្ធសភា នៃព្រះរាជាណាចក្រកម្ពុជា បានអនុញ្ញាតឯកឧត្តម LI Xiaoan អនុប្រធានគណៈកម្មាធិការសភាប្រឹក្សានយោបាយប្រជាជនចិន ប្រចាំខេត្តឡៅនីង នៃសាធារណរដ្ឋប្រជាមានិតចិន ចូលជួបសម្តែងការគួរសម ក្នុងឱកាសដែលឯកឧត្តមដឹកនាំគណៈប្រតិភូមកបំពេញទស្សនកិច្ចនៅព្រះរាជាណាចក្រកម្ពុជា៕

កំពង់ស្ពឺ៖ មេបញ្ជាការកងរាជអាវុធហត្ថខេត្តកំពង់ស្ពឺ ដាក់បទបញ្ជាឲ្យកងកម្លាំងអាវុធហត្ថខេត្ត ពង្រឹងសាមគ្គីភាពផ្ទៃក្នុង ប្រឹងប្រែងការពារឲ្យបាននូវករណីចោរកម្ម និងស្រាវជ្រាវបង្ក្រាបមេក្លោងជួញដូរគ្រឿងញៀន ដែលកំពុងលាក់ខ្លួនតាមមូលដ្ឋាន។ ការដាក់បទបញ្ជានេះបានលើកឡើង ក្នុងពេលដែល ឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺ អញ្ជើញក្នុងពិធីប្រជុំត្រួតពិនិត្យការអនុវត្តតួនាទី ភារកិច្ច និងការងារកងរាជអាវុធហត្ថ ប្រចាំខែសីហា និងដាក់ទិសដៅខែកញ្ញា ឆ្នាំ២០១៨ កាលពីព្រឹកថ្ងៃទី២៩ ខែសីហា ឆ្នាំ២០១៨ ដែលមានការចូលរួមពីមេបញ្ជាការរង សេនាធិការដ្ឋាន ប្រធានមន្ទីរ នាយការិយាល័យ មេបញ្ជាការមូលដ្ឋានក្រុង-ស្រុក ប្រធានស្នាក់ការសន្តិសុខ ចំណុះបញ្ជាការដ្ឋានកងរាជអាវុធហត្ថទាំងអស់។ ឧត្តមសេនីយ៍ត្រី ជូ សារុន បានលើកឡើងថា តាមបណ្តាមូលដ្ឋានក្រុង-ស្រុក ប្រធានស្នាក់ការសន្តិសុខ ចាប់ផ្តើមអប់រំកែប្រែក្រុមជនទំនើងតាមមូលដ្ឋាន ត្រូវប្រើកម្លាំងល្បាតជាប្រចាំ តាមតំបន់នានា និងត្រូវបង្កើនការស្រាវជ្រាវបង្ក្រាបបទល្មើសព្រៃឈើ ហើយគ្រប់កិច្ចការបង្ក្រាបសំដៅចាប់យកមកជនសង្ស័យ និងវត្ថុតាងដើម្បីផ្តន្ទាទោសតាមច្បាប់ផងដែរ។ មេបញ្ជាការបានសង្កត់ធ្ងន់ថា ដោយសារតែការបោះឆ្នោតនីតិកាលទី៦ បានកន្លងផុតទៅប្រកបដោយមោទកភាព និងមានសុវត្ថិភាព ឯកភាពជាតិ ដូច្នេះក្នុងនាមយើងជាកងកម្លាំងត្រូវបន្តពង្រឹងការងារការពារសន្តិសុខ សុវត្ថិភាព ជូនជាតិមាតុភូមិ ជូនប្រជាជនរបស់យើងឲ្យបានប្រសើរ១០០%៕

តំណាងអង្គការកម្មវិធីស្បៀងអាហារពិភពលោក (World Food Programme) លោកស្រី ណាន់ស៊ី វលធើ (Nancy Walters) បាន ចាត់ទុកកម្ពុជា ជាប្រទេសគំរូ ចំពោះការរក្សាបាននូវស្ថិរភាពម៉ាក្រូសេដ្ឋកិច្ច និងកំណើនសេដ្ឋកិច្ច ក្នុងឱកាសដែលលោកស្រី ចូលជួបឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ នារសៀលថ្ងៃទី២៨ ខែសីហាម្សិលមិញ។