ភ្នំពេញ៖ នៅក្នុងពិធីប្រកាស់បិទជាផ្លូវការកម្រិតថ្នាក់ជាតិនូវយុទ្ធនាការចាក់វ៉ាក់សាំងកូវីដ-១៩ ជុំទី១ និងប្រកាសបើកយុទ្ធនាការ ចាក់វ៉ាក់សាំងបង្ការជំងឺកូវីដ១៩ ដល់កុមារអាយុ ៥ឆ្នាំ ដោយចាប់ផ្តើមនៅថ្ងៃទី១ ខែវិច្ឆិកា ឆ្នាំ២០២១ នៅវិមានសន្តិភាព សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍បញ្ជាក់ថា រាជរដ្ឋាភិបាល ឧបត្ថម្ភថវិកាចំនួន ២លានរៀល ដល់គ្រួសារសពនីមួយៗដែលស្លាប់ដោយសារកូវីដ១៩ និង ១លានរៀលទៀត សម្រាប់គណៈកម្មការបូជាសព ។ សម្តេចតេជោ ហ៊ុន សែន បានប្រកាសដែរ មកដល់ពេលនេះ មានអ្នកជម្ងឺកូវីដ-១៩ ចំនួន ១១០០នាក់ហើយ កំពុងសម្រាក ព្យាបាលក្នុងបន្ទប់សង្គ្រោះបន្ទាន់។ សម្តេច ថា បច្ចុប្បន្ននេះ អ្នកដែលបានស្លាប់ដោយសារជំងឺកូវីដ-១៩ ភាគច្រើន គឺមិនបាន ចាក់វ៉ាក់សាំងការពារជំងឺកូវីដ-១៩។ សម្តេចតេជោ ប្រមុខរាជរដ្ឋាភិបាលកម្ពុជា ក៏បានអំពាវនាវដល់បងប្អូនប្រជាពលរដ្ឋដែលមិនទាន់បានចាក់វ៉ាក់សាំងការពារជំងឺ កូវីដ-១៩ សូមអញ្ជើញទៅចាក់វ៉ាក់សាំងឲ្យបានគ្រប់ៗគ្នា នៅតាមទីតាំងនានា ដែលកំណត់ដោយអាជ្ញាធររាជធានី-ខេត្ត ទូទាំង ប្រទេស ៕

ចាប់ពីថ្ងៃទី០១ខែវិច្ឆិកាឆ្នាំ២០២១នេះតទៅជារៀងរាល់ថ្ងៃដើមសប្តាហ៍(ថ្ងៃច័ន្ទ)នៅគ្រប់ស្ថាប័នមន្ទីរអង្គនានា ក្នុងខេត្តបាត់ដំបង ត្រូវកំណត់ឲ្យមានការចាត់តាំងក្នុងការគោរពទង់ជាតិនៅម៉ាង៧ព្រឹកដើមសប្តាហ៍រៀងរាល់ថ្ងៃច័ន្ទ មុននិងចូលធ្វើការងារក្នុងអង្គភាពរៀងៗខ្លួន គ្រប់សាម៉ីអង្គភាពនីមួយៗរបស់ខ្លួនឲ្យបានទៀងទាត់ម៉ឺងម៉ាត់។