សៀមរាប៖ កម្ពុជានៅមានសម្តេចតេជោ ហ៊ុន សែន ប្រមុខដឹកនាំកម្ពុជានឹងកាន់តែមានភាពរីកចម្រើន សម្តេចពិជ័យសេនា ទៀ បាញ់ សមាជិកអចិន្រ្តៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលចុះជួយខេត្តសៀមរាប នៅក្នុងឱកាលជួបសំណេះ សំណាលជាមួយសមាជិកសមាជិកកាគណបក្សប្រជាជនកម្ពុជាប្រមាណជាង១៥០០នាក់ នៅស្នាក់ការបក្សស្រុកអង្គរធំខេត្តសៀមរាប នារសៀលថ្ងៃទី១៦ ខែកក្កដា ឆ្នាំ២០១៨នេះ។ សម្តេចបានអំពាវនាវឲ្យប្រជាពលរដ្ឋដែលគ្រប់អាយុបោះឆ្នោត មានឈ្មោះក្នុងបញ្ជីឈ្មោះបោះឆ្នោត សូមអញ្ជើញទៅបោះឆ្នោតជ្រើសតាំងតំណាងរាស្ត្រ នីតិកាលទី៦ នៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ ឲ្យបានគ្រប់ៗគ្នា ។

ឧត្តរមានជ័យ៖ ថ្ងៃបោះឆ្នោតជ្រើសតាំងតំណាងរាស្រ្ដនីតិកាលទី៦ កាន់តែខិតមកជិតដល់   នាព្រឹកថ្ងៃ   ទី១៦ ខែកក្កដា ឆ្នាំ២០១៨ លោកវរៈសេនីយ៍ឯកស៊ុ សារឿន មេបញ្ជាការនគបាលវរៈការពារព្រំដែនគោកលេខ៩០៥ បានបើកកិច្ចប្រជុំប្រចាំខែ ដើម្បីផ្សព្វផ្សាយផែនការមួយចំនួនដល់កងកម្លាំង និងគ្រួសារ  ដើម្បីត្រៀមឯកសារទៅបោះឆ្នោតឱ្យបានគ្រប់ៗគ្នា។នៅក្នុងកិច្ចប្រជុំនេះ ក៏មានការអញ្ជើញចូលរួមពីលោកមេបញ្ជាការរងទាំង០៤ នាយ នាយរងផ្នែក និងប៉ុស្តិ៍ សរុប២៤នាក់។

ឯកឧត្តម សួស គង់ សមាជិកគណៈកម្មាធិការកណ្តាលគណបក្សប្រជាជនកម្ពុជា    និងជាអនុប្រធានទី១ ក្រុមការងារថ្នាក់កណ្តាលចុះជួយស្រុកភ្នំស្រួច ដោយមានការអញ្ជើញចូលរួមពីសំណាក់ ឯកឧត្តម ប៉ុក ម៉ាន់នី អនុប្រធានក្រុមការងារថ្នាក់កណ្តាលចុះជួយស្រុកភ្នំស្រួច លោក ពេជ្រ ចន្ថា ប្រធានគណបក្សស្រុកភ្នំស្រួច  ឯកឧត្តម  សែម សារឿន  អនុប្រធានក្រុមការងារថ្នាក់កណ្តាលចុះជួយឃុំត្រែងត្រយឹង ព្រមទាំងមន្រ្តីក្រុមការងារចុះជួយឃុំត្រែងត្រយឹងជាច្រើនរូបទៀត បានអញ្ជើញចុះជួបសំណេះសំណាលជាមួយសមាជិក សមាជិកាបក្សចំនួន៥៣៥នាក់ ស្រី៣២១នាក់ មកពី០៦ភូមិ នៅវត្តពេជ្រនិល  ស្ថិតនៅភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កាលពីព្រឹកថ្ងៃទី១៦ ខែកក្តដា ឆ្នាំ២០១៨។ 

នៅព្រឹកថ្ងៃចន្ទ ៤កើត ខែទុតិយាសាឍ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី១៦ ខែកក្កដា ឆ្នាំ២០១៨ ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ បានអំពាវនាវដល់បងប្អូនប្រជាពលរដ្ឋ មន្ត្រីរាជការ កងកម្លាំងប្រដាប់អាវុធ និងវិស័យឯកជន ឲ្យចូលរួមយ៉ាងសកម្មក្នុងសកម្មភាពថែរក្សា ការពារ អភិរក្ស និងបង្កើន ធនធានជលផលទឹកសាប ក្នុងបឹងធម្មជាតិឲ្យកាន់តែសម្បូរឡើងថែមទៀត ដើម្បីរួមចំណែកលើកកម្ពស់ជីវភាពរបស់ប្រជាពលរដ្ឋនៅតាមមូលដ្ឋាន។

ភ្នំពេញៈ នារីម្នាក់ត្រូវបានក្រុមចោរធ្វើសកម្មភាពឆក់ការបូប បានសម្រេច និងមិនបង្កឲ្យមានការភ្ងាក់ផ្អើល ដល់សមត្ថកិច្ចមូលដ្ឋានឡើយ។ ហេតុណ៍នេះបានកើតឡើងកាលពីវេលាម៉ោង៣និង៥៥នាទី ថ្ងៃទី១៦ ខែកក្កដា ឆ្នាំ២០១៨ ស្ថិតនៅតាមបណ្តាយផ្លូវ២០០៤ ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។ ជនរងគ្រោះមានឈ្មោះ ពៅ មានទីលំនៅជម្ពូតវ័ន សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

