សៀមរាប៖ ដើម្បីលើកកម្ពស់សោភ័ណភាពក្រុងសៀមរាប ដែលជាទីក្រុងទេសចរណ៍វប្បធម៌ដ៏ទាក់ទាញរបស់កម្ពុជា  រាជរដ្ឋាភិបាលកម្ពុជា បានសម្រេចបញ្ចេញកញ្ចប់ថវិកាប្រមាណ ១៥០លានដុល្លារអាមេរិក ដើម្បីស្ថាបនាផ្លូវ ហេដ្ឋារចនាសម្ព័ន្ធនានា ព្រមទាំងកែលម្អស្ទឹងសៀមរាប ។ គម្រោងនេះ ត្រូវបានធ្វើឡើងនៅថ្ងៃទី៣០ ខែវិច្ឆិកា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា គម្រោងកែលម្អហេដ្ឋារចនាសម្ព័ន្ធផ្លូវ ក្នុងទីក្រុងសៀមរាប ទាំង ៣៨ខ្សែនេះ មានប្រវែង ១០៨,៧៤គីឡូម៉ែត្រ។ ការស្ថាបនានេះ គ្រោងប្រើប្រាស់ថវិកាជាតិសរុបជាង ១៤០លាន ដុល្លារអាមេរិក និងថវិកាជាង ៩លានដុល្លារអាមេរិកទៀត សម្រាប់ការងារចាំបាច់ក្នុងការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ដែលនៅក្រៅគម្រោងសាងសង់ខ្សែផ្លូវទាំង៣៨នេះ។ ក្រៅពីការសាងសង់ផ្លូវទាំង ៣៨ខ្សែ និងហេដ្ឋារចនា សម្ព័ន្ធផ្សេងៗហើយនោះ សម្តេចតេជោ ហ៊ុន សែន ក៏បានបញ្ចេញថវិកាប្រមាណ ៥លានដុល្លារ ដើម្បីកែលម្អស្ទឹងសៀមរាបប្រវែងជិត ៩គីឡូម៉ែត្រ។ ផ្លូវទាំង៣៨ ខ្សែនេះ ត្រូវបានបែងចែកជា ៤ប្រភេទ រួមមាន៖ ប្រភេទទី១៖…

លោក Wang Wentian ឯកអគ្គរដ្ឋទូតសាធារណរដ្ឋប្រជាមានិតចិន ប្រចាំ កម្ពុជា និងភរិយា បានផ្ញើសារលិខិតគោរពជូនពរ និងបាច់ផ្កាស្រស់ល្អ ១កន្ត្រក ជូន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក្នុងឱកាសថ្ងៃខួបកំណើតរបស់ សម្តេចកិត្តិព្រឹទ្ធបណ្ឌិត នៅថ្ងៃទី ១៥ធ្នូ ឆ្នាំ២០២០។ សារលិខិតនោះមានខ្លឹមសារថា « ក្នុងឱកាសដ៏មហាជ័យមង្គលចម្រើនជន្មាយុរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា យើងខ្ញុំសូមគោរពអបអរសាទរ និងជូនពរបវរមហាប្រសើរជូនដល់ សម្តេចកិត្តិព្រឹទ្ធបណ្ឌិត សូមប្រកបដោយកម្លាំងមាំមួន សុខភាពល្អបរិបូណ៌ បញ្ញាញាណវាងវៃ និងអាយុយឺនយូរ។ ស្ថិតក្រោមការដឹកនាំនិងយកចិត្តទុកដាក់បំផុតពី សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា បានចូលរួមជាកម្លាំងយ៉ាងសកម្មបំផុតក្នុងកិច្ចការមនុស្សធម៌ ផ្តល់អត្ថប្រយោជន៍ជាច្រើនអនេកជូនដល់ប្រជាជនកម្ពុជាគ្រប់រូប។ ជាពិសេស ស្ថិតក្នុងកិច្ចទប់ស្កាត់នឹងគ្រោះមហន្តរាយទឹកជំនន់ និងជំងឺកូវីដ-១៩នាឆ្នាំនេះ កាកបាទក្រហមកម្ពុជា បានរួមចំណែកយ៉ាងសកម្មបំផុត ក្នុងការចូលរួមជួយដល់ប្រជាជនដែលមានជីវភាពលំបាក និងក្រីក្រ។ ជាចុងក្រោយនេះ យើងខ្ញុំសូមជូនពរប្រទេសកម្ពុជារីកចម្រើនរុងរឿង ប្រជាជនរស់នៅដោយសុខក្សេមក្សាន្ត មិត្តភាពចិននិងកម្ពុជាឋិតថេរជាអមតៈ។ »

