(ស្ទឹងត្រែង)៖ ឯកឧត្តម វ៉ី សំណាង អភិបាលខេត្តកំពង់ស្ពឺ និងឯកឧត្តម យឹម សុខុម ប្រធានក្រុមប្រឹក្សាខេត្តកំពង់ស្ពឺ មន្ត្រីរាជការគ្រប់មន្ទីរអង្គភាព ជុំវិញខេត្ត បានអញ្ជើញចុះសួរសុខទុក្ខ និងនាំយកអំណោយទៅចែកជូនគ្រួសារ រងគ្រោះដោយជំនន់ទឹកភ្លៀងចំនួន៤០០គ្រួសារ មកពីភូមិមួយចំនួនរបស់ក្រុង-ខេត្តស្ទឹងត្រែង។ឯកឧត្តម វ៉ី សំណាង បានឲ្យដឹងថា អំណោយដែលបាននាំយកទៅចែកជូនបងប្អូន ប្រជាពលរដ្ឋនាពេលនេះ គឺជាការរួមចំណែកពីមន្ត្រីរាជការ កងកម្លាំងប្រដាប់អាវុធ ប្រជាពលរដ្ឋ ព្រមទាំងសប្បុរសជនផ្សេងៗ ក្នុងលក្ខណៈការងារមនុស្សធម៌ ដើម្បីយកមកជួយបងប្អូននាថ្ងៃនេះ។ ឯកឧត្តមអភិបាលខេត្ត បានបន្តថា ខេត្តកំពង់ស្ពឺក៏បានទទួលរងគ្រោះទឹកជំនន់ តែប៉ះពាល់តិចតួចជាងអ្នកខេត្តស្ទឹងត្រែង ដូច្នេះហើយក្នុងនាមរដ្ឋបាលខេត្តកំពង់ស្ពឺ បានកៀរគរសប្បុរសជនជាច្រើនចូលរួម និងនាំមកចែកជូននាពេលនេះ ដែលក្នុងនោះរួមមាន៖ អង្ករ, មី, និងត្រីខ ដោយក្នុងមួយគ្រួសារទទួលបានស្មើៗគ្នា៕

ប៉ុន្មានថ្ងៃនេះ បណ្តាស្រុកមួយចំនួនក្នុងខេត្តបាត់ដំបងកំពុងទទួលរងផលប៉ះពាល់ដោយគ្រោះរាំងស្ងួត មិនបាន ទទួលទឹកភ្លៀងគ្រប់គ្រាន់ វាបានបង្កធ្វើឲ្យការដាំដុះដំណាំ ស្រូវមួយចំនួន បានរងនូវការប៉ះពាល់ធ្ងន់ធ្ងរដល់ការដាំដុះដំណាំស្រូវរដូវវស្សាក្នុងស្រុក។ ហើយត្រូវបានអាជ្ញាធររដ្ឋ បាលស្រុកនៅទីនោះ មានការកង្វល់ខ្លាំង។ តែកង្វល់ទាំង នោះ ត្រូវបានធូរស្រាលទៅវិញដោយសារតែនៅតាមបណ្តាស្រុករងផលប៉ះពាល់ទាំងនោះ ទទួលបាននូវទឹកភ្លៀងជា បន្តបន្ទាប់ធ្វើឲ្យការដាំដុះដំណាំស្រូវពួកគាត់បានធូរស្រាលមួយកម្រឹត។ហើយស្រុកដែលត្អូញត្អែរពីគ្រោះរាំងស្ងួតកន្លងមកនេះ រួមមាន៖ ស្រុកគាស់ក្រឡ និង ស្រុករុក្ខគីរី ។        ដោយមើលឃើញពីការកង្វល់និងបារម្ភពីផលប៉ះពា ល់ដោយគ្រោះរាំងស្ងួត និងក្តីកង្វល់កង្វះទឹកស្រោចស្រពដំណាំស្រូវ របស់ បងប្អូនប្រជាកសិករ ទាំងនោះ ឯ.ឧ ងួន រតនៈ អភិបាលខេត្តបាត់ដំបង អមដំណើរដោយ ឯ.ឧ ប៉ោ ទ្រី ឌឿន ទីប្រឹក្សាសម្តេចក្រឡាហោម សខេង និងជាប្រធានមន្ទីរសេដ្ឋកិច្ចនិងហិរញ្ញវត្ថុខេត្តបាត់ដំបង ឯ.ឧអភិបាល រងខេត្តនិងថ្នាក់ដឹកនាំមន្ទីរជំនាញពាក់ព័ន្ធសំខាន់ៗមួយចំនួនជាពិសេសលោក ឡុង ផលគុណ ប្រធានមន្ទីរធនធានទឹកនិងឧតុនិយមខេត្តបាត់ដំបង ព្រមទាំងអាជ្ញាធរស្រុកពាក់ព័ន្ធនៅទីនោះ។ បានចុះត្រួតពិនិត្យមើលពីវឌ្ឍនភាព នៃសក្តានុពលប្រព័ន្ធធារាសាស្ត្រ”ទំនប់ទឹកអាងកង្ហត” ដែលស្ថិតនៅក្នុងស្រុកបាណន់ ខេត្តបាត់ដំបង និងផ្តោតចុះត្រួតពិនិត្យ នូវ ប្រព័ន្ធប្រឡាយមេរ ដែលជាប្រឡាយធ្វើការបែងចែកទៅកាន់បណ្តាស្រុក-ក្រុងមួយចំនួន។ជាពិសេស តាមបណ្តាស្រុកចំនួន០៤រួមមានស្រុកបាណន់,គាស់ក្រឡ,មោងឫស្សី និងស្រុកសង្កែ…

