កណ្តាល ៖ ឯកឧត្តម វង្ស ប៊ុនឥន្ទវុឌ្ឍន៍ ប្រធានក្រុមការងារចុះជួយឃុំវិហារសួគ៌ បានថ្លែងថា ថ្នាក់ដឹកនាំគ្រប់លំដាប់ថ្នាក់ បានខិតខំគ្រប់ឧបសគ្គ ដើម្បីពន្លឿនការងារ និងការអភិវឌ្ឍន៍ប្រទេស ក្នុងនោះប្រជាពលរដ្ឋ សិស្ស និស្សិត គឺជាកំលាំងចលករដោយមិនអាចខ្វះបាន ក្នុងការចូលរួម ជាធ្លុងមួយ ដើម្បីជម្រុញឲ្យប្រទេសជាតិមួយនេះ មានការរីកចម្រើន ប្រកបដោយសក្តានុពលគ្រប់បែបយ៉ាង។     ឯកឧត្តម វង្ស ប៊ុនឥន្ទវុឌ្ឍន៍ មានប្រសាសន៍បែបនេះ ខណៈអញ្ជើញជួបសំណេះសំណាល ជាមួយប្រជាពលរដ្ឋចំនួន ៣ពាន់នាក់ នៅឃុំវិហារសួគ៌ ស្រុកខ្សាច់កណ្តាល ខេត្តកណ្តាល កាលពីថ្ងៃទី១៨ ខែមិថុនា ឆ្នាំ២០១៨ ។ ឯកឧត្តមបន្តថា ក្រោយពីកម្ពុជាទទួលបានសុខសន្តិភាពហើយនោះ រាជរដ្ឋាភិបាល ដែលមានគណបក្សប្រជាជនកម្ពុជាជាអ្នកដឹកនាំ បានធ្វើឲ្យប្រទេសមានការរីកចម្រើនជាបន្តបន្ទាប់ គឺបានជម្រុញគ្រប់យុទ្ធសាស្រ្ត គ្រប់នីតិវិធី ដើម្បីពន្លឿនការងារអភិវឌ្ឍន៍ មានផ្លូវខ្វាត់ខ្វែងជួយសម្រួលដល់ការធ្វើដំណើរបានកាន់តែឆាប់រហ័ស មានស្ពាន មានវត្តអារាម និងមានសាលារៀនគ្រប់មូលដ្ឋាន ដើម្បីបង្ករលក្ខណៈងាយស្រួលដល់សិស្សានុសិស្ស គឺមានគោលដៅតែមួយគត់ ពង្រីកធនធានមនុស្ស ឲ្យកាន់តែប្រសើរ រួមគ្នាជាមហាសាមគ្គីដើម្បីអភិឌ្ឍន៍ គ្រប់ផ្នែក  គ្រប់ការអភិវឌ្ឍន៍…

នៅព្រឹកថ្ងៃទី១៩មិថុនា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីប្រកាសគោរមងារវិទ្យាសាស្ត្រ និងកិត្តិយសនៃរាជបណ្ឌិត្យសភា កម្ពុជាជូនដល់មន្ត្រីជាន់ខ្ពស់រាជរដ្ឋាភិបាលកម្ពុជា ៨រូប ដែលពិធីនេះធ្វើឡើងនៅ វិមានសន្តិភាព រាជធានីភ្នំពេញ។  មន្រ្តីជាន់ខ្ពស់ទាំង៨រូប ដែលព្រះមហាក្សត្រ ប្រោសព្រះរាជទាន គោរពងារវិទ្យាសាស្ត្រ និងកិត្តិយសនៃរាជបណ្ឌិត្យសភាកម្ពុជា នាពេលនេះ រួមមាន ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, លោកបណ្ឌិត នេត បារ៉ុម , បណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ, បណ្ឌិតសភាចារ្យ ណាត ប៊ុនរឿន រដ្ឋលេខាធិការ នៃក្រសួងអប់រំ យុវជន និងកីឡា, ឯកឧត្តម កិត្តិបរិរក្សបណ្ឌិត គាត ឈន់ ប្រធានកិត្តិយស ឧត្តមក្រុមប្រឹក្សាសេដ្ឋកិច្ចជាតិ, លោកជំទាវ កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា…

