នៅថ្ងៃទី១៨ កញ្ញា សិង្ហបុរីរកឃើញកូវីដ១៩ រហូតដល់ទៅ ១ ០០៩ករណី ជាកំណត់ត្រាមួយខ្ពស់បំផុតសម្រាប់សិង្ហបុរីនៅក្នុងឆ្នាំនេះ។ ទោះជាយ៉ាងណា នៅសិង្ហបុរី ក្នុងរយៈពេល ២៨ថ្ងៃចុងក្រោយនេះ មានអ្នកឆ្លងប្រមាណ ៩៨% ជាករណីស្រាល ឬមិនមានរោគសញ្ញាសោះ។ គិតត្រឹមខែកញ្ញានេះ ប្រទេសនេះ មានប្រជាជន ទទួលបានវ៉ាក់សាំងទាំងពីរដូស ៨២% និងប្រមាណ ៨៤% ទទួលបានវ៉ាក់សាំងយ៉ាងតិចមួយដូស។ ប្រភព៖ CNA

អ្នកតវ៉ាប្រមាណ ២៣៥នាក់នៅទីក្រុង Melbourne និង ៣២នាក់ទៀតនៅទីក្រុង Sydney ត្រូវបានចាប់ខ្លួន ខណៈកងកម្លាំងប៉ូលិសមួយចំនួនបានរងរបួស ក្នុងហេតុការណ៍ប៉ះទង្គិចរវាងប៉ូលិសអូស្ដ្រាលីជាមួយអ្នកតវ៉ាប្រឆាំងការបិទខ្ទប់ កាលពីថ្ងៃទី១៨ កញ្ញាកន្លងទៅ។ មនុស្សប្រមាណ ៧០០នាក់ប្រមូលផ្ដុំគ្នាតាមកន្លែងជាច្រើននៅទីក្រុង Melbourne ខណៈមន្ត្រីប៉ូលិសជាង ២ពាន់នាក់បិទខ្ទប់មិនឱ្យមានការចេញចូលនៅកណ្ដាលទីក្រុង ព្រមទាំងដាក់ពង្រាយកម្លាំងតាមដងផ្លូវនានានៅក្នុងទីក្រុង Sydney។ មធ្យោបាយដឹកជញ្ជូនសាធារណៈនៅក្នុងទីក្រុងនេះ ក៏ត្រូវបានផ្អាកជាបណ្ដោះអាសន្ន។ អូស្ត្រាលីរងការយាយីដោយវីរុស Delta តាំងពីពាក់កណ្ដាលខែមិថុនាមក ដែលបណ្ដាលឱ្យទីក្រុងមួយចំនួនដូចជា Melbourne, Syney និងរដ្ឋធានី Canberra កំពុងស្ថិតក្រោមការបិទខ្ទប់ដ៏តឹងរ៉ឹងមួយ។ នៅថ្ងៃទី១៨ កញ្ញា អូស្ដ្រាលីរកឃើញមានអ្នកឆ្លងថ្មី ១ ៨៨២ករណី ដែលភាគច្រើនគឺនៅទីក្រុង Sydney។ ប្រភព៖ Reuters

📍សង្កាត់ទួលស្វាយព្រៃ ខណ្ឌបឹងកេងកង រាជធានីភ្នំពេញ ១៩ កញ្ញា ២០២១ ប្រភព៖ អនុគណៈកម្មការស្រាវជ្រាវជំងឺកូវីដ១៩

១. គ្រោះថ្នាក់ចរាចរណ៍ ៦ករណី ស្លាប់ ២នាក់ និងរបួស ១១នាក់។ ២. បទល្មើសព្រហ្មទណ្ឌ ១១ករណី ឃាត់ខ្លួនជនសង្ស័យ ១៩នាក់។ ៣. គ្រឿងញៀន ១៧ករណី ឃាត់ខ្លួនជនសង្ស័យ ៥០នាក់។ ៤. កូវីដ ៦១២ករណី និងជាសះស្បើយ ៤៦០នាក់។ អ្នកឆ្លងសរុប ១០៤ ០៩៤នាក់ អ្នកជាសះស្បើយ ៩៧ ២២៧នាក់ អ្នកស្លាប់ ២ ១០៩នាក់ ៥. បទល្មើសនឹងវិធានការសុខាភិបាលសរុប ១០៣ករណី។ ឃាត់ខ្លួនអប់រំ និងពិន័យសរុប ៣១៩នាក់ ឃាត់រថយន្ដ ៤គ្រឿង ឃាត់ម៉ូតូ ៤៤គ្រឿង ពិន័យជាប្រាក់ ១៣ ៤០០ ០០០រៀល ចេញផ្សាយ ១២:១៥ ថ្ងៃទី១៩ កញ្ញា ២០២១

រកឃើញករណីឆ្លងថ្មី ៦១២នាក់ ជាសះស្បើយ ៤៦០នាក់ ស្លាប់ ១៣នាក់ គិតត្រឹមថ្ងៃទី១៩ កញ្ញា ២០២១ ចំនួនអ្នកឆ្លងសរុប៖ ១០៤.០៩៤នាក់ ចំនួនអ្នកជាសះស្បើយ៖ ៩៧.២២៧នាក់ ចំនួនអ្នកស្លាប់សរុប៖ ២.១០៩នាក់

បន្ទាប់ពីការចាក់វ៉ាក់សាំងប្រឆាំងកូវីដ១៩ជូនមនុស្សពេញវ័យចាប់ពីអាយុ១៨ឆ្នាំឡើងឈានទៅសម្រេចតាមផែនការមុនកាលកំណត់ ឥឡូវនេះ ការចាក់វ៉ាក់សាំងដល់កុមារ និងយុវវ័យអាយុពី១២ឆ្នាំ ដល់ ១៧ឆ្នាំ ក៏ឈានទៅសម្រេចបានតាមផែនការយ៉ាងឆាប់រហ័សដែរ។ កុមារ និងយុវវ័យកម្ពុជា ជិត២លាននាក់បានទទួលការចាក់វ៉ាក់សាំងដូសទី១និងដូសទី២រួចជាស្រេច។ គិតត្រឹមពាក់កណ្ដាលខែកញ្ញា ២០២១ ប្រជាពលរដ្ឋខ្មែរ ចាប់ពីអាយុ ១២ឆ្នាំឡើងនៅទូទាំងប្រទេសចំនួនជិត១២លាននាក់បានទទួលវ៉ាក់សាំង។ កម្ពុជាជាប្រទេសឈានមុខគេក្នុងចំណោម ៣៧ប្រទេសក្នុងតំបន់អាស៊ីប៉ាស៊ីហ្វិកខាងលិចដែលបានចាក់វ៉ាក់សាំងប្រឆាំងកូវីដ១៩ជូនប្រជាពលរដ្ឋបានច្រើនជាងគេ ហើយរាជធានីភ្នំពេញ គឺជាទីក្រុងមួយក្នុងចំណោមទីក្រុងដែលបានចាក់វ៉ាក់សាំងជូនប្រជាពលរដ្ឋបានច្រើនបំផុតក្នុងពិភពលោក។ ជោគជ័យនេះស្តែងចេញពីទស្សនៈវិស័យវែងឆ្ងាយ និងការសម្រេចចិត្តត្រូវនិងទាន់ពេលវេលារបស់រាជរដ្ឋាភិបាលកម្ពុជាដឹកនាំដោយសម្តេចតេជោ ហ៊ុន សែន។ សូមទស្សនាវីដេអូ “វ៉ាក់សាំងសម្រាប់កុមារ និងយុវវ័យ គឺជា ជោគជ័យជំហានទី២របស់កម្ពុជា” https://www.facebook.com/ams1minute/videos/560795765127560/

ប្រាសាទបាណន់ ស្រុកបាណន់ ខេត្តបាត់ដំបង 🇰🇭 🇰🇭 🇰🇭 📸-គឹម បញ្ញារ័តន៍