ខេត្តពោធិ៍សាត់៖ នៅវេលាម៉ោង១១និង៣០នាទីព្រឹក ថ្ងៃទី១១ ខែសីហា ឆ្នាំ២០១៨ ស្ថិតនៅភូមិអិស្លាម សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់ផ្ទះប្រជាពលរដ្ឋមួយខ្នងត្រូវអគ្គិភ័យឆាបឆេះអស់ទាំងស្រុង។ ហេតុការណ៍នេះគេនៅមិនទាន់ដឹងពីមូលហេតុបណ្តាលឲ្យកើតឡើងនៅឡើយទេ។ប្រភពក្រៅផ្លូវការនិយាយថា នៅមុនកើតហេតុ ក្រុមគ្រួសារមានការឈ្លោះទាស់ទែងគ្នា​ (ដណ្តើមកេរ្តិ៍) ក៏ស្រាប់តែមួយសន្ទុះ កើតមានអគ្គិភ័យតែម្តង។ ពេលនេះសមត្ថកិច្ចបាននិងកំពុងស៊ើបអង្កេត​រកមូលហេតុ៕ 

វិស័យទេសចរណ៏គឺបានចូលរួមយ៉ាងសំខាន់ក្នុងការរួមចំណែក ការកាត់បន្ថយភាពក្រីក្រ បង្កើនឱកាសការងារ និងបង្កើនប្រាក់ចំណូលជូនប្រជាពលរដ្ឋនៅក្នុងមូលដ្ឋាន នេះជាការលើកឡើងរបស់លោកស្រី ហ៊ុន កុសនី អភិបាលរងខេត្តកណ្តាល ក្នុងឱកាសដែលលោកស្រីអញ្ជើញជាអធិបតីក្នុងពិធីបញ្ជ្រាបការយល់ដឹង និងសម្អាតអនាម័យបរិស្ថាន នៅរមណីយដ្ឋានវត្តកៀនស្វាយក្រៅ នាព្រឹកថ្ងៃទី១១ ខែសីហា ឆ្នាំ២០១៨។ ពីធីនេះដែរក៏មានការអញ្ជើញចូលរួម មន្ទីរអង្គភាពជំនាញជុំវិញខេត្ត កងកម្លាំងទាំង៣ អាជ្ញាធរស្រុក ប្រជាពលរដ្ឋ និងសិស្សានុសិស្ស ជាង១ពាន់នាក់។

សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃសៅរ៍ ទី១១ ខែសីហា ឆ្នាំ២០១៨ នេះ អញ្ជើញចុះសាកសួរសុខទុក្ខ នឹងចែក​អំណោយ​​​សប្បុរសធម៌ជូន ប្រជាពលរដ្ឋ ដែលរងគ្រោះដោយទឹកជំនន់ ចំនួន២ពាន់៦៧១គ្រួសារ។

ភ្នំពេញ​៖​មន្ត្រី​ខណ្ឌ​ច្បារ​អំពៅ​ បញ្ជាក់​ថា​ សង្កាត់​វាលស្បូវ​និង​សង្កាត់​ព្រែក​ថ្មី​ ក្នុង​ខណ្ឌ​ច្បារ​អំពៅ​ ប្រឈម​នឹង​បញ្ហា​លិចលង់​ដោយសារ​គ្រោះ​ទឹក​ជំនន់​ ។ បណ្តា​ខេត្ត​មួយ​ចំនួន​ទៀត​ ក្នុង​ប្រទេស​កម្ពុជា​ ក៏​កំពុង​រងគ្រោះ​ដោយសារ​ទឹក​ជំនន់​នេះ​ផង​ ។