នាថ្ងៃទី១១ ខែធ្នូ ឆ្នាំ២០១៨ វេលាម៉ោង១៦:០០នាទីរសៀល  សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម គ្រីស្ទាន រ៉េរ៉េន បាហ្គេតតូ (Christian RehrenBargetto)  ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឈីលី ប្រចាំព្រះរាជាណាចក្រកម្ពុជា ចូលជួបសម្តែងការគួរសម ក្នុងឱកាសដែលឯកឧត្តម ត្រូវបានតែងតាំងជាឯកអគ្គរដទូតវិសាមញ្ញនិងពេញសមត្ថភាព នៃសាធារណរដ្ឋឈីលី ប្រចាំរាជាណាចក្រកម្ពុជា នៅវិមានព្រឹទ្ធសភា។ មានប្រសាសន៍ក្នុងឱកាសនោះ ឯកឧត្តម គ្រីស្ទាន រ៉េរ៉េន បាហ្គេតតូបានថ្លែងអំណរគុណយ៉ាងជ្រាលជ្រៅចំពោះសម្តេចប្រធានព្រឹទ្ធសភា ដែលបានចំណាយពេលវេលាដ៏មានតម្លៃ អនុញ្ញាតឲ្យឯកឧត្តមចូលជួបសម្តែងការគួរសមនាពេលនេះ។ជាមួយគ្នានេះ ឯកឧត្តមបានជម្រាបជូនសម្តេចប្រធានព្រឹទ្ធសភាថា ឯកឧត្តមមានកិត្តិយសដែលត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា   ព្រះរាជានុញ្ញាតឱ្យចូលគាល់ និងជូនសាតាំង កាលពីព្រឹកថ្ងៃទី១១ ខែធ្នូ ឆ្នាំ២០១៨នេះ។ ឯកឧត្តមបានសម្តែងនូវសេចក្តីរីករាយដែលបានមកបំពេញបេសកកម្មការទូតប្រចាំព្រះរាជាណាចក្រកម្ពុជា ហើយសង្ឃឹងថា នាពេលខាងមុខ ព្រឹទ្ធសភានៃព្រះរាជាណាចក្រកម្ពុជា និងព្រឹទ្ធសភានៃសាធារណរដ្ឋឈីលី នឹងមានទំនាក់ទំនង និងកិច្ចសហប្រតិបត្តិល្អជាមួយនឹងគ្នា ព្រមទាំងមានការផ្លាស់ប្តូរបទពិសោធន៍គ្នាទៅវិញទៅមកលើមុខងារនីតិកម្ម មុខងារតំណាង និងមុខងារត្រួតពិនិត្យ។ …

ភ្នំពេញ៖ នៅរសៀលថ្ងៃទី១១ ខែធ្នូ ឆ្នាំ២០១៨នេះ កម្លាំងនគរបាលជំនាញព្រហ្មទណ្ឌកម្រិតស្រាលនៃស្នងការនគរបាលរាជធានីភ្នំពេញ បានប្រមូលទូហ្គេមបាញ់ត្រីខុសច្បាប់ចំនួន៧៣ទូដែលបង្ក្រាបបានចំនួន៩ទីតាងផ្សេងៗគ្នានាពេលកន្លងមក យកមកធ្វើការដុតកម្ទេចចោលនៅចំណុចដីឡូត៍មួយកន្លែងស្ថិតក្នុងទឹកដីខណ្ឌឬស្សីកែវ។ លោក វរសេនីយ៍ឯក ប៊ុន សត្យា នាយការិយាល័យព្រហ្មទណ្ឌកម្រិតស្រាល បានឲ្យដឹងថា ដោយមានការចង្អុលបង្ហាញពីឯឧត្ដមឧត្ដមសេនីយ៍ ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជាយ៉ាងម៉ឺងម៉ាតឲ្យមន្ត្រីក្រោមឱវាទចុះបង្ក្រាបទីតាងល្បែងខុសច្បាប់ក្នុងមូលដ្ឋានឲ្យខាតតែបាន។ ជាក់ស្ដែងនេះ កម្លាំងជំនាញព្រហ្មទណ្ឌកម្រិតស្រាល