ភ្នំពេញ៖ លោក ជា ពិសី អភិបាលខណ្ឌឬស្សីកែវ បានដឹកនាំមន្ត្រីពាក់ព័ន្ធផ្សេងៗទៀត នាំយកនូវប័ណ្ណសម្គាល់សិទ្ធិកាន់កាប់អចលនវត្ថុចំនួន២១៦ក្បាលដី ទៅចែកជូនប្រជាពលរដ្ឋ បានប្រើប្រាស់តាមតម្រូវការស្របច្បាប់ បន្ទាប់ពីមន្ត្រីជុំនាញការិយាល័យរៀបចំដែនដី នគរូបនីយកម្ម សំណង់ និងសុរិយោដី ខណ្ឌឫស្សីកែវ ក្រោមការដឹកនាំដោយលោក ប៊ុន ឡុង បានបញ្ចប់ការវាស់វែងសម្រង់ឈ្មោះទិន្ន័យតាមក្បាលដី រហូតមានការបិទផ្សាយជាសាធារណៈ ជូនដំណឹងទៅប្រជាពលរដ្ឋ ឲ្យមកពិនិត្យផ្ទៀងផ្ទាត់រួចរាល់ជាស្ថាពរ ស្ដីពីការធ្វើប្រទានកម្មដីធ្លី ដែលជាសម្បត្តិនៃបញ្ជីសារពើភណ្ឌរបស់រដ្ឋ សម្រាប់បែងចែកជូនប្រជាពលរដ្ឋរស់នៅ និងអាស្រ័យផលជាក់ស្ដែង តាមប្រកាសដឹកនាំរបស់សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា។ ការចែកប័ណ្ណសម្គាល់សិទ្ធិកាន់កាប់អចលនវត្ថុជូនប្រជាពលរដ្ឋចំនួន២១៦ក្បាលដីនេះដែរ គឺបានធ្វើឡើងនៅក្នុងបរិវេណបុរី ណៃ សុវណ្ណ ស្ថិតក្នុងភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ នាថ្ងៃព្រហស្បត្តិ៍ ១៤រោច ខែកក្ដិក ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី៦ ខែធ្នូ ឆ្នាំ២០១៨នេះ។ ក្នុងពិធីនេះ លោក ជា ពិសី បានថ្លែងថា…

ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង និងជាប្រធានគណៈបញ្ជាការឯកភាពរដ្ឋបាលខេត្តបានក្រើនរំលឹកណែនាំ និងជំរុញឲ្យអាជ្ញាធរនៃរដ្ឋបាលក្រុង-ស្រុក និងមូលដ្ឋានគ្រប់ថ្នាក់ក្នុងខេត្តបាត់ដំបង ត្រូវធ្វើការផ្សព្វផ្សាយ និងចុះណែនាំផ្ទាល់ដល់ប្រពលរដ្ឋក្នុងដែនសមត្ថកិច្ចគ្រប់គ្រងរបស់ខ្លួន ឲ្យមានការប្រុងប្រយ័ត្នពីផលប៉ះពាល់ដោយគ្រោះរាំងស្ងួត ដែលអាចនឹងកើតមានឡើងនៅតាមបណ្តាមូលដ្ឋានរបស់ខ្លួន ទាំងទឹកប្រើប្រាស់ហូបចុក និងទឹកសម្រាប់ស្រោចស្រពដំណាំកសិកម្ម ជាពិសេសគឺអ្នករស់នៅតំបន់មួយចំនួនដែលធ្លាប់ធ្វើស្រែប្រាំងកន្លងមក។ ឯកឧត្តមថ្លែងបែបនេះ នៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តបាត់ដំបង កាលពីល្ងាចថ្ងៃទី០៥ ខែធ្នូនេះ ហើយនេះក៏មិនមែនលើកដំបូងដែលអាជ្ញាធរខេត្តបានធ្វើការផ្សព្វផ្សាយដល់រដ្ឋបាលក្រុង-ស្រុកក្រោមឱវាទរបស់ខ្លួនឡើយ។ ជារឿយៗ នៅគ្រប់វេទិកាដែលមានការចូលរួមពីអាជ្ញាធរមូលដ្ឋាន និងប្រជាពលរដ្ឋនៅតាមបណ្តាស្រុកនានា ឯកឧត្តមអភិបាលខេត្តបាត់ដំបងតែងតែបានណែនាំដល់អាជ្ញាធរគ្រប់ថ្នាក់ត្រូវចុះធ្វើការណែនាំ និងផ្សព្វផ្សាយពីព័ត៌មាននេះឲ្យពលរដ្ឋខ្លួនមានការប្រុងប្រយ័ត្នក្នុងការប្រើប្រាស់ទឹក ត្រូវចេះសន្សំសំចៃទឹកប្រើប្រាស់ក្នុងរដូវប្រាំង កុំខ្ជះខ្ជាយទឹក កុំធ្វើស្រែប្រាំង ដោយហួសប្រមាណពីប្រភពទឹកដែលមានក្នុងមូលដ្ឋានរបស់ខ្លួន ឬតំបន់ដែលគ្មានប្រភពទឹកក្នុងការផ្គត់ផ្គង់ពីតម្រូវការគ្រប់គ្រាន់។ កន្លងមកថ្មីៗនេះ នៅក្នុងដំណើរបេសកកម្មរបស់ឯកឧត្តម ងួន រតនៈ អភិបាលខេត្តជាមួយនឹងថ្នាក់ដឹកនាំក្រសួងធនធានទឹក និងឧតុនិយម ដើម្បីចុះស្វែងយល់រកប្រភពទឹកក្នុងការរិះរកទាញយកទឹកមកផ្គត់ផ្គង់ដល់ស្រុគាស់ក្រឡ ខេត្តបាត់ដំបង ដែលតែងរងគ្រោះធ្ងន់ ទាំងក្នុងរដូវវស្សា និងរដូវប្រាំងកន្លងមក ក្នុងនោះឯកឧត្តមក៏បានធ្វើការណែនាំដាស់តឿនដល់អាជ្ញាធរស្រុករុក្ខគីរី ឲ្យធ្វើការប្រជុំណែនាំ និងផ្សព្វផ្សាយពីផលប៉ះពាល់ដល់ប្រជាពលរដ្ឋក្នុងមូលដ្ឋានខ្លួន ឲ្យពិនិត្យពីកង្វះទឹកប្រើប្រាស់ និងពីតម្រូវការផ្គត់ផ្គង់ទាញយកប្រភពទឹកពីចំណុចអាងបាសាក់ ដើម្បីធ្វើស្រែប្រាំងរបស់បងប្អូន ដែលអាចប្រឈមពីកង្វះទឹកស្រោចស្រព។ ជាមួយគ្នានេះ ឯកឧត្តមក៏បានដាស់តឿនជំរុញឲ្យអាជ្ញាធរស្រុកគាស់ក្រឡ…

ភ្នំពេញ៖ ស្ត្រីចំណាស់ម្នាក់ ដែលគេស្គាល់ថាជាអ្នកលក់ខោអាវ ត្រូវបានគេប្រទះឃើញចងកស្លាប់ក្នុងតូបលក់ខោអាវរបស់ខ្លួន បង្កឲ្យមានការភ្ញាក់ផ្អើលយ៉ាងខ្លាំងនៅវេលាម៉ោង១២និង០០នាទីថ្ងៃទី៦ ខែវិច្ឆិកា ឆ្នាំ២០១៨ នៅក្នុងតូបលក់ខោអាវផ្សារដេប៉ូជាន់ទី១ សង្កាត់ផ្សារដេប៉ូ១ ខនណ្ឌទួលគោក។ ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ អ្នកលក់បបរម្នាក់ដែលតែងតែ មកសួរគាត់ទិញបបរដូចរាល់ដង ស្រាប់តែប្រទះឃើញស្ត្រីរូបនោះចងកស្លាប់ក្នុងតូបលក់ខោអាវរបស់គាត់តែម្តង ទើបរាយការណ៍ទៅសន្តិសុខផ្សារ។ ប្រភពដែលបន្តទៀតថា ស្ត្រីដែលធ្វើបានចងកស្លាប់នេះ ជាស្ត្រីមេម៉ាយមានឈ្មោះ ស្វាយ សុខផល អាយុជាង៦០ឆ្នាំ មុខរបរជាអ្នកលក់ខោអាវ ស្នាក់នៅផ្ទះក្នុងសង្កាត់ផ្សារដេប៉ូ១ និងមានស្រុកកំណើតនៅស្រុកគិរីវង្ស ខេត្តតាកែវ។ គាត់មានកូន២នាក់ និងចៅ៣នាក់ក្នុងបន្ទុក។ ចំណែកប្រភពពីសមត្ថកិច្ចមិនទាន់បញ្ជាក់ឲ្យច្បាស់ណាមួយថា នេះជាករណីចងកសម្លាប់ខ្លួនពិតប្រាកដមែននោះ សមត្ថកិច្ចកំពុងសធ្វើការស្រាវជ្រាវ៕

