រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ឯកឧត្តម ប្រាក់ សុខុន  បានបញ្ជាក់ថារហូតមកដល់ពេលនេះចំណងទាក់ទង កិច្ចសហការ និងប្រពៃណី រវាងប្រទេសទាំងពីរ កម្ពុជា-ឥណ្ឌា កាន់តែមានភាពស៊ីជម្រៅ ព្រោះឥណ្ឌាធ្លាប់បានចូលរួមចំណែកក្នុងការសាងប្រទេសកម្ពុជាជាមួយបណ្តាប្រទេសមួយចំនួនទៀត ចាប់តាំងពីទស្សវត្សឆ្នាំ៨០មក។ នេះជាការលើកឡើងរបស់ឯកឧត្តមទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ  បានលើកឡើងក្នុងឱកាសទទួលជួបជាមួយលោកជំទាវ Shusma Swara រដ្ឋមន្ត្រីការបរទេសនៃសាធារណៈរដ្ឋឥណ្ឌា ក្នុងឱកាសដែលលោកជំទាវមកបំពេញទស្សនកិច្ចផ្លូវការជាលើកដំបូងនៅព្រះរាជាណាចក្រកម្ពុជា នៅព្រឹកថ្ងៃទី ២៩ ខែសីហា ឆ្នាំ២០១៨ នេះ នាទីស្តីការក្រសួងការបរទេស និងសហប្រតិបត្តិការអន្តរជាតិ។

មជ្ឈមណ្ឌលផលិតភាពជាតិ នៃក្រសួងឧស្សាហកម្ម និងសិប្បកម្ម បានរៀបចំបើកសិក្ខាសាលាផ្សព្វផ្សាយពានរង្វាន់ ស៥ ប្រចាំឆ្នាំ២០១៨  ក្រោមអធិបតីភាពឯកឧត្តម ភោគ សុវណ្ណរិទ្ធិ  រដ្ឋលេខាធិការក្រសួងឧស្សាហកម្ម និងសិប្បកម្ម តំណាងឯកឧត្តមកិត្តិសេដ្ឋាបណ្ឌិត ចម ប្រសិទ្ធ រដ្ឋមន្រ្តីក្រសួងឧស្សាហកម្ម និងសិប្បកម្ម នាព្រឹកថ្ងៃអង្គារ៍ ២រោច ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៨ ខែសីហា ឆ្នាំ២០១៨ ។

នាព្រឹកថ្ងៃទី២៩ ខែសីហា ឆ្នាំ២០១៨ វេលាម៉ោង៩:០០នាទី នៅវិមានព្រឹទ្ធសភា សម្តេចវិបុលសេនាភក្តី  សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឲ្យគណៈប្រតិភូក្រសួងទំនាក់ទំនងអន្តរជាតិ នៃគណៈកម្មាធិការមជ្ឈិមបក្សកុម្មុយនីស្ត ចិន ដឹកនាំដោយឯកឧត្តម សួង ថោ (SONG TOA) រដ្ឋមន្ត្រីក្រសួងទំនាក់ទំនងអន្តរជាតិនៃគណៈកម្មាធិការមជ្ឈិមបក្សកុម្មុយនីស្តចិន ចូលជួបសម្តែងការគួរសម ក្នុងឱកាសដែលឯកឧត្តមដឹកនាំគណៈប្រតិភូមកបំពេញទស្សនកិច្ចនៅព្រះរាជាណាចក្រកម្ពុជា។

ភ្នំពេញ៖ ជនសង្ស័យ៥នាក់ត្រូវបានកម្លាំងនគរបាលខណ្ឌច្បារអំពៅចាប់ខ្លួនបានជាបន្តបន្ទប់ពាក់ព័ន្ធបទល្មើសផ្សេងៗគ្នា ក្នុងនោះជនសង្ស័យ៤នាក់ពាក់ព័ន្ធបទល្មើសរក្សាទុកដោយខុសច្បាប់នូវសារធាតុញៀន  និងជនសង្ស័យម្នាក់ទៀតពាក់ព័ន្ធបទល្មើសគ្រឿង ញៀនលួចដោះខ្នោះដៃហើយលោតចេញពីរថយន្តរបស់សមត្ថកិច្ច​នៅពេលដែលសមត្ថកិច្ចដឹកយកទៅឃុំខ្លួនបណ្តោះអាសន្ននៅពន្ធនាគារព្រៃសកាលពីចុងឆ្នាំ២០១៧​កន្លងទៅ។ ករណីចាប់ខ្លួនជនសង្ស័យទាំង៥នាក់នេះបានធ្វើឡើងពេញមួយថ្ងៃទី២៧ ខែសីហា ឆ្នាំ២០១៨ នៅចំនុចផ្សេងគ្នា ក្នុងភូមិសាស្ត្រខណ្ឌច្បារអំពៅ។  ករណីទី១)ជនសង្ស័យម្នាក់ត្រូវបានកម្លាំងនគរបាលប៉ុស្តិ៍ព្រែកឯងចាប់ខ្លួន  ទៅតាមដីកាបង្គាប់ឲ្យចាប់ខ្លួនលេខ ៨២៦ “ឡ” ដចន ចុះថ្ងៃទី៣០ ខែ តុលា ឆ្នាំ២០១៧ ចេញដោយលោក ជា សុច័ន្ទដេត ចៅក្រមជំនុំជម្រះសាលាដំបូង រាជធានីភ្នំពេញ ពីបទ៖ ហិង្សាប្រព្រឹត្ត ដោយសហព័ទ្ធ ឬ អនីតិសង្វាសជន ប្រព្រឹត្តនៅចំណុចផ្លូវលំ ភូមិចុងព្រែក សង្កាត់ ព្រែកឯង ខណ្ឌច្បារអំពៅ រាជធានីភ្នំពេញ កាលពីថ្ងៃទី ២៤ ខែធ្នូ ឆ្នាំ២០១៥។​ ជនល្មើសឈ្មោះតុប ម៉ៅ ហៅ តុប វុទ្ធី ភេទប្រុស អាយុ៣៤ឆ្នាំ ជនជាតិខ្មែរ មុខរបរ មិនពិតប្រាកដមានទីលំនៅ បច្ចុប្បន្នផ្ទះគ្មានលេខ ផ្លូវលំ ភូមិចុងព្រែក សង្កាត់ព្រែកឯង។ …

ភ្នំពេញ៖ បុរសម្នាក់រងរបួសធ្ងន់ ត្រូវបានក្រុមសង្រ្គោះរបស់អង្គភាព ៧១១ ចេញទៅអន្តរាគមន៍ បន្ទាប់ពីជនរងគ្រោះកំពុងជិះម៉ូតូតាមផ្លូវ ត្រូវបានគ្រឿងចក្រ ប្រភេទឡេកាទ័រ ( សម្រាប់លើកដាក់អីវ៉ាន់ ) បើកថយមកបុក  បណ្តាលឲ្យដួល ហើយបើករត់គេចទៅក្នុងភូមិបាត់ ប៉ូលីស ពលរដ្ឋ ជួយតាមស្វែងរកតែមិនឃើញ កាលពីវេលាម៉ោង៨​និង៤០នាទីព្រឹក ថ្ងៃទី២៩ ខែសីហា ឆ្នាំ២០១៨ ស្ថិងនៅតាមផ្លូវជាតិលេខ៣ ភូមិព្រៃព្រីងត្បូង១ សង្កាត់ចោមចៅ២ ខណ្ឌពោធិ៍សែនជ័យ។