១. គ្រោះថ្នាក់ចរាចរណ៍ ៦ករណី ស្លាប់ ៣នាក់ និងរបួសធ្ងន់ស្រាល ៩នាក់។ ២. បទល្មើសព្រហ្មទណ្ឌ ១៩ករណី ឃាត់ខ្លួនជនសង្ស័យ ២៥នាក់។ ៣. គ្រឿងញៀន ១៨ករណី ឃាត់ខ្លួនជនសង្ស័យ ២២នាក់។ ៤. កូវីដ ៦២២ករណី និងជាសះស្បើយ ៤៧៣នាក់។ អ្នកឆ្លងសរុប ១០៤ ៧១៦នាក់ អ្នកជាសះស្បើយ ៩៧ ៧០០នាក់ អ្នកស្លាប់ ២ ១២៣នាក់ ៥. បទល្មើសនឹងវិធានការសុខាភិបាលសរុប ៥៤ករណី។ ឃាត់ខ្លួនអប់រំ និងពិន័យសរុប ១៧៨នាក់ ឃាត់រថយន្ដ ៤គ្រឿង ឃាត់ម៉ូតូ ៣១គ្រឿង ពិន័យជាប្រាក់ ២ ២០០ ០០០រៀល ចេញផ្សាយ ១២:១៥ ថ្ងៃទី២០ កញ្ញា ២០២១

បច្ចុប្បន្ន Pacquiao អាយុ៤២ឆ្នាំ មានប្រជាប្រិយភាពខ្លាំងនៅហ្វីលីពីន។ ជាអតីតក្មេងក្រីក្ររស់នៅតាមចិញ្ចើមផ្លូវ Pacquiao បានចូលហាត់រៀនកីឡាប្រដាល់អាជីពនៅឆ្នាំ ១៩៩៥ មុននឹងសាងកេរ្តិ៍ឈ្មោះបន្តិចម្តងៗនៅលើឆាកអន្តរជាតិ។ Pacquiao គឺជាកីឡាករប្រដាល់តែម្នាក់គត់ ដែលបានទទួលខ្សែក្រវ៉ាត់ជើងឯកពិភពលោកកម្រិតទំងន់៨ខុសៗគ្នា។ ទ្រព្យសម្បត្តិរបស់កីឡាកររូបនេះត្រូវគេប៉ាន់ស្មានថាមានប្រមាណ ៥០០លានដុល្លារ។ Pacquiao បានសម្រេចចិត្តចូលប្រឡូកក្នុងនយោបាយនៅឆ្នាំ ២០១០ នៅក្នុងគណបក្សរបស់លោកប្រធានាធិបតី Duterte។ បន្ទាប់ពីជាប់ឆ្នោតជាសមាជិកសភា កំពូលកីឡាកររូបនេះបានជាប់ឆ្នោតជាសមាជិកព្រឹទ្ធសភាហ្វីលីពីននៅឆ្នាំ ២០១៦។ Pacquiao បានឃ្លាតឆ្ងាយបន្តិចម្តងៗពីលោក Duterte បន្ទាប់ពីខ្លួនធ្លាប់បានចេញមុខរិះគន់លោក Duterte ជាសាធារណៈច្រើនដងទាក់ទិនអំពើពុករលួយព្រមទាំងបញ្ហាសមុទ្រចិនខាងត្បូង។ Pacquiao បានអះអាងផងដែរថា បើខ្លួនឈ្នះឆ្នោត ខ្លួននឹងសាងសង់គុកមួយដ៏ធំដើម្បីចាប់អូសកមន្ត្រីពុករលួយទាំងអស់ដាក់បញ្ចូលនៅទីនោះ។ ប្រភព៖ RFI

រកឃើញករណីឆ្លងថ្មី ៦២២នាក់ ជាសះស្បើយ ៤៧៣នាក់ ស្លាប់ ១៤នាក់ គិតត្រឹមថ្ងៃទី២០ កញ្ញា ២០២១ ចំនួនអ្នកឆ្លងសរុប៖ ១០៤.៧១៦នាក់ ចំនួនអ្នកជាសះស្បើយ៖ ៩៧.៧០០នាក់ ចំនួនអ្នកស្លាប់សរុប៖ ២.១២៣នាក់

“សំណង់អគារ សួនច្បារ និងហេដ្ឋារចនាសម័្ពន្ធ តែងមានទំនាក់ទំនងនឹងចិត្តសាស្រ្តរបស់មនុស្ស។ អគារដែលល្អ ពេលមើលទៅនឹងធ្វើឲ្យមនុស្សមានអារម្មណ៍ស្រស់ថ្លា និងជួយកាត់បន្ថយអារម្មណ៍តានតឹង”។ ស្ថាបត្យករ លី រស្មី បង្ហាញការព្រួយបារម្ភថាសំណង់វិហារមួយចំនួនដែលធ្វើក្រោយសម័យខ្មែរក្រហមគឺពុំសូវមានក្បួនខ្នាតច្បាស់លាស់ដែលបង្ហាញពីភាពអស្ចារ្យដែលដូនតាបានបន្សល់ទុកនោះឡើយ។ 📸 ArchCambodia

ខេត្តបាត់ដំបង📍 📸-គឹម បញ្ញារ័តន៍

បារាំងបានកោះហៅឯកអគ្គរដ្ឋទូតរបស់ខ្លួនប្រចាំអាមេរិក និងអូស្ត្រាលី ត្រលប់មកវិញ ជាការឆ្លើយតបទៅនឹងកិច្ចព្រមព្រៀង AUKUS ដែលត្រូវបានចុះហត្ថលេខាដោយអាមេរិក អូស្ដ្រាលី និងអង់គ្លេស ដែលបារាំងចាត់ទុកថាជាការក្បត់ដោយលបចាក់ពីក្រោយខ្នង។ រដ្ឋមន្ត្រីការបរទេសបារាំងលោក Jean-Yves Le Drian បានថ្លែងថា៖ “ការបោះបង់ចោលគម្រោងនាវាមុជទឹកដែលអូស្ត្រាលី និងបារាំង ព្រមព្រៀងគ្នាតាំងពីឆ្នាំ២០១៦ និងការប្រកាសភាពជាដៃគូថ្មី គឺជាអាកប្បកិរិយាមិនអាចទទួលយកបានក្នុងចំណោមសម្ព័ន្ធមិត្ត ព្រមទាំងប៉ះពាល់ដល់សម្ព័ន្ធភាព និងភាពជាដៃគូ ក៏ដូចជាសារៈសំខាន់នៃឥណ្ឌូ-ប៉ាស៊ីហ្វិកចំពោះអឺរ៉ុប។ នេះជាការចាក់ពីក្រោយខ្នង ហើយរឿងបែបនេះមិនគួរកើតមានរវាងសម្ព័ន្ធមិត្តឡើយ។” ក្រោមកិច្ចព្រមព្រៀង AUKUS អូស្រ្តាលីនឹងអាចសាងសង់នាវាមុជទឹកដើរដោយថាមពលនុយក្លេអ៊ែរជាលើកដំបូងដោយប្រើប្រាស់បច្ចេកវិទ្យាពីអាមេរិក និងអង់គ្លេស។ ក្រុមអ្នកវិភាគយល់ឃើញថា ភាពជាដៃគូថ្មីនេះ គឺជាការប៉ុនប៉ងដើម្បីប្រឆាំងនឹងអំណាចចិននៅក្នុងតំបន់។ កិច្ចព្រមព្រៀងនេះមានគម្រោងសម្រាប់កិច្ចសហប្រតិបត្តិការផ្នែកការទូត សន្តិសុខ និងការការពារជាតិកាន់តែស៊ីជម្រៅរវាងប្រទេសទាំងបី។ ប្រភព៖ Fox News