ឯកឧត្តម ប៉ុល សារឿន សមាជិកអចិន្ត្រៃគណៈកម្មាធិការកណ្តាល និងជាប្រធានក្រុមកាងារថ្នាក់ជាតិចុះជួយខេត្តព្រះសីហនុ ជួបសំណេះសំណាល ផ្សព្វផ្សាយពង្រឹងគោលនយោបាយបក្ស និងបង្ហាញសមាសភាពបេក្ខជនតំណាងរាស្ត្រមណ្ឌលខេត្តព្រះសីហនុ ជាមួយថ្នាក់ដឹកនាំគណបក្សខេត្ត ប្រធាន អនុប្រធានក្រុមការងារ ប្រធានសាខាបក្សភូមិ មេក្រុមបក្សសរុបទាំងអស់ជិត ៤.០០០នាក់ (បួនពាន់) នៅថ្ងៃសុក្រ ទី១៥ ខែមិថុនា ឆ្នាំ២០១៨ ស្ថិតក្នុងឃុំវារេញ ស្រុកព្រៃនប់ ខេត្ដព្រះសីហនុ។ឯកឧត្តម ប៉ុល សារឿន មានប្រសាសន៍ថា  នេះជាការជួបប្រជុំសំណេះសំណាលគ្នា ពង្រឹងគោលនយោបាយរបស់បក្ស លើកពីបញ្ហានានានៅតាមមូលដ្ឋានដើម្បី ឲ្យក្រុមការងារចុះជួយមូលដ្ឋាន រួមគ្នាដោះស្រាយ ជូនប្រជាពលរដ្ ឋឲ្យបានទាន់ពេលវេលា។ ឯកឧត្តម បន្តថា ហើយការជួបជុំថ្ងៃនេះ មិនមែនជាការឃោសនាទេ គឺជាការជួបសំណេះសំណាលជាមួយសមាជិក សមាជិកា ក្រុមការងារបក្ស និងផ្សព្វផ្សាយណែនាំពីបេក្ខភាព តំណាងរាស្ដ្រមណ្ឌលខេត្ដព្រះសីហនុប៉ុណ្ណោះ ដើម្បីពង្រឹងគោលនយោបាយបក្សស្របតាមគោលការណ៍របស់បក្សមជ្ឍិម(គ៨៥) ក្នុងការសម្រេចបានជោគជ័យលើការបោះឆ្នោតជ្រើសរើសអ្នកដឹកនាំប្រទេសបន្ដទៅទៀត។ជាមួយគ្នានេះដែរ លោក សាន់ ចំរើន មេឃុំព្រៃនប់ក៏បានលើកឡើងបញ្ជាក់ប្រាប់ថានឹង បំផុសចលនាសមាជិកបក្ស ពង្រឹងសមាជិកបក្សថ្មី ចាស់ឲ្យសាមគ្គីផ្ទៃក្នុង និងរួមគ្នាចុះតាមមូលដ្ឋានភូមិនីមួយៗ ក្នុងការផ្សព្វផ្សាយពីគោលនយោបាយរបស់គណបក្សប្រជាជនកម្ពុជា ដែលបានដឹកនាំប្រទេសមានការរីកចំរើន។ ក្នុងនោះសមាជិក សមាជិកាបក្សទាំងអស់…

 គណៈកម្មាធិការគណៈបក្សប្រជាជន ស្រុក ព្រែកប្រសព្វស្រុក ព្រែកប្រសព្វ ខេត្តក្រចេះបានប្រារព្ធពិធីសំណេះសំណាលជាមួយសមាជិក សមាជិការ គណបក្សប្រជាជនកម្ពុជា ដែលជាមន្ត្រីរាជការជុំវិញ គណៈកម្មការវត្ត ប្រជាពលរដ្ឋ ក្នុងស្រុកស្ថិតក្រោមអធិបតីភាព ឯកឧត្តម សរ ចំរុងសមាជិកគណៈកម្មាធិការគណបក្សប្រជាជនកម្ពុជា ជាប្រធានគណៈកម្មាធិការគណបក្ស ខេត្ត ក្រចេះ ឯកឧត្តមឧត្តមសេនីយ៍ បណ្ឌិត ឈួន ថាវរិន្ទ អនុប្រធានក្រុមការងារថ្នាក់កណ្តាល