កំពង់ធំៈ  អភិបាលខេត្តកំពង់ធំ បានអំពាវនាវឲ្យ ប្រជាពលរដ្ឋ ទៅចូលរួមបោះឆ្នោត ដើម្បីបំពេញកាតព្វកិច្ច ជាប្រជាពលរដ្ឋ ដោយប្រើចុងប៊ិចកំណត់វាសនាប្រទេសជាតិ ក្នុងរយះពេលឆ្នាំម្តង ក្នុងការប្រើសិទ្ធិចូលរួម បោះឆ្នោតនីតិកាលទី៦ ដើម្បីជ្រើសរើសថ្នាក់ដឹកនាំ ដើម្បីបន្តរក្សាសន្តិភាព និងការអភិវឌ្ឍន៍ ប្រសាសន៍នេះ ត្រូវបានថ្លែងនៅក្នុងពិធីសម្ពោធដាក់ឲ្យប្រើប្រាស់ជាផ្លូវការ សាលាសង្កាត់កំពង់ក្របៅ ស្ថិតក្នុងក្រុងស្ទឹងសែន ខេត្តកំពង់ធំ នារសៀលថ្ងៃទី ១៩ ខែមិថុនា ឆ្នាំ ២០១៨។    ពីធីសម្ពោធសាលាសង្កាត់កំពង់ក្របៅ ស្ថិតក្រោមអធិបតីភាព ឯកឧត្តម សុខ លូ អភិបាលខេត្តកំពង់ធំ រួមទាំងអ្នកមុខ អ្នកការ មន្រ្តីរាជការ ប្រជាពលរដ្ឋ ចូលរួមជាង៣០០នាក់  ដោយយោងតាមរបាយការណ៍ លោក ចាន់ ប៊ុន ចៅសង្កាត់កំពង់ក្របៅ បានបញ្ជាក់ថា សាលាសង្កាត់បានសាងសង់ នៅថ្ងៃទី ៣០ ខែឧសភា ឆ្នាំ ២០១៧ និងបានសាងសង់រួចជាស្ថាពរ នៅថ្ងៃទី៣០ ខែមេសា ឆ្នាំ ២០១៨ ថវិកាក្នុងការចំណាយ នៃការសាងសង់បានមកពី ក្រសួងហិរញ្ញវត្ថុ…

(កំពង់ស្ពឺ)៖ថ្លែងក្នុងពិធីសំណេះសំណាលជាមួយលោកគ្រូ អ្នកគ្រូបង្រៀន និងគ្រូពេទ្យ ទូទាំងក្រុងច្បារមន ខេត្តកំពង់ស្ពឺ ចំនួន៧៣១នាក់ នាសាលប្រជុំមន្ទីរបក្សខេត្តកំពង់ស្ពឺ ព្រឹកថ្ងៃទី១៨ ខែមិថុនា ឆ្នាំ២០១៨ ឯកឧត្តមទេសរដ្ឋមន្ត្រី ឆាយ ថន សមាជិកគណៈអចិន្ត្រៃយ៍ នៃគណៈកម្មាធិការកណ្តាល និងជាប្រធានក្រុមការងារថ្នាក់កណ្តាលចុះមូលដ្ឋានខេត្តកំពង់ស្ពឺ បានមានប្រសាសន៍ថា បទពិសោធន៍ ចំណេះដឹង និងស្នាដៃ គឺជាលក្ខណៈសម្បត្តិ៣យ៉ាង ដែលបងប្អូនអ្នកបោះឆ្នោតទាំងអស់ គួរគិតពិចារណា ដើម្បីជ្រើសរើសគណបក្ស ក៍ដូចជាមេដឹកនាំមួយរូបដ៍ល្អ សម្រាប់បន្តការដឹកនាំប្រទេសជាតិយើងដែលកំពុងតែរីកចម្រើនលូតលាស់ដូចសព្វថ្ងៃ អោយរីកចម្រើនតទៅមុខបន្ថែមទៀត ហើយបន្តធានាបានសុខសន្តិភាព គឺមានតែគណបក្សប្រជាជនកម្ពុជាតែមួយគត់ដែលមានលក្ខណៈសម្បត្តិគ្រប់គ្រាន់ មានបទពិសោធន៍ជោគជាំ ប្រឈមមុខ តស៊ូ ជម្នះដោះស្រាយបញ្ហាបានគ្រប់កាលៈទេសៈស្មុគស្មាញ និងការវិវត្តន៍ថ្មីៗ ដែលកើតមានលើសកលលោក។ ឯកឧត្តមបានមានប្រសាសន៍បន្តថា សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃព្រះរាជាណាចក្រកម្ពុជា គឺជាស្នូលនៃគណបក្សប្រជាជនកម្ពុជា និងជាអគ្គមគ្គុទ្ទេសក៍ដ៏ឆ្នើមនៃប្រជាជនកម្ពុជា ដែលបានដឹកនាំប្រទេស និងដឹកនាំគណបក្សឆ្លងកាត់ដំណាក់កាលនានាដ៏សែនលំបាកប្រកបដោយគតិបណ្ឌិត ភាពឈ្លាសវៃ និងភាពអង់អាច សម្រេចបានជោគជ័យដ៏ត្រចះត្រចង់ជូនជាតិ មាតុភូមិ និងប្រជាជន។ ដូច្នេះសូមបងប្អូនយើងទាំងអស់ អញ្ជើញទៅចូលរួមបោះឆ្នោត និងបន្តបោះឆ្នោតជូនគណបក្សប្រជាជនកម្ពុជា នៅលេខរៀងទី២០ នាថ្ងៃទី២៩ខែកក្កដា…

     សិស្សានុសិស្សលោកគ្រូអ្នកគ្រូមកពីស្រុកព្រៃឈរ និងស្រុកកំពុងសៀមខេត្តកំពង់ចាមចំនួន ៧០០ នាក់ បានធ្វើទស្សនកិច្ចសិក្សានៅសាលាក្តីខ្មែរក្រហមនៅថ្ងៃទី ១៩ ខែមិថុនា ឆ្នាំ ២០១៨ នេះ។ លោក នេត្រ ភក្ត្រា ប្រធានផ្នែកកិច្ចការសាធារណៈ និងជាមន្ត្រីនាំពាក្យនៃសាលាក្តីខ្មែរក្រហម បានថ្លែងថា ការងារផ្សព្វផ្សាយអំពីដំណើរការសាលាក្តីខ្មែរក្រហមដើម្បីឱ្យប្អូនៗសិស្សានុសិស្សបានយល់ដឹងអំពីដំណើរការជំនុំជម្រះក្តីលើអតីតមេដឹកនាំខ្មែរក្រហមដែលត្រូវបានចោទប្រកាន់ចំពោះឧក្រិដ្ឋកម្មដែលបានប្រព្រឹត្តឡើងចន្លោះពីថ្ងៃទី១៧ ខែមេសា ឆ្នាំ ១៩៧៥ ដល់ថ្អៃទី៦ ខែមករា ឆ្នាំ ១៩៧៩។ ក្រៅពីការស្វែងរកយុត្តិធម៌ជូនដល់ជនរងគ្រោះនៃរបប ខ្មែរក្រហម សាលាក្តីចម្រុះនេះក៏បានចូលរួមក្នុងការពង្រឹងការចងចាំអំពីប្រវត្តិសាស្ត្រ និងការផ្សះផ្សាជាតិ និងដឹងការពិតអំពីរបបខ្មែរក្រហមផងដែរ។ លោក នេត្រ ភក្ត្រា បានគូសបញ្ជាក់ថា ការចងចាំពិតពីរឿងរ៉ាវអតីតកាលពិតជាមានសារៈសំខាន់ក្នុងការទប់ស្កាត់ការវិលត្រឡប់មកវិញនូវឧក្រិដ្ឋកម្មឃោរឃៅដូចរបបខ្មែរក្រហម។ លោក នេត្រ ភក្ត្រា បានថ្លែងថាសាលាក្តីខ្មែរក្រហមមានតួនានទីក្នុងការស្វែងរកការពិត និងយុត្តិធម៌ជូនដល់ប្រជាជនកម្ពុជាដែលរងគ្រោះក្នុងរបបខ្មែរក្រហម ប៉ុន្តែសាលាក្តីខ្មែរក្រហមក៏ជាផ្នែកមួយនៃកន្លែងសិក្សាអប់រំអំពីប្រវត្តិសាស្ត្រនៃរបបកម្ពុជាប្រជាធិបតេយ្យដែរព្រោះថា តាមរយៈសវនាការសាធារណៈលើសំណុំរឿងនៅចំពោះមុខតុលាការ សាធារណជនអាចទទួលបានព័ត៌មានលម្អិតអំពីរបបកម្ពុជាប្រជាធិបតេយ្យ ឯកសារដែលផ្នែកកិច្ចការសាធារណៈបានបង្ហោះនៅលើគេហទំព័ររបស់ខ្លួន គឺជាឯកសារខ្លះទាក់ទងនឹងទិដ្ឋភាពច្បាប់ ខ្លះទៀតទាក់ទងនឹងសំណុំឯកសារភស្តុតាង ឬអង្គហេតុផ្សេងៗ។ លោក នេត្រ ​ភក្ត្រា បន្តថា ពេលដែលសាធារណជនមកចូលរួមស្តាប់សវនាការ និងធ្វើទស្សនកិច្ចសិក្សា ពួកគាត់ស្តាប់ការធ្វើបទបង្ហាញពីភាគីផ្សេងៗនៅក្នុងតុលាការ ដែលនេះគឺបានពង្រឹងចំណេះដឹងរបស់គាត់មួយកម្រិត…

ការផ្ដល់ជំនួយនោះ ត្រូវបានចុះហត្ថលេខានៅព្រឹកថ្ងៃ ១៩មិថុនានេះ ក្រោមអធិបតីភាព បណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិញ្ញវត្ថុ និង លោកស្រី Gao Yan អនុរដ្ឋមន្ត្រីក្រសួងពាណិជ្ជកម្ម នៃសាធារណរដ្ឋប្រជាមានិតចិន។ ពិធីចុះហត្ថលេខានោះបានធ្វើឡើងនៅ ទីស្តីការក្រសួងសេដ្ឋកិច្ច និងហិរញ្ញវត្ថុ រាជធានីភ្នំពេញ។ ការចុះហត្ថលេខាមានចំនួន៣គឺ លិខិតប្រគល់-ទទួលនូវថវិការហិរញ្ញប្បទានឥតសំណង២លាន៥សែនដុល្លារអាមេរិក សម្រាប់ការអនុវត្តគម្រោងកាត់បន្ថយយុទ្ធភ័ណ្ឌមិនទាន់ផ្ទុះនៅប្រទេសកម្ពុជា។ ថវិការហិរញ្ញប្បទានឥតសំណងនោះ នឹងត្រូវប្រើប្រាស់សម្រាប់រួមចំណែកការងារបោស សម្អាតមីន និងយុទ្ធភណ្ឌ័មិនទាន់ផ្ទុះ សម្រាប់បម្រើវិស័យមនុស្សធម៌នៅប្រទេសកម្ពុជា ដែលនឹងត្រូវអនុវត្តន៍ដោយមជ្ឈមណ្ឌលសកម្មភាពកំចាន់មីកម្ពុជា CMAC។ ចំណែកកិច្ចព្រមព្រៀងទី១គឺ សម្រាប់រៀបចំផែនការមេស្ដីពីប្រពន្ធ័ដឹកជញ្ជូននៅកម្ពុជា។ តាមរយៈកិច្ចព្រមព្រៀងនោះ ត្រូវគេរាយការណ៍ថា អ្នកជំនាញចិន នឹងមកធ្វើការសិក្សា ដើម្បីរៀបចំផែនការមេស្ដីពីប្រពន្ធ័ដឹកជញ្ជូននៅកម្ពុជាដោយផ្ដោតជាពិសេស ទៅលើប្រពន្ធផ្លូវគោក ផ្លូវដែក ផ្លូវទឹកផ្ទៃក្នុង ការដឹកជញ្ជូនតាមសមុទ្រ អាកាសចរណ៍ស៊ីវីល និងឡូជីស្ទិក។ ចំណែកកិច្ចព្រមព្រៀងទី៣គឺសម្រាប់ការអនុវត្តគម្រោងជួសជុលព្រះមរមរាជវាំងនៅអង្គរ ខេត្តសៀមរាប ដោយភាគីចិនគ្រឹងនឹងសហការជាមួយអាជ្ញាធរជាតិអប្សរា និងក្រសួងវប្បធម៌ ដើម្បីស្ដារឡើងវិញនូវស្ថាបត្យកម្ម ការងារពាក់ពន្ធ័នឹងបុរាណវិទ្យា ការអភិរក្សចំលាក់ថ្មជាដើម។ នៅព្រឹកមិញផងដែរ លោកស្រីអនុរដ្ឋមន្ត្រីចិន Gao…