ថ្ងៃអង្គារ៍ ៧កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ១៩ ខែមិថុនា ឆ្នាំ២០១៨ ម៉ោង ៨:០០នាទី នៅមុខស្ថានទូតអាមេរិក ផ្លូវ៩៦ សង្កាត់វត្តភ្នំ ខណ្ឌដូនពេញ មានអតីតបុគ្គលិកស្ថានទូតអាមេរិក ចំនួន ២៦នាក់តំណាងឲ្យ ៣២នាក់ដឹកនាំដោយ ឡុង សេងគឹមហុង មកធ្វើការតវ៉ា និងធ្វើសន្និសិទសារព័ត៌មានទាមទារចំនួន ៧ចំណុច៖១. ទាមទាររកយុត្តិធម៌២. ទាមទារប្រាក់សំណង៦ខែ៣. ប្ដូរពាក្យបណ្ដេញចេញ មកពាក្យកាត់បន្ថយបុគ្គលិក៤. ប្ដឹងសងជំងឺចិត្ត៥. សូមទូទាត់ប្រាក់ ១២% ក្នុងខែនេះ៦. ប្ដឹងពីបទរំលោភសិទ្ធិបុគ្គល៧. សូមឲ្យសមាគមន៍បុគ្គលិកមានសិទ្ធិចូលរួមដោះស្រាយ។បច្ចុប្បន្នពួកគាត់កំពុងធ្វើសន្និសិទសារព័ត៌មាននៅមុខស្ថានទូត។  

 នៅព្រឹកថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញប្រកាសគោរមងារវិទ្យាសាស្ត្រ និងកិត្តិយស នៃរាជបណ្ឌិត្យសភាកម្ពុជា ជូនដល់មន្ត្រីជាន់ខ្ពស់រាជរដ្ឋាភិបាលកម្ពុជា ៨រូប ដែលពិធីនេះ ធ្វើឡើងនៅវិមានសន្តិភាព ។    ឯ,ឧ បណ្ឌិតសភាចារ្យ សុខ ទូច ប្រធានរាជបណ្ឌិតសភាចារ្យកម្ពុជា បានឱ្យដឹងថា មន្រ្តីជាន់ខ្ពស់ទាំង៨រូប ដែលព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជ ទានគោរពងារវិទ្យាសាស្ត្រ និងកិត្តិយសនៃរាជបណ្ឌិត្យសភាកម្ពុជានេះរួមមាន៖ ឯ,ឧ អគ្គបណ្ឌិតសភាចារ្យ អូន ព័ន្ធមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, ឯ,ឧ បណ្ឌិត​ នេត​ បារ៉ុម , ឯ,ឧ បណ្ឌិតសភាចារ្យ ហ៊ាន សាហ៊ីប…

ខេត្តកំពង់ធំ៖  ហេតុការណ៍ គ្រោះថ្នាក់ចរាចរណ៍ មួយបានកើតឡើងចំនុចផ្លូវកោងអន្តរាយ ដែលចំនុចនេះ ត្រូវបានប្រជាពលរដ្ឋជាច្រើន បានរងគ្រោះថ្នាក់នៅចំនុចនេះជាបន្តបន្ទាប់ ដោយសារតែផ្លូវកោងរហូតដល់ទៅ៨០អង្សា ដោយអ្នកខ្លះបាននិយាយថា ជាចំនុចជើងកប ដែលមានទីតាំងនៅតាមបណ្តោយផ្លូវ កៅស៊ូ ឆ្ពោះទៅប្រាសាទសំបូរព្រៃគុគ ស្ថិតនៅក្នុងភូមិមហរ៍ ឃុំជ័យ ស្រុកកំពង់ស្វាយ ខេត្តកំពង់ធំ ។ជាក់ស្តែងករណីគ្រោះថ្នាក់ចរាចរណ៍នេះ បានធ្វើឲ្យក្មេងស្រី២នាក់ រងរបួសធ្ងន់ ដោយសារបានបើកបុកគ្នា ជាមួយនឹងរថយន្តដឹកដី  កាលពីវេលាម៉ោង១៣ និង៣០នាទី ថ្ងៃទី១៨ ខែមិថុនា ឆ្នាំ២០១៨ ក្នុងទិសដៅបញ្ជ្រាសើទិសគ្នា ខណៈពេលដែល ក្មេងស្រី២នាក់ ជិះម៉ូតូហុងដា C125 ពណ៌ខ្មៅ ផ្លាកលេខកំពង់ធំ1K.2272 បើបរដោយឈ្មោះ ហុន.ចាន់ធី ភេទស្រី អាយុ២០ឆ្នាំ នៅភូមិស្នួល ឃុំស្រឡៅ ស្រុកបារាយណ៍ ខេត្តកំពង់ធំ និងម្នាក់ទៀត រួមដំណើរឈ្មោះ ឡាច.គង្គា ភេទស្រី អាយុ១៨ឆ្នាំ នៅភូមិថ្នល់ ឃុំទ្រៀល ស្រុកបារាយណ៍ ខេត្តកំពង់ធំ អ្នកទាំង២របួសធ្ងន់ តែសំណាងល្អហើយ ដែលមិនប៉ះពាល់ដល់អាយុជីវិត  ដោយសារអ្នកទាំងពី២បានពាក់មួកសុវត្ថិភាព។ចំណែក…