ចុះជួយខេត្ត ក្រចេះ អនុប្រធានក្រុមការងារថ្នាក់កណ្តាលចុះជួយ ស្រុក ព្រែកប្រសព្វ និងលោក មិត្ត ឆៃយុត្តិ ប្រធានក្រុមការងារថ្នាក់កណ្តាលចុះជួយ ស្រុកព្រែកប្រសព្វ ព្រមទាំង សមាជិក សមាជីការគណបក្សប្រជាជន ចូលរួមប្រមាណជា១២៣៤នាក់ ។បន្ទាប់ពីលោក មិត្ត ឆៃយុត្តិ លើកឡើងពីសភាពការណ៍វត្តន៍ និងជម្រុញការងារចុះជួយមូលដ្ឋានរួចមក ឯកឧត្តមបណ្ឌិត ឈួន ថាវរិន្ទបង្ហាញក្តីមោទនភាពថា មានតែគណបក្សប្រជាជនកម្ពុជាប៉ុណ្ណោះ  ដែលមានសមត្ថភាពក្នុងការការពារ សន្តិភាព ស្ថេរភាព និងការអភិវឌ្ឍ ប្រទសជាតិឱ្យរីកចម្រើន ដូច្នេះ សូមប្រជាពលរដ្ឋយើងត្រៀមខ្លួនទៅចូលរួមបោះឆ្នោតឱ្យបានគ្រប់ៗគ្នា នៅថ្ងៃទី២៩ខែកក្កដា ខាងមុខនេះ។    ឯកឧត្តមបណ្ឌិត…

គណ:បក្សប្រជាជនកម្ពុជា មូលដ្ឋានស្រុកជ័យសែន ខេត្តព្រះវិហារ បានប្រកាសបញ្ចូលសមាជិកថ្មីរបស់ខ្លួនចំនួន ៦០០នាក់ ដែលបានចាកចេញពីគណ:ផ្សេងៗ ស្ម័ក្រចិត្តចូលមករួមរស់ជាមួយមហាគ្រួសារនៃគណ:បក្សប្រជាជនកម្ពុជា  មូលដ្ឋានស្រុកជ័យសែន ខេត្តព្រះវិហារ នាព្រឹកថ្ងៃសៅរ៍ ៤កើត ខែបឋមសាត ឆ្នាំ សំរិទ្ធិស័ក ព្រះ.ស ២៥៦២ត្រូវនឹងថ្ងៃទី១៦ ខែមិថុនា ឆ្នាំ២០១៨ នៅស្នាក់ការគណ:បក្សប្រជាជនកម្ពុជា មូលដ្ឋានស្រុកជ័យសែន ខេត្តព្រះវិហារ  ដែលពិធីប្រកាសនិងប្រគល់ប័ណ្ណសមាជិកនេះ បានប្រព្រឹត្តទៅស្ថិតក្រោមអធិបតីភាព ឯ.ឧ មាស សុភា សមាជិកអចិន្ត្រៃយ៍គណ:កម្មាធិការកណ្តាលគណ:បក្សប្រជាជនកម្ពុជា នឹងជាប្រធានក្រុមការងារថ្នាក់កណ្តាលចុះជួយខេត្តព្រះវិហារ ព្រមទាំងមានការចូលរួមពីសំណាក់.ឯ.ឧ អ៊ុន ចាន់ដា សមាជិកគណ:កម្មាធិការកណ្តាលគណ:បក្សប្រជាជនកម្ពុជា នឹងជាប្រធានគណ:បក្សប្រជាជនកម្ពុជា ខេត្តព្រះវិហារផងដែរ ។ ឯ.ឧ មាស សុភា បានបញ្ជាក់ថា: ដើម្បីធានាការឃោសនាពីចំងាយ យន្តការក្រុមការងារថ្នាក់កណ្តាលគឺពិតជាមានសារ:សំខាន់ណាស់ក្នុងការងាជំរុញ និងការគាំទ្រ ក្នុងការស្វែងរកសន្លឹកឆ្នោតជូនគណបក្សប្រជាជនកម្ពុជា តាមរយ:សមាជិកបក្សចាស់ដែលមានស្រាប់ នឹងសមាជិកថ្មី ដែលទើបប្រកាសបញ្ចូលពេញសិទ្ធិនាថ្ងៃនេះ ។ ឯ.ឧ មាស សុភា បញ្ជាក់ទៀតថា.ខេត្តព្រះវិហារមានការិយាល័យបោះឆ្នោតសរុបចំនួន ៣៣២ការិយាល័យ ។ គណ:កម្មាធិការជាតិរៀបចំការបោះឆ្នោតបានកំណត់យុទ្ធនាការឃោសនាបោះឆ្នោតចំនួន២១ថ្ងៃដោយគិតចាប់ពីថ្ងៃទី៧ដល់ថ្ងៃទី២៧កក្កដាឆ្នាំ២០១៨ ដូចនេះ…

