លោកជំទាវកិត្តិសង្គហបណ្ឌិត ម៉ែន សំអន នៅយប់ថ្ងៃទី០៦ ខែវិច្ឆិកា ឆ្នាំ២០២០ បានថ្វាយសារលិខិត ថ្វាយព្រះពរ ដល់អង្គ​សម្តេចម៉ែ សម្តេចយាយ សម្តេចយាយទួត ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាស ទ្រង់បានទទួលគ្រឿងឥស្សរិយយស « មិត្តភាព នៃសាធារណរដ្ឋប្រជាមានិតចិន» ដែលជាគ្រឿងឥស្សរិយយសថ្នាក់ខ្ពស់បំផុត សម្រាប់ឥស្សរជន​ឆ្នើមបរទេស​ដែលបាន​ចូលរួមចំណែកយ៉ាងសកម្មក្នុងការធ្វើទំនើបភាវូបនីយកម្មសង្គមនិយមចិន ការជំរុញការផ្លាស់ប្តូរ កិច្ចសហប្រតិបត្តិការ​រវាងចិន និងបណ្តាប្រទេសបរទេស និងការពារសន្តិភាពពិភពលោក។ គ្រឿងឥស្សរិយយសនេះ រដ្ឋាភិបាល នៃសាធារណរដ្ឋប្រជាមានិតចិន បានសម្រេចថ្វាយ ព្រះរាជពិធីថ្វាយគ្រឿងឥស្សរិយយសជាផ្លូវការ នាវិមានមហាប្រជាជនចិន ដោយឯកឧត្តមប្រធានាធិបតី Xi JinPing  ដើម្បីជាកិច្ចថ្វាយនូវការដឹងគុណ ក្នុងការចូលរួមចំណែកដ៏ធំធេង នៃសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ចំពោះចំណងមិត្តភាព កម្ពុជា-ចិន។ ក្នុងសារលិខិត ថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត លោកជំទាវកិត្តិសង្គហបណ្ឌិត ម៉ែន សំអន បានសម្តែង នូវកត្តញ្ញូតាធម៌យ៉ាងជ្រាលជ្រៅបំផុត ចំពោះព្រះរាជគុណូបការៈរបស់ សម្តេចព្រះវររាជមាតាជាតិខ្មែរ ក្នុងព្រះរាជសកម្មភាពដ៏ឧត្តុង្គឧត្តមថ្លៃថ្លា ដើម្បីបុព្វហេតុជាតិមាតុភូមិ ហើយជានិច្ចជាកាលព្រះអង្គតែងមានព្រះព្រហ្មវិហារធម៌ ព្រះទ័យជ្រះថ្លា…

ភ្នំពេញ៖ ក្រសួងសុខាភិបាលកម្ពុជា នៅយប់ថ្ងៃទី០៦ ខែវិច្ឆិកា ឆ្នាំ២០២០ បានប្រាប់ពីពេលវេលាកំណត់​សម្រាប់ថ្នាក់ដឹកនាំ មន្ដ្រីរាជការ និងសហការី ដែលជាអ្នកប៉ៈពាល់ដោយផ្ទាល់ ឬប្រយោលជាមួយរដ្ឋមន្ត្រីការបរទេស និងពាណិជ្ជកម្មហុងគ្រី មកធ្វើតេស្ដរកមេរោគកូវីដ-១៩ លើកទី២ នៅវិមានមិត្ដភាព ទីស្ដីការគណៈរដ្ឋមន្ដ្រី។ តាមការបញ្ជាក់របស់លោកជំទាវ យក់ សម្បត្ដិ រដ្ឋលេខាធិការក្រសួងសុខាភិបាល បានឱ្យដឹងថា «ការរៀបចំតាមពេលវេលាកំណត់នេះ ដើម្បីចែករំលែកគ្នា សម្រួលដល់ការធ្វើតេស្ដ កុំឱ្យមានភាពកកកុះ​ខណៈអ្នកមក​ធ្វើតេស្ដជិត៩០០នាក់។ ដូច្នេះ សូមអញ្ជើញអ្នកដែលប៉ះពាល់ រដ្ឋមន្ដ្រីការបរទេសហុងគ្រី ដែលត្រូវធ្វើតេស្ដជាលើកទី២នេះ អនុវត្ដតាមកាលកំណត់នេះ»។

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី០៦ ខែវិច្ឆិកា ឆ្នាំ២០២០ បានផ្ញើសារអបអរសាទរថ្វាយ សម្តេចម៉ែ មុនិនាថ សីហនុ ព្រះវររាជមាតាជាតិខ្មែរ ដែលទទួលបាន គ្រឿងឥស្សរិយយស «មិត្តភាព នៃសាធារណរដ្ឋប្រជាមានិតចិន» ពីឯកឧត្តមប្រធានាធិបតី ស៊ី ជិនពីង។ ក្នុងសារលិខិតអបអរនេះ សម្តេចតេជោ ហ៊ុន សែន បានលើកឡើងថា «ទូលព្រះបង្គំជាខ្ញុំ និងភរិយា ព្រមទាំងសមាជិក សមាជិកា នៃរាជរដ្ឋាភិបាល និងប្រជាជនកម្ពុជា ទូទាំងព្រះរាជាណាចក្រកម្ពុជា សូមព្រះបរមរាជានុញ្ញាតនាំឱនកាយថ្វាយនូវសមានចិត្តរំភើបសោមនស្សរីករាយជាអតិបរមា ចំពោះហ្លួងម៉ែជាអម្ចាស់ជីវិត ក្នុងឱកាស ឯកឧត្តម XI JINPING ប្រធានាធិបតី នៃសាធារណរដ្ឋប្រជាមានិតចិន ថ្វាយគ្រឿងឥស្សរិយយស “មិត្តភាព នៃសាធារណរដ្ឋប្រជាមានិតចិន” ដែលជាគ្រឿងឥស្សរិយយសដ៏ខ្ពង់ខ្ពស់បំផុត សម្រាប់ថ្នាក់ដឹកនាំបរទេសថ្វាយសម្ដេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ដែលប្រារព្ធឡើងនៅវិមានប្រជាជន នៃសាធារណរដ្ឋប្រជាមានិតចិន នៅថ្ងៃទី០៦ ខែវិច្ឆិកា ឆ្នាំ២០២០នេះ»។ សម្តេចបានបន្តថា៖ «ក្នុងអភិសម័យប្រពៃថ្លៃថ្លាមហាប្រសើរ ឧត្តុង្គឧត្តមបរមរាជវរោកាសត្រចះត្រចង់ខ្ពង់ខ្ពស់…

រដ្ឋមន្ត្រីក្រសួងមុខងារសាធារណៈ ឯកឧត្តម ព្រុំ សុខា និងឯកអគ្គរដ្ឋទូតគុយបាលោកជំទាវ លីយូកា រូឌ្រីហ្គេស បារីយ៉ូស (Liurka Rodriguez Barrios)ឯកភាពគ្នាខិតខំរិះរកវិធីដើម្បីឱ្យមានកិច្ចសហប្រតិបត្តិការទ្វេភាគីរវាង រដ្ឋាភិបាលនិងរដ្ឋាភិបាលក្នុងវិស័យមុខងារសាធារណៈ ពិសេសផ្នែកអភិវឌ្ឍន៍ កសាងសមត្ថភាពធនធានមនុស្សជាមន្ត្រីរាជការ ការលើកឡើងយ៉ាងដូច្នេះក្នុងឱកាសឯកអគ្គរដ្ឋទូតគុយបាប្រចាំកម្ពុជា ជួបសម្តែង ការគួរសម និងពិភាក្សាការងារជាមួយរដ្ឋមន្ត្រីក្រសួងមុខងារសាធារណៈកាលពីថ្ងៃព្រហស្បតិ៍ ៥រោច ខែកត្កិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៥ ខែវិច្ឆិកា ឆ្នាំ២០២០ នៅទីស្តីការក្រសួង។ ក្នុងជំនួបនេះ ផងដែរ ទាំងឯកឧត្តមរដ្ឋមន្ត្រីក្រសួងមុខងារសាធារណៈ និងលោកជំទាវឯកអគ្គរដ្ឋទូតគុយបា បានសម្តែងនូវសេចក្តីសោមនស្សរីករាយ ចំពោះភាពល្អប្រសើរនៃចំណងការទូតរវាងប្រទេសទាំងពីរ ក្នុងរយៈពេល៦០ឆ្នាំកន្លងទៅ ដែលបានរួមចំណែកធ្វើឱ្យទំនាក់ទំនងមិត្តភាព សហប្រតិបត្តិការរវាងរដ្ឋាភិបាល និងប្រជាជនប្រទេសទាំងពីរ កម្ពុជា-គុយបា ត្រូវបានពង្រឹងពង្រីកកាន់តែល្អប្រសើរថែមទៀត៕