ភ្នំពេញ ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសារទរខួបទី៧០ ទិវាសិទ្ធិមនុស្សអន្តរជាតិ១០ធ្នូ ក្រោមប្រធានបទ រួមគ្នារក្សាសន្តិភាព ដើម្បីលើកកំពស់សិទ្ធិមនុស្ស នៅ សាលមហាស្របកោះពេជ្រនៃមជ្ឈមណ្ឌលសន្តិបាតនិងពិព័ណ៍កោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ នាព្រឹកថ្ងៃទី១០ ខែធ្នូ ឆ្នាំ២០១៨ ដោយមានការចូលរួមពីសំណាក់សមាជិក សមាជិកាព្រឹទ្ធសភា-រដ្ឋសភា មន្រ្តីរាជការ កងកម្លាំងប្រដាប់អាវុធ តំណាងសហគមន៍ តំណាងអង្គការជាតិ និងអន្តរជាតិ ប្រជាពលរដ្ឋ សិស្ស និស្សិតប្រមាណជាង៣៥០០នាក់ ។ លោកឃួង ស្រេង អភិបាលរាជធានីភ្នំពេញបានឱ្យដឹងថា ៖ ពិធីអបអរសារទរខួបទី៧០ ទិវាសិទ្ធិមនុស្សអន្តរជាតិ១០ធ្នូ ក្រោមប្រធានបទ រួមគ្នារក្សាសន្តិភាព ដើម្បីលើកកំពស់សិទ្ធិមនុស្ស គឺស្របពេលដែលរាជរដ្ឋាភិបាលកម្ពុជាបាននឹងកំពុងត្រៀមរៀបចំព្រឹត្តិការណ៍ជាប្រវត្តិសាស្ត្រដ៏ធំមួយនៅក្នុងរាជធានីភ្នំពេញគឺសម្ពោធវិមានអនុស្សាវរីយ៍នយោបាយឈ្នះ ឈ្នះនិងអបអរសារទរខួបលើកទី២០នៃការបញ្ចប់សង្គ្រាមស៊ីវិលនៅកម្ពុជា ។ ក្នុងឱកាសនោះដែរ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានថ្លែងមានប្រសាសន៍ថា  ថ្ងៃនេះ ជាទិវាដ៏នក្ខត្តឫកវិសេសវិសាល និងឧត្តុងឧត្តមបំផុត…

ភ្នំពេញ៖ ​រាជរដ្ឋាភិបាលកម្ពុជាក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន បានបង្កើតអង្គជំនុំជម្រះវិសាមញ្ញក្នុងតុលាការកម្ពុជាដោយអញ្ជើញ អង្គការសហប្រជាជាតិចូលរួមដើម្បីជំនុំ ជម្រះក្តីលើអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់ ក្នុងឧក្រិដ្ឋកម្មធ្ងន់ធ្ងរបំផុតនៃរបបកម្ពុជាប្រជាធិបតេយ្យ ចំពោះការរំលោភបំពានធ្ងន់ធ្ងរលើច្បាប់ជាតិ និងច្បាប់អន្តរជាតិ ដែលបានប្រព្រឹត្តឡើងចន្លោះពីថ្ងៃទី១៧ មេសា ១៩៧៥ និងថ្ងៃទី៦ ខែមករា ១៩៧៩។ សមិទ្ធផលចុងក្រោយជាប្រវត្តិសាស្ត្រស ម្រាប់ជនរងគ្រោះនៃរបបខ្មែរក្រហម និងសម្រាប់យុត្តិធម៌អន្តរជាតិគឺនៅដថ្ងៃទី១៦ ខែវិច្ឆិកា ឆ្នាំ ២០១៨ កន្លងទៅនេះ អង្គជំនុំជម្រះសាលាដំបូងនៃសាលាក្តីខ្មែរក្រហមបានរកឃើញថាជនជាប់ចោទ នួន ជា និង ខៀវ សំផន មានពិរុទ្ធភាពចំពោះឧក្រិដ្ឋកម្មប្រឆាំងនឹងមនុស្សជាតិ ការរំលោភបំពារបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវ ឆ្នាំ១៩៤៩ និងឧក្រិដ្ឋកម្មប្រល័យពូជសាសន៍ប្រឆាំងនឹងជនជាតិវៀតណាមដែលត្រូវបានចោទប្រកាន់ និងបានសម្រេចផ្តន្ទាទោសដាក់ពន្ធនាគារអស់មួយជីវិត។ សមិទ្ធផលថ្មីនេះបានបន្ថែមលើសមិទ្ធផលជាច្រើនដែលអង្គជំនុំជម្រះវិសាមញ្ញក្នុងតុលាការកម្ពុជា បានសម្រេចនូវសមិទ្ធផលជាច្រើនក្នុងរយៈពេល ១២ ឆ្នាំមកនេះទាំងក្នុងផ្នែកយុត្តាធិការ និងក្រៅផ្នែកយុត្តាធិការ ព្រមទាំងបានបន្សល់ទុកនូវកេរដំណែល ដែលត្រូវបានចាត់ទុកជាកត្តាសំខាន់បំផុត ដែលគួរថែរក្សាទុក និងផ្តល់ទុកឱ្យមនុស្សជំនាន់ក្រោយ រួមមានការអប់រំ ការចងចាំ ក៏ដូចជាការកសាងសមត្ថភាព និងការពង្រឹងស្ថាប័ន តុលាការ និងប្រព័ន្ធយុត្តិធម៌។ …

ប្រិយមិត្តទូរទស្សនិកជនជាទីគោរព! ស្ថានីយវិទ្យុនិងទូរទស្សន៍អប្សរា នឹងធ្វើការផ្សាយផ្ទាល់ទស្សនីយភាពល្ខោនយីកេ រឿងទុំទាវ ក្រោមប្រធានបទ “ទុំទាវបីជំនាន់” ពីសាលមហោស្រពចតុមុខ ចាប់ពីម៉ោង ៥:០០ ល្ងាច នៅថ្ងៃចន្ទ ទី ១០ ខែធ្នូ ឆ្នាំ២០១៨នេះតទៅ។ សូមរង់ចាំទស្សនាដោយមេត្រី។

   សៀមរាប៖ ខ្សែភាពយន្តចល័តរឿងចិនរឿងខ្មែរដ៏ឆ្នើមត្រូវបានដាក់បញ្ចាំងជាលើកទី០៣ សម្រាប់បងប្អូនប្រជាពលរដ្ឋបានទស្សនាកំសាន្តនិងបានយល់ពីអរិយ:ធម៍ រវាងនិងគ្នាទៅវិញទៅមក ក្រោមកិច្ចសហប្រតិបត្តិការរវាងស្ថានទូតចិនប្រចាំកម្ពុជា ក្រសួងវប្បធម៍និងវិចិត្រសិល្ប: ក្រសួងព័ត៍មាន សហភាពសហព័ន្ធយុវជនកម្ពុជា និងវិទ្យុមិត្តភាពកម្ពុជាចិន ការដាក់បញ្ចាំងនេះ ធ្វើឡើងនារាត្រីថ្ងៃទី០៩ ខែធ្នូ ឆ្នាំ២០១៨នេះ ស្ថិតនៅសួនច្បារនៃមហាសណ្ឋាគារ អង្គរខេត្តសៀមរាប ដោយមានអញ្ជើញចូលរួមពីសំណាក់លោកប្រធានមន្ទីរវប្បធម៍និងវិចិត្រសិល្ប:ខេត្ត និងអាជ្ញាធរខេត្ត ព្រមទាំងបងប្អូនប្រជាពលរដ្ឋជាច្រើនចូលរួមទស្សនាផងដែរ។                      លោក ហ្វឹង ហ៊ុយ ប្រធាននាយកដ្ឋានការិល័យសិល្ប:ភាពយន្ត និងផ្សព្វផ្សាយវប្បធម៍ បានឲ្យដឹងថា កាលពីចុងឆ្នាំ២០១៦ យើងបានដំណើរការដាក់បញ្ចាំងនូវខ្សែភាពយន្តចិនខ្មែរជុំវិញបឹងទន្លេសាបជាលើកទី០១ គឺយើងលើកយករឿងល្បីៗ មកបញ្ចាំងចំនួន០២រឿង ចិនមួយរឿងនិងខ្មែរមួយរឿងដែលមានឈ្មោះថា ( រឿងចិន ក្រុមនារីខ្យល់គួច និងរឿងខ្មែរ ឪពុក យើងបានទទួលជោគជ័យដោយមានការគាំទ្រពីមហាជនយ៉ាងច្រើននៅក្នុងប្រទេសកម្ពុជា) គឺជាឈុតឆាកដ៏ទាក់ទាញ នឹងកំសត់បំផុតសម្រាប់ជីវភាពរស់នៅរបស់ខ្មែរយើង ។ លោកបានបន្តទៀតថា សម្រាប់ដំណើរការភាពយន្តចល័តចិនខ្មែរដ៏ឆ្នើមលើកទី០៣នេះ នឹងចាក់បញ្ចាំងនៅតាមបណ្តាតំបន់ ទាហាន សេដ្ឋកិច្ចពិសេស និងតំបន់ជនបទមួយចំនួននៅក្នុងខេត្តនានា ដូចជា ខេត្តសៀមរាប ស្វាយរៀង កំពង់ស្ពឺ កំពង់ចាម កំពង់សោម កោះកុង ព្រះវិហារ បាត់ដំបង…

កាលពីរសៀលថ្ងែទី០៩ ខែធ្នូ ឆ្នាំ២០១៨ ឯ,ឧ ណុប ដារ៉ា តំណាងឯ,ឧ ហ៊ុន ម៉ាណែត អគ្គមេបញ្ជារង នៃកងយោធពលខេមរភូមិន្ទ និងជាមេបញ្ជាការកងទ័ព ជើងគោក ព្រមទាំងក្រុមការងារ បានប្រគល់ជូនអំណោយជាគ្រឿង ឧបភោគ បរិភាគ និងថវិកា ដល់អ្នកមានជំងឺជាច្រើន នៅ មន្ទីរពេទ្យយោធភូមិភាគទី៥ ខេត្តបាត់ដំបង ដើម្បីចូលរួមរំលែកការលំបាកប្រជាពលរដ្ឋ ដែលមកសំម្រាកព្យាបាលនៅទីនេះ ជាពិសេស ចូលរួមរំលែកការលំបាកដល់នាយទាហានមានជំងឺ មន្រ្តីនគរបាល រួមមាន៖ អង្ករ ត្រីខ ទឹកសុីអាវ ទឹកសុទ្ធ ព្រមទាំងថវិកាមួយចំនួន ។ បន្ទាប់មក ឯកឧត្តម ណុប ដារ៉ា និងក្រុមការងារ បានប្រគល់ជូនអំណោយពីបងប្អូនដែលជាប្រជាពលរដ្ឋខ្មែររស់នៅសហរដ្ឋអាមេរិក ពលរដ្ឋអាមេរិក និង អំណោយរបស់ឯកឧត្តម ហ៊ុន ម៉ាណែត ជាគ្រឿងសំភារៈបរិក្ខាពេទ្យ និងឧបករណ៍ពេទ្យសំខាន់ៗជាច្រើនមុខ ដល់ មន្ទីរពេទ្យយោធភូមិភាគទី៥ ខេត្តបាត់ដំបង ដែលសរុបជាថវិកាប្រមាណជា១លានដុលារអាមេរិក ហើយបរិក្ខាទាំងនេះ នឹងប្រគល់បន្តទៅតាមអង្គភាពជំនាញផ្សេងៗទៀត ទុកប្រើប្រាស់តាមការគួរ ៕…