កំពង់ធំៈ ឯកឧត្តម កៅ ផល អនុរដ្ឋលេខាធិការក្រសួងកសិកម្មរុក្ខាប្រម៉ាញ់និងនេសាទ បានចុះណែនាំពិធីដាំស្មៅធម្មជាតិធ្វើជាចំណីជ្រូក និងសត្វគោ ដែលជាចំណីបែបធម្មជាតិ ផលិតខ្លួន ឯង ដាំខ្លូនឯង ធ្វើអោយសត្វទាំងនោះឆាប់ធំធាត់ជាងការចិញ្ចឹមដោយចំណីទិញនៅទីផ្សារ ដល់ប្រជាកសិករ ដែលមានមុខរបរចិញ្ចឹមជ្រូក និងគោ កាលពីព្រឹកថ្ងៃទី ១៨ ខែមិថុនា ឆ្នាំ ២០១៨។លោកឡេក គឹមហួរ ជាកសិករចីញ្ចឹមជ្រូកនិងចិញ្ចឹមគោ បានឲ្យដឹងថា ដែលបានអនុវត្តតាមការណែនាំ របស់មន្ទីរកសិកម្ម បានចាប់យក មុខរបរចីញ្ចឹមជ្រូកអស់រយៈពេលជិតបីឆ្នាំមកហើយដោយទទួលបានផលចំណេញកាកកប ដោយការប្រើប្រាស់ចំណីបែបធម្មជាតិ និងឆាប់ធំធាត់ សម្រាប់សត្វគោស្គមៗយកមក បំប៉នត្រឹមតែរយៈពេលចាប់ពី៦៥ទៅ៨០ថ្ងៃ អាចធ្វើអោយគោធំធាត់ ដូចបំណង បច្ចុប្បន្ន រស់នៅភូមិតាម៉ី ឃុំសូយោង ស្រុកបារាយណ៏ ខេត្តកំពង់ធំ។លោក ចាន់បញ្ញាវ័ន្ត ប្រធានការិយាល័យបសុព្យាបាលនៃមន្ទីរកសិកម្មខេត្តកំពង់ធំបានឲ្យដឹងថា! មន្ត្រីជំនាញនៃការិយាល័យពសុព្យាបាលនៃមន្ទីរកសិកម្មខេត្តកំពង់ធំ បានចុះណែនាំដល់ កសិករចិញ្ចឹមសត្វគ្រប់ប្រភេទ ក្នុងនោះមានសត្វគោ ជ្រូកនិងមាន់ ដើម្បីឲ្យពួកគាត់ចេះពីរបៀបចិញ្ចឹមសត្វ  និងមានមន្រ្តីផ្នែកសុខភាពសត្វចំនួន២៤នាក់ ចុះជាប្រចាំទៅតាមបណ្តាស្រុកមួយដូចជាស្រុកស្ទោង ស្រុកសន្ទុក ក្រុងស្ទឹងសែន និងស្រុកបារាយណ៏ សត្វចតុបាទធំ សរុបមាន១៨៣៦៣៤ក្បាល ១គោ១៤៦៦០៥ ក្របី៣៦៩៨៥…