នៅព្រឹកថ្ងៃទី១៦ ខែកក្កដា ឆ្នាំ២០១៨នេះ លោក ឡុង ផលគុណ ប្រធានមន្ទីរធនធានទឹក និងឧតុនិយម ខេត្តបាត់ដំបង បានអំពាវនាវតាមរយៈបណ្តាញព័ត៌មានទូរទស្សន៍អប្សរា និងបណ្តាញព័ត៌មានក្នុងខេត្ត ដើម្បីជូនដំណឹងដល់បងប្អូនប្រជាពលរដ្ឋ ដែលកំពុងរស់នៅប្របតាមដងស្ទឹងសង្កែ និងប្រកបនូវមុខរបរតាមដងស្ទឹងមួយនេះ ឲ្យបង្កើននូវការប្រុងប្រយ័ត្នខ្ពស់ នៅក្នុងខណៈពេលដែលកម្ពស់ទឹកស្ទឹងកំពុងតែបន្តជន់ឡើងយ៉ាងគំហុក ចាប់តាំងពីយប់ថ្ងៃទី១៥ម្សិលមិញនេះ ហើយនៅព្រឹកថ្ងៃទី១៦នេះ ជំនន់ទឹកស្ទឹងសង្កែគឺនៅតែបន្តជន់ឡើងដោយឥតឈប់ឈរ បង្កឲ្យមន្ត្រីជំនាញមានការកង្វល់ពីការប្រុងប្រយ័ត្នបន្ថែមទៀត នូវហានិភ័យ និងគ្រោះថ្នាក់កើតឡើងបានដោយហេតុថានៅផ្នែកក្បាលស្ទឹងខាងលើ គឺបន្តមានភ្លៀងធ្លាក់ជោគជាំ ចាប់តាំងពីថ្ងៃទី១៤ ខែកក្កដា រហូតមក បានធ្វើឲ្យកម្ពស់ទឹកភ្លៀងនៅទីនោះ មានកម្ពស់ទឹករហូត៦០មីល្លីម៉ែត្រ។

ភ្នំពេញ៖ រថយន្ដធុនធំ១គ្រឿង បើកចេញទៅបាត់ស្រមោល ដោយរងការខូចខាតបន្តិចបន្តួចប៉ុណ្ណោះ បន្ទាប់ពីឈប់ស្ងៀមដោយសារស្ទះផ្លូវ ស្រាប់តែត្រូវរថយន្តម៉ាក HINO ២គ្រឿងទៀតបើកជ្រុលចង្កូតមកបុកបន្តកន្ទុយគ្នា រងការខូចខាតខ្ទេចមួយកំណាត់មុខយ៉ាងដំណំ តែសំណាងល្អមិនមានអ្នករងរបួស។ ហេតុការណ៍ បុកបន្តកន្ទុយគ្នានេះ កើតឡើនៅតាមបណ្តោយផ្លូវទំបន់កប់ស្រូវ ភូមិទួលសំពៅ សង្កាត់គោករកា ខណ្ឌព្រែកព្នៅ រាជធានីភ្នំពេញ នាព្រឹកថ្ងៃទី១៦ ខែកក្កដា ឆ្នាំ២០១៨នេះ។

ខេត្តកណ្តាល ៖ ក្រុមចោរប្លន់ដោយប្រើល្បិចជិះម៉ូតូដេញវាយម្ចាស់ម៉ូតូតាមដងផ្លូវ ពេលឱកាសល្អប្លន់យកម៉ូតូនោះត្រូវកម្លាំងនគរបាលស្រុកស្អាងដឹកនាំដោយលោក សេង សុជាតិ ធ្វើការស្រាវជ្រាវឃាត់ខ្លួនបាន៤នាក់ជាបន្តបន្ទាប់ និង៣នាក់ទៀតកំពុងរត់គេចខ្លួន។ សកម្មភាពដេញវាយប្លន់នេះធ្វើឡើងកាលពីយប់ថ្ងៃទី១៤ខែកក្កដា ឆ្នាំ២០១៨ នៅក្នុងភូមិព្រែកត្រែង ឃុំសត្បូ ស្រុកស្អាង ខេត្តកណ្តាល ។

ប្រជាពលរដ្ឋខ្មែរ-អាម៉េរិកាំង រស់នៅទីក្រុងរ៉ូចឆេសស្ទឺរ រដ្ឋមីណេសូតា សហរដ្ឋអាម៉េរិក សូមអំពាវនាវឲ្យបងប្អូនជនរួមជាតិទាំងអស់ដែលរស់នៅក្នុងប្រទេសកម្ពុជា ចូលរួមបោះឆ្នោតដើម្បីជ្រើសរើសថ្នាក់ដឹកនាំដែលខ្លួនពេញចិត្តឲ្យបានគ្រប់ៗគ្នា នៅថ្ងៃទី២៩ ខែកក្កដា ឆ្នាំ២០១៨ ខាងមុខនេះកុំបីខាន។