ហេតុការណ៍គ្រោះថ្នាក់ចរាចរណ៍ក្រឡាប់រថយន្តដឹកកម្មករ កើតឡើងនៅម៉ោង៦និង២០នាទីព្រឹកថ្ងៃទី៥កក្កដានេះ ស្ថិតនៅតាមបណ្តោយផ្លូវជាតិលេខ៣ ចន្លោះគីឡូម៉ែត្រលេខ ៣៥-៣៦ ស្ថិតនៅភូមិកំណត់ ស្រុកកណ្តាលស្ទឹង ខេត្តកណ្តាល។  យោងតាមប្រភពព័ត៌មានពីបេឡាជាតិសន្ដិសុខសង្គម នៃក្រសួងការងារបានឲ្យដឹងថា ករណីគ្រោះថ្នាក់ចរាចរណ៍នេះ បណ្តាលមកពីម្ចាស់រថយន្តដឹកកម្មករវ៉ាជែងរថយន្តផ្សេងដែលបើកបរនៅខាងមុខ ហើយបានទាញចង្កូតខ្លាំងពេក ក៏បានបណ្តាលឱ្យរថយន្តក្រឡាប់តែម្តង។ ក្នុងហេតុការណ៍នេះ បណ្ដាលឱ្យកម្មករ៥១នាក់រងរបួស (ក្នុងនោះរងរបួសធ្ងន់ចំនួន១៧នាក់ និងស្រាលចំនួន៣៤ នាក់) ក្នុងចំណោមចំនួនកម្មករនិយោជិតដែលជិះលើឡានជិត៦០នាក់។ ក្រោយហេតុការណ៍ មន្ត្រី និងបុគ្គលិកបេឡាជាតិរបបសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ សាខាខណ្ឌដង្កោ បានសហការជាមួយសមត្ថកិច្ចមូលដ្ឋាន បានចុះទៅសម្របសម្រួល និងបញ្ជូនជនរងគ្រោះទៅពិនិត្យ និងព្យាបាលនៅតាមមន្ទីរពេទ្យ និងមូលដ្ឋានសុខាភិបាល។ ក្នុងនោះជនរងគ្រោះត្រូវបានបញ្ជូនទៅព្យាបាលនៅ មណ្ឌលសុខភាព ត្រាំខ្នារចំនួន ២៩នាក់ មន្ទីរពេទ្យព្រះកុសុមៈចំនួន២១នាក់ និងបន្ទប់ពិគ្រោះ និងព្យាបាលជំងឺមូលមិត្តដើមរការចំនួន១នាក់។ រាល់ថ្លៃសេវាដឹកជញ្ជូនជនរងគ្រោះ ថ្លៃសេវាពិនិត្យ និងព្យាបាលរហូតដល់ជាសះស្បើយ ជាបន្ទុកទាំងស្រុងរបស់បេឡាជាតិរបបសន្តិសុខសង្គម។ បេឡាជាតិរបបសន្តិសុខសង្គម បានក្រើនរំលឹកដល់ អ្នកបើកបរយានយន្តដឹកកម្មករទាំងអស់ សូមប្រុងប្រយ័ត្នឱ្យបានខ្ពស់ និងបានត្រួតពិនិត្យយានយន្តរបស់ខ្លួនឱ្យបានជាប្រចាំ ព្រមទាំងគោរពច្បាប់ចរាចរណ៍ឲ្យខ្ជាប់ខ្ជួន ដើម្បីបង្កាគ្រោះថ្នាក់នានា៕

លោក លឹម ចាន់សុភី ប្រធានមន្ទីររៀបចំដែនដីនគរូនីយកម្ម សំណង់ និងសុរិយោដីខេត្តកណ្តាល បានថ្លែងថា ការបង្កើតលំនៅឋាន គឺមានចក្ខុវិស័យ និងជាគោលបំណងដែលមានគោលដៅច្បាស់លាស់ នៃនយោបាយរបស់រាជរដ្ឋាភិបាលដែលតម្រូវឲ្យថ្នាក់ជាតិ និងថ្នាក់ក្រោមជាតិចូលរួមអនុវត្តសម្រាប់ការងារ លំនៅឋាននេះ។ លោកប្រធានមន្ទីរថ្លែងដូចនេះនៅក្នុងឱកាសដែលមន្ទីរបានធ្វើការបើកវគ្គបណ្តុះបណ្តាលស្តីពីគម្រោងគ្រប់គ្រង និងបញ្ចូលទិន្នន័យ ទីតាំងសំណង់លំនៅឋាននៅលើផែនទី ដែលមានក្រុមការងារការិយាល័យលំនៅឋាន និងភូមិបាលទាំង ១១ក្រុង-ស្រុក និងមន្ត្រីជាង ៣០នាក់បានចូលរួមនាថ្ងៃទី ៥ ខែ កក្កដា ឆ្នាំ ២០១៨។ លោកបានបន្តទៀតថា វគ្គបណ្តុះបណ្តាលនេះជាការកសាងនាវានុវត្តន៏មួយស្របពេលវេលាចំពោះបរិបទនៃការរីកចម្រើនដែលកំពុងផ្លាស់ប្តូរយ៉ាងឆាប់រហ័ស ទាំងក្នុងទិដ្ឋភាពសេដ្ឋកិច្ច ក៏ដូចជាការអភិវឌ្ឍយ៉ាងលឿននៃបច្ចេកវិទ្យា។ ដូច្នេះមន្ទីរតម្រូវឲ្យមានការគ្រប់គ្រងមួយងាយស្រួលតាមរយៈប្រព័ន្ធ ឌីជីថល ហើយការគ្រប់គ្រងតាមរយៈបច្ចេកវិទ្យានេះ មិនត្រឹមតែការងារលំនៅឋានប៉ុណ្ណោះទេ។ ដោយយោងតាមអនុសាសន៏របស់ឯកឧត្តម ទេសរដ្ឋមន្រ្តីចំពោះការស្នើសុំ សម្រាប់ការគ្រប់គ្រងទិន្នន័យនៅក្នុងតំបន់ទីប្រជុំជនគឺជាការងារចាំបាច់បំផុត។ ដូច្នេះថ្នាក់ក្រោមជាតិត្រូវធ្វើការក្តោបឲ្យបាននូវទិន្នន័យច្បាស់លាស់ក្នុង តំបន់នីមួយៗដូចជាការសាងសង់សំណង់គ្រប់ប្រភេទទាំងមានច្បាប់ ឫអត់ច្បាប់ និងការគ្រប់គ្រងចំពោះទីតាំងដីឯកជន របស់រដ្ឋ និងដីសាធារណៈ។ វគ្គបណ្តុះបណ្តាលនេះជាផ្នែកមួយនៃមូលដ្ឋានគ្រឹះចំពោះការប្រើប្រាស់ម៉ាស៊ីនGPS រួមជាមួយការបញ្ចូលទិន្នន័យពីម៉ាស៊ីន GPS ទៅក្នុងកុំព្យូទ័រដែលអាចរក្សា ទុកជាទិន្នន័យឌីជីថល សម្រាប់ប្រើប្រាស់នៅក្នុងការិយាល័យ ដ ន ស ស នីមួយៗ…

តាកែវ ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបុណ្យបញ្ចុះខណ្ឌសីមាព្រះវិហារ និងសម្ពោធសមិទ្ធផលនានា នៅវត្តព្រៃក្តួច ស្ថិតក្នុងឃុំត្រពាំងក្រញូង ស្រុកត្រាំកក់ ខេត្តតាកែវ នាព្រឹកថ្ងៃទី៥ ខែកក្កដា ឆ្នាំ២០១៨ ។ ពិធីបុណ្យនេះ មានការអញ្ជើញចូលរួមពីសមាជិក សមាជិកាព្រឹទ្ធសភា ថ្នាក់ដឹកនាំអគ្គលេខាធិការដ្ឋានព្រឹទ្ធសភា អាជ្ញាធរខេត្ត កងកម្លាំងមានសមត្ថកិច្ច លោកគ្រូ អ្នកគ្រូ សិក្សានុសិស្ស ព្រមទាំងប្រជាពលរដ្ឋ និងពុទ្ធបរិស័ទចំណុះជើងវត្តផងដែរ ។ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានគូសបញ្ជាក់ថា ពិធីបុណ្យបញ្ចុះខណ្ឌសីមា ក្នុងពេលនេះ គឺស្របពេលដែលព្រះរាជាណាចក្រកម្ពុជា មានសន្តិភាព ស្ថិរភាពសន្តិសុខ សណ្តាប់ធ្នាប់សង្គម  ប្រជាជនសប្បាយរីករាយ និងមានមោទកភាពចំពោះការរីកចម្រើនរបស់ប្រទេសជាតិលើគ្រប់វិស័យទាំងផ្នែកអណាចក្រ និងពុទ្ធចក្រ ហើយប្រជាជនយើងបាននឹងកំពុងរីករាយសារទរចំពោះសមិទ្ធផលសង្គម និងជីវភាពកាន់តែល្អប្រសើរ ដោយមានការដឹកនាំដ៏ត្រឹមត្រូវនៃរាជរដ្ឋាភិបាលកម្ពុជា ។ សម្តេចប្រធានព្រឹទ្ធសភា បានមានប្រសាសន៍បន្តថា ការកាត់ឫសសីមាព្រះវិហារ និងសម្ពោធសមិទ្ធផលនានា នាឱកាសនេះ គឺជាគុណប្រយោជន៍បម្រើដល់វិស័យព្រះពុទ្ធសាសនា ដែលជាសាសនារបស់រដ្ឋ និងជាចំណងដៃដ៏ថ្លៃថ្លាសម្រាប់ព្រះសង្ឃ ដែលគង់នៅក្នុងវត្តព្រៃក្តួច…

គណៈប្រតិភូអគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ ដឹកនាំដោយ ឯកឧត្តមបណ្ឌិត គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានអញ្ជើញចូលរួមសន្និបាតប្រចាំឆ្នាំលើកទី១៣២ របស់អង្គការគយពិភពលោក  ចាប់ពីថ្ងៃទី ២៨ ដល់ថ្ងៃទី៣០ ខែមិថុនា ឆ្នាំ២០១៨ នៅទីក្រុងព្រុចសែល ប្រទេសបែលហ្សិក ។ សន្និបាតនេះ ដឹកនាំដោយ លោក Enrique Canon អគ្គនាយកគយនៃរដ្ឋបាល គយប្រទេសអ៊ុយរ៉ាហ្គាយ ដោយមានការចូលរួមពីសំណាក់អគ្គនាយកគយ និងគណៈប្រតិភូគយនៃបណ្តាប្រទេសជាសមាជិកចំនួន១៧២ តំណាងវិស័យឯកជន និងអ្នកសង្កេតការណ៍ អន្តរជាតិសំខាន់ផ្សេងៗជាច្រើនទៀត។ អង្គសន្និបាតបានពិភាក្សាផ្តោតលើប្រធានបទគន្លឹះមួយចំនួនរួមមាន៖ ១.កិច្ចសម្រួលពាណិជ្ជកម្ម ដែលផ្តោតការអនុវត្តកិច្ចព្រមព្រៀងសម្រួលពាណិជ្ជកម្មរបស់អង្គការពាណិជ្ជកម្មពិភពលោក ២.ពាណិជ្ជកម្មតាមអេឡិចត្រូនិច និងការប្រឈមរបស់រដ្ឋបាលគយ  ៣.ការទប់ស្កាត់ប្រឆាំងហិរញ្ញប្បទានខុសច្បាប់៤.សហប្រតិបត្តិការរវាងគយ និងប៉ូលិសក្នុងការទប់ស្កាត់បទល្មើសឆ្លងដែន  និង៥.ការកសាងធនធានមនុស្ស អភិវឌ្ឍស្ថាប័ន និងអភិបាលកិច្ច ទន្ទឹមនេះ អង្គសន្និបាតក៏បានស្តាប់របាយការណ៍ និងពិភាក្សាលើការងារបច្ចេកទេសគយ ដូចជា វិធានដើមកំណើតទំនិញ ការកំណត់តម្លៃគិតពន្ធគយ និងការចាត់ថ្នាក់ទំនិញ អនុលោមភាពនិងកិច្ចសម្រួលពាណិជ្ជកម្ម និងការកសាងសមត្ថភាព។ នៅក្នុងចំណោមឧបករណ៍សំខាន់ៗរបស់ WCO អង្គសន្និបាតក៏បានអនុម័តិក្របខណ្ឌស្តង់ដារ ស្តីពីកាធ្វើពាណិជ្ជកម្មអេឡិចត្រូនិចឆ្លងកាត់ព្រំដែន…

ខេត្តកណ្តាល ៖ ឯកឧត្តម ជាប ដាវុធ សមាជិកគណៈកម្មាធិការកណ្តាលគណបក្សប្រជាជនកម្ពុជានិងប្រធានចលនាយុវជនស្រុកខ្សាច់កណ្តាល បានលើកឡើងថា នៅក្នុងរយៈពេលជិត៤០កន្លងមកនេះ មានតែគណបក្សប្រជាជនកម្ពុជាមួយប៉ុណ្ណោះ ដែលបានកសាង ស្តា និងអភិវឌ្ឍន៍ប្រទេសជាតិ ឱ្យមានការរីកចម្រើនរហូតមកដល់ពេលបច្ចុប្បន្ន ដោយមិនដែលដើរសន្យា និងការភូតភរកុហកដូចគណបក្សដទៃទៀតនោះឡើយ ។ ឯកឧត្តមបានលើកឡើងនៅក្នុងពិធីជួបជុំសិស្ស និស្សិត កម្មករ អាជីករ និងកសិករ ឃុំព្រែកអំពិល ដែលមានឈ្មោះក្នុងបញ្ជីបោះឆ្នោតរបស់ គ.