សៀមរាប៖ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាអនុប្រធានអចិន្ត្រៃយ៍ នៃគណៈកម្មការសាងសង់ផ្លូវក្នុងក្រុងសៀមរាបនោះ បានស្នើសុំឱ្យភាគីពាក់ព័ន្ធ រួមទាំងអ្នកទទួលភារៈសាងសង់ផ្លូវ សហការគ្នាជាធ្លុង ដើម្បីសាងសង់ផ្លូវទាំង៣៨ខ្សែ ឱ្យបានបានតាមការគ្រោងទុកទាំងគុណភាព សោភ័ណភាព និងរយៈពេលកំណត់។ សំណើរបស់ឯកឧត្តមទេសរដ្ឋមន្ត្រី បានធ្វើឡើងក្នុងពេលអញ្ជើញដឹកនាំកិច្ចប្រជុំពិភាក្សាលើការអនុវត្តន៍គម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែ និងស្ដារ កែលម្អដងស្ទឹងសៀមរាប ក្រុងសៀមរាប ខេត្តសៀមរាប ដោយមានការចូលរួមពីសំណាក់មន្ត្រីជាន់ខ្ពស់ មន្ត្រីបច្ចេកទេសក្រសួងសាធារណការ និងដឹកជញ្ជូន ក្រសួងរៀបចំដែនដី នគរូបនីកម្ម និងសំណង់ កងវិស្វកម្មក្រសួងការពារជាតិ និងអង្គភាពអនុវត្តការសាងសង់ផ្លូវទាំង ៣៨ខ្សែ ។ កិច្ចប្រជុំដែលធ្វើនៅព្រឹកថ្ងៃអាទិត្យ ទី១៣ ខែធ្នូ ឆ្នាំ២០២០ មានគោលបំណងឱ្យក្រុមការងារស្ថាបនាផ្លូវ និងក្រុមការងារត្រួតពិនិត្យលក្ខណៈបច្ចេកទេស មានកិច្ចសហប្រតិបត្តិការកាន់តែល្អប្រសើរ មានរបៀបរបបការងារតែមួយ មានស្តង់ដាបច្ចេកទេស និងសម្ភារបរិក្ខារបច្ចេកទេសរួមគ្នា សំដៅសម្រេចការងារឱ្យបានទាន់ពេលវេលា និងមានប្រសិទ្ធភាពខ្ពស់។ ឯកឧត្តមទេសរដ្ឋមន្ត្រី ស៊ុន ចាន់ថុល ជាអ្នកដែលបានសិក្សា និងស្នើដោយផ្ទាល់លើគម្រោងសាងសង់ផ្លូវទាំង៣៨ខ្សែក្នុងក្រុងសៀមរាប ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា។ ឯកឧត្តមទេសរដ្ឋមន្ត្រី ក៏ត្រូវបានសម្តេចតេជោ ចាត់តាំងឱ្យដឹកនាំអនុវត្តន៍ការងារសាងសង់នេះដោយផ្ទាល់ផងដែរ។…

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចអនុញ្ញាតឱ្យអង្គការខុមហ្វ្រែល (COMFREL) ធ្វើសវនកម្មលើបញ្ជីបោះឆ្នោត ឆ្នាំ២០២០។ ការសម្រេចធ្វើឡើងតបតាមសំណើរបស់អង្គការខុមហ្វ្រែល ចុះថ្ងៃទី៦ ខែវិច្ឆិកា ឆ្នាំ២០២០ ដែលបានស្នើដល់ គ.ជ.ប សុំបញ្ជីឈ្មោះបោះឆ្នោតដំបូង ឆ្នាំ២០២០ និងសុំកិច្ចសម្របសម្រួលជាមួយថ្នាក់ក្រោមជាតិ ដើម្បីធ្វើសវនកម្មបញ្ជីបោះឆ្នោត ឆ្នាំ២០២០។ គ.ជ.ប, កាលពីឆ្នាំមុន អង្គការខុមហ្វ្រែល បានធ្វើសវនកម្មលើបញ្ជីបោះឆ្នោត ឆ្នាំ២០១៩ ហើយបានវាយតម្លៃថា បញ្ជីបោះឆ្នោត គ.ជ.ប ឆ្នាំ២០១៩ មានភាពល្អប្រសើររហូតដល់ ៩៩.៧% ដោយបានរកឃើញឈ្មោះស្ទួន តែ ៤៤ ឈ្មោះប៉ុណ្ណោះ ហើយ គ.ជ.ប ដោះស្រាយឈ្មោះស្ទួនទាំងនោះរួចរាល់ហើយទៅតាមករណីនីមួយៗ។​ ចំពោះការធ្វើសវនកម្មលើបញ្ជីបោះឆ្នោត ឆ្នាំ២០២០ អង្គការខុមហ្វ្រែល នឹងចាប់ផ្ដើមដំណើរការនៅចន្លោះ ខែធ្នូ ឆ្នាំ២០២០ ដល់ខែមករា ឆ្នាំ២០២១។ គ.ជ.ប តែងតែសហការជាមួយគ្រប់ភាគីពាក់ព័ន្ធនឹងការបោះឆ្នោត ហើយ គឺជាការបើកទូលាយប្រកបដោយតម្លាភាព ក្នុងការវាយតម្លៃទៅលើគុណភាព និងប្រសិទ្ធភាព នៃបញ្ជីបោះឆ្នោត ដើម្បីឱ្យបញ្ជីបោះឆ្នោតឆ្នាំ២០២០ កាន់តែមានភាពពេញលេញ ត្រឹមត្រូវ និងមានបច្ចុប្បន្នភាព។…