-
សម្លាប់ច្រឡំ ជាជាងលែងច្រឡំ
“សម្លាប់ច្រឡំ ជាជាងលែងច្រឡំ” ពាក្យមួយឃ្លានេះហើយដែលធ្វើឲ្យប្រជាជនខ្មែរជាច្រើននាក់បានស្លាប់បាត់បង់ជីវិត ក្នុងរបបប្រល័យពូជសាសន៍ដ៏ខ្មៅងងឹត។ ខ្មែរក្រហមមិនទុកជនដែលខ្លួនសង្ស័យឱ្យរស់បានយូរនោះទេ បើទោះបីជាពួកគេគ្មានកំហុសអ្វីក៏ដោយ។ កត្ដាទាំងនេះគឺ ដោយសារតែការមិនទុកចិត្តគ្នារៀងៗខ្លួន ពេលខ្លះសូម្បីតែក្នុងចំណោមកម្មាភិបាលក៏កើតការសង្ស័យគ្នាទៅវិញទៅមកផងដែរ ដ្បិតសកម្មភាពទាំងនោះបញ្ជាក់ឱ្យឃើញថាវាជាជំងឺភ័យខ្លាច ឬជំងឺខ្លាចស្លាប់។ សរុបមកវិញគឺ បើទោះបីជាខ្មែរក្រហមត្រូវសម្លាប់ច្រឡំអស់មនុស្ស ១០០០ នាក់ ដើម្បីតែកម្ចាត់ខ្មាំងម្នាក់ នោះក៏ពួកគេមិននឹកស្ដាយអ្វីនោះដែរ។ https://www.facebook.com/blackcrowkh/posts/183366460211650
-
អគ្គិភ័យឆាបឆេះសំរាម និងកម្ទេចឈេីក្រោមផ្ទះ ផ្អេីលដល់សមត្ថកិច្ចយករថយន្តពន្លត់អគ្គិភ័យជួយអន្តរាគមន៍បាញ់ពន្លត់
ភ្នំពេញ ៖ មានករណីអគ្គិភ័យមួយបានឆាបឆេះ គំនរសំរាម និងគំនរឈេី នៅក្រោមផ្ទះដែលបង្កឲ្យមានផ្សែងហុយឡេីងខ្មួលខ្មាញ់ ពាសពេញផ្លូវនិងបង្ករការភ្ញាក់ផ្អេីលដល់បងប្អូនប្រជាពលរដ្ឋ រស់នៅក្បែរ ព្រមទាំងសមត្ថកិច្ចមូលដ្ឋានរាយការណ៍ទៅរថយន្ត ពន្លត់អគ្គិភ័យ ចុះមកអន្តរាគម៍បាញ់ពន្លត់ទាន់ពេល ។ ហេតុការណ៍អគ្គិភ័យនេះ បានកេីតឡេីងកាលពីវេលាម៉ោង ១១ និង០០នាទីយប់ថ្ងៃទី១ ខែកុម្ភៈ ឆ្នាំ២០២១ នៅតាមបណ្ដោយផ្លូវ៣៧១ ក្រុមទី១ ភូមិក្បាលទំនប់២ ស្ថិតក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ។ ម្ចាស់ផ្ទះ ឈ្មោះ សុខ ហ៊ុយ ភេទប្រុស អាយុ ៣៤ឆ្នាំ ស្នាក់នៅ ផ្ទះលេខ១៨៧ ផ្លូវ៣៧១ ក្រុមទី១ ភូមិក្បាលទំនប់២ ស្ថិតក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ។ យោងតាមប្រភពព័ត៌មានពីកន្លែងកេីតហេតុបានឲ្យដឹងថា ទីតាំងផ្ទះខាងលេីយីហោ BT គ្រឿងសង្ហារឹម មានផ្ទុក គំនរសំរាម និង កម្ទេចឈេីជាច្រេីននៅខាងក្រោមផ្ទះ ខណៈមុនពេលកេីតហេតុនោះគេបានឃេីញផ្សែងហុយខ្មួលខ្មាញ់ ចេញពី បរិវេណក្រោមផ្ទះ ដោយពុំដឹងមូលហេតុ ភ្លាមៗនោះស្រាប់តែកេីតមានអណ្ដាតភ្លេីងឆាបឆេះឡេីង និងផ្សែងហុយខ្មួលខ្មាញ់…