ជ.ប និងត្រៀមខ្លួនបោះឆ្នោតជូនគណបក្សប្រជាជនកម្ពុជា នៅថ្ងៃទី៤ ខែកក្កដា ឆ្នាំ២០១៨ នេះថា ក្រោមការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលកម្ពុជា ជាពិសេសក្នុងអាណត្តិទី៥នេះ រាជរដ្ឋាភិបាលបានជំរុញស្ថាបនាផ្លូវនៅតាមមូលដ្នាន ទទួលបានសមិទ្ធផលជាច្រើនកើតឡើងជាហូរហែ ក្រោមការខិតខំប្រឹងប្រែងរបស់រាជរដ្ឋាភិបាល គឺធ្វើយ៉ាងណាពន្លឿនការអភិវឌ្ឍទៅដល់មូលដ្ឋាន និងគ្រប់ច្រកល្ហក ។ ឯកឧត្តមប្រធាន បន្តថា នៅក្នុងរយៈពេលជិត៤០ឆ្នាំកន្លងមកនេះ ក្រោយពីប្រទេសជាតិងើបពីសង្គ្រាម និងបានចាប់ផ្តើមពីចំណុចសូន្យ គឺមានតែគណបក្សប្រជាជនកម្ពុជាតែមួយគត់ ដែលបានដឹកនាំប្រទេសកម្ពុជា ឱ្យមានការអភិវឌ្ឍរីកចម្រើនរហូតមកដល់បច្ចុប្បន្ន។ គណបក្សប្រជាជនកម្ពុជាបានអនុវត្តន៍គោលនយោបាយយ៉ាងម៉ឺងម៉ាត់ នឹងបានចូលរួម យ៉ាងសកម្ម ក្នុងការពង្រីកបរិយាកាសនយោបាយឲ្យបានល្អប្រសើរ ប្រកបដោយលក្ខណៈអព្យាក្រឹត និងប្រជាធិបតេយ្យ ដើម្បីធានាការបោះឆ្នោតប្រព្រឹត្តទៅដោយសេរី…

កណ្តាល៖ នៅព្រឹកថ្ងៃទី០៥ ខែកក្កដា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបន្តជួបសំណេះសំណាលជាមួយបងប្អូនកម្មករ កម្មការិនីសរុបចំនួន ២៧.៥២៩ នាក់មកពីរោងចក្រចំនួន ២៥ ដែលធ្វើឡើងនៅមជ្ឈមណ្ឌលពាណិជ្ជកម្មចេងឌូបាយីកម្ពុជាចិន ស្ថិតក្នុងភូមិព្រៃរកា ឃុំឆកឈើនាង ស្រុកអង្គស្នួល ខេត្តកណ្ដាល ។ លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា រោងចក្រទាំង២៥  មានអ្នកវិនិយោគមកពីប្រទេសចិនចំនួន ២១, កូរ៉េចំនួន១, ជប៉ុនចំនួន ១, និងខ្មែរចំនួន២ ហើយក្នុងនេះ មានរោងចក្រកាត់ដេរសម្លៀកបំពាក់ចំនួន២១, ផលិតកាបូបចំនួន៣, និងដេរប៉ាក់ចំនួន១។ ផលិតផលទាំងអស់ត្រូវបាននាំទៅកាន់ទីផ្សារអន្តរជាតិ និងផ្គត់ផ្គង់ទីផ្សារក្នុងប្រទេស។ ខេត្តកណ្ដាល មានរោងចក្រ សហគ្រាស គ្រឹះស្ថានចំនួន ៤៦២ មានកម្មករនិយោជិត ចំនួន ១៥០.៥១៥នាក់ ដែលមានប្រាក់ឈ្នួលសរុប ៣៦៣លានដុល្លារ ក្នុងនោះរោងចក្រកាត់ដេរសម្លៀកបំពាក់ និងផលិតស្បែកជើងមានចំនួន ១៦៨ មានកម្មករនិយោជិត ចំនួន…