បានធ្វើការចុះបង្ក្រាបទីតាងហ្គេមបាញ់ត្រីខុសច្បាប់ចំនួន៩កន្លែងផ្សេងគ្នា ដោយដកហូតទូហ្គេមចំនួន៧៣គ្រឿង មានទូហ្គេមបាញ់ត្រី៤៧គ្រឿង និងទូហ្គេមបៀរចំនួន២៦គ្រឿង យកមករក្សាទុកនៅការិយាល័យព្រហ្មទណ្ឌកម្រិតស្រាល រហូតនៅរសៀលថ្ងៃទី១១ ខែធ្នូ ឆ្នាំ២០១៨នេះ ខាងកម្លាំងជំនាញបានធ្វើការដុតកម្ទេចចោលតែម្ដង៕ម.ន

នៅរដ្ឋបាលសាលាខេត្តសៀមរាប នាព្រឹកថ្ងៃទី១១ ខែធ្នូ ឆ្នាំ២០១៨ មានបើកកិច្ចប្រជុំសាមញ្ញលើកទី៥៥ របស់ក្រុមប្រឹក្សាខេត្ត អាណត្តិទី២ និងការប្រកាសចូលកាន់មុខតំណែងប្រធានក្រុមប្រឹក្សាខេត្ត ក្រោមកិច្ចដឹកនាំរបស់ឯកឧត្តម អ៊ឹង ហឿន ប្រធានស្តីទីក្រុមប្រឹក្សាខេត្ត និងលោក លី សំរិទ្ធ អភិបាលរងខេត្តសៀមរាប។ របៀបវារៈសម័យប្រជុំសាមញ្ញលើកទី៥៥ មានចំនួន៣ចំណុច ដោយបានអនុម័តលុបចេញរបៀបវារៈចំណុចទី៣ ដោយគ្រោងយកទៅ ដាក់ក្នុងរបៀបវារៈកិច្ចប្រជុំសាមញលើកទី៥៦។ ឯកឧត្តម អ៊ឹង ហឿន ជាប្រធានក្រុមប្រឹក្សាខេត្តជំនួសឯកឧត្តមបណ្ឌិត នូ ផល្លា ដែលបានទទួលភារកិច្ចថ្មី នឹងប្រកាសបំពេញបន្ថែមនូវសមាជិកក្រុមប្រឹក្សាខេត្ត ចំនួន២រូប រួមមានឯកឧត្តម មន ថេន  និងឯកឧត្តម អ៊ាម ពុន ជំនួសសមាជិកក្រុមប្រឹក្សាខេត្ត២រូប ដែលបានទៅទទួលភារកិច្ចថ្មី។ ឯកឧត្តម អ៊ឹង  ហឿន  បានបញ្ជាក់នៅក្នុងកិច្ចប្រជុំសាមញ្ញលើកទី៥៥នេះថា ដើម្បីជំរុញឲ្យថ្នាក់ដឹកនាំខេត្ត មន្ទីរ អង្គភាព ក្រុង ស្រុក សំដៅឆ្ពោះទៅរកមូលដ្ឋានបម្រើប្រជាពលរដ្ឋឲ្យបានល្អបំផុត និងកែលម្អភាពអសកម្មនានា និងដោះស្រាយបញ្ហាប្រឈមដែលនៅសេសសល់។ ឯកឧត្តមបានបន្ថែមថា កំណែទម្រង់វិមជ្ឈការ និងវិសហមជ្ឈការ គឺជាកាលានុវត្តិភាព សំដៅបង្កើតប្រព័ន្ធរដ្ឋបាលថ្នាក់ក្រោមជាតិ…

នៅក្នុងកម្មវិធីសិក្ខាសាលាស្តីពីការលើកកម្ពស់ការយល់ដឹងស្តីពីវប្បធម៌សារពើពន្ធដល់វិស័យយុត្តិធម៌ កាលពីព្រឹកថ្ងៃទី១១ ខែធ្នូ ឆ្នាំ២០១៨ ឯកឧត្តម បណ្ឌិត ជូ វិជិត្ត រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាតំណាង របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី  រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងថា សិក្ខាសាលានេះ រៀបចំឡើងក្នុងទិសដៅពង្រឹងអភិបាលកិច្ចសារពើពន្ធ និងនីត្យានុកូលសារពើពន្ធ ដោយប្រមូលផ្តុំនូវបទអន្តរាគមន៍ពីថ្នាក់ដឹកនាំ និងមន្ត្រីជំនាញជាន់ខ្ពស់នៃអគ្គនាយកដ្ឋានពាក់ព័ន្ធ និងលេខាធិការដ្ឋានក្រុមប្រឹក្សានីតិកម្ម ក្រោមឱវាទក្រសួងសេដ្ឋកិច្ចនិងហិរញ្ញវត្ថុ និងពីតំណាងក្រសួងយុត្តិធម៌ និងគណៈមេធាវីនៃព្រះរាជាណាចក្រកម្ពុជាផងដែរ។ ឯកឧត្តមបណ្ឌិត ជូ វិជិត្ត បន្តថា សេដ្ឋកិច្ចកម្ពុជា ត្រូវបានចាត់បញ្ចូលជាក្រុមប្រទេស ឯកទគ្គករកំណើនមួយក្នុងចំណោមប្រទេសនានាលើពិភពលោក ដែលមានកំណើនសេដ្ឋកិច្ចខ្ពស់ និងរឹងមាំ ដោយសម្រេចបានកំណើនសេដ្ឋកិច្ចជាមធ្យមប្រមាណ៧% ក្នុង១ឆ្នាំ។ ស្ថិតនៅក្នុងបរិការណ៍នៃការកែទម្រង់ស៊ីជម្រៅរបស់រាជរដ្ឋាភិបាល ចំណូលសារពើពន្ធ ដែលរួមមានចំណូលពន្ធដារ និងពន្ធគយ បាននិងកំពុងចូលរួមអភិវឌ្ឍសេដ្ឋកិច្ចប្រទេសកម្ពុជា និងកាត់បន្ថយភាពក្រីក្រ យ៉ាងឆាប់រហ័ស។ ឯកឧត្តមរដ្ឋលេខាធិការក្រសួងសេដ្ឋកិច្ច បានឱ្យទៀតថា តាមរយៈនេះ ការធ្វើកំណែទម្រង់គោលនយោបាយសារពើពន្ធ និងរដ្ឋបាលសារពើពន្ធ គឺជាលក្ខខណ្ឌចំពោះមុខ ដើម្បីឆ្លើយតបទៅនឹងភាពជោគជ័យនៃការកែទម្រង់ស៊ីជម្រៅរបស់រាជរដ្ឋាភិបាល។ ឈរលើមូលដ្ឋាននេះ ការធ្វើកំណែទម្រង់នេះ គឺពុំអាចជោគជ័យបានទេ ប្រសិនបើគ្មានការចូលរួមពីភាគីពាក់ព័ន្ធជាអាទិ៍…

ភ្នំពេញ៖ ជនសង្ស័យចំនួន៤នាក់ និងថ្នាំញៀនចំនួន៨កញ្ចប់ ត្រូវបានកម្លាំងនគរបាលប៉ុស្តិ៍ចោមចៅ២ ខណ្ឌពោធិ៍សែនជ័យ ក្របួចចាប់បាន ពេលដែលល្បាតប្រទះឃើញអង្គុយលក់ថ្នាំញៀនត្រង់ចំណុចដីវាល ក្នុងភូមិព្រៃល្វា សង្កាត់ចោចៅ២ ខណ្ឌពោធិ៍សែនជ័យ កាលពីវេលាម៉ោង១២និង៣០នាទីរសៀល ថ្ងៃទី១១ ខែធ្នូ ឆ្នាំ២០១៨។ ជនសង្ស័យទាំង៤នាក់មាន៖ ទី១)ឈ្មោះ អែម ភារម្យ ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅក្នុងភូមិខាងលើ ជាម្ចាស់ថ្នាំញៀន ទី២)ឈ្មោះ គង់ សុរិយា ភេទប្រុស អាយុ១៩ឆ្នាំ មុខរបរកម្មកររោងចក្រ ស្នាក់នៅ ភូមិព្រៃល្វា សង្កាត់ចោមចៅ២ ទី៣)ឈ្មោះ ឆន ដារ៉ូ ភេទប្រុស អាយុ២០ឆ្នាំ មុខរបរមិនពិតប្រាកដ មានទីលំនៅ ភូមិព្រៃស្ពឹ សង្កាត់ចោមចៅ២ ខណ្ឌពោធិសែនជ័យ និងទី៤)ឈ្មោះ រ៉េត សុវណ្ណា ភេទប្រុស អយុ២០ឆ្នាំ មុខរបរ កត់កន្ទុយលេខ មានទីលំនៅ ភូមិព្រៃស្ពឺ សង្កាត់ចោមចៅ២ ខណ្ឌពោធិ៍សែនជ័យ។ លោក សៅ…