ភ្នំពេញៈ រដ្ឋមន្ត្រីក្រសួងការបរទេសកម្ពុជា ឯកឧត្តមឧបនាយករដ្ឋមន្ត្រី ប្រាក់ សុខុន បានបញ្ជាក់ថា “សហរដ្ឋអាមេរិក អូស្ត្រាលី រុស្ស៊ីនិងឥណ្ឌា គឺជាដៃគូដ៏សំខាន់របស់យើង ក្នុងការរួមចំណែកយ៉ាងសកម្មដល់ការអភិវឌ្ឍរបស់អាស៊ាន និងតំបន់អាស៊ីបូព៌ា”។ ការបញ្ជាក់នេះ កិច្ចប្រជុំរដ្ឋមន្រ្តីការបរទេសអាស៊ាន-អាមេរិក អាស៊ាន-អូស្រ្តាលី អាស៊ាន-ឥណ្ឌា និងកិច្ចប្រជុំរដ្ឋមន្រ្តីការបរទេសនៃកិច្ចប្រជុំកំពូលអាស៊ី-បូព៌ា លើកទី១១ តាមប្រព័ន្ធវីដេអូ នៅថ្ងៃទី៤ ខែសីហា ឆ្នាំ២០២១។ នៅក្នុងឱកាសនោះ ឯកឧត្តមឧបនាយករដ្ឋមន្ត្រី ប្រាក់ សុខុន បានថ្លែងអំណរគុណសហរដ្ឋអាមេរិកដែលបានគាំទ្រអាស៊ាន និងកម្ពុជាក្នុងការប្រយុទ្ធប្រឆាំងនឹងជំងឺកូវីដ-១៩។ ឯកឧត្តមក៏បានសម្តែងការគាំទ្រចំពោះសំណើរបស់អូស្ត្រាលីក្នុងការដំឡើងទំនាក់ទំនងដៃគូសន្ទនាអាស៊ាន-អូស្រ្តាលី ទៅភាពជាដៃគូយុទ្ធសាស្ត្រគ្រប់ជ្រុងជ្រោយ។ ខណៈឆ្នាំនេះជាខួបអនុស្សាវរីយ៍លើកទី២៥ នៃភាពជាដៃគូសន្ទនាអាស៊ាន-រុស្ស៊ី និងឆ្នាំក្រោយនឹងក្លាយជាឆ្នាំ «មិត្តភាពអាស៊ាន-ឥណ្ឌា»។ រដ្ឋមន្ត្រីការបរទេសកម្ពុជាបានបន្តថា នៅក្នុងកិច្ចប្រជុំរដ្ឋមន្រ្តីការបរទេសនៃកិច្ចប្រជុំកំពូលអាស៊ី-បូព៌ា លើកទី១១ បានពិភាក្សាអំពីបញ្ហាជាច្រើនរួមទាំងការខិតខំប្រឹងប្រែងរួមរបស់យើងក្នុងការកាត់បន្ថយផលប៉ះពាល់ និងកម្ចាត់ជំងឺកូវីដ-១៩ ឱ្យបានឆាប់បំផុត។យើងក៏បានគូសបញ្ជាក់ជាថ្មីនូវការប្តេជ្ញាចិត្តរបស់យើងដើម្បីធានាឱ្យបាននូវសន្តិភាព ស្ថិរភាព និងវិបុលភាពនៅក្នុងនិម្មាបនកម្មតំបន់ដែលកំពុងតែវិវត្តយ៉ាងឆាប់រហ័ស៕   ដោយៈពល​ជ័យ

ភ្នំពេញៈ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអនុញ្ញាតឱ្យបង្កើត “គណបក្សសំឡេងសហគមន៍កម្ពុជា”។ ប៉ុន្តែដើម្បីទទួលបានសុពលភាព និងអាចធ្វើសកម្មភាពបាន គឺត្រូវរៀបចំបែបបទ និងបំពេញលក្ខខណ្ឌស្នើសុំចុះបញ្ជីនៅក្រសួងមហាផ្ទៃ។ យោងតាមលិខិតរបស់សម្តេចក្រឡាហោម ស ខេង ចុះថ្ងៃទី៤ ខែសីហា ឆ្នាំ២០២១ បាន ជម្រាបជូបលោក សា លឹម តំណាងស្ថាបនិក គណបក្សសំឡេងសហគមន៍កម្ពុជាថា ផ្អែកតាមបញ្ញត្តិមាត្រា៩ នៃច្បាប់ស្តីពីគណបក្សនយោបាយ ក្រសួងមហាផ្ទៃសម្រេចអនុញ្ញាតឱ្យបង្កើត “គណបក្សសំឡេងសហគមន៍កម្ពុជា” ដែលសរសេរជាអក្សរកាត់ថា “គ.ស.ស.ក” ដោយមានអាសយដ្ឋាន នៃទីស្នាក់ការកណ្តាលស្ថិតនៅផ្ទះលេខ០១៥ ផ្លូវជាតិលេខ១ ភូមិព្រែកធំ២ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។ ដូច្នេះ ដើម្បីទទួលបានសុពលភាព និងអាចធ្វើសកម្មភាពបានដោយស្របច្បាប់ក្នុងឋានៈជានីតិបុគ្គល នៅក្នុងរយៈពេល១៨០ (មួយរយប៉ែតសិប) ថ្ងៃបន្ទាប់ពីបានបង្កើតរួចហើយ គណបក្សសំឡេងសហគមន៍កម្ពុជា ត្រូវរៀបចំបែបបទ និងបំពេញលក្ខខណ្ឌស្នើសុំចុះបញ្ជីនៅក្រសួងមហាផ្ទៃស្របតាមកថាខណ្ឌទី២ នៃមាត្រា៩ មាត្រា១៨ថ្មី មាត្រា១៩ថ្មី និងមាត្រា២០ នៃច្បាប់ស្តីពីគណបក្សនយោបាយ។ សូមជម្រាបថា លោក សា លឹម…

ភ្នំពេញៈនៅថ្ងៃនេះក្រសួងមហាផ្ទៃប្រកាសថាគណបក្សនយោបាយចំនួនបីត្រូវបានលុបឈ្មោះចេញពីបញ្ជីគណបក្សនយោបាយជាផ្លូវការ។នេះបើយោងតាមប្រកាសលេខ ២០១៣ប្រក ស្ដីពីការលុបឈ្មោះគណបក្សនយោបាយចំនួនបី ចេញពីបញ្ជីគណបក្សនយោបាយ នៅក្រសួងមហាផ្ទៃតាមសាលដីការ របស់តុលាការកំពូល ។ គណបក្សទាំងបីនេះមាន៖ទី១.គណបក្សសង្គមប្រជាធិបតេយ្យ,២. គណបក្សវង្កតខេមរៈមហានគរនិង៣. គណបក្សប្រជាធិបតេយ្យខ្មែរ។ជាការកត់សម្គាល់រយៈពេលមួយខែចុងក្រោយនេះមានគណបក្សនយោបាយចំនួនប្រាំមួយហើយដែលក្រសួងមហាផ្ទៃបានចេញប្រកាសលុបឈ្មោះ គណបក្សនយោបាយ ចេញពីបញ្ជីគណបក្សនយោបាយដោយសារពុំបានបំពេញកាតព្វកិច្ចរបស់ខ្លួន៕