គណៈបក្សប្រជាជនកម្ពុជា មូលដ្ឋានស្រុករវៀង ខេត្តព្រះវិហារ បានប្រកាសបញ្ចូលសមាជិកថ្មីរបស់ខ្លួនចំនួន ៨៨៨នាក់ ក្នុងនោះមានស្ត្រីចំនួន ៤៧៥នាក់ ដែលបានចាកចេញពីអតីតគណៈបក្សសង្គោះជាតិ គណៈបក្សរួបរួមជាតិ និងមកពីមហាជនទូទៅ ហើយបានស្ម័ក្រចិត្តចូលមករួមរស់ជាមួយមហាគ្រួសារនៃគណៈបក្សប្រជាជនកម្ពុជា កាលពីរសៀលថ្ងៃទី១៥ ខែមិថុនា ឆ្នាំ២០១៨នេះ ដែលពិធីនេះបានប្រព្រឹត្តិទៅ ក្រោមអធិបតីភាព ឯកឧត្តម មាស សុភា សមាជិកអចិន្ត្រៃយ៍គណៈកម្មាធិការកណ្តាលគណៈបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលចុះជួយខេត្តព្រះវិហារ ព្រមទាំងមានការចូលរួមពីសំណាក់ឯកឧត្តម អ៊ុន ចាន់ដា ប្រធានគណៈបក្សប្រជាជនខេត្តព្រះវិហារ ផងដែរ ។ លោក អ៊ុង វុទ្ធី ប្រធានគណៈបក្សប្រជាជនកម្ពុជា មូលដ្ឋានស្រុក និងលោក អ៊ុ សុភឿន សមាជិកអចិន្ត្រៃយ៍គណៈបកសស្រុកបានរាយកាណ៍ថាៈ កន្លងមកគណៈបក្សប្រជាជនកម្ពុជាមូលដ្ឋានស្រុករវៀង បានទទួលបងប្អូនសមាជិកមកពីអតីតគណៈបក្សសង្គ្រោះជាតិ.គណៈបក្សរួបរួមជាតិ.និងមហាជនទូរទៅ ស្ម័ក្រចិត្តចូលជាសមាជិកក្នុងមហាគ្រួសាររបស់គណៈបក្សប្រជាជនកម្ពុជាក្នុងមូលដ្ឋានស្រុករវៀង ខេត្តព្រះវិហារចំនួនសរុប ២,៧១៥នាក់ ក្នុងនោះមានស្ត្រីចំនួន ១,៣៧១នាក់ ។ ដោយឡែកថ្ងៃនេះគណៈបក្សស្រុកបានប្រកាសបញ្ចូលជាសមាជិកពេញសិទ្ធបន្ថែមទៀតចំនួន ៨៨៨នាក់ ក្នុងនោះមានស្ត្រី ៤៧៥នាក់ ដោយបានប្រគល់នូវប័ណ្ណសំគាល់ជាសមាជិកគណៈបក្សប្រជាជនកម្ពុជាដែលចុះហត្ថលេខាដោយ សម្តចអគ្គមហាសេនាបតីតេជោ ហ៊ុន សែន ប្រធានគណៈបក្សប្រជាជនកម្ពុជា ជូនសមាជិកទាំង ៨៨៨នាក់ផងដែរ…

