(កណ្តាល) ៖ ឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា បានដឹកនាំក្រុមគ្រូពេទ្យចុះជួបសួរសុខទុក្ខ និងពិនិត្យជំងឺជូនប្រជាពលរដ្ឋតាមខ្នងផ្ទះ ក្នុងឃុំកំពង់ស្វាយ ស្រុកគៀនស្វាយ ខេត្តកណ្តាល នាថ្ងៃទី១៧ ខែមិថុនា ឆ្នាំ២០១៨នេះ ។ឯកឧត្តម ម៉ម ប៊ុននាង មានប្រសាសន៍សំណេះសំណាលដោយបានបញ្ជាក់ថា ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាកម្ពុជា យើងទាំងអស់គ្នាមានមោទនៈភាពយ៉ាងខ្លាំង ដោយប្រជាជនយើង កំពុងរីករាយនិងសុខសន្តិភាព ឯកភាពជាតិ ស្ថិរភាពនយោបាយ សន្តិសុខ សណ្តាប់ធ្នាប់សង្គមកាន់តែល្អប្រសើរ ។ រាជរដ្ឋាភិបាលចង់ឃើញភាពចាស់ទុំ និងភាពក្លាហានរបស់យុវជន មានឆន្ទៈ និងគោលដៅច្បាស់លាស់ ចូលរួម និងគាំទ្រដល់ការខិតខំរបស់រាជរដ្ឋាភិបាល ដើម្បីធានានូវសុខសន្តិភាព និងភាពសំបូររុងរឿងជូនប្រជាជនកម្ពុជាគ្រប់ជំនាន់ ។ឯកឧត្តម បានជំរុញឲ្យបងប្អូនប្រជាពលរដ្ឋទាំងអស់ ត្រូវត្រៀមឯកសារសម្រាប់ការបោះឆ្នោត ដើម្បីងាយស្រួលទៅបោះឆ្នោតជ្រើសតាំងតំណាងរាស្រ្ត នីតិកាលទី៦ នាថ្ងៃទី២៩ ខែកក្កដា ឆ្នាំ២០១៨ អោយបានគ្រប់ៗគ្នា ហើយប្រើសិទ្ធបោះឆ្នោតជូនគណបក្សណាដែលបងប្អូនស្រលាញ់ពេញចិត្តតែងតែនៅរួមសុខរួមទុក្ខ រក្សាការពារសុខសន្តិភាព និងការអភិវឌ្ឍ ធ្វើអោយប្រទេសយើងមានការីកចម្រើនដូចសព្វថ្ងៃ ។ឯកឧត្តមគណៈអធិបតី បាននាំយកថវិកាចែកជូនប្រជាពលរដ្ឋចំនួន ៤៣៤នាក់…

កម្លាំងនគរបាល បានឃាត់ខ្លួនជនជាតិស្បែកខ្មៅសរុប ១៧នាក់ សុទ្ធតែគ្មានឯកសារពាក់ព័ន្ធត្រឹមត្រូវទាំងអស់ ទាំងលិខិតឆ្លងដែន និងលិខិតអនុញ្ញាត្តិច្បាប់ការងារ  ។សូមបញ្ជាក់ថា នេះជាប្រតិបត្តិការត្រួតពិនិត្យទ្រង់ទ្រាយធំ ធ្វើឡើងក្រោមបទបញ្ជាផ្ទាល់របស់ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លើទីតាំងខុនដូរចំនួន ៣ទីតាំងធំៗ ។ ប្រតិបត្តិការពុំទាន់ត្រូវបានបញ្ចប់នៅឡើយនោះទេពោលត្រូវពិនិត្យលើជនជាតិស្បែកខ្មៅទាំងអស់ ដែលរស់នៅក្នុងខុនដូរទាំង៣ទីតាំង ។ប្រភពមន្ត្រីនគរបាល ស្និលស្នាល អោយដឹងថា ៖ ប្រតិបត្តិការនេះធ្វើឡើង បន្ទាប់ពីកម្លាំងកិញសម្ងាត់របស់សមត្ថកិច្ច បានរាយការពីការចូលមករស់នៅដោយខុសច្បាប់ នៅក្នុងខុនដូរទាំង៣ទីតាំងខាងលើ ដែលមានមេខ្យល់ធំម្នាក់ ជាជនជាតិស្បែកខ្មៅដូចគ្នា ជាអ្នកនាំគ្នីគ្នាពីប្រទេសវៀតណាម មកកម្ពុជា លួចចូលមកតាមច្រករបៀងតូចៗ តាមក្រវ៉ាត់ព្រុំដែន ៕

(ស្វាយរៀង)៖លោកជំទាវកិត្តិសង្គហបណ្ឌិត ម៉ែន សំអនរដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភានិងអធិការកិច្ចនិងជា សមាជិកគណៈអចិន្ត្រៃយ៍ គណៈកម្មារធិការកណ្តល គណបក្សប្រជាជនកម្ពុជា ជាបេក្ខជនឈរឈ្មោះអ្នកតំណាងរាស្ត្រពេញសិទ្ធិមណ្ឌលស្វាយរៀងអាណត្តិទី៦បានជម្រុញអោយប្រជាពលរដ្ឋនៅទូទាំងខេត្តស្វាយរៀងទៅចូលរួមបោះឆ្នោតនៅថ្ងៃទី២៩ កក្កដាខាងមុខនេះកុំបីខានដើម្បីបំពេញកាតព្វកិច្ចក្នុងនាមជាពលរដ្ឋល្អនិងទទួលបានសមិទ្ធផលថ្មីៗបន្ថែមទៀត។ លោកជំទាវកិត្តិសង្គហបណ្ឌិតថ្លែងបែបនេះខណៈអញ្ជើញចូលរួមបុណ្យផ្កាសាមគ្គីប្រមូលបច្ច័យសម្រាប់កសាងស្ពានឆ្លងកាត់ប្រឡាយកូនភ្លោះស្ថិតក្នុងភូមិចំបក់ថ្លឹងឃុំគោកព្រីងស្រុកស្វាយជ្រំខេត្តស្វាយរៀងនៅព្រឹកថ្ងៃទី១៦ខែមិថុនាឆ្នាំ២០១៨ដែលមានប្រជាពលរដ្ឋចូលរួមប្រមាណជាង៤០០នាក់ផងដែរ។ប្រជាពលរដ្ឋនៅក្នុងភូមិត្រពាំងថ្លឹងនេះមានការលំបាកក្នុងការធ្វើដំណើរឆ្លងកាត់ឆ្លងទៅឆ្លងមកទើបមានកាយកចិត្តទុកដាក់ពីលោកស្រីសុខវិឡាយប្រធានក្រុមការងារចុះជួយឃុំគោកព្រីងផ្តួចផ្តើមកសាងនិងធ្វើពិធីបុណ្យផ្កាដើម្បីប្រមូលបច្ច័យកសាងស្ពាននេះឡើង។ លោកជំទាវកិត្តិសង្គហបណ្ឌិត ក៏ពាំនាំនូវការផ្តាំផ្ញើរសាកសួរសុខទុកពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់អង្គពិធី ទាំងមូលផងដែរ។  លោកជំទាវកិត្តិសង្គហបណ្ឌិតក៏បានថ្លែងបន្តថា ក្នុងរយៈពេល ៣៩ឆ្នាំ ក្រោមការដឹកនាំប្រកបដោយកិត្តិបណ្ឌិតរបស់ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី បានដឹកនាំប្រទេស បានការពារប្រទេស ស្តារកសាងប្រទេសជាតិឡើងវិញពីលេខ សូន្យ មកជាប្រទេសដែលមានការអភិវឌ្ឍន៍លើគ្រប់វិស័យ  ក្រោមនយោបាយ ឈ្នះ ឈ្នះ របស់សម្តេចតេជោ បានធ្វើឲ្យអង្គការចាត់តាំងរបស់ ខ្មែក្រហម ត្រូវរលំរលាយទាំងស្រុង។ លោកជំទាវក៏បានលើកឡើងផងដែរ នូវ មនុស្ស ផ្លូវ ទឹក ភ្លើង ដែលជាកត្តាដ៏សំខាន់បំផុត ដែលត្រូវបានរាជរដ្ឋាភិបាលបាយកយកចិត្តទុកដាក់ខ្ពស់បំផុតក្នុងន័យជួយសម្រួលដល់ការអភិវឌ្ឍន៍មូលដ្ឋានតែម្ដង។ លោកជំទាវកិត្តិសង្គហបណ្ឌិតក៏បានផ្តាំផ្ញើរជូនដល់សមាជិកសមាជិការបក្សទាំងអស់ត្រូវអនុវត្តន៍ខ្លឹមសារដូចជា ១. មិនត្រូវឲ្យមានបងតូច បងធំ…

គណបក្សប្រជាជនកម្ពុជា ប្តេជ្ញាមិនរាថយ ដើម្បីកសាង និងអភិវឌ្ឍប្រទេសជាតិ ឱ្យមានការរីកចម្រើន ទាំងក្នុងវិស័យអាណាចក្រ និងពុទ្ធចក្រ តាំងពីដើមរៀងមក គណបក្សប្រជាជនកម្ពុជា បានប្តេជ្ញាយ៉ាងមុតមាំរួចហើយថា បើទោះបីយើង បាន​ចេញ​ដំណើរ ពីឆ្នាំ១៩៧៩ ដោយបាតដៃទទេ និងឆ្លងកាត់ឧបសគ្គជាច្រើន ស្ទើររាប់មិនអស់ ក្នុងការ ស្វែងរក​សុខ​សន្តិភាព ការបង្រួបបង្រួមជាតិ និងការអភិវឌ្ឍជូនប្រជាពលរដ្ឋ យ៉ាងណាក៏ដោយ ក៏យើងត្រូវតែបន្តខិតខំ​ប្រឹងប្រែង​ជម្នះរាល់ឧបសគ្គ ដោយមិនរាថយ ដើម្បីកសាង និងអភិវឌ្ឍប្រទេសជាតិឱ្យ មានការរីកចម្រើន ទាំងក្នុង​​វិស័យ​អាណាចក្រ និងពុទ្ធចក្រ រហូតមានកិត្យានុភាព លេចធ្លោនៅលើឆាក អន្តរជាតិដ៏គួរជាទី​មោទនៈ ។ នេះជាការគូសបញ្ជាក់ជាថ្មី របស់សម្តេចអគ្គមហាពញាចក្រី ហេង សំរិន ប្រធានរដ្ឋសភា ក្នុងពិធី​បុណ្យ​ឆ្លងឧបដ្ឋានសាលាថ្មី និងសមិទ្ធផលនានា ក្នុងវត្តគីរីមានជ័យ ហៅវត្តបឹងជ្រោង  ស្ថិតក្នុងឃុំជាំ ស្រុកមេមត់ ខេត្តត្បូងឃ្មុំ នាព្រឹកថ្ងៃទី១៦ មិថុនានេះ ដោយក្នុងពិធីនេះ សម្តេចប្រធានរដ្ឋសភា បានកោតសរសើរ និងវាយ​តម្លៃ​ខ្ពស់​ចំពោះគំនិតផ្តួចផ្តើម និងកិច្ចខិតខំប្រឹងប្រែងរបស់ព្រះសង្ឃគ្រប់ព្រះអង្គ ព្រះគ្រូចៅអធិការគ្រប់ជំនាន់ ពុទ្ធបរិស័ទ និងសប្បុរជនជិតឆ្ងាយ ដែលបានរួមសាមគ្គីគ្នា…