ក្រសួងសង្គមកិច្ច អតីតយុទ្ធជន និងយុវនីតិសម្បាទា ព្រឹកថ្ងៃទី៦ ខែធ្នូ ឆ្នាំ២០១៨ នេះបាន ប្រារព្ធទិវាជនមានពិការភាពកម្ពុជាលើកទី២០ និងទិវាជនមានពិការភាពអន្តរជាតិលើកទី៣៦ ក្រោមប្រធានបទ «លើកកម្ពស់សិទ្ធិជនមានពិការភាពធានាដល់ការធ្វើបរិយាប័ន្ន និងសមភាព» ក្រោមអធិបតីភាពឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រី រដ្ឋមន្ត្រីទទួលបន្ទុក ទីស្តីការគណៈរដ្ឋមន្ត្រី តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការ។ ក្នុងឱកាសនោះ ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា មាន ប្រសាសន៍ថា ឆ្នាំនេះ ទិវាជនមានពិការភាពត្រូវបានប្រារព្ធឡើង ក្នុងគោលបំណងដើម្បីអបអរសាទរចំពោះសមិទ្ធផលជាច្រើននៃវិស័យពិការភាពនៅកម្ពុជា និងបង្ហាញពីឆន្ទៈរបស់រាជរដ្ឋាភិបាលក្នុងការលើកកម្ពស់សិទ្ធិ និងការចូលរួមរបស់ជនមានពិការភាព ធានាដល់ការធ្វើបរិយាប័ន្ន ការអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការ និងផែនការយុទ្ធសាស្ត្រជាតិស្តីពីពិការភាពរបស់រាជរដ្ឋាភិបាលកម្ពុជា។ ឯកឧត្តមរដ្ឋមន្ត្រីថា ផ្អែកតាមការអង្កេតសេដ្ឋកិច្ច សង្គមកិច្ចកម្ពុជាឆ្នាំ២០១៤ បានបង្ហាញថា ប្រេវ៉ាឡង់នៃអត្រាពិការភាពមាន ៤% នៃចំនួន ប្រជារាស្ត្រកម្ពុជាសរុប ហើយចំនួនអ្នកពិការមានប្រមាណជាងកន្លះលាននាក់។ …

ក្រសួងមហាផ្ទៃនឹងពិនិត្យលើការស្នើដកបម្រាមសកម្មភាពនយោបាយរបស់ថ្នាក់ដឹកនាំអតីតគណបក្សសង្រ្គោះជាតិមួយចំនួន ដែលអនុវត្តត្រឹមត្រូវ តាមសាលដីការបស់តុលាការកំពូលឡើងវិញ នៅពេលសេចក្តីស្នើវិសោធនកម្មច្បាប់ ស្តីពីគណបក្សនយោបាយដែលរដ្ឋសភាកំពុងរៀបចំនេះ ចូលជាធរមាន។ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានថ្លែងប្រាប់ក្រុមអ្នកសារព័ត៌មានឱ្យដឹង នៅថ្ងៃទី០៦ ខែធ្នូ ឆ្នាំ២០១៨ ថា ការសិក្សាដើម្បីរៀបចំសំណើនេះ អាចធ្វើទៅបានលុះត្រាតែវិសោធនកម្មច្បាប់ចូលជាធរមានប៉ុណ្ណោះ។ ជាមួយគ្នានេះ សម្តេចបានបង្ហើបថា អ្នកដែលត្រូវពិនិត្យនេះ ទាល់តែជាអ្នកដែលគោរពតាមសាលដីការបស់តុលាការ។ សម្តេចបានមានប្រសាសន៍យ៉ាងដូច្នេះថា «ខ្ញុំយល់ថា នរណាដែលបានគោរពសាលដីកា គិតលើអ្នកគោរពសាលដីកាមុន»។ សម្តេចបានបន្តថា «បើយល់ថានរណាគោរពសាលក្រមនោះ យើងទាំងអស់គ្នាយល់ហើយ ខ្ញុំមិនចាំបាច់ឆ្លើយទេអាហ្នឹង»។ សេចក្តីស្នើច្បាប់ស្តីពីវិសោធនកម្មច្បាប់គណបក្សនយោបាយ ត្រូវបានរៀបចំដោយតំណាងរាស្ត្រចំនួន៨៧រូប ដោយកែប្រែទៅលើមាត្រា៤៥ថ្មី (ស្ទួន) នៃច្បាប់ស្តីពីគណបក្សនយោបាយ។ សេចក្តីស្នើច្បាប់នេះ ត្រូវបានរដ្ឋសភាបញ្ជូនទៅឱ្យគណៈកម្មការទី០៦ ដើម្បីសិក្សា និងត្រួតពិនិត្យ កាលពីថ្ងៃទី០៥ ខែធ្នូ ឆ្នាំ២០១៨ មុននឹងដាក់បញ្ចូលទៅក្នុងកិច្ចប្រជុំពេញអង្គរដ្ឋសភា នៅឆាប់ៗនេះ។ សេចក្តីស្នើច្បាប់ បានបន្ថែមនូវវាក្សខណ្ឌមួយថ្មី ក្នុងមាត្រា៤៥ថ្មី (ស្ទួនមួយ) ដើម្បីឱ្យនាយករដ្ឋមន្ត្រី…