ភ្នំពេញ៖ អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង បានអញ្ជើញចុះមកសំណេះសំណាល និងប្រគល់ប័ណ្ណកម្មសិទ្ធិជូនប្រជាពលរដ្ឋ នៅបុរីឧទ្យានតាង៉ូវចំនួន២៥៩គ្រួសារ ក្រោយពីពួកគាត់រស់នៅមិនមានប័ណ្ណកម្មសិទ្ធិស្របច្បាប់ជាង៧ឆ្នាំកន្លងមកនេះ ។ ពិធីនេះធ្វើឡើងកាលពីរសៀលថ្ងៃទី១៨ មិថុនា ឆ្នាំ២០១៨ នៅក្នុងបុរីឧទ្យានតាង៉ូវ ស្ថិតក្នុងភូមិតាង៉ូវ សង្កាត់និរោធ ខណ្ឌច្បារអំពៅ ដោយមានការចូលរួមពីអភិបាលរងរាជធានី មន្ទីរពាក់ព័ន្ធ និងលោកចេង មុន្នីរ៉ា អភិបាលខណ្ឌច្បារអំពៅ រួមនិងប្រជាពលរដ្ឋជាច្រើនរយនាក់ផងដែរ ។   លោកសារិន វណ្ណា ប្រធានមន្ទីររៀបចំដែនដី សំណង់ និងសុរិយោដីរាជធានីភ្នំពេញ បានលើកឡើងថា ប្រជាពលរដ្ឋដែលត្រូវបានទទួលប័ណ្ណកម្មសិទ្ធិនាពេលនេះ មានចំនួន២៥៩គ្រួសារ ឬខ្នងផ្ទះ ដោយប្រជាពលរដ្ឋត្រូវបង់ត្រឹមតែ៨ម៉ឺនរៀលប៉ុណ្ណោះ ទទួលបានប័ណ្ណ ពេលបងប្អូនបានប័ណ្ណនេះហើយ បងប្អូនអាចយកទៅផ្ទេរកម្មសិទ្ឋតែម្តង ហើយតម្លៃនៃការផ្ទេរនេះត្រឹមតែ៦០ម៉ឺនរៀល តែកុំអោយគេរត់ការអោយ។   ឯកឧត្តម ឃួង ស្រេង បានមានប្រសាសន៍លើកឡើងថា ការចុះបញ្ជីដីធ្លីជូនប្រជាពលរដ្ឋនេះ មានផលប្រយោជន៍២យ៉ាង គឺបងប្អូនប្រជាពលរដ្ឋក៏បានផលប្រយោជន៍ច្រើន ហើយរដ្ឋក៏បានទទួលផលប្រយោជន៍ផងដែរ ពោលគឺប្រជាពលរដ្ឋមានលំនឹងពិតប្រាកដ ដោយមានផ្ទះនៅស្របច្បាប់ អាចយកទៅដាក់ធនាគារយកលុយមកប្រើប្រាស់បាន ។ ចំណែករដ្ឋវិញបានទទួលប្រាក់ពីការបង់ពន្ធអចលនទ្រព្យនេះផងដែរ  ។   ឯកឧត្តម ឃួង…

រដ្ឋបាលរាជធានីភ្នំពេញ សូមជំរាបជូនដំណឹងដល់សាធារណជនមេត្តាជ្រាបថាៈ នៅយប់ថ្ងៃទី១៨ ខែមិថុនា ឆ្នាំ២០១៨ វេលាម៉ោង ២១:០០ ដល់ម៉ោង ៥:០០ទៀបភ្លឺ ការដ្ឋានស្ពានថ្មើរជើងនាងគង្ហីង នឹងចាប់ផ្តើមស្ទូចតម្លើងគ្រោងដែកតួស្ពានជំហានទី៤ កាត់ទទឹងខាងលើមហាវិថី ព្រះមុនីរេត ទីតាំងភ្ជាប់ពីចិញ្ចើមផ្លូវសងខាង។ ដើម្បីសុវត្ថិភាព និងបង្ការក្រែងមានគ្រោះថ្នាក់ដល់អ្នកដំណើរជាយថាហេតុ ការដ្ឋាននឹងបិទចរាចរឆ្លងកាត់ក្នុងរយៈពេលខាងលើ។ អាស្រ័យហេតុនេះ សូមបងប្អូនដែលធ្វើដំណើរឆ្លងកាត់ទីតាំងការដ្ឋាននៅវេលាយប់នេះ សូមមេត្តាយោគយល់អធ្យាស្រ័យ និងពង្វាងចរាចរដោយសេចក្តីអនុគ្រោះ។