ឯកឧត្តម ជាប ដាវុធ សមាជិកគណកម្មាធិកាកណ្តាលគណបក្សប្រជាជនកម្ពុជា ប្រធានចលនាយុវជន និងជាអនុប្រធានគណៈពង្រឹងមូលដ្ឋានស្រុកខ្សាច់កណ្តាល បានថ្លែងលើកឡើងថា គណបក្សប្រជាជនកម្ពុជា បានជម្រុញអភិវឌ្ឍន៍នូវគ្រប់ហេដ្ឋារចនាសម័្ពន្ធ ក្នុងនោះសមិទ្ធផលនានាជាច្រើននៅទូទាំងប្រទេស ជាពិសេសនៅតាមមូលដ្ឋាន បានកំពុងកើតឡើងជាហូហែរ ពោលគឺចេញពីគណបក្សប្រជាជនកម្ពុជា ដែលមានសម្តេចតេជោហ៊ុន សែន ជាប្រមុខដឹកនាំ ។ ឯកឧត្តម បានលើកឡើងបែបនេះ នៅក្នុងពិធីជួបជុំសិស្ស និស្សិត កម្មករ អាជីវករ និងកសិករ នៅឃុំព្រះប្រសព្វ ស្រុកខ្សាច់កណ្តាល ខេត្តកណ្តាល ។ ឯកឧត្តម បន្តថា រាជរដ្ឋាភិបាលនៅក្នុងនីតិកាលទី៥ នៃរដ្ឋសភានេះ ក្រោមការដឹកនាំរបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអនុវត្តន៍កម្មវិធីគោលនយោបាយ និងយុទ្ធសាស្រ្តចតុកោណដំណាក់កាលទី៣ ដោយសម្រេចបានសមិទ្ធផលថ្មីៗជាច្រើនជូនជាតិ និងប្រជាជន ជាពិសេសការពង្រីកសន្តិភាព ស្ថេរភាពនយោបាយ សន្តិសុខសណ្តាប់ធ្នាប់សាធារណៈ រក្សាបានកាន់តែរឹងមាំ ធ្វើឲ្យប្រជាជនរស់នៅយ៉ាង សុខសាន្ត ព្រមទាំងធានានូវការអនុគ្រោះសម្រាប់ការអភិវឌ្ឍន៍សេដ្ឋកិច្ច-សង្គមជាតិផងដែរ ។ឯកឧត្តម ប្រធានក្រុមការងារ បានលើកឡើងទៀតថា ទាក់ទិននិងច្បាប់ បទបញ្ជា នីតិវិធី…

នេះយោងតាមប្រសាសន៏ ឯកឧត្តម ទិត ចន្ថា រដ្ឋលេខាធិការក្រសួងទេសចរណ៏ មានប្រសាសន៏អោយ ដឹងក្នុងកិចប្រជុំបូកសរុបលទ្ធផលការងារ របស់ក្រុមការងារពិសេស ក្នុងដំណាក់កាលចុះកំណត់ អត្តសញ្ញាណដីនៅតំបន់ដែល គម្រោងបង្កើតតំបន់ទេសចរណ៏នាគរាជដែលគ្រប់គ្រងដោយរាជរដ្ឋាភិបាលនេះ។ ឯកឧត្តម បានបញ្ជាក់ថា ដំណាក់កាលដំបូងនេះ ក្រុមការងារពិសេសចាប់ផ្តើម ចុះកំណត់អត្តសញ្ញាណ ដីនៅតំបន់នេះសិន ។ការងារនេះនឹងបញ្ចប់នៅចុងឆ្នាំ២០១៨នេះ ។បន្ទាប់មកនឹងយករបាយការណ៏នេះឆ្លងរដ្ឋាភិបាលដើម្បីសម្រេចនិងមានមតិណែនាំ។ឯកឧត្តម អោយដឹង ទៀតថា គម្រោងនេះទំនងជាអាចដំណើរកាទៅបានក្នុងរយៈពេលបីឆ្នាំទៀត។ឯកឧត្តម ទិត ចន្ថា បន្តថា៖ការបង្កើតតំបន់ទេសចរណ៏ ពិសេសឬទេសចរណ៏នាគរាជនេះគឺដើម្បីធ្វើអោយមាន ការទាក់ទាញភ្ញៀវទេសចរពីគ្រប់តំបន់ ក្នុងពីភពលោកអោយចូល កម្ពុជាបានកាន់តែច្រើនថែមទៀតជាពិសេសខេត្តព្រះសីហនុនេះតែម្តង។ យោងតាមការបញ្ជក់របស់ក្រុមការងារគ្រប់គ្រងនិងអភិវឌ្ឍន៏តំបន់ឆ្នេរបន្ទាប់ពីបានចុះចុចនិយាមការរួចរាល់អោយដឹងថា តំបន់ទេសចរណ៏នាគរាជនេះមានទំហំរហូតដល់២៣៣២ហិចតា។សូមបញ្ជាក់ថា តំបន់ដែលបានកំណត់យកធ្វើជាតំបន់ទេសចរណ៏នាគរាជនេះមានទីតាំងជាប់សមុទ្រ មួយផ្នែកនៅភូមិគគីរ ឃុំបិតត្រាំង ជាតំបន់ព្រៃគម្របឆ្នាំ២០១២និងមួយផ្នែកទៀតនៅភូមិអុងនៃឃុំរាម ជាតំបន់ព្រៃលិចទឹកជាប់មាត់សមុទ្រ ស្រុកព្រៃនប់ខេត្តព្រះសីហនុ ។បើតាមការបញ្ជាក់ថា តំបន់ទាំងនេះត្រូវបានគេធ្វើបណ្ណ័កាន់កាប់និងខ្លះកំពុងដណ្តើមគ្នាកាន់កាប់និងមានជំលោះដីធ្លីជាបន្តបន្ទាប់ទៀតផង៕ ខៀវ សាវ៉ុន

នៅព្រឹកថ្ងៃទី១៥ ខែមិថុនា ឆ្នាំ២០១៨នេះ ឯកឧត្តម គួច ចំរើន អភិបាលខេត្តកំពង់ចាម បានអំពាវនាវឲ្យប្រជាកសិករគ្រប់ក្រុមគ្រួសារដែលបានចិញ្ចឹមគោក្របីមកចាក់ថ្នាំបង្ការការពារជម្ងឺផ្សេង ដើម្បីបញ្ជៀសការផ្ទុះជម្ងឺឆ្លងរោគនៅតាមមូលដ្ឋានឲ្យបានគ្រប់ៗគ្នា ដោយឥតគិតថ្លៃសេវាអ្វីឡើយ។ ឯកឧត្តម គួច ចំរើន អភិបាលខេត្តកំពង់ចាមបានថ្លែងប្រាប់ទៅប្រជាកសិករក្នុងការចុះយុទ្ធនាការចាក់ថ្នាំការពារជម្ងឺសត្វគោក្របី នៅក្នុងឃុំហាន់ជ័យ ស្រុកកំពង់ចាម ត្រូវយកចិត្តទុកដាក់សម្រាប់សត្វចិញ្ចឹមដែលក្រុមគ្រួសារបានចិញ្ចឹមរួមមាន គោ ក្របី ត្រូវមើលថែរទាំឲ្យបានល្អប្រសើរ និងទប់ស្កាត់ការផ្ទុះជម្ងឺឆ្លងដែលបណ្តាលឲ្យបាត់បង់ថវិកា ពេលវេលាជាដើម។ ដូច្នោះ ឯកឧត្តម អភិបាលខេត្តកំពង់ចាមស្នើសូម និងអំពាវនាវផ្សព្វផ្សាយដល់ប្រជាកសិករគ្រប់រូបដែលបានចិញ្ជឹមសត្វគោក្របីត្រូវយកមកចាក់ថ្នាំការពារជម្ងឺឆ្លងដូចជា ជម្ងឺអ៊ុតក្តាម សារទឹក ឲ្យបានគ្រប់ៗគ្នា ដោយនឹងមានមន្ត្រីជំនាញចុះពិនិត្យព្យាបាលចែកជូនថ្នាំដោយឥតគិតថ្លៃឡើយ។ កន្លងមកក្នុងឆ្នាំ២០១៧ ធ្លាប់មានជម្ងឺអ៊ុតក្តាមបានផ្ទុះឡុងក្នុងឃុំកោះសំរោង បណ្តាលឲ្យសត្វគោក្របីឈឺជាបន្តបន្ទាប់ ហើយបានអាជ្ញាធរ រួមនឹងមន្ត្រីជំនាញពសុពេទ្យនសដមន្ទីរកសិកម្មរុក្ខាប្រមាញ់ និងនេសាទខេត្តកំពង់ចាម បានចុះទប់ស្កាត់ចាក់ថ្នាំការពារបានទាន់ពេលវេលា។ជាមួយគ្នានេះដែរ ប្រជាកសិករដែលរស់នៅក្នុងឃុំហាន់ជ័យ ស្រុកកំពង់សៀម បានចិញ្ជឹមសត្វគោ ក្របី បានសម្តែងភាពសប្បាយរីករាយ និងពេញចិត្តក្នុងយកចិត្តទុកដាក់ពីថ្នាក់នាំ ជាពិសេសអភិបាលខេត្តកំពង់ចាម និងមន្ត្រីជំនាញបានចុះមកចាក់ថ្នាំវ៉ាក់សាំងដល់សត្វគោក្របីទាំងអស់ដោយឥតគិតថ្លៃឡើយ។ បន្តមកទៀត ឧត្តម គួច ចំរើន អភិបាលខេត្តកំពង់ចាមបានទៅពិនិត្យមើលសាលាឆានដែលបានឆាបឆេះដោយអគ្គិភ័យ កាលវេលាម៉ោង២ទាបភ្លឺក្នុងថ្ងៃទី១១ខែមិថុនាថ្មីៗនេះ ដែលបណ្តាលឲ្យឆាបឆេះខូចខាតអស់ទាំងស្រុង ហើយឯកឧត្តមអភិបាលខេត្តបានយកបច្ច័យ១លានរៀលដល់ព្រះគ្រូចៅអធិការវត្តក្រូចសើច ហើយជាមួយគ្នាដែរ ឯកឧត្តមអភិបាលខេត្តបានចុះសំណេះសំណាលជាមួយគ្រូសិស្សមេត្តយ្យសហគមន៍…

បើតាមសេចក្តីប្រកាសព័ត៌មាន របស់ គ.ជ.ប បានឲ្យដឹងថា ដំណើរការបោះពុម្ពសន្លឹកឆ្នោតបានជាង៥០%ហើយ សន្លឹកឆ្នោតនឹងត្រូវ បញ្ចប់ត្រឹមថ្ងៃទី១០ ខែកក្កដា ឆ្នាំ២០១៨  

          នៅសណ្ឋាគារសាំងគ្រីឡា ក្នុងទីក្រុងបាងកក ព្រះរាជាណាចក្រថៃ នារាត្រីថ្ងៃទី១៥មិថុនា មុនមួយថ្ងៃនៃពិធី បើកកិច្ចប្រជុំកំពូលយុទ្ធសាស្រ្ត នៃកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី–ចៅប្រាយ៉ា–មេគង្គ (ACMECS) លើក​ទី៨ និងកិច្ចប្រជុំកំពូលកម្ពុជា–ឡាវ–មីយ៉ាន់ម៉ារ–វៀតណាម (CLMV) លើកទី៩ ឯកឧត្តមឧត្តមសេនីយ៍ ប្រាយុទ្ធ ចាន់ អូចារ នាយករដ្ឋមន្រ្តីថៃ និងជាម្ចាស់ផ្ទះកិច្ចប្រជុំកំពូល ACMECS លើកទី៨ និងលោកជំទាវ បានប្រារព្វរៀបចំពិធី​លៀងសាយភោជន៍ជាមហាកិត្តិយសដ៏ខ្ពង់ខ្ពស់បំផុត ជូនសម្តេច ឯកឧត្តម លោកជំទាវ ប្រមុខរដ្ឋ/ប្រមុខរដ្ឋាភិបាល ប្រតិភូថ្នាក់ដឹកនាំ ឧត្តមមន្រ្តីនៃប្រទេស ACMECS ផ្នែកធុរកិច្ច តំណាងដៃគូអភិវឌ្ឍ និងអង្គការហិរញ្ញវត្ថុនានា ដែល​បានអញ្ជើញចូលរួមកិច្ចប្រជុំកំពូល ACMECS លើកទី៨ និងកិច្ចប្រជុំកំពូល CLMV លើកទី៩ នៅទីក្រុងបាងកក ព្រះ រាជាណាចក្រថៃ។ នៅក្នុងពិធីលៀងសាយភោជន៍ជាមហាកិត្តិយសដ៏ខ្ពង់ខ្ពស់បំផុតនោះ ឯកឧត្តមឧត្តមសេនីយ៍ ប្រាយុទ្ធ ចាន់ អូចារ នាយករដ្ឋមន្រ្តីថៃ និងជាម្ចាស់ផ្ទះកិច្ចប្រជុំកំពូល ACMECS លើកទី៨ និងលោកជំទាវ…