-
កងទ័ពមីយ៉ាន់ម៉ា បានប្រកាសដណ្តើមអំណាចហើយ
មីយ៉ាន់ម៉ា៖ ទីភ្នាក់ងារព័ត៌មាន មៀវ ឌី ដែលជាសារព័ត៌មានកងទ័ពមីយ៉ាន់ម៉ា បានរាយការណ៍ថា៖ អគ្គមេបញ្ជាការកងទ័ពមីយ៉ាន់ម៉ា បានចូលទៅកាន់អំណាចហើយ។ ក្នុងសេចត្តីថ្លែងការណ៍បញ្ជាក់ថា៖ ការចាប់ខ្លួនបុគ្គលដែលកើតចេញពី អស្ថិរភាពខាងនយោបាយ ក្រោយពីមានភាពខុសប្រក្រតី ក្នុងការចុះបញ្ជីអ្នកមានសិទ្ធិបោះឆ្នោត ក្នុងការបោះឆ្នោតសកលកន្លងមក។ កងទ័ពប្រកាសដាក់ប្រទេសក្នុងគ្រាអាសន្នរយៈពេលមួយឆ្នាំ ហើយនឹងតែងតាំងលោកឧត្តមសេនីយ៍ឯក មិន្ទ សួយ អនុប្រធានាធិបតី ឱ្យធ្វើជាប្រធានាធិបតីជាបណ្តោះអាសន្នសិន។ លោកឩត្តមសេនីយ៍ឯក មិន្ទ សួយ គឺជាសម្ព័ន្ធមិត្រ ដ៏សំខាន់របស់លោកឩត្តមសេនីយ៍ឯក ថាន់ ស្វេ អតីតមេដឹកនាំរដ្ឋបាលយោធានៅមីយ៉ាន់ម៉ាកន្លងទៅ៕
-
លោកស្រី ស៊ូជី និងប្រធានាធិបតីមីយ៉ាន់ម៉ាត្រូវបានចាប់ខ្លួន
លោកស្រី អ៊ួងសាន ស៊ូជី មេដឹកនាំមីយ៉ាន់ម៉ា និងលោកប្រធានាធិបតី ត្រូវបានចាប់ខ្លួនដោយយោធា នាពេលព្រឹកថ្ងៃទី១ កុម្ភះ ២០២១ ខណៈមានសេចក្តីរាយការណ៍ថា រដ្ឋប្រហារមួយកំពុងដំណើរការ បន្ទាប់ពីបោះឆ្នោតហើយមានជម្លោះ។ អ្នកនាំពាក្យលោក Myo Nyunt បានប្រាប់ទីភ្នាក់ងាររ៉យទ័រតាមទូរស័ព្ទថា «លោកស្រី ស៊ូជី និងលោកប្រធានាធិបតី Win Myint និងមេដឹកនាំដទៃទៀតត្រូវបានគេនាំខ្លួនយកទៅហើយ នៅព្រឹកព្រលឹម»៕ ប្រភពពី AFP
-
លាក់ការណ៍ ជាកត្ដាជ័យជម្នះ
សម័យខ្មែរក្រហមខ្មៅងងឹត ជុំជិតគ្មានកន្លែងភ្លឺ បើចង់រស់បានសុខធ្វើតាមអង្គការ មិនចង់ដាច់កពីស្មារកុំលួចខ្ចិល។ សាវតារជាកត្តាសំខាន់ខ្លាំងណាស់ ព្រោះថាអង្គការមិនពេញចិត្តនឹងបញ្ញវន្ត រួមទាំងមន្ត្រីរដ្ឋាភិបាលមុនប៉ុន្មានទេ ដូច្នេះហើយមានតែខាំមាត់ពួនសម្ងំចាំរហូតឱកាសមកដល់តែប៉ុណ្ណោះ ដូចពាក្យចាស់លោកពោលថា “ចូលស្ទឹងតាមបទ”។ មានគោលបំណងធំ មានមិត្តពិត និងមហិច្ចតាគួរលាក់ឲ្យជិតសឹមយកសញ្ជ័យ ដោយគ្រប់យ៉ាងត្រូវការពេលវេលា ដែលនៅសម័យខ្មែរក្រហមមានតែ “លាក់ការណ៍ ជាកត្តាជ័យជម្នះ”។ https://www.facebook.com/blackcrowkh/posts/181983490349947