នាព្រឹកថ្ងៃទី២១ ខែមិថុនា ឆ្នាំ២០១៨ សាខាកាកបាទក្រហមកម្ពុជាខេត្តសៀមរាប បានប្រារព្ធពិធីសម្ពោធដាក់ឱ្យប្រើ ប្រាស់អាគារទីស្នាក់ការអនុសាខាកាកបាទក្រហមកម្ពុជាស្រុកស្វាយលើ ខេត្តសៀមរាប ។ ដោយមានការអញ្ជើញចូលរួមជាគណៈអធិបតីមាន ឯកឧត្តមបណ្ឌិត ឃឹម ប៊ុនសុង ប្រធានគណៈកម្មាធិការសាខា  និងលោកជំទាវ ព្រមទាំងឯកឧត្តម លោកជំទាវ លោក លោកស្រី អនុប្រធានកិត្តិយស អនុប្រធាន សមាជិក សមាជិកា គៈកម្មាធិការសាខាផងដែរ។ ភ្ញៀវកិត្តិយស សមាជិក សមាជិកា អង្គពិធីអញ្ជើញមកពីមន្ទីរ អង្គភាពជុំវិញខេត្ត តាជី យាយជី ប្រជាពលរដ្ឋ អ្នកស្ម័គ្រចិត្ត យុវជនកាកបាទក្រហមកម្ពុជា និងសិស្សានុសិស្ស សរុប៦៤៦នាក់។ ឯកឧត្តមបណ្ឌិត ឃឹម ប៊ុនសុង អភិបាលខេត្ដ និងជាប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប បានមានប្រសាសន៍ថា អាគារទីសា្នក់អនុសាខាកាកបាទក្រហមកម្ពុជា ស្រុកស្វាយលើដ៏ថ្មីស្រឡាងនេះ គឺជាសមិទ្ធផលទី៨ហើយ ក្នុងអាណត្តិទី៤ នៃគណៈកម្មាធិការសាខាកាកបាទក្រហមកម្ពុជាខេត្តសៀមរាប ដែលត្រូវបានដំណើរការ សាងសង់ចាប់តាំង ពីខែសីហា ឆ្នាំ២០១៧ និងរួចរាល់ជាស្ថាពរនៅ ខែកុម្ភះ ឆ្នាំ២០១៨។…

    នៅព្រឹកថ្ងៃព្រហ្បត៍ ៩កើត ខែបឋមសាឍ  ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២១ ខែមិថុនា ឆ្នាំ២០១៨ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ប្រធានគណបក្ស ប្រជាជនកម្ពុជា  បានអញ្ជើញសម្ពោធសមិទ្ធផលនានានៅបញ្ជាការដ្ឋានអង្គរក្ស ស្ថិតក្នុងក្រុងតាខ្មៅ ខេត្តកណ្ដាល។ សមិទ្ធផលនានា ដែលត្រូវបានសម្ពោធ អោយប្រើប្រាស់នាពេលនេះរួមមាន អគារបញ្ជាការដ្ឋានអង្គរក្ស, អគារការិយាល័យទទួលភ្ញៀវ  សម្រាប់​ការស្នាក់នៅ បំពេញការងារ របស់នាយទាហាន ពលទាហាន រួមនឹងមធ្យោបាយ សំភារៈផ្សេងៗជាច្រើនទៀត ដែលបានចំណាយទឹកប្រាក់ប្រមាណជាង ៤លានដុល្លាអាមេរិក ដែលបានមកពីការចូល​ ឧបត្ថម្ភពីសប្បុរសជននានា ទាំងក្នុង និងក្រៅប្រទេសសម្រាប់បំពេញបេសកកម្មការពាជាតិ ការពារប្រមុខដឹកនាំ សុខសន្តិភាព នៅក្នុងសង្គម។ ទីតាំងអគារទីបញ្ជាការដ្ឋាន អង្គរក្សនេះ អតីតជាតំបន់បឹង ដែលប្រឈមនឹងការបាក់ស្រុត ដូច្នេះហើយក្នុងឆ្នាំ២០១៨នេះ សម្តេចតេជោ នាយករដ្ឋមន្ត្រី និងសម្តេចកិត្តិ​ព្រឹទ្ធបណ្ឌិត  ​ប៊ុន​​ រ៉ានី ហ៊ុន សែន បានអនុញ្ញាតឱ្យធ្វើការសាងសង់ ទីតាំងនេះឡើងវិញដើម្បីបំពេញតម្រូវការតាមសំណូមពររបស់បងប្អូនកងកម្លាំងនៅក្នុងបញ្ជាការដ្ឋានអង្គរក្ស​ ដើម្បីទទួលបានអគារស្នាក់នៅ…

រាជធានីភ្នំពេញ​ ៖ កង់បីឥណ្ឌាមួយគ្រឿងខណៈពេលកំពុងដឹកភ្ញៀវ ធ្វើដំណើរតាមផ្លូវ  ស្រាប់តែស្រុតផុងកង់មុខកប់តែម្ដង ។ ហេតុការណ៍ដ៏ភ្ញាក់ផ្អើលនេះបានកើតឡើងនៅ​វេលាម៉ោងជាង១១និង៣០នាទីថ្ងៃត្រង់ ថ្ងៃទី២១​ ខែមិថុនា​ ឆ្នាំ​២០១៨នេះ នៅស្តុបពេទ្យចិន (មុខក្រុមហ៊ុន OMC) តាមបណ្ដោយផ្លូវព្រះមុនីវង្ស​ ស្ថិតក្នុងសង្កាត់បឹងព្រលិត​ ខណ្ឌ៧មករា ​រាជធានីភ្នំពេញ​។ អ្នកឃើញហេតុការណ៍ផ្ទាល់បានរៀបរាប់ប្រាប់ថា​ នៅមុនពេលកើតហេតុ​ គាត់ឃើញកង់បីឥណ្ឌា (ឬហៅថា PassApp) មួយគ្រឿង ពណ៌ក្រហម​ កំពុងដឹកភ្ញៀវ ធ្វើដំណើរតាមមហាវិថីព្រះមុនីវង្ស ពីត្បូងទៅជើង​ លុះមកជិតដល់ចំណុចកើតហេតុ​ ភ្លើងស្តុបក៏លោតពណ៌ក្រហម  ស្រាប់តែពេលឈប់ភ្លាម​ ផ្លូវថ្នល់ក៏ស្រុតផុងកប់កង់មុខតែម្ដង ទើបបង្កអោយ​មានការភ្ញាក់ផ្អើលឡើង ។ ម្ចាស់កង់បីឥណ្ឌាក៏បានចុះមកមើលក៏បានហៅអ្នកនៅជិតកន្លែងកើតហេតុជួយលើកកង់បីរបស់គាត់ឡើងលើផ្លូវ ដើម្បីបន្តដំណើរដឹកភ្ញៀវទៅមុខទៀត ។ ក្រោយកើតហេតុប្រជាពលរដ្ឋក៏បានរាយការប្រាប់ទៅកាន់សមត្ថកិច្ចដើម្បីទាក់ទង​ខាងមន្ត្រី​ពាក់ព័ទ្ធ​ចុះត្រួតពិនិត្យផងដែរ។  

(កំពង់ធំ) ៖  រថយន្តដឹកឈើលេខ២ ខុសច្បាប់មួយគ្រឿងត្រូវបានសង្កាត់រដ្ឋបាលព្រៃឈើរវាង ដោះលែង តែត្រូវបានជាប់អន្ទាក់សមត្ថកិច្ចមេព្រៃខេត្តកំពង់ធំ ក្រោមការបញ្ជាផ្ទាល់ ពីលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ ដោយសាររថយន្តនេះ ព្យាយាមបើករត់ ធ្វើអោយប៉ះរថយន្តសមត្ថកិច្ចខូចខាតចំនួន ២គ្រឿង ។  តាមសេចក្តីរាយការណ៍ បានអោយដឹងថា រថយន្ត ប្រភេទផ្លាទហ្វ័រម បានដឹកឈើចេញ ទឹកដីខេត្តព្រះវិហារ លុះមកដល់ខេត្តកំពង់ធំ សមត្ថកិច្ចឃាត់ ដើម្បីសួរនាំដោយសង្ស័យថា មានដឹកបទល្មើសឈើដោយគ្មានច្បាប់អនុញ្ញាត ។ រថយន្តសង្ស័យខាងលើនេះ ពុំបានឈប់ថែមទាំង បើករត់ រហូតដល់ឃុំកំពង់ថ្ម ទើបឃាត់រថយន្តបាន  ក្រោមកិច្ចសហការជាមួយសង្កាត់រដ្ឋបាលព្រៃឈើតាំងក្រសាំង ផ្នែករដ្ឋបាលព្រៃឈើកំពង់ថ្ម រួមជាមួយកងរាជអាវុធហត្ថស្រុកបារាយណ៍ ។ ក្នុងសកម្មភាពសមត្ថកិច្ចរដ្ឋបាលព្រៃឈើដេញឃាត់រថយន្ត បណ្តាលអោយរថយន្តដឹកបទល្មើសបើកគៀរថយន្តមេព្រៃចំនួន២គ្រឿង បណ្តាលអោយខូចខាតយ៉ាងដំណំ ទីបំផុតលោក អ៊ិត សុធា ព្រះរាជអាជ្ញា បញ្ជារអោយតាមឃាត់រថយន្តអោយខានតែបាន ដោយដេញចាប់ពីខេត្តកំពង់ធំ ម៉ោង១១យប់ រហូតដល់ម៉ោង ២រំលោងអាធ្រាត ទើបចាប់បាននៅចំនុច ភូមិកំពង់ថ្ម ឃុំកំពង់ថ្ម ស្រុកសន្ទុក ខេត្តកំពង់ធំ …

រដ្ឋបាលរាជធានីភ្នំពេញ ជំរុញអោយក្រុមហ៊ុនប្រមូលសំរាម នៅតាមបណ្តាសង្កាត់រាជធានីភ្នំពេញ ធ្វើយ៉ាងណាឲ្យមានបរិស្ថានល្អ ទីក្រុងភ្នំពេញស្រស់បំព្រង ស័កសមជាទីក្រុងទាន់សម័យ ។ រដ្ឋបាលរាជធានីដឹកនាំដោយ ឯកឧត្តម ឃួង ស្រេង អភបាលរាជធានី បើកកិច្ចប្រជុំជាមួយ ប្រធានមន្ទីរបរិស្ថាន អភិបាលខណ្ឌ និងចៅសង្កាត់ទាំង ១០៥ ព្រមទាំងតំណាងក្រុមហ៊ុនស៊ីនទ្រី នាព្រឹកថ្ងៃ ពុធ ៩កើត ខែអាសាឍ ឆ្នាំ ច ត្រូវនឹងថ្ងៃទី ២១ ខែមិថុនា ឆ្នាំ ២០១៨នេះ ។ ឯកឧត្តម ឃួង ស្រេង បានមានប្រសាសន៍ថា បញ្ហានេះបានគិតគូ ហើយត្រូវបានធ្លាក់ចុះ ហើយឡានស៊ីនទ្រីបានទិញបន្ថែម និងមានក្រុមហ៊ុនបានជួយទិញឡានបន្ថែមទៀតដែរ  ។ ឯកឧត្តមថា មួយរយះពេលនេះ មានបញ្ហាសំរាមកក់ស្ទះហើយជួនពេលជិតបោះឆ្នោត  សូមខណ្ឌ សង្កាត់ និងភ្នាក់ងារប្រមូលសំរាម ត្រូវសាមគ្គីគ្នា បានអាចធ្វើអោយទីក្រុងភ្នំពេញកាត់បន្ថយការកកស្ទះសំរាម ។ ឯកឧត្តម បានបន្ថែមទៀតថា អភិបាលរងខណ្ឌត្រូវដាក់ផែការ រឿងបញ្ហានេះ  ពីព្រោះថាមិនអោយសង្កាត់ចុះទៅយកសំរាមទេ  តែសង្កាត់ត្រូវផ្តល់ដំណឹងទៅដក់់ថ្នាក់ខណ្ឌ…

ភ្នំពេញ៖ សួន Eden Garden ដែលជាប្រជុំទីកន្លែងកម្សាន្ត និងលំហែ ២៤ ម៉ោង ដំបូងគេនៅរាជ ធានីភ្នំពេញ ត្រូវបានបើកសម្ពោធជាផ្លូវការនៅថ្ងៃនេះ ដោយស្ថិតនៅចំកណ្ដាលទីក្រុងរណបថ្មី គឺភ្នំពេញស៊ីធីសេនធ័រ ដែលជាគម្រោងអភិវឌ្ឍន៍មេដ៏ធំបំផុតមួយពោរពេញ ដោយសក្តានុពល នៅក្នុងរាជធានីភ្នំពេញ ។ នៅក្នុង សួន Eden Garden មានកន្លែងកម្សាន្ត ហាងអាហារ និងភេសជ្ជៈ ព្រមទាំងហាងទំនិញ ចម្រុះចំនួន២៦កន្លែង ដោយរួមមានទាំងម៉ាកយីហោក្នុងស្រុក ដូចជារោងភាពយន្តលេជិន (Legend Cinema) និងក្លឹបរាត្រី Epic 2 ព្រមជាមួយនឹងម៉ាកយីហោអន្តរជាតិល្បីៗដូចជា Koi The, Starbucks និង S&P ជាដើម ។ សួន Eden Garden នឹងមានផ្ដល់នូវអ្វីៗគ្រប់យ៉ាងសម្រាប់មនុស្សគ្រប់វ័យក្នុងរយៈពេលមួយថ្ងៃពេញ មានចាប់តាំងពីកាហ្វេពេលព្រឹក ការដើរទិញវត្ថុសិល្បៈ និងសិប្បកម្មបែបខ្មែរ ក្រោយពេលញ៉ាំអាហារថ្ងៃត្រង់រួច រហូតដល់ការរីករាយទស្សនាខ្សែភាពយន្តថ្មីៗ និងការសម្ដែងរបស់ DJ នៅពេលរាត្រីថែមទៀតផង ។ លោក…

ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអះអាងថា ក្រុមអង្គការសង្គមស៊ីវិល និងគណបក្សនយោបាយ គឺជាកោសិកាដ៏មានសារៈសំខាន់មួយសម្រាប់ប្រទេសជាតិ ដូច្នេះប្រជាពលរដ្ឋខ្មែរ មានសិទ្ធិបង្កើតគណបក្សនយោបាយ និងអង្គការសង្គមស៊ីវិលឲ្យស្របទៅតាមច្បាប់របស់កម្ពុជា ប៉ុន្តែខាងអង្គការបានលើកឡើងថា សិទ្ធិរបស់ពួកគាត់ នាពេលបច្ចុប្បន្ន មានការរិតត្បិតជាច្រើន ដោយសារខ្វះការសហការ ជាមួយអាជ្ញាធរជាដើម ។សមាគម និងអង្គការមិនមែនរដ្ឋាភិបាលនៅកម្ពុជាមានចំនួនច្រើន ប៉ុន្តែក្នុងនោះមានចំនួន ៦៤៨ ដែលបានបំពេញកាតព្វកិច្ចរបស់ខ្លួន ខណៈដែលសមាគមនិង អង្គការក្រៅរដ្ឋាភិបាលមួយចំនួនធំទៀត នៅមិនទាន់បំពេញកាតព្វកិច្ចនៅឡើយ ។ក្នុងវេទិកាស្ដីពីភាពជាដៃគូរវាងរាជរដ្ឋាភិបាល  និងអង្គការសង្គមស៊ីវិល នៅថ្ងៃទី២១ ខែមិថុនា ឆ្នាំ២០១៨ សម្ដេចក្រឡាហោម ស ខេង មានប្រសាសន៍ថា “ព្រះរាជាណាចក្រកម្ពុជាយើង អនុវត្តនយោបាយប្រជាធិបតេយ្យ សេរីពហុបក្ស អង្គការសង្គមស៊ីវិល និងគណបក្ស នយោបាយ គឺជាកោសិកាដ៏សំខាន់មួយ ដែលមិនអាចខ្វះបាន”។សម្ដេចបន្ដថា ដូច្នេះដើម្បីធានាសិទ្ធិរបស់ពលរដ្ឋ ក្នុងការចូលរួមកិច្ចដំណើរ ប្រជាធិប តេយ្យស្របតាមរដ្ឋធម្មនុញ្ញកម្ពុជា ពលរដ្ឋខ្មែរមានសិទ្ធិបង្កើតសមាគម និងគណបក្ស នយោបាយ ។លោក សឿង សារឿន…

ភ្នំពេញ៖ ផ្សារទំនើបអ៊ីអនម៉ល២ ដែលមានទីតាំងស្ថិតនៅក្នុងខណ្ឌសែនសុខ រាជធានីភ្នំពេញនាព្រឹកថ្ងៃទី២០ ខែមិថុនានេះ បានបើកសម្ពោធឲ្យប្រើប្រាស់ជាផ្លូវការ ដោយមានការអញ្ជើញចូលរួមពីសំណាក់អគ្គនាយកផ្សារទំនើបអ៊ីអនទូទាំងពិភពលោក និងអគ្គនាយកអ៊ីអនប្រចាំកម្ពុជា ព្រមទាំងវិនិយោគិនធំៗ និងថ្នាក់ដឹកនាំជាច្រើនរូបទៀត  ។លោក Seiichi Chiba អគ្គនាយកផ្សារទំនើបអ៊ីអនម៉លទូទាំងពិភពលោកបានលើកឡើងថា”ផ្សារទំនើបអីអនម៉លនៅខណ្ឌសែនសុខស៊ីតធីនេះ មានលក្ខណៈពិសេសបី ទី១គឺផ្ដល់ជូននូវកន្លែងកំសាន្តថ្មីធំជាងគេនៅក្នុងព្រះរាជាណាចក្រកម្ពុជា អាចនិយាយបានថា ជាកន្លែងកំសាន្តនៅក្នុងផ្សារទំនើបអីអនម៉ល សែនសុខ សីតធី របស់យើងនេះគឺមានលក្ខណៈពិសេសនិងនាំមកនូវភាពរីករាយខ្លាំងជូនអតិថិជន មានដូចជា សួនទឹកកំសាន្ត ទោងយោលលើអាកាសនិងកន្លែងកំសាន្តផ្សេងៗជាច្រើនទៀតនៅក្នុងអគារ ។ យើងក៏នាំមកជូននូវរោងភាព យន្តម៉ាជើស៊ីនីភ្លិចផងដែរ ស្របពេលដែលទូរទស្សន៍ហង្សមាសវីឌីអូ ក៏បាននាំមកជូននូវកន្លែងស្ថាននីយទូរទស្សន៍ខ្នាតធំ និងថ្មីជាងគេ ដែលទាំងនេះនឹងផ្ដល់ជូនកន្លែងកំសាន្តថ្មីៗ និងធំជាងគេសម្រាប់អតិថិជនរបស់យើង ។ ទី២គឺប្រមូលផ្ដុំទៅដោយស្ថាប័នសាធារណៈដើម្បីបម្រើសេវាកម្មប្រកបដោយភាពងាយស្រួលសម្រាប់អតិថិជន (មជ្ឈមណ្ឌលផ្ដល់លិខិត ឆ្លង់ដែន មជ្ឈមណ្ឌលផ្ដល់អត្តសញ្ញាណប័ណ្ណ និងមជ្ឈមណ្ឌលផ្ដល់ប័ណបើកបរ) ។ ទី៣គឺផ្ដល់ជូននូវកន្លែងបង្កើតអនុស្សាវរីយ៍ និងផ្លាស់ប្ដូរទំនាក់ទំនង សម្រាប់ប្រជាពលរដ្ឋក្នុងមូល ដ្ឋាន ។លោកអគ្គនាយកបន្ថែមទៀតថា លើសពីនេះទៀត ផ្សារទំនើបអ៊ីអនម៉លពីរនេះ ក៏មានសាលអត្ថប្រយោជន៍សម្រាប់រៀបចំកម្មវិធីជាច្រើនបាន ដូចជា៖ អាចរៀបចំពិធីអាពាហ៍ពិពាលហ៍ ពិធីជប់លៀងនានា និងអាចលេងកីឡានៅក្នុងសាលនេះក៏បាន ទៅតាមចំណង់ ចំណូលចិត្តរបស់អតិថិជន ។ សូមជម្រាបថា…