រាជធានីភ្នំពេញ៖ ដើម្បីបង្កើនប្រសិទ្ធភាពនៅក្នុងការងារគ្រប់គ្រងនិងអភិរក្សធនធានធម្មជាតិ មន្ត្រីឧទ្យានុរក្សត្រូវបន្តហ្វឹកហាត់ បង្កើនសមត្ថភាពខ្លួនជាប្រចាំទាំងផ្នែកក្របខណ្ឌច្បាប់ និងបច្ចេកទេស ត្រូវធ្វើបច្ចុប្បន្នភាពខ្លួនឯងលើការប្រើ ប្រាស់បច្ចេកវិទ្យាព័ត៌មាន និងបន្តប្រតិបត្តិក្រមសីលធម៌វិជ្ជាជីវៈខ្ពស់ក្នុងនាមជាឆ្មាំព្រៃ។ នេះគឺជាការថ្លែងរបស់ឯកឧត្តម នេត្រ ភក្ត្រា រដ្ឋលេខាធិការនៃក្រសួងបរិស្ថានក្នុងឱកាសជួបសំណេះសំណាលនិងប្រគល់បណ្ណសរសើរ និងឧបករណ៍ដ្រូន អាយកូន សម្ភារផ្សេងទៀតជាជំនួយល្បាតដល់មន្ត្រីឧទ្យានុរក្សនៃមន្ទីរបរិស្ថានខេត្តកំពតកាលពីថ្ងៃទី២៧ ខែ សីហា ឆ្នាំ២០២១។             ថ្លែងនៅឧទ្យានជាតិព្រះមុនីវង្សបូកគោ ឯកឧត្តមរដ្ឋលេខាធិការបានមានប្រសាសន៍ថានៅតាមតំបន់ប្រឈមលើការទន្ទ្រានកាន់កាប់ដីព្រៃខុសច្បាប់ពីសំណាក់ក្រុមជនខិលខូចគឺចាំបាច់ណាស់ដែលទាមទារឱ្យមន្ត្រីឧទ្យានុរក្សទាំងអស់យកចិត្តទុកដាក់និងមានឧបករណ៍សម្ភារទំនើបដើម្បីជាជំនួយក្នុងការងារល្បាតរបស់ខ្លួន ចុះអន្តរាគមន៍ និងបង្ក្រាបបទល្មើសបានទាន់ពេលវេលា និងមានប្រសិទ្ធភាពខ្ពស់។              ឯកឧត្តមរដ្ឋលេខាធិការក្រសួងបរិស្ថានបានសម្តែងនូវការកោតសរសើរពីការលះបង់និងការប្តេជ្ញាចិត្តខ្ពស់របស់មន្ត្រីឧទ្យានុរក្សទាំងអស់ក្នុងការថែរក្សានិងការពារធនធានធម្មជាតិ សត្វព្រៃ ទីជម្រកធម្មជាតិ និងប្រព័ន្ធអេកូឡូស៊ីដែលកម្ពុជាមាន។         ជាមួយគ្នានេះឯកឧត្តម នេត្រ ភក្ត្រា បានមាន ប្រសាសន៍ថា មន្រ្តីឧទ្យានុរក្សអនុវត្តកាតព្វកិច្ចរបស់ខ្លួនជារៀងរាល់ថ្ងៃដោយមិនខ្លាចនឿយហត់ និងបានលះបង់ខ្ពស់ក្នុងបុព្វហេតុការពារនូវធនធានធម្មជាតិ សត្វព្រៃដ៏មានតម្លៃមិនអាចកាត់ថ្លៃបាន។ ទាំងនេះវាក៏បង្ហាញពីទឹកចិត្តមោះមុតដើម្បីទប់ស្កាត់និងបង្ក្រាបបទល្មើសដូចជា ការបរបាញ់សត្វព្រៃខុសច្បាប់ ការកាប់ព្រៃឈើខុសច្បាប់ និងនេសាទខុសច្បាប់ជាដើម។          ឯកឧត្តមរដ្ឋលេខាធិការបានមានប្រសាសន៍សង្កត់ធ្ងន់ថា៖«មន្រ្តីរបស់យើងត្រូវប្រឈមនឹងហានិភ័យ ស្ថានភាពលំបាក និងប្រឈមនឹងគ្រោះថ្នាក់ដោយចៃដន្យផ្សេងៗពិសេសជនល្មើសអាចបង្កគ្រោះថ្នាក់នៅពេលមន្រ្តីយើងចុះអនុវត្តច្បាប់។ ក្រៅពីនេះពួកគាត់ក៏ប្រឈមទៅនឹងកត្តាផ្សេងៗទៀតដូចជា ជំងឺ ការឆ្លងកាត់ឧបសគ្គលំបាកៗជាច្រើនក្នុងពេលបំពេញការងារដូចជាទឹកជំនន់ សត្វដែលអាចបង្កគ្រោះថ្នាក់។ល។ ជាមួយគ្នានេះឯកឧត្តមរដ្ឋលេខាក៏បានជំរុញនិងលើកទឹកចិត្តដល់មន្រ្តីឧទ្យានុរក្សមិនត្រូវរុញរាឡើយក្នុងការអនុវត្តច្បាប់ ដើម្បីការពារតំបន់ការពារធម្មជាតិឱ្យបានគង់វង្សយូរអង្វែងដល់កូនចៅយើងជំនាន់ក្រោយរបស់យើង។           ឯកឧត្តមរដ្ឋលេខាធិការ នេត្រ…

នេះជាប្រសាសន៍របស់ឯកឧត្តម ចម ប្រសិទ្ធ ទេសរដ្ឋមន្រ្តី រដ្ឋមន្ត្រី ក្រសួង ឧស្សាហកម្ម វិទ្យាសាស្ត្រ បចេ្ចកវិទ្យា និង នវានុវត្តន៍ ដែលបានលើកឡើងនៅក្នុងកិច្ចប្រជុំលើក ទី៤ …

ភ្នំពេញ៖ យោងតាម សេចក្តីប្រកាសជូនដំណឹង របស់ឯកឧត្តមហង់ជួន ណារ៉ុន រដ្ឋមន្ត្រី ក្រសួង អប់រំ យុវជន និង កីឡា ដែលបានចុះហត្ថលេខា នៅថ្ងៃទី២៧ ខែសីហា ម្សិលមិញបានឲ្យដឹងថា៖វ៉ាក់សាំង …