រួមគ្នា ដាំដើមឈើ ដើម្បីបង្កើតស្នាដៃ  ក៏ដូចជាបង្ហាញពីសាមគ្គី រវាងថ្នាក់ដឹកនាំជាមួយនិងបុគ្គលិក។ នេះគឺជាការលើកឡើងរបស់ លោក ខ្វៃ អាទិត្យា អគ្គនាយក ស្ថានីយវិទ្យុ និងទូរទស្សន៍អប្សរា ក្នុងឱកាសអញ្ជើញដាំដើមឈើ ជាមួយថ្នាក់ដឹកនាំនិងបុគ្គលិក នៅអគ្គនាយកដ្ឋាន វិទ្យុ និងទូរទស្សន៍អប្សរា នៅថ្ងៃទី០៩ ខែកក្កដា ឆ្នាំ២០១៨ នេះ ក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ។

ដោយពិនិត្យមើលឃើញពីស្ថានភាពលំបាកយ៉ាងខ្លាំងក្នុងការធ្វើចរាចរទៅមករបស់ប្រជាកសិករទាំងពេលរដូវប្រាំង និងរដូវវស្សា ឯកឧត្ដម  សៅ សារឿន  បានសម្រេចផ្តល់ផ្លូវលំ១ខ្សែប្រវែង៣០០០ម៉ែត្រ បន្ថែមទៀតក្នុងជំហ៊ានទី៤ ដែលតភ្ជាប់ពីភូមិ អូរត្រាច នេះទៅភូមិនេល ក្នុងឃុំវ៉ារិន ស្រុកវ៉ារិន ខេត្តសៀមរាប ។ក្នុងឱកាសចុះពិនិត្យការដ្ឋានជួសជុលផ្លូវលំថ្មីនេះ ឯកឧត្ដម សៅ សារឿន បានថ្លែងអំណរគុណ ចំពោះបងប្អូនប្រជាពលរដ្ឋដែលរស់នៅតាមសងខាងផ្លូវដែលបានសម្បទានដីចំណីផ្លូវ ដែលធ្វើឲ្យកំណាត់ផ្លូវលំនេះឲ្យបានធំទូលាយក្នុងការធ្វើចរាចរទៅមករបស់ប្រជាកសិករយើង ពិសេសបញ្ជៀសបាននូវគ្រោះថ្នាក់ចរាចរណ៍ផ្សេងៗ។

ភ្នំពេញ៖ ក្រុមហ៊ុន តូយ៉ូតា (ខេមបូឌា) ដែលជាក្រុមហ៊ុនត្រូវបានទទួលស្គាល់នូវសិទ្ធិនាំចូល និងចែកចាយផ្ដាច់មុខលើផលិតផលយានយន្ដ និងគ្រឿងបន្លាស់ម៉ាក តូយ៉ូតា បានប្រារព្វកម្មវិធីសម្ពោធរថយន្ដតូយ៉ូតា Hilux Revo ស៊េរីថ្មីឆ្នាំ 2019 ព្រមទាំងប្រារព្ធខួបគម្រប់ 50 ឆ្នាំរបស់រថយន្ដ Hilux នៅផ្សារទំនើបអ៊ីអនម៉លសែនសុខ រាជធានីភ្នំពេញ ។

ភ្នំពេញ៖ G Park ជាភេជ្ជៈប៉ូវកម្លាំងមកពីប្រទេសកូរ៉េ ដែលនាំចូលផ្ដាច់មុខដោយក្រុមហ៊ុន JCRI  រៀបចំកម្មវិធីដ៏ពិសេសអស្ចារ្យមួយ ដើម្បីជាការអបអរសាទរគម្រប់ខួបមួយឆ្នាំរបស់ភេសជ្ជៈអន្តរជាតិមួយនេះមកកាន់ទីផ្សារប្រទេសកម្ពុជា ។ នៅក្នុងកម្មវិធីនេះដែរ ក៏មានការចូលរួមយ៉ាងច្រើនកុះករពីសំណាក់ថ្នាក់ដឹកនាំទាំងអស់របស់ក្រុមហ៊ុន JCRI តារាចម្រៀងល្បីៗ និងភ្ញៀវកិត្តិយសជាច្រើនរូប ដែលបានញំាងឲ្យបរិយាកាសនៅក្នុងកម្មវិធីកាន់តែសប្បាយរីករាយ ។

ជនសង្ស័យ៣នាក់ ដែលសមត្ថកិច្ចសង្ស័យជាមេក្លោងពាក់ពន្ធ័នឹងជំនួញគ្រឿងញៀនជាង១២០គីឡូក្រាមនៅខេត្តស្ទឹងត្រែង ត្រូវសមត្ថកិច្ចចាប់បាននៅរាជធានីភ្នំពេញ ដោយរឹបអូសបានគ្រឿងញៀន២៦គីឡូក្រាមបន្ថែមទៀត។ ជនសង្ស័យទាំង៣នាក់នោះ ត្រូវសមត្ថកិច្ចបញ្ជាក់ថា គឺជាអ្នកបញ្ជាការដឹកជញ្ជូនគ្រឿងញៀន ឆ្លងដែនពីឡាវមកកម្ពុជា ១២០គីឡូក្រាម កាលពីថ្ងៃទី២៦មិថុនា ២០១៨ កន្លងទៅ។

នៅព្រឹកថ្ងៃច័ន្ទ ១២រោច ខែបឋមាសាឍ ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី៩ ខែកក្កដា ឆ្នាំ២០១៨ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងព្រះរាជពិធីបុណ្យ « រុក្ខទិវា » ប្រារព្ធឡើងនៅលើផ្ទៃដីជាង៥០ហិកតា ស្ថិតក្នុងស្ថានីយដាំកូនឈើថ្មរូង ភូមិព្រែកអំពិល ឃុំកោះតូច ស្រុកទឹកឈូ ខេត្តកំពត ដោយមានការចូលរួមអមដង្ហែដោយបណ្តាឥស្សរជនជាន់ខ្ពស់នៃរាជរដ្ឋាភិបាល បណ្តាអង្គទូតនានា និងបងប្អូនប្រជានុរាស្រ្តយ៉ាងច